文記車仔麵 (福榮街)

营业中

休息中

今日經過深水埗要即刻試試好出名文記車仔麵。喺午飯時間去等左三個位就到我啦。個個位都係面壁咁食，係自己一個人食飯既好選擇！落單係自己用白板筆喺塊膠板menu上面自己圈，再交俾waiter既。我揀左粗麵，雞翼，豬紅，湯底揀左腩汁，再加左少少秘製辣汁。碗車仔麵由落單開始計大概十分鐘到就上到枱啦！熱辣辣，香噴噴。雞翼鹵水味十足，而且肉質都仲好滑。豬紅未算煮到入哂味，但都可以接受既。粗麵都煮到啱啱口，仲有咬口。枱上面放左好多唔同既調味料同配菜，可以任加。我就加左少少辣蘿蔔，口感爽脆，不過都真係幾辣既。份量都真係相對地少，下次叫加底先！

星期五嘅晚上，見好耐冇食過車仔麵，就去左好多好嘢食嘅深水埗食文記車仔麵。雖然佢一條街有三間鋪，但三間嘅門口都企滿曬等緊位嘅餓餓子等左兩三個字，終於嗌到我喇餓死人咩坐低即刻有姐姐放低餐牌俾我圈。拿拿林交牌先！等左一陣，碗麵到喇如眼中所見，係雞翼呀！作為雞翼怪嘅我，二話不說大大啖咬左落隻雞翼度，一如既往，雞皮入曬瑞士汁嘅味，再入面嘅雞肉係嫩滑嘅，而雞肉就冇乜雞味，當然車仔麵嘅質素當然係咁上下啦。除左雞翼之外，仲嗌左羅白，我諗羅白係車仔麵必備都唔洗多講喇掛清甜得黎又唔會太淋太大舊，真心好正。另外仲有嗌左牛孖筋、韭菜餃，呢兩樣餸就不過不失啦，麵底就河粉，都算滑口嘅湯底揀左瑞士汁湯底，甜甜地咁，加埋我揀左大辣，啲秘制辣醬加啲湯撈埋一齊，忍唔住飲湯飲見碗底飲品就加左$8嗌左枝豆漿車仔麵配豆漿好正啊，豆味甜度適中

文記文記，讀大學既時候聽唔少，對九龍既大學生黎講應該就唔陌生喇畢業之後對呢間麵店有啲掛念，就去咗一趟深水埗食「文記」！麵店依舊多人，排到出舖頭，有一個彎位。搞笑既係我發現過幾個舖位都有一間「文記」，經過我一輪既觀察，我估係分店黎既 因為佢地既圍裙係一樣，我估咋！為咗安全起見，我梗係去番原本位置個間啦~今次嗌咗兩個麵，唔少得當然係令人gur一gur 舒筋活絡既支裝可樂啦。文記出名當然係佢嘅餸啦：選擇多、有唔同價錢嘅餸可以俾你揀（有$8 $9 $10 $12），亦都有不同既麵底、湯底俾你揀（腩汁 瑞士汁 清湯），加上佢好多種帶有唔同類型既辣醬料，味道真係十分豐富。我同朋友分別一個食辣一個唔食辣，兩個都係腩汁。總括黎講我地既餸有：生菜、牛栢業、玻璃辣魷魚、瑞士雞翼、鹵水雞腎、辣汁螺肉先來就係生菜既吸味力真係好強，若果你既湯底係有加辣醬，生菜吸辣真係好惹味，令你成個過程都充滿火花。而我最中意既餸就係辣汁螺肉，佢自己本身既辣汁有別於湯內既辣味，stand out咗自己既獨特。其次中意既就係雞腎喇，佢唔會有好重既內臟味，雖然唔爽口，個勝在量多同入味；至於佢既牛栢業同出名既玻璃魷魚同其他餸比較就新鮮

文記 系深水埗 一向都好好......好岀名 好多人都會去食 小編由第一間 最舊式的文記車仔麵店 食到依加連開三間分店 其中新裝修的兩間 會行日式風格 ！！ 加上 仲拎埋米之蓮的好評 就更加多人去今次同朋友一起甘岩經過又入去回味下先$ 62 通菜、雞中翼、豬手、玻璃辣魷魚、酸齊 加埋腩汁 、小辣好多餸都好好味 揀揀下就越揀越多 到最後勁大碗 不過都系甘好食 玻璃辣魷魚 🦑 好彈牙 有咬口 又五會好辣豬手 咬落去feel到自己食左好多豐富嘅骨膠原落肚 🤩 $10 最後跟餐叫咗枝 鮮榨甘蔗汁

一向喜歡食車仔麵既我，成日來來去去都係果一兩間，今次終於有機會去試呢間一條街入面有幾間分店既文記車仔麵。坐底見到滿架都係調味醬料同埋辣菜莆，雖然未必用得著咁多樣野，但見到誠意貼心👍🏻揀左我最愛粗面底，湯底揀左腩汁湯底加微辣！湯清味濃，加左微辣幾香❤️辣度微下次可以揀辣啲⭐️牛肚，味道ok 但略嫌硬左d😌辣魚蛋，還好但唔特別好食👌支竹，吸收左湯汁，好味👍🏻加左蔥花好食⭐️會有下次的👍🏻但唔算好驚喜

好誇張，竟然一條街開三間分店，而且門口都仲有好多人等位。好彩就係客人嘅turnover rate 高，等一陣咩都好快有位。第一次黎食，覺得價錢都幾抵，廿幾蚊就有一碗麵啦，自己呢就揀咗雞翼，同埋韭菜餃做餸。瑞士雞翼好夠味，韭菜餃亦都恰到好處，食到非常之飽。雖然呢用餐環境比較（少少）擠迫，但都可以接受。同埋幾環保，落order系用循環再用嘅膠餐牌，以水筆標上選擇。上菜速度亦都非常之快，一個簡簡單單食個lunch或者晚餐嘅好選擇。

文記車仔麵，久仰大名，今日終於來試下佢。一條街3間鋪，中要間間都大排長龍，真係唔講得笑。車仔麵送選擇極多，就連麵底都差唔多有10款。仲有嘢啱食。味道真係正，當中瑞士雞亦真係無得頂

質素下降，份量少左。。但依然好多人排隊。。味道唔同左。。感覺無以前咁好味，，，好多油，，，可能客人多左。。啲姐姐做到累，，求其執。。結果50蚊碗。。。完全唔掂。。。

又黎食文記啦！真係百食不厭 豬大腸，蘿蔔，魚片頭，米粉，腩汁，辣汁微辣 ($37)豬大腸無臭味，仲好林，好好食啊！！！好出色魚片頭都有 4 件左右，正常彈牙蘿蔔入味豬手，魚肉，蝦卷，米粉，腩汁，辣汁小辣 ($39)蝦卷普通，魚肉有好多啊！而且都有口感，好似食生菜魚肉嘅魚肉咁，好好味豬手都係好出色，好林好入味，而且充滿膠質，好正手打炸魚餅 ($25)見隔離枱有人食，跟住一齊叫一份一上枱就嘩一聲，因為好大塊等左幾分鐘先食都仲好熱，大家食嘅時候要小心不過可惜並唔係想像中咁好味如果大家中意食魚腐，可能會喜歡，因為好似魚腐嘅質地，無彈性嘅同埋唔沾泰式辣醬係無味，得啲油所以見仁見智

已經唔係第一次幫襯了～今次叫左瑞士雞翼，小花菇，大腸米線👅車仔麵一上枱熱辣辣，啲煙不停升起！一共2隻既瑞士雞翼入晒味，而且唔乾，正呀！小花菇都一樣入味！同樣推薦！大腸就無乜特別啦～不過都可一試🙂另外叫左五隻炸餃子，係炸韮菜餃，脆卜卜，夠晒熱氣！但都推薦😝

知道文記好多人報導過、好出名，於是終於襯係黃金砌機，等緊拎機既時候，有機會試下文記車仔麵一去到福榮街，一望眼見到咁長人龍，就知係傳說中既文記啦，一條街三間鋪都咪話唔威水⋯於是揀條人龍最小既排隊啦⋯⋯玩陣電話，20分鐘左右就入座啦。裝修就唔洗提啦，普通麵店一間，座位就窄同迫既，唔好諗會坐得舒服，唔算熱焗已經好感恩⋯選擇有好多，不過我第一次食，就食店內推介既辣魷魚、蘿蔔、小花菇啦好快就上檯啦，河粉係合格既，不過唔會夠安利果d鬥，其他食物全部整體上係好咸好濃味，不過尚算好食同入味，蘿蔔夠清甜太重口味緣故⋯無飲品係唔掂既，試試佢自稱自家製既龍眼羅漢果水，好似$10左右，細細枝，都幾好飲同維記比，我可能都會傾向食維記多d，因為個人而言文記太重口味，食完兩個鐘後都好口乾，咁高鈉、偶爾食下好了

如果要我喺香港揀間最好食嘅車仔麵其中一間一定會係文記車仔麵除咗地理位置方便之外性價比仲好高所以每一次喺九龍區諗起要食車仔麵都會揀文記去到鋪頭門口之後就會見到有好多人喺門口排緊隊其實就係要你首先買咗嘢食然後再拎返埋位坐低今次我就叫左瀨粉 配 玻璃魷魚 酸齋 通菜記得帶嘢食嘅時候係要叫左面底先再叫餸依度嘅玻璃魷魚好好食 唔同平時嗰啲淨係普通咁樣洽 呢個係再用啲雞翼汁定唔知滷水汁整左先所以同出邊嗰啲好唔同而酸齋就十分開胃 通菜就係因為想食d蔬菜所以叫左除咗面 仲同朋友叫咗份煎釀三寶 入面有兩粒魚蛋一個豆腐同埋一個茄子覺得佢太油所以我有浸下啲湯先食但係啲魚肉非常彈牙下次如果唔係好肚餓但係想食啲小食嘅話都可以試吓呢度嘅煎釀三寶😽

文記車仔麵位於深水埗福榮街，由一間分店開到而家同一條街有三間分店。店內環境比舊式車仔麵舖優勝。食物選擇多樣化，有58款餸，14款麵底，多款調味醬料及湯底選擇。今次叫了一碗四餸車仔麵，有雞中翼、牛腩、韮菜餃和紅腸油麵，選了秘制辣汁微辣及腩汁湯底。瑞士汁雞中翼入味且滑；牛腩入味及爽淋；韮菜餃飽滿，料亦多；紅腸切得厚身，有口感。油麵配上腩汁湯底及秘制辣汁，相當配合。另一碗亦叫了四餸，有雞中翼，魚肉，魚皮餃，豆卜油麵，選了沙嗲汁微辣及瑞士汁湯底。魚肉分量也多且爽滑；魚皮餃煙靭；豆卜吸了湯底精華好味。車仔麵有質素，但價錢略貴。

今日落開深水埗，有機會試下文記車仔麵，原來一條街已經有3間店咁多，仲要每間都有唔少人等位，真係誇張呀。等咗半個鐘有位喇，由於入坐前已可以揀定野食，所以一坐底就可以即刻落單。瑞士雞翼，肉質唔會鞋，個汁香香地、甜甜地，好好味。魷魚爽翠👍🏻，豬腸味道ok，酸齋不會encore，個人喜歡較濃湯底，這個湯底我覺得唔夠濃。我揀左少辣，辣醬不夠香。另一碗，蘿蔔清甜，小香菇夠入味同好香菇味，豬紅及牛肚就一般了。

去開黃金買野，就必然會諗起呢間車仔麵。一條街有三間鋪，呢間車仔麵都好犀利。因為太出名，所以有七八個人等，但係我都堅持等左一陣去食。今次叫咗個四餸麵，有豬手，瑞士雞翼，豬腸同埋魷魚。先講湯底，有點偏鹹 ,但係都有返傳統車仔麵味道。幾個餸最值得讚係瑞士雞翼，雞翼好滑同都好入味。豬手亦都做得好好，好爽口。反而豬腸同魷魚就冇乜特別。唯一美中不足係服務態度，可能因為多人，所以語氣不太好，問佢哋攞辣醬，亦都好似唔係咁願意，拉低左整體分數。不過如果擬車仔麵系統，呢間真係幾好食，怪唔之得有咁多人排隊都要食