新井食堂

营业中

休息中

因為上次食過，所以今次特登入去深井買，出面餐牌有晚餐所以叫左晚餐A 味憎三文魚餃，打開盒一試辣到入吾到口，D水系紅色的，味憎點解會系辣? 咸到辣到食吾到，仲要企起出面等左9咁能耐，比d咁既野人食，永遠冇下次!

今日要入深井比野個朋友就順便食埋lunch朋友話食呢間我當然無問題佢有lunch menu有紙比你tick其實都算好多選擇有得揀飯/拉麵/沙律錦我就叫左個山椒雞翼煎蛋飯$46都幾好味仲加左個小沙律(+$5)跟埋飲品(台式飲品)我覺得都ok下次黎試佢拉麵先

深井附近去來去去都係幾間餐廳，今日食咗間日本野，似係家庭式嘅經營，聽街坊講呢間餐廳已經好多年，雖然附近一直都有不同嘅競爭對手，但係佢仍然係深井留得最來的一間餐廳。晚市同午市都係同一個餐牌，款式都算多，有飯餐，烏冬，拉麵，蕎麥面，仲有刺身同埋唔同款嘅小食，選擇都算多，今日就叫咗個流心豬餅白汁撈烏冬，再用半價價錢叫咗杯紫薯奶，其實佢嘅烏冬幾彈牙，白汁亦都教得唔錯，唔會太鹹，可惜份量太少，個豬餅其實真係可以做到流心，不過太細件，烏冬份量亦都太少，對於我咁大食嘅人，真係唔多夠飽，紫薯奶都係好好飲，夠濃夠香，埋單最後60幾蚊，雖然而家普遍餐廳嘅價錢都係咁上下，但係如果份量太少嘅話，性價比相對比較低。再望過下小食，薯餅一件都要＄14 ,薯波＄12兩件，價錢有點偏貴，雖然係咁，可能係區內唯一一間日本野，所以萬事客人都唔少，但係如果再嚟食的話，我都要再考慮下！

今日嗌左個貴價魚生飯套餐，個餐話包杯$16野飲，我見到推廣的柚子特飲，寫住$14，於是就叫左一杯。點知收錢時發現，除左套餐價，要另外再俾$14。問左侍應先話我知$14只係跟餐價，原價係成$28，但根本全餐廳都沒有列出原價係幾多錢。如果一開始佢有列出黎或話俾人知原價係幾多，要補$14差價，咁我就唔會嗌啦。杯野又唔係真係特別好飲，飲落好淡，飲落似杯水，出去頁茶都唔駛咁貴啦，咁呃人既餐廳，真係呢一世都唔想再去。之前都試過俾佢呃架啦，有幾年冇再去食，以為佢會有改善，真係只會越食越谷氣。

昨晚懶得準備愛心飯盒，今天中午就跟同事外出用膳，新井食堂並非第一次食，由於選擇很多，每次都可以嘗試不同款式，對區內人來說更是不錯的「深井食堂」👏我點了鹵水三併(半熟鹵蛋，雞翼及豬大腸)拉麵，配紅燒牛肉湯底，成碗拉麵的賣相頗日式🙆鹵水三併其實可以選鴨片或大腸，好多人覺得大腸麻甩又肥膩🐷，但我就超喜歡食大腸，暫時將膽固醇放埋一二邊先😂 用鹵水汁鹵過的大腸超入味，炆得很軟腍，重點是豬腸洗得乾淨，沒有豬臭味!隻半熟鹵蛋亦是重點，賣相夠哂吸晴，那個晶瑩剔透的橙黃色，切開後蛋汁緩緩流出來，好正啊😫 估不到小店都能做出這水準，值得加分✔今次仲叫左紫薯餅及芝士南瓜薯餅，最少要叫2塊，可以混搭，咁就岩哂我，可以一次過試哂2種口味😈兩樣炸物同樣是吉烈外皮，炸得薄身香脆，芝士南瓜薯餅較普通，芝士略淡，南瓜味道並不突出! 我推薦紫薯餅🙌 紫薯餅內綿綿帶甜的紫薯蓉🍠，締造外脆內軟的食感!最後來杯冰凍的胚芽奶茶作為這餐完美的句號，食飽了又要回公司趕埋手頭上的文件📑

今天晚上,一個人來到深井食堂。選了一麵一小食。雲耳冷蕎麥麵：雲耳爽中帶稔，沒有渣。蕎麥麵爽身，冷麵汁調味剛好。南瓜薯餅：外層吉烈很香脆，內層南瓜蓉略為少，但很有南瓜味，既香很軟滑。 這裏食物水準和賣相都不錯，難怪可以成為很多深井街坊的飯堂。

深井食肆不多，有點水準的食店更是少之有少，附近食店傳記，全記，陳記燒鵝，連鎖快餐店如一粥麵，大快活等都幫襯到厭，聽同事講開先知原來深井有日式拉麵食😲，仲有珍珠奶茶飲，聽到即刻心心眼左個晚就去食啦😍店舖位於發記甜品旁，由於無招牌亦無店名有點難察覺這間家庭式以日本菜為主的小店，款式都好多，有小食，飯，拉麵，仲有泡菜同三文魚刺身，我叫左腩肉叉燒片拉麵(加$2)，紅燒牛肉湯底，飲品當然就叫奶茶(加珍珠$2)😚餐牌好多選擇，可以自由搭配珍珠奶茶好大杯☺ 叫飯/麵就可以用半價嗌到好抵呀，奶茶香滑，甜度適中，超多珍珠可以咬，係深井可以飲到台式珍珠奶茶真係一件好幸福既事😍😍😍拉麵麵質彈牙，軟硬剛好，有4塊叉燒片，好鍾意食依種半肥瘦日式叉燒，湯底帶甜有淡淡的牛肉味，加上有紫菜，木耳爽口等爽口配料，仲有埋冬菇絲😂 健康得黎有點日式味道!深井入面竟然有日式小店，仲有珍珠奶茶飲真是有點驚喜，下次會再試下其他食物同炭燒咖啡 ( 同事推介 )

剛剛食完就忍唔住要出食評！我今晚叫咗金菇粟米豬骨湯烏冬+鹵水三拼+燒花魚跟蕎麥麵。好驚訝！全部都唔好食！1. 湯唔夠熱，做湯食大忌！2. 鹵水三拼嘅鴨片 un 到飛起！3. 條花魚燒到濕滴滴，我都係第一次見！燒魚都可以唔熱！😔大家可能會問我點解唔反映下？原因係..........叫3樣嘢，冇樣得！其實以上3個問題都係基本！連基本都做唔到，咁.......算吧！

新井其實已經食過好幾次，每次都保持到水準！棒！今次的起心肝寫番個食評^^ 每次同男友必點：日式咖喱豬扒飯，牛柳粒烏冬，炸蠔（一碟三隻），金菇肥牛卷，海蜇。飲品：蜂蜜乳酸，荔枝乳酸！ 豬扒唔次都炸到金黃色，鬆軟！咖喱汁夠杰同有少少甜。牛柳粒煎的剛好，一咬的肉質好滑。另外就係我超級喜歡的蜂蜜乳酸！蜂蜜味超濃，飲到停唔到口^^

朋友話這裡烏冬好好味，話有機會到深井一定要食。此店非常易找，就在牌坊左近。店內俾人感覺是家庭式經營，裝潢簡約，無咩飾物，豬軟骨烏冬，鰹魚湯底好鮮甜，豬軟骨都算做到腍而不散，仲要了個八爪魚刺身，我太耐無吃，忘記了味道，所以要重溫下，泡菜飯就味道麻麻地。芝士條，最後的甜品，勁正，好過去發記食甜品喇！

鋪頭係牌坊隔離幾易搵主打日式烏冬同埋台式飲品湯底非常好尤其係豬骨白湯可能岩口味反而自己果碗味噌湯底無咁好味價錢合理需要改善既都係門面因為太平凡, 冇咩特色可以更加吸引

食過幾次，覺得都唔錯，咖哩飯和烏冬的味道都ok,只是配菜的選擇不太多，如烏冬的配菜加粟米要加錢，但以40元左右的價錢已算很好。飲品選擇也不錯，試過蘋果乳酸飲品和薑蜜，味道都很好。以深井不多餐廳來說，這尚算一個清新的選擇。今晚見到食客很少，希望佢做得住，等我地食茶餐廳以外有多個選擇！

朋友推荐，话这家好食又抵食。趁假期最后一日去试哈咯。去到两点几，本以为会没人，點知全店幾乎爆满。老板話平时莫咁旺，假期人自然多D。本人最中意食海鲜乌冬，这家主打乌冬，自然要试试啦。叫咗海鲜乌冬陪猪骨汤底，赞一个先！材料莫得讲，除了一般的配菜，还有新鲜蠔、带子、墨魚和特级蟹柳！！手打乌冬也很弹牙。不过猪骨汤底莫咩特别，乌冬还是应该配清汤啊~后悔后悔！饮品我点了椰皇乳酸，以前从未听过，以为是酸奶，朋友又推荐加胚芽，结果惊为天人！好飲！不過朋友點的荔枝乳酸重好飲！朋友話我做咩咁OUT，乳酸系台灣嘢。小食還點了炸蠔，很有蠔味，一問老闆，結果話是日本蠔來的不似一般餐廳用的大路貨。價格方面，海鲜乌冬42蚊，但他的用料一定好过那些卖50，60幾蚊的。一个字，抵食啦！特此推荐！但提醒大家餐廳環境一般般咯，不過40幾蚊消費這個環境我就很滿意的啦。對了，老闆還推薦咖喱，說是用的日本名牌，香港很少餐廳捨得用的，下次一定要去試試。

今天天氣好泠呵!!朋友介紹這間食店, just 在 深井x 記甜品隔離, 光看外表實在平平無其, 價錢也與茶餐廳無異因為yesterday 吃得好飽, 在第一次order 時只點了1. 麻辣金姑肥牛烏冬($38) (店主推介麻辣湯底)2 炸豬排($15). 3. 炸蠔($7@)4. 薄荷咖啡(台式) ($16)5. 凍檸茶 台式 ($14)D 烏冬非常好味，彈牙有嚼勁，唔同一般在X民吃的烏冬，加埋辣的豬骨湯底，辣度適中，對於不太喜歡舌頭麻痺但又喜歡麻辣的我，味道剛好。而且，肥牛同金菇份量亦不算少。炸豬排好鬆脆，而且是現做的，咬下去熱辣辣。炸蠔很好味，雖然蠔的SIZE不很大，但咬下去好juicy。薄荷咖啡是我最欣賞的飲品，有薄荷味又有咖啡味 ：) ，有x bucks feel。只係$16，正。台式凍檸茶 ---ok因為好味的關係，我再order　左以下食物：6 日式蘋果蓉咖哩 bb 帆立貝 飯 ($38)7 鹽燒北海道花魚一整條 ($29)8 泡菜釀雞翼($6@)9 藍莓乳酸飲品($14)三樣都好好食，條魚超抵，啖啖肉之餘肉質亦好滑，我估如果在居酒屋吃，一條起碼大約$68 吧，而

深井食肆有個特色，吃燒鵝的話，傅記、能記、裕記及嘉韻的燒鵝及瀨粉都不錯，打邊爐也好（滾得棧），西餐也好（Kcal），甜品也好（發記）。但是其他的食店認真麻麻，曾遇上用發霉壽司板上菜的日本餐廳，也有只是貴價茶餐廳扮餐廳的餐廳（椰林閣），還有每一款食物都不好吃的茶餐廳...如要找一家不算貴（以人均少於HK$100能吃飽為之不算貴）而味道又不錯的簡單食店，反而困難。所以當看到發記旁的舖位新開一家名為「新井食堂」的小店時，大有期望，因為格局看似便宜，又有烏冬、咖哩及珍珠奶茶三樣我都愛吃的東東，只要味道跟區外的餐廳差不多，就算是合格以及"可Encore"了。老公點了幾款小吃。京蔥牛柳粒樣子不錯，味道跟和民的差不多，而且只是HK$20/小碟的小吃價格，味道VS價錢是物超所值。吉列生蠔（每隻HK$7，三隻起），生蠔炸得脆卜卜，三隻也不過是HK$21，這個定價真的是香港價嗎？金菇牛肉卷（HK$20/3件），牛肉有少少靱，但是金菇分量不少，也是物超所值的一款。我選擇泡菜釀雞翼湯烏冬。烏冬可選日式鰹魚湯或台式紅燒牛肉湯，或加錢選豬骨湯或麻辣湯底。我選了台式紅燒牛肉湯，但不知為什麼湯底會有少少辣，還是配菜有