文輝墨魚丸大王

营业中

休息中

昨晚下班後一個人在這裡吃晚餐，叫了紫菜墨丸河。侍應給我魚蛋河，我很累沒注意到，放了紅醋才發現，於是告知侍應生（一名中至老年男子），他沒有道歉之餘，竟然惡言相向，自辯不是他放下這碗河粉的，可是我加了紅醋，這是我的錯！我十分無奈，更正是他們先出錯，而我下班又很累。他一直說下去：「不！如果妳沒放醋就無錯，放了便是妳的錯！」另一男侍應更附和他，一起怪責我。這是甚麼服務態度呢？還要兩個男人一起駡一個女人。但是人間有情，我被欺負時，對面的年輕小姐先勸我要容忍一下，然後她仗義批評那些駡我的男侍應，叫他們收聲。Last night I had dinner by myself at this restaurant in Causeway Bay. The waiter gave me a wrong bowl of noodles. I was tired after work and didn’t notice it at first. I only realised it pouring vinegar in it. When I notified the waiter, he said he d

係香港好難搵到好食嘅墨魚丸，而我成日經過呢間所謂嘅「墨魚丸大王」都見幾多人食，有時仲見到要排隊添，心諗應該唔會差得去邊啦，就行入去試下。點知。。。好難食！真係好難食！唔會再去食！-招牌墨魚丸完全冇墨魚丸應有嘅味道，而且調味上亦冇乜味，口感又差，極難食😵，真係令人極失望！跟住河粉係勁碎😵，完全夾唔起！湯底似味精水，完全冇意慾飲落肚！😵叫咗個小食【炸魚蓉球】就極油😵！唯一比較正常嘅就係墨魚頭，味道正常夜都幾爽口。-真係冇下次，完。

路經銅鑼灣渣甸街遠遠就看見這個大大的文輝招牌, n年前在銅鑼灣上班時，食晏都常去幫襯這間墨魚丸河粉。 今次專誠去回味回憶一下， 環境冇變，食物水準冇變， 叫了紫菜墨丸河粉，一樣大大碗，墨魚丸彈牙爽口非常鮮味配埋滑河粉，以前味道返哂來，回味無窮。

今日去文輝買外賣返公司食，食佢嘅招牌菜——紫菜墨三鮮河（$46）。俾完錢一分鐘左右就拎得，好快，但因為等埋去第二度買嘢食嘅同事所以遲咗返去，搞到啲河粉索晒水漲咗，賣相變得無咁吸引。唔好睇相就以為淨係得粉、紫菜同丸，其實禾稈冚珍珠，好物沉歸底。啲粉下面係滿滿嘅墨魚仔同墨魚鬚！！ 妹妹: 啲墨魚丸好紮實，真材實料有墨魚粒喺入面。墨魚仔有好多好多隻，食嘅時候仲可以兜住啲湯，好鮮甜。墨魚鬚勁粗，好彈牙，好食！ 妹妹: 雖然價錢唔算平，但有咁多墨魚仔同墨魚鬚咁足料，我覺得都可以話幾抵食。

食左好多年。正確啲講，應該係好多年前食過，但依家得番呢間舖。印象中當年有間係糖街街口。墨魚丸同河粉應該係招牌。好老實，河粉都可以，墨魚丸都彈牙，不過唔係好夠墨魚味。比起以前係爭左啲。

星期日去扒龍舟，因為係晏晝時間集合預咗好難搵車位泊車，所以預早兩個鐘頭出門口去赤柱。先去到銅鑼灣，見仲有時間多諗住醫定個肚先，喺小巴站對面食碗粉麵，我相信好多去開銅鑼灣嘅人都有聽過文輝墨魚丸大王，其實我都唔係第一次食，之前食過幾次都覺得墨魚丸好彈牙爽口，超好味，所以今次叫咗個紫菜墨丸加墨鬚河。份量同之前食開無咩分別，但今次墨魚丸感覺好似無以前咁彈牙，而且紫菜好似少咗，加上河粉烚過龍，唔好食...有些少失望。

文輝 墨魚丸 ，假如在銅鑼灣附近工作， 我在香港區生活的朋友， 很多已經嚟幫襯過， 話說佢應該係香港三十幾年， 陪伴著我成長， 記得以前 在銅鑼灣工作 ，經常來吃， 反而這十年八年， 經過門口看見很多人都沒有意欲， 因為太多人等位唔好意思坐咁耐。 今日下午經過看見裏面不是太多人， 便找個位置坐下夥記都係熟口熟面， 應該佢哋同是潮州人點咗一個紫菜三鮮河， 一上嚟河粉白雪雪， 還有墨魚丸和 墨魚頭， 墨丸大大粒咬落結實彈牙， 看到墨魚肉在裏面， 墨魚仔也很新鮮， 飲了兩啖 上湯，甜鮮估不到開業幾十年仍然保持他的水準， 值得一讚

夜晚係銅鑼灣行完街肚餓，就睇下附近有咩好野食，見到哩間自稱墨魚丸大王，入面又ok多人食，咁就入去試下...入到去叫左碗紫菜四寶河，碗野唔洗一分鐘就黎到，有啲懷疑係晨早整定哂既。而哩碗野真係我成世人食過最難食既河粉。首先，成碗野都淡而無味，啲魚片呀墨丸呀魚蛋呀魚皮餃呀，全部都好似浸左好耐水咁，一啲味都冇，你蒙住我隻眼俾我食既話，我真係唔知自己食緊啲咩。第二，啲河粉又厚又鞋，好粉感好難食，真心唔明點解河粉都可以咁難食。哩碗野仲要收46$...真心覺得好伏！

年初二晚兩夫妻出外度新歲，打算到銅鑼灣看煙花，但整個銅鑼灣滿街係人，想搵個地方食飯都極困難，最後行到渣甸街見到文輝，晚飯時間入面只有三個客人，本覺得奇怪但無選擇下唯有入內一試，點知......新年流流換來一肚氣先講食物，我地兩人叫左一墨丸河及一碟沙爹牛腩撈麵再加一碟腐乳通菜，碗墨丸河一點味道都無，墨丸係大粒，但除左大又係無味，成碗粉都係淡如水；沙爹牛腩撈麵我只係食左三四啖便放棄，油麵底及沙爹汁係尚可的，但牛腩韌得不能咬開，食三四啖放棄（有心理影響，原因在下面）；唯一可取一點係碟通菜.....再講服務，新年流流，入到去個個員工都好似黑面神咁，算！食物唔好食，可以話口味問題，算！反正都係諗住求其食碗野頂下肚，但啲員工嘅態度簡直離哂大譜，我叫沙爹牛腩撈麵唔記得走青走芫茜，係自己問題，碟麵黎到我只係細細聲同老婆講話：「唔記得走青添」，點知個阿叔大大聲串我：「挑！係你自己唔一早講啫。」聽完當堂著哂火，心諗都無叫你換講咁多做乜；果時已經都食唔落，但求求其等老婆食完就走。跟住後來我坐個位冷氣滴水，我同另一個阿叔講聲話上面滴水，佢竟然話：「係咁架啦，唔鍾意去第二度囉。」埋單個收銀仲睥左我幾眼，好似話我

黎到銅鑼灣 ，試埋大名鼎鼎既墨丸大王 文輝 ， 叫碗 淨墨丸。 銅鑼灣鬧市食到碗43蚊既粉麵 都算係咁 。 當中有六粒丸 ， 蔥及冬菜 。 好唔好食 ， 見仁見志。 我食唔到有墨魚味 ， 又食唔到粉丸味喎 。丸野都好彈 。 好爽口既 ， 但係唔係粒好食墨丸 ， 我真係唔識野 ⋯ 我屋企既港島居民表示 ： 好好食 ， 文輝最正宗 最好食 🤷‍♀️

今晚入去快食碗紫菜墨三鮮粉，啲墨魚頭好癡牙好老，食完諗住獠完牙就走，個呀叔夥計居然在後邊阿吱阿咗話我食完坐喺度獠牙阻住佢地個位，佢一直唔停口在後邊比說話我聽，我已經無理佢費事同佢計較，出到門口比錢嘅時候，點知仲比個收錢男人婆話我，「食完坐喺度獠牙阻住佢哋個位無人性」🔥🔥🔥，真係食到一肚氣，其實我由入去到食完走人都係十分鐘唔夠，間鋪當時仲未爆，佢哋咁做生意！我真係未去過服務態度咁差的食市，難怪佢地開一間執一間，間間做唔長，下次一定唔會再去幫襯

在銅鑼灣看完電影同朋友分手！好肚餓週圍搵食，見到文輝！記得小學時放學經常光顧！見到價錢都幾價...但想想下都有一段時間無來食野！咁就入去食門口豎立了一塊板，寫著：「自製魚蛋。墨魚丸」。就是「自製」這兩個字。我毫不猶豫的，便點了墨魚丸河！自家製墨魚丸賣相就和平時食的一樣有墨魚粒在內。不但鮮味，而且爽口彈牙! 河粉都煮得幾滑，不過份量就少了一些！男人老狗可能要食多一碗了環境衛生係無乜架啦。純粹都係想去食番童年回憶！一個男人食完叫可以頂一頂個肚！唉……百物騰貴，單單食一碗粉麵都要$32元了，已經最平果種粉麵。算了吧，什麼都貴飽就唔飽架啦....只是食個感覺同回憶！

依間舖頭應該有返咁上下歷史我都幫襯咗四年 店鋪裝修簡單，唔係新淨，但又未至於殘舊既對於快來快去，食碗麵就埋單嘅運作模式，一切從簡就係最好夜晚九點鐘喺銅鑼灣行完街先發覺自己未食晚飯…咁就不如整番碗文輝醫下肚～叫咗碗紫菜墨三鮮河粉$46顧名思義～有紫菜，而墨三鮮呢就係墨魚仔，墨魚腳同埋墨魚丸根據我個人經驗，食文輝都好講運氣我試過一碗麵裏面有十幾二十隻墨魚仔，個次係食極都仲有但係呢，又試過成碗得六粒墨魚仔咁大把如果想試下自己運氣，可以黎文輝 成碗食晒，好飽已經無空間再食咁既價錢黎講，係銅鑼灣都算係咁難怪好多local同遊客都咁支持

相信大家對文輝並唔陌生，細個時成日去食，而家就得返銅鑼灣分店，所以周不時行開銅鑼灣都會去食下魚蛋河，只可惜而家堂食嘅好多都係遊客，無左以前細個街坊嘅感覺，而且無食一排仲加左不過食物水準依然維持到我最鐘意食魚蛋河（雖然名叫做墨魚丸大王xd）但我鐘意手打魚蛋夠彈牙，河粉清得來又唔會好寡無味，份量都唔少，（食粉最怕就係份量少到食左陣風咁）男朋友叫左四寶粉，紫菜好惹味，墨丸更加係招牌好彈牙同埋有魚味xd 份量亦都夠，雖然加左價，但埋單＄90有找，食得飽仲要銅鑼灣，都算係咁haha

時代變遷，文輝墨丸大王只剩返一間咁啱行過，餵食的我見自己一個先走入去食嘩！原來依家紫菜墨丸河成$44一碗。其他嘢都$40走晤甩，不過香港咁貴租一定係咁，所以唯有只食唔飲。好多紫菜，撈埋落湯熱又好味！$44得五粒墨魚丸，不過份量部夠，ok啦，食租掛～墨丸都係爽又彈牙，但好似欠一點點，欠的似是墨魚鮮味及甜味～