敏華冰廳 (荃錦中心)

营业中

休息中

真係要大大聲讚佢個豬扒雙蛋飯！😍 差唔多每次嚟都係叫呢個，個豬扒煎到香噴噴，外層少少脆，入面又保持到肉汁，最緊要係佢哋啲豬扒水準真係好穩定！有啲餐廳食過一次好味，下次再去就走晒樣，但敏華完全唔會，次次都好食，最多有時細塊咗少少🤣 真係味道都係好正，食得好滿足！加埋個蔥油真係冇得頂！撈飯一流，香到呢… 每次都唔夠撈飯，好彩佢哋夠晒體貼，蔥油可以再加！呢個服務真係要畀個Like！加多幾匙撈埋啲飯同流心蛋汁，嘩，簡直係人間美食！廚房間中傳嚟一輪「叮叮叮」嘅聲，新鮮出爐菠蘿包！個個菠蘿包都脹卜卜、金黃酥脆！就算個肚已經飽到就爆，都忍唔住買咗個嚟食！真係唔會令你失望，外層酥皮脆到爆，內層麵包又鬆軟，甜度又啱啱好，配杯凍奶茶真係絕配！

今日返晏，我去咗一間連鎖嘅敏華茶餐廳，叫咗佢哋嘅早餐，真係好滿足！今次我叫咗「火腿通粉」，配上「多士」同「煎腸仔」，再加一杯熱咖啡！### 火腿通粉首先要講嘅係火腿通粉，呢碗通粉煮得非常好，粉條Q彈，吸收咗醬汁嘅味道，食落去好有口感。火腿切得薄薄件，非常鮮嫩，搭配上通粉，味道真係一流！調味方面，唔會太鹹，正好夠味！### 多士另外一片多士就係另一個驚喜。多士外脆內軟，烘得啱啱好，抹上少少牛油，味道香濃。咬落去有層次感，咁簡單嘅一片多士，真係好好味。### 煎腸仔再講講煎腸仔，煎得金黃香脆，外面微焦，內裏仍然保持住肉質鮮嫩。每一口都有肉香，唔油膩。### 熱咖啡最後，飲品方面我叫咗一杯熱咖啡。咖啡味道濃郁，香氣四溢，正正係我需要嘅提神飲品，為早餐畫上完美句號。

無諗過食快餐要寫食評，完全無影相食完覺得幾滿足，所以都分享下平日晚上經過，見呢間店唔洗排隊就入去試下QR 落單，簡單易用，設計細心，特別要求如多士需唔需要烘，要唔要牛油都有得揀點左兩份沙茶牛麵餐，$60一份，出餐好快，而且食物有質素沙茶牛肉麵: 沙茶醬好香，牛肉冧身，成碗粉熱辣辣，味道不錯煎雙蛋雙腸: 明顯係用比較大的鷄蛋，食用時還是熱的，加分腸仔唔係一般的鷄肉腸，味道唔鹹，幾好味 多士: 一塊厚身的多士，烘得剛剛好奶茶: 凍奶茶無冰的，飲到最尾都仲係咁香濃服務員服務態度良好，結賬時問及Openrice的現金券使用方法，有禮耐心回答。Openrice的現金券都幾方便喎，即買即用，咁就慳左$5。佢地既早餐時間好長，早上七點至十二點，下次去試下先

香港美食之都，敏華冰廳一直係港味美食嘅代表地標之一📍📍黯然銷魂飯🍚🍚成日聽聞敏華冰廳嘅黯然銷魂飯，終於有機會試。叉燒嘅紅亮色澤好似一團火焰，叉燒切得厚身，一啖咬落去，一口入魂。半熟嘅荷包蛋就好似點睛之筆，金黃蛋液流出，同飯、叉燒一齊拌勻，每一口香味同豐富嘅口感層次，令人黯然銷魂。雞扒冬陰功公仔面🍜🍜公仔面嘅彈性十足，冬陰功湯底濃郁香辣，香茅、青檸、辣椒等香料嘅味道層次分明，每啖湯都充滿熱帶海洋嘅活力。雞扒煎至外皮金黃酥脆，多汁嫩滑，一啖面，一啖雞扒，再嚟一口酸辣湯，刺激住味蕾。菠蘿油🍞🍞菠蘿包烤得恰到好處，外皮酥到掉渣。包身鬆軟綿密，簡直係一絕，每一口都充滿港式茶餐廳嘅地道味道。呢度嘅食物，蘊含住港式冰廳多年嚟嘅傳承同味道，每一口都充滿住港人嘅集體回憶，無論食幾多次，都依然覺得美味無比。

整體都幾好食～CP值幾高嘅咖啡蛋撻好難食，曲奇皮唔夠脆，咖啡味唔夠突出蛋白酥皮撻好酥脆，難怪係名物菠蘿包，夾住蕃茄午餐肉芝士，變咗食唔到菠蘿包脆皮效果，不過真係好大份，味道幾好嘅

以前朋友一提到去食敏華就耍手擰頭，原因服務態度差，又污糟，食品質素又差，出品又慢，今次經過敏華時到好似乾淨企理咗好多，見落雨就求其入去食啦，有驚喜喎，唔單服務好左好多，環境又乾淨舒服咗，點咗招牌黯然銷魂飯，叉燒夠晒淋，半肥瘦唔會好似柴皮，掂，朋友食既多士都唔錯👍，值得再去既一間店，最基本食物唔使再三崔四崔👍👍👍👍

今日去荃灣探朋友，朋友建議去食荃錦中心敏華冰廳食早餐，去到敏華我都有點驚喜，地方都算寬敞，乾淨，坐低後我叫了一份沙嗲牛肉米粉，熟蛋，食物好快到枱，我先試下湯底，果然有驚喜，湯底比我想像中香，牛肉又好味，份蛋竟然係熟蛋，杯凍奶茶都好好飲，只係我鍾意多冰，所以要求經理幫我加冰，而經理態度非常友善，比起其他餐廳，這間餐廳無論態度，服務，味道都非常好，我以後再嚟荃灣探朋友，一定會再去荃錦中心敏華冰廳食野

餐廳員工態度真係好好，以前真係唔會想落去食嘢，今早同朋友去食早餐，叫左沙嗲牛肉米粉，湯底好飲以前，而我就叫咗糯米雞，真心以前有叫過但唔熱，而今日竟然有驚喜可以keep到熱度，員工態度亦好好有問必答，而女經理每次落去見到佢都係好好笑容見過比客鬧，但係佢依然係笑住答

番工番學前一定要食飽啲插足電🔋佢嘅忌廉雞湯火腿通粉雞湯味超濃，好香🤤早餐仲跟買炒蛋同多士，唔知點解茶餐廳嘅炒蛋特別好食超香滑🥹食完一份超飽超滿足🥰留意番早餐供應時間為：7am.-12pm.

唔想lunch 同人迫又要等位，不如早d 食。 呢間分店嘅早餐可以去到12:00，而且價錢合理，質素都唔錯。話晒同平時嘅常餐比較都平成十雞🤣🤣但食嘅嘢都相差異唔大，只係少咗樣配菜，完全啱晒長期糧尾嘅人士😎溫馨提示: 本身個餐跟飲品，但見到飲品後上或後加需以原價支付。所以落單時請睇/ 問清楚喇

本來叫左普通E餐，人手不足以由細服務員到經理，係唔係唔夠人係廚房做野，咁樣點做呀！舖里唔係大，點解出餐會咁慢呢～廚房里面既廚師不使做野咩，食完飯無野飲，又要等，香港人做野係咁既咩？呢啲做法好似係國內都唔會出現啦～香港人點會再係香港食野呢！

最近公司既早餐～雖然荃灣附近都好多野食，但日日都要諗早餐食咩都幾頭痕，今日近近地揀左敏華，連鎖餐廳大部份水準都差唔多簡單叫左個忌廉雞湯米粉配煎雙蛋腸仔多士，雖然雞湯係某品牌既出品但每次早餐時間食依個都覺得好清新，可能係個人未訓醒。米粉軟硬岩岩好，幾中意依度既煎蛋做到半流心效果之餘，蛋黃香味夠濃又綿。腸仔就一般般啦，多士烘得香脆簡單配牛油都ok但更邪惡係配士多啤梨果醬，咁岩冇曬貨，如果唔係今日既早餐就更滿足

中午時段好爆場，自己一個會比易快有位👍🏻沙嗲牛肉麵餐可以揀配火腿/腸仔同炒蛋/煎蛋。唔會限死一個方案，唔錯👍🏻沙嗲牛都算夠味，麵身偏淋少少🤏🏻腸仔炒蛋係我食完個麵先上黎😂次序好似有啲錯左。不過多士好厚，放晒個炒蛋上去一齊食幾好味👍🏻

態度差到極點！遺背茶餐廳原意，有位就坐，依家有位唔比坐，要四人先可坐卡位，但如果無四位客人就一直hold住個位唔比人坐，食個早餐好快就走人喇，唔使有位唔比人坐？後來卡位一樣只係比兩人唔識的坐1人1邊？同原先兩人想坐又唔比坐咪都係食兩個早餐？得罪哂客人，見有幾組客人都走左去隔離間餐廳食，敏華的高層見識及做生意的認知可以講真係低級到一個點！

晨早流流，一家大細出街食早餐，去左附近敏華食三個人叫左兩個餐，額外加左少少野食，都好夠飽沙嗲牛肉公仔麵配炒蛋，個炒蛋好夠滑，有蛋汁有蛋味沙嗲牛唔夠牛肉，感覺上個湯底同個麵是分開的，湯底唔夠濃同埋個都比較淋火腿通粉餐配香腸，結果系脆皮香草腸，有驚喜火腿通粉份量幾多，不過雞湯底重味精，食完會好口渴，通粉系家樂牌個隻軟身通粉，大食妹麻麻地呢種口感多士好脆香，比起出面用開嘉頓方麵好食的，牛油轉果jam 要加一蚊