文記車仔麵 (福榮街)

营业中

休息中

榮獲米之蓮嘅車仔麵梗係要試下啦！一去到見到門口勁多人排，以為要等好耐原來佢三間分店分左三條隊！所以好快就入得喇👍我就叫左佢必嗌嘅其中三樣分別係滷水雞翼、玻璃辣魷魚同埋蠔皇小花菇油麵，然後再要佢加左辣醬撈！滷水雞翼滷得超級入味，大大隻肉又滑😋🦑玻璃辣魷魚爽脆入味不過要注意因為佢個辣魷魚本身已經有辣汁，如果唔太食得辣嘅朋友就唔好另外再加辣喇~但係最特別嘅就係蠔皇小花菇！好少會喺其他車仔麵食到呢個餸，小花菇炆得好淋又入味！同時小花菇嘅汁會令湯底添加左另一種口味，令成個湯底更加豐富👍

深水埗福榮街真係好多野食， 但受歡迎程度呢間一定無得輸。 一條街有三間店已經贏哂！仲要三間都排長隊。兩個人，叫左兩碗唔同既餸。唯一相同的是蘿蔔，永遠都是這麼的又甜又淋。今次配上瑞士汁湯底帶甜， 原來配車仔麵也是不錯的選擇。豬腸， 牛腩，魷魚， 蘿蔔配河粉。另一碗清些，蘿蔔， 牛筋，墨魚腐皮捲，順帶一提，米粉也滑滑的。 簡單的腐乳通菜都好好味呀！雖然喺街頭等了半小時才食到， 但還是值得的。大概 100 蚊食到捧住個肚離開， 性價比高呀！

今次已經係第三次嚟，下午二時多，三間鋪都排满長長的人龍。依過往經驗，都係選擇先攞飛再排中間鋪，睇吓邊到快D。大約等咗廿分鐘，今次新個間快D。入到去有D去咗拉麵店嘅感覺，個個都排排坐。點餐紙係用膠做，可以再用，很環保，讃！今次揀咗豬腸，鷄腎，榨菜，魷魚同米粉。豬腸唔會過諗，夠入味，可惜唔係大腸，冇咁正。鷄腎爽囗唔實，yum! 榨菜一般貨色。魷魚好深色，應該係生炒，好弹，小心弹到D靚衫喎！米粉冇得輸，貪佢夠索湯吖嘛！不過我老公揀咗生麵，嘩！原來仲好味，又彈又索湯，仲正，下次我都揀生麵至得，哈！湯好深色，唔知乜湯底，好有味，加埋辣汁好惹味。不過食得車仔麵，大家都唔會expect環境好好，食完都係快快走人，雖然有冷氣，但抽風系統不足，D油煙味會攻返出鋪面，食完出嚟成陣味。唉，鬼叫佢好味，臭D都冇計！

食完一次翻唔到轉頭-文記車仔面每個星期都至少要去食一次！第一次食係去咗食新果間，感覺乾淨啲，光鮮啲，食完念念不忘再黎就試下隔離果間舊式文記，嘩原來仲好食！！湯底更濃更有香港風味麵同湯底係3大元素，缺一不可。呢度既餸係高質，好味同份量多！最好食既3款，雞翼大大隻，肉質好鮮嫩，而魷魚煮得夠哂入味，爽口彈牙，仲有車仔面必備蘿蔔，好甜，仲好吸湯！呢度用既湯底濃而不咸，食完都唔會口乾。仲有就係呢間車仔面開到凌晨時分，夜晚肚餓都揾到野食

好出名的一間車仔麵店 長期都咁多人排隊一條街已經有三間分店😂真誇張食過就知果然名不虛傳!實在太多餸可選 忍不住選了4️⃣餸🙈麵底都有10多款選擇最後揀左比較少見的銀針粉先講銀針粉 佢就好似瀨粉同狗仔粉的混合體好Q彈 煮得剛好 不會過淋好挺身保持嚼口 非常彈牙 1️⃣牛孖根真係超淋超入味❗️2️⃣辣魷魚好爽口彈牙 一點都唔韌 辣味香3️⃣蘿蔔沒有渣 非常清甜 超正4️⃣牛肚估唔到牛肚都可以煮得咁淋 但仍有嚼口口感味道都一流超滿意的餸 湯底加了沙爹醬 辣得黎夠香值得一提係店內有超多不同醬料任你混醬加了辣菜甫 好爽都幾辣 加入本身都辣的湯底辣上加辣 但辣得過癮🤣另加瑞士雞翼($30)同腐乳通菜($15)雞翼散叫就有5大隻 全部都好大好肥美淨係睇隻色就知瑞士汁好濃 雞翼亦非常入味個人認為個汁偏甜了一點稍為少一丁點糖會更好 但真係好好食通菜有成碗咁多 好爽口腐乳調得唔錯 不會有奇怪甜味 鹹味適中

上一次食文記係睇完最新嘅香港米芝蓮推介,點知一食愛上. 未食文記之前我鐘情於金鐘車仔麵之家,佢哋嘅咖哩炒魷魚又香又爽. 但係文記實在太多優點,有位坐,餸嘅選擇多, 重點連辣汁都有幾款 今日復活節假加上星期日,我都預咗要等好耐.嚟到琛水埗呢條街,一眼就望到有三間文記 唔使怕食唔到總有一間有位. 同上次一樣 我係食老店,街口第三間. 要記住每一間鋪排隊嘅方法都唔同. 小食店格離嘅新分店就係拎票,再等佢叫號碼. 而我食嘅老店,係先排隊 到你就先叫面再叫餸. 最後姐姐會問你要吾要辣,再幫你搵位.記住,未排到你姐姐係唔會比你入去搵位先. 另外,係排隊嘅時候可以睇住門面個餐牌 諗定食咩 如果唔係到時會左住後面啲人. 一睇餐牌好開心,因為今日上食薯粉.而大部分嘅車仔麵店係無呢個選擇,但要留意麵底有分兩個價錢 $8/9. 然後餸都有分四個價錢 花多眼亂每一樣都想試呀如果要叫菜,無論係加落麵定係淨菜 都要記住係叫麵嘅時候叫埋. 落單嘅時候,可以睇住有咩餸,每樣都好吸引, 一架架每樣都分開醃好. 餃子都係分批咁煮熟. 廚房得兩個姐姐一個主要煮麵同菜, 另一個會夾餸同refill食物 仲要整釀豆腐.

2018.4.1 文記車仔麵❤我第一次食。原來真係好好食。我好鍾意呀～🍪瑞士雞翼。真係好入味。好瑞士呀～好好食🍑蘿蔔。都好鬼正。好清甜。好甜。無渣。超好食。🍏豬大腸。又腍又入味。乾淨無臭味。好正🍋豬手。幾腍。還可以。🍫魷魚。真係辣架。都幾好食。。🍘我果碗叫左蕃薯粉。軟硬適中。配埋腩汁湯底(清甜)。好正🌽菜類都有好多選擇。連菠菜都有。不過今次叫左通菜 同金菇。份量ok.無渣。瑞士雞翼。蘿蔔必食。

車仔麵係香港特色之一, 雖然好似只係幾個餸煮埋一碗麵咁簡單, 但文記卻令呢碗麵變得唔簡單。說來慚愧, 成日行經深水埗都冇入過黎食, 次次見到多人排隊就諗住下次先啦。終於今次的起心肝, 睇下呢間嘅車仔麵有咩本事好食到一條街可以開足三間!果然冇令我失望!我去個一間應該係最新嘅, 望落門面同入面都好新淨好"骨子"。牆上掛住十大必食推介當然要試下!我地兩個麵分別叫左豬手牛孖筋菜心河同埋蘿蔔魷魚花菇油麵, 再加一碟瑞士雞翼。只能夠講每一樣餸都好出色, 我特別鐘意豬手牛孖筋同魷魚。瑞士雞翼真係不得了, 入味之餘但好嫩!火候啱啱好, 熟得黎唔會煮到D肉好老, 配瑞士汁真係一流!係我食過最好食嘅瑞士雞翼!真係要彈嘅話, 唯一一樣就係瑞士汁湯底好油, 不過可能本身隻汁就多油, 所以瑞士汁都係留俾雞翼好lu. 

本人非常喜歡車仔麵，經常到不同食肆食車仔麵。久仰大名今次特意前行，抵達時已有非常多人在門外等候，拿了籌後等了大約20分鐘進店。車仔麵的餸選擇非常之多。我點了雞翼，豬腸，酸齋，米粉。所有餸都非常入味而且湯底亦很濃有藍汁的味道和沙嗲味道。非常之有質素必定會再次回來光顧

N年無寫過食評，但近排食過既美食，都一定要嘉許一下，專登去深水埗買電腦同埋去食朋友口中講既超好食車仔麵 -文記，其實一條街有幾間文記，但唔知邊間係最好，結果揀左最少人等既舖，最後等位都等左20分鐘，果然食好野係要等。一坐低見到塊膠餐牌，靚姐已經講，第一次黎，用sign pen圈，圈錯就擦走，好簡單，但其實我已覺得好高科技，又環保。牆上有十大必食推介，最後只揀了4樣，下次再黎試其他，辣味魷魚鬚真係夠入味，牛根好淋好多骨膠原，酸齋真係一食難忘，冬菇夠淋夠入味，如果食一碗車仔麵由等位到食完75分鐘，係耐左d，但都算值得

次次一入到鋪頭就座低圈野食，相當方便因爲可以座低慢慢琳，店員都唔會點吹你叫野食。圈好唒就比店員就可以，我就係第二分店到用餐既。文記有成3間鋪頭一齊做生意，舊鋪就比較逼同冇咩私人空間同私隱，而第二分店既特色是長條形餐桌，上面放滿唒醬油同辣菜普可以任加。我真係比較鐘意呢種感覺多D，正所謂人人口味唔同。可以讓顧客自己決定，好大機會因爲今而令到我成日都想來食。我次次都會食玻璃尤魚，西洋菜，冬菇等。佢地D餸特別在樣樣都係獨立味道。玻璃尤魚: 就好爽口同彈牙，好想一食再食西洋菜: 就吸唒個湯D瑞士汁味，食起上來就好正。蠔油小花菇: 細細粒又香又油，份量都幾多起碼20粒，但係細細粒相當之容易入口。加杯飲品跟麵都係加$9，全部都用玻璃杯裝味道昇華左不少，我好鐘意呢種感覺。所以我一得閒過開來，就會整翻碗。

#文記車仔麵🍜上次吃完劉森記之後 走沒多久 看到一家店 連著開了兩家 重點是當時至少有二十個人在排隊 我就覺得好奇啊！ 但是一試！真的很棒啊！😍極力推薦👍🏼👍🏼💯👇🏼👇🏼餐牌長這樣 想吃什麼⭕什麼 因為害怕麵有礆水味 只敢選出前一丁湯底是腩汁 味道好棒不會過鹹材料選了雞翼魚肉西洋菜有蔥無辣瑞士汁雞翼是招牌 💯甜汁 燜得也剛剛好😍大愛！！魚肉也是不錯啊😍能吃的出是魚肉不是麵粉做的最爽的是還有桌子上任吃的腌蘿蔔👍🏼真的是一大碗！一下子吃完了！因為太好吃了？？？筷子一放 阿姨就來收碗了 速度果然快 幸好拍下了空碗哈哈哈📸💯💯💯極力推薦推薦推薦

本身心目中有一間每個星期都會去食既車仔麵！而呢間文記車仔麵係係友人口中先得知佢既存在。平時去深水埗通常都係食豬潤麵、腸粉、米線，雖然成日都經過文記，但次次都因為佢門口大排長龍而卻步。（雖然佢有3間店係如一條街，但門口往往都係人龍😪好似佢對面既維記咁）今次去到好好彩，門口只見小貓3/4隻係度等落order，我即刻入去等埋一份🤭其實門口已經有塊menu 你可以睇定食咩 入到去就唔會心大心細喇我個人認為車仔麵既must eat item係：河粉、生菜、豬大腸、羅白、牛根（只不過係我自己鐘認食姐🤭🤭）但我今次就order左米粉（因為河粉會好飽）而餸呢就係上面介紹左既。姐姐們都好友善，我最尾想加瑞士汁： 唔該可唔可以加小小呢d汁（指住瑞士汁）比我呀？😍 姐姐：梗係可以～點會唔得呀 講真 呢點係加分位（通常呢d姐姐都會好惡架嘛，估唔到佢地好nice）除左車仔麵檔姐姐外，收銀同汁位姐姐都好友善 真心欣賞而食物當然都有質素啦豬大腸：好香（完全唔臭）同埋好入味牛孖根：炆得好‘林'，好味好味羅白：好甜同埋好入味佢所有野都做到好入味 好到位👍🏻👍🏻👍🏻👍🏻👍🏻佢性價比好高 佢收得你咁既錢會比番咁既份量你另外

正所謂人怕出名，豬怕肥，要食米芝蓮文記都要揀啱時間，否則真係要排好耐…今日打算去睇黃花風鈴木前，特登早上十一時去食文記作為早午餐，因此不需等太久~同男友點了兩碗車仔麵，共有以下餸：蘿蔔：大舊清甜魚肉：好爽，一啲都唔粉小花菇：細細粒，但份量多，夠入味豬大腸：一般而已酸齋：同湯底不太夾豬紅：一般而已鮮蝦腐皮卷：都好味，不過南x好味啲湯底清，腩汁同沙爹汁都好味，辣味都好惹味~所以，整體來說都係好味，但如果要排好耐就不值得~

食家最愛車仔面 尤其係個的傳統既車仔麵檔 將所有餸菜放晒出黎 手指指簡餸 文記佢一早想試好耐 耐何我地比較少去深水埗 就岩新年前去深水埗買鹹角仔就去朝聖一下 去到一條街有三間鋪 全部都排晒長龍細睇之下 有一間仲係傳統鋪面 有一間就轉左新式店面無得手指指 食家當然簡傳統鋪面啦 傳統鋪面無得拎飛仔 要排隊入內叫餸之後就會有姐姐幫你搵位係門口等既時候最好就係諗定食咩送話說文記有十大必食本小姐同食家左諗又諗左好耐 想食咩又見到有好多新奇野例如其他車仔麵檔少有既銀針粉 決定晒啦結果.....因為可以睇到晒所有野食 當然個樣要吸引先會叫啦叫既同諗既都好唔同 所以都唔使點諗定好 先講食家個碗 食車仔麵佢必食油麵 蘿蔔麵係膽叫埋豬腸 雞翼同雞尖既然辣咁出名 當然唔可以唔食辣 呢到既餸分量麵算大 最貴既餸如雞翼要12蚊 但唔會話貴得黎比幾舊仔你就算 但係 味道真係好普通 雞翼同雞尖係瑞士汁但浸左落湯 味道就淡左蘿蔔唔夠清甜 但算都無渣豬腸係肥腸 入面既肥膏無清乾淨 食幾舊就會膩 我都係鐘意食小腸多的本小姐 就簡左冬菇 辣玻璃魷魚 豬紅同豬腸 糾結左銀針粉定米粉好耐 最尾都係要左吸湯能力強既米粉冬菇係小花