文輝墨魚丸大王

营业中

休息中

今晚 (28.2.2023)我到這間老店吃粉麵，因為 很久沒有吃過，所以特意來懷緬下， 誰知便出事了。我坐下便想到想吃牛肚墨丸米線， 因為這配搭是牆上餐牌無的，所以我問清楚店內的樓面，當時有一位年老的白髮男士回應我說是$50，我明白後便照樣點菜。當時是另一位女職員落單，但碗粉竟變了牛腩墨丸粉，當刻我沒有要求職員更換，照吃便算了 。直到我吃完企起身之際，有另一位女職員向我表示總數是$93，我感到驚訝，便問她原因，我說我計過是$91。然後她表示雙併粉是$52，我解釋我一早問過，有位男職員答我是$50，怎能到付錢時變了「坐地起價」。我不斷質問他們，為何餐牌沒有標明一般雙併的價錢？！他們辯駁說餐牌有顯示，我說哪些只是指定款式的定價，不是任何雙併的價錢。我補充若他們一開始有說清楚或澄清過，我會照樣付清數目。他們啞口無言。如果一開始是說錯了價錢，為何一直沒有人向我澄清，為何到我要付錢時才說是另一種計法，這樣我會覺得是被騙了(縱然金額是少錢)。這樣的服務態度，到底有沒有「誠信」可言，同時反映人與人之間的溝通問題需要被正視。

真係好多謝朋友介紹，未食過咁好味既墨丸，仲要性價比極高，一定會回頭！我同朋友都叫左招牌紫菜墨三鮮米粉($48)，即係有兩粒墨丸、太子墨、墨魚鬚，有極多紫菜、極大碗米粉，我覺得男仔食晒成碗都會好飽，因為真係好足料！食到底都仲未食晒啲墨魚😂🦑另外墨丸真係會食到一粒粒既墨魚碎，超彈牙超好味😻朋友仲話以前其實仲足料！成個湯底都好清淡，我落左超多醋🤣呢度既辣椒油比較特別，可能係自家製，同出面食開嘅粉麵檔味道唔一樣，仲有魚露可以俾你自己加，因為覺得呢到既墨丸實在太出色，下次會叫紫菜墨雙鮮🤭

耐唔耐都會去食，不過上次都差不多一年前。紫菜牛腩河 - 河粉還可以嘅薄簿哋，湯都同以前差唔多，不過個牛腩就唔夠淋，仲有少少硬硬哋，個味同以前就差少少啦。成碗粉就份量就咁多年都差不多，一樣咁大碗，料又多，$48一碗喺銅鑼灣都算ok嘅。店咁多年都差不多冇乜改變，亦一様成日咩時間都坐滿人👍🏻

已好久沒來。今天剛好在附近，便走去試試。門面依舊，店內環境依然。職員還都是上了年紀的一群。價錢當然比往年上漲。以前最喜歡紫菜墨魚丸湯河粉，今天來到就即點這個。湯底味道非常淡，唯有自己添加魚露。一碗有四粒墨魚丸。墨魚丸質素比以前差了，墨魚成分不及當年，現時口感沒那麼爽彈，層次感減退不少。墨魚味道略淡。河粉雖然較以前的沒那麼爽滑，但是還可以的。加上有紫菜和冬菜粒，味道上也比較沒有那麼單一。唯一比以前較好的是衛生情況，可能以往太多客人，不但坐得擠迫，店員也未能好好清理桌椅，便要安排輪候客人入坐。今天沒有太多客人，相對衛生較以往好。

呢一排成日都響銅鑼灣渣甸坊出入，附近的食肆，下午茶都差不多全部幫襯過。文輝好耐都冇幫襯過，所以入去整返碗墨魚丸河粉。墨魚丸河粉到，大大碗河粉，墨魚丸有四粒，品質都唔錯，爽口有墨魚味度。幼河粉，但係厚身，唔算滑，唔難食。份量好多。至於湯底就不敢恭維，墨魚丸河湯底竟然係十分之辣，可能係用了太多胡椒做湯底。至於普通一碗乜蛋河粉或麵，都要$48，以銅鑼灣咁嘅地區，價錢都係咁喇。鋪面唔係大，都企咗上七八個夥計，等嘢做。下午茶時間，冇下午茶。

去銅鑼灣見完醫生，他說要戒口，好似冇啖好食便想到去吃個魚蛋粉。好耐冇幫襯「文輝墨魚丸大王」好想食濃味嘅東西，但要戒口所以只吃了紫菜魚蛋河和一碟韭菜花。魚蛋河份量都幾多，魚片感覺好新鮮的味道，魚蛋彈牙，湯頭本身比較淡，但配合了碗底的蒜蓉油及紫菜的鹹味就剛剛好。韭菜花鮮嫩爽脆，這個時候最啱食。

係附近按摩，出返黎都9:00鬆唔係度度有堂食咁我見呢間仲燈火通明，裡面都幾多人我記得呢間好似都稍有名氣架嘛，咪入去試下一坐低望到價錢都feel到中伏多平均都要$50一碗麵------------------------------我叫左碗紫菜墨丸河首先湯底無味第二河粉碎濕濕第三墨丸好似無味橡膠咁------------------------------搭檯坐我隔離有對夫婦食食下話碗麵有條蟲簡直一團糟

以前細細個阿媽好鍾意帶我哋食魚蛋河、雲吞河自從我認識墨魚丸河呢個東西就發現自己一試就愛上了這裡的墨魚丸大大粒 又彈牙加醋及辣椒油簡直係完美食完一碗唔夠喉通常都要叫多一碗

老公叫嘅咖哩牛腩牛筋撈麵就好夠味，碗紫菜湯都好味。咖哩偏甜。牛筋都唔錯，好淋好入味。啲牛腩都好入味， 但就大舊咗啲，而且冇乜脂肪，所以咬落去太多肉，有啲鞋，唔夠淋。我碗麵湯底淡，牛肚薄又唔入味， 墨魚丸無味又實， 生麵唔彈牙… 好淡，所以試吓落佢哋嘅辣椒醬，半茶匙已經好辣，再落埋魚露都唔係咁好味…最後我將我啲生麵放落老公啲咖哩汁食。好多年前同老公相識第一日就係食呢間，今次紀念日諗住懷緬下但可惜失水準了。可惜可惜。

第一次係銅鑼灣食魚蛋粉、試咗呢間仲伏野。河粉發脹、湯底冇味、賣相差、服務態度非常差。四寶丸河河粉份量多，但河粉發脹，似浸咗係湯好耐。四寶丸亦不新鮮。牛腩河牛腩粗鞋，冇牛味。完全不值一試😡咁嘅質素仲要收40幾蚊，伏中之伏。

凍凍地，食碗粉暖下肚，黎到銅鑼灣幾出名既墨丸大王食碗粉。墨丸彈牙，有鮮墨魚既味道，同平時食既好唔同，每次幾乎都會叫墨丸米線，但今次先留意到有紫菜，湯底好清唔會太咸，特制辣椒醬好惹味好夠辣，正！

自從各大 #米線店 冒起，好多 #香港人 都轉咗口味😚 不過呢... #小秘書 比較專一，都係鍾情啲 #老店😬 呢日嚟到 #銅鑼灣，一心諗住過嚟買 #聖誕禮物 比屋企人，點知行嚟行去都冇乜心水😪 為咗爭取時間，都係附近食碗粉麵就算🍜 以往迫得 #水洩不通 嘅「文輝墨魚丸大王」，估唔到佢哋喺 #防疫 呢方面都做得唔錯，每張枱都只係最多坐兩個人，空間感比以前爭得遠😉 不過就係因為咁，未輪到嘅 #食客 都要喺門口排隊... 其實都係為咗大家安心啫，我接受嘅👍🏻 等咗大概5分鐘，終於輪到我😉✌🏻 例牌我要咗碗 #紫菜墨三鮮河，唔好睇碗河粉冇乜色水，只要喺湯底加啲 #魚露、#辣油，味就零舍鮮味🤤 至於咩叫 #墨三鮮？其實就係 #墨魚鬚、#墨魚丸、#太子墨魚 嘅配搭，咁當然仲要加埋啲 #紫菜 先至夠完美🤤 如果要我揀，我會揀墨魚丸做#文輝 第一位，人手打做，特別彈牙，食落仲可能仲會食到啲墨魚肉，口感好豐富㗎🤤 而每次嚟到，我留意到每枱都會有專人服侍，由落單、傳菜、埋單都係會派同一個伙記衝埋嚟，就呢啲小處都安排得咁周到，真係 #細心 呀❤️

同大少匆匆忙忙去銅鑼灣，因為趕時間，我哋求其食，入咗去文輝。上次食文輝，差唔多都已經有10年前響中環分店。我叫咗個紫菜墨三鮮河，大少要咗個雙丸河。所謂墨三鮮，即係墨魚頭，墨魚鬚，同墨魚丸。大少叫咗紫菜雙丸河，即係墨魚丸，同埋唔知乜嘢丸🤷‍♀️。其實我啲墨魚鬚同埋墨魚頭都冇乜味道，大少個碗雙丸河亦都冇乜特別，亦冇乜味道。只可以用一個字你形容，大碗，一定會食得飽。食下食下，我都問大少，我話你覺唔覺得食緊頹麵一碗，冇乜味道，得個飽字。後記：疫情關係，其實為咗顧客安全，我覺得唔應該比搭枱。食碗麵都係講緊15-20分鐘，食完就走，都唔會霸住佢張枱。但係我哋食到一半，張枱明明只夠坐兩個人，佢都要俾一個陌生女人坐落嚟搭枱，中間亦都冇比一塊板我哋隔住，完全冇諗過顧客嘅安全。本身已經頹麵一個，亦唔理顧客安全比搭枱，所以我俾劣評👎。

嗰晚我地去咗Pacific Place睇戲，睇完戲都差唔多九點啦。然後我地就坐叮叮落銅鑼灣搵嘢食，諗住食返碗熱辣辣嘅麵都幾好，於是就提議呢間墨魚丸大王喇！由於仲係二人限聚嘅關係，我地都要喺店外等咗五分鐘先可以入去。然後我地叫咗墨魚頭麵、墨魚丸麵同郊外油菜，好快就有得食喇！我覺得墨魚頭較香脆爽口，有些少墨魚味，反而墨魚丸完全冇墨魚味，比較淡口同多粉。所以下次都係齋點墨魚頭比較好喇！另外，加埋佢地嘅秘製辣油同醋，真係冇得頂呀！份量都幾多嘅墨魚頭，好有咬口！墨魚丸都幾大粒，但係冇乜墨魚味！我地都鍾意嘅芥蘭！

放學成十點去食消夜，成日經過文輝都冇食過今日去試下呢碗嘢好似好出名有三種唔同嘅嘢魚丸墨魚 鬚同墨魚仔， 都幾大碗，飲啖湯先，都幾好味，紫菜幾好食，點知啲墨魚完全冇味， 好似食舊膠咁…下次會揀第二樣食