影片
港铁尖沙咀/尖東站 N1 出口, 步行约1分钟
继续阅读
电话号码
23012222
开饭介绍
主打牛肉的新東記價錢合理, 牛肉大碟口感爽, 份量十足, 地方須然不大, 但環境舒適, 服務殷勤。
继续阅读
营业时间
星期一至日
17:00 - 03:00
以上资料只供参考，请与餐厅确认详情
招牌菜
相关文章
老公生日想打邊爐，姐當然為他安排得最好吃啦。鮮嫩肥牛肉塊塊都紅潤通透， 肌肉與脂肪比例平均。顏色均勻、紋理亦都自然，顯然是上等高質牛肉，難怪一碟小的都要賣超過兩百。簡單用滾湯灼熟就可食用，牛肉味極重。吃第一口經已覺得物有所值，這種軟嫩中帶咬口的感覺並不是隨街的火鍋店吃到的。湯底仍然選擇姐最喜愛的味菜胡椒豬肚湯，起初都擔心湯底較濃會搶了鮮牛的味道。但這個湯底味道濃度剛剛好，店員亦會主動加湯令濃度得以平衡。至於走地三黃雞 ，雞肉很鮮嫩，很滑。油份亦不多而且還吃到鮮雞肉的味道。響鈴卷及豆苗都是姐打邊爐的至愛，脆炸鬆脆。而豆苗則鮮嫩為免老公半夜肚餓起身周圍找東西吃，姐再點了一份手打稻庭烏冬給他飽肚子，烏冬麵身有彈性、有口感。老公當然好滿意這餐生日飯啦！
继续阅读
熱愛打邊爐火鍋達人嘅我竟然發現到呢到有間我未食過，所以黎試下。d個配料係用推車的，正，有氣勢，多種選擇，滿滿任裝，值得一讚。叫左個冬瓜清湯，內有多火腿，清得黎好新甜。主力食牛嘅我，叫左個大的，可以mixed小肥同至少頸脊兩款。個牛顏色好靚，花紋都好均勻，肉質軟嫰，牛味濃郁，入口好好味。牛栢葉爽口新鮮。另外叫左個滷水鵝腸，好爽，好入味；新東記炒飯，炒得金黃一粒粒，好足料，夠鑊氣。坐得舒服無時間壓力。
继续阅读
今天選擇打邊爐，打邊爐當然不能去哪些任食的店，要去就去一些有新鮮牛肉吃的店。朋友介紹這間位於市中心又有新鮮牛肉的火鍋店，火鍋店的牛肉來自山東直送的新鮮牛，而且可以選擇肥瘦度，這對最喜愛牛肉的夥伴是不可缺少的。牛肉可以選擇肥瘦度，我們一開始不知道選擇那個，然後店員十分好的告訴我們中肥有一半以上是肥肉，問我們要不要改。由於要照顧有些朋友不吃太肥，所以我們最後改選了小肥，來到後牛肉的油度很配合店員的說法，而且小肥吃落亦不會覺得太瘦，香味亦十足，煮個30秒半熟就完美了。火煱湯底我最鍾意係喇沙味, 濃郁惹味兼辛辣，在這潮濕悶熱的日子，正好刺激胃納, 火鍋配料又夠新鮮, 棉花魚肚吸收晒底精華, 一流炸魚皮好脆, 唔算好油, 海蝦係活生生黎既, 咬口彈牙, 下次再同朋友一齊黎先
继续阅读
而家打邊爐都好興食和牛，黑毛豬果d，但食下食下始終都覺得打邊爐用返本地牛最好食最match!! 咁啱知道尖沙咀開咗一間專攻本地牛嘅火鍋店！就同朋友嚟試吓！原來呢度消夜有七折！如果下次行街行得夜左可以來食優惠邊爐！我哋要咗海底椰豬骨湯底！分量十足！而且材料都好豐富！成個煲底都係海底椰！唔驚熱氣！配料都係地道嘅配料。我哋就係為咗呢一碟本地肥牛而來！果然好新鮮！牛肉味好香，脂肪分布又均勻！入口好彈牙！果然冇介紹錯！蟶子都好鮮甜，估唔到份量有咁多！有𡁻口，好新鮮！木耳好爽口！珊瑚蚌好爽口好甜！好大！鮮魚好玩又好味！自己決定長短，入口好彈牙，鮮魚味都好香！鮮腐竹都好新鮮好滑。粟米好鮮甜多汁，芝士丸正常。皇帝菜同埋油麥菜夠晒大盤！呢度打邊爐確實不錯！用本地牛打邊爐始終最好！
继续阅读
前排因有假期既關系，所以相約左朋友去左尖沙咀行街睇戲；差不多夜晚食飯時段，大家行經見到有得食火鍋，二話不說就上左去了！餐廳面積不算很大，但座位有適當既距離；坐得好舒服。另外，仲有獨立既房tim！職員會以調味架讓食客可以在座位上可自行調味。新加坡叻沙湯底：叻沙湯底湯味帶點點咸味，同時帶有少少既辣；十分適合食吾到辣又想有少少惹味既我。當中帶有幾舊既豆泡同芽菜吸入左叻沙湯底，十分入味！鮮蝦雲吞：份量相對多，共有8大粒。隻隻既size刀一樣，而且同樣地系脹身的；可知系即時包而不是一直雪住。餐廳事先將雲吞調味，入面包住豬肉和鮮蝦；食落爽口又鮮又帶咸。鱔片：份量剛好給二人食用，鱔片十分新鮮又無骨；最重要是沒有泥味。經過焯後，口感帶點爽口又鮮甜，真的不錯啊！鬆化響鈴卷：響鈴卷吸入左湯底既味道，食落十分惹味。鮮嫩肥牛肉(例)：依間餐應既牛肉十分鮮紅，可知一定十分新鮮。厚度剛好，所以食落充滿口感，牛肉經過焯次後，牛肉十分juicy而，其帶點點牛味！自製鮮蝦膠：份量刀吾細的，是我十分喜歡食既蝦膠；口感十分鮮甜又彈牙，相信大人小朋友刀會好中意的！豬紅：顏色一樣好鮮色，食落不會太林；味道不錯！飲品：依度有提供果粒橙，幾好飲！
继续阅读