新來發 (新來記食品) (已結業)

白粥油條腸粉........熱騰騰,無用味精. 貨真價實.太古區內碩果僅存的良心店.希望不會被大商家趕絕吧

近排逢星期一都比人遲食lunch,所以連續第二個星期去呢度食麵因為平時lunch時間,呢度超多人,OL都好鍾意食呢間!我今日叫左招牌菜-蕃茄湯底豬潤出前一丁!上次係食豬扒,今次食豬潤仲好味d,畢竟豬扒點樣都會有dd韌,佢地d豬潤好爽口,唔會粉,咬落去好有口感,仲有成6,7舊添!至於蕃茄湯底,唔理佢係咪用罐頭茄,但係就好好味,一黎到就飲啖茄湯,熱辣辣好正!最衰係近排"丁麵"加價,變左食丁麵要加2蚊,佢地之前係唔駛加鈺嘛!不過食得過0既!

今日同阿媽唔知食咩又睇到食評就來試下來發叫左一個豬潤麵,牛肉麵D湯好正,好鮮甜，D潤好爽同埋響則魚涌來講唔算好貴架啦所以好抵食,可以一試

2008年7月13日早上7:30 同沙牛男友食早餐, 佢當然叫沙牛麵啦! 我就叫咗大家推介o既豬潤麵, 再加多個魚柳包.,1) 沙爹牛麵 – 都唔錯, 係鮮牛, 唔錯唔錯! 2) 豬潤麵+茄汁湯底 - 豬潤好味喎! 厚切剛剛熟, 好滑好新鮮, 個湯底好好味. 不過唔可以同維記比, 因為味道唔同, 我覺得兩間不相百重! 3) 魚柳包 – 普通料, 可以唔試下次試下豬扒包先

有一日突然心血來潮好想食沙牛蛋包, 所以就去搵阿媽攞, 先知原來本身得沙牛包, 係冇蛋架~ 所以大家要食就要加錢喇~我好少食沙爹牛肉, 今次真係好少有咁突然之間好想食先試, 點知原來咁嘅配搭都幾好架!~個包係扒爐度'慶'過, 加埋隻新鮮炒起嘅蛋, 熱辣辣, 好鬼正~ 仲有嘅就係個包嘅精髓: 沙爹牛肉! d牛肉好多, 仲夾住好多好多沙爹汁!~ 一啖咬落去果時d汁會多到漏晒出黎!* 如果配埋杯冰凍嘅奶茶就very good 喇*順便一題, 呢度嘅奶茶咖啡都唔錯架~ 係用Lipton紅茶葉沖架! 仲有佢d咖啡都幾香架我都特登用黎整tiramisu架!

自從捨棄了旁邊那間態度超級惡劣的長X 後, 便改為來這間光顧, 也光顧了好多次, 吃過很多不同的菜式, 所以一次過介紹幾款菜給大家。這裡的服務態度也很好, 很照顧客人, 有時我叫的小菜只有一款是跟飯跟湯的套餐, 我跟朋友二人, 另一個單叫小菜, 也會自動附送一碗湯。且用餐前, 餐具都放在一盤盛著熱水的大湯碗裡, 讓客人感覺很乾淨, 很衛生。蕃茄湯麵：湯底很不錯, 可當湯來渴, 且本來跟丁麵, 不用加錢轉, 算幾實惠, 且是套餐價錢, 食得過。鹽焗雞：非常好, 鹹味完全滲進雞肉及雞皮裡, 雞肉很嫩滑, 沒有過生或過熟, 味很鮮, 雞肉味足, 最值得一讚就是雞腌得夠晒時間, 鹹味滲透到最內層的肉, 每一塊都很美味, 那碟薑茸也調得很好, 能將雞肉的味道再帶出幾個層次。這個水準算是幾難得, 值得再三回味。椒鹽九肚魚：炸得很鬆脆, 魚肉很嫩, 外皮又夠脆, 椒鹽味充足, 很好。椒鹽鮮魷：相比旁邊那間長X, 這間好太多了！鮮魷算幾鮮嫩, 沒有灼得過火, 外層夠脆, 且椒鹽味充足, 這才是真合格的椒鹽鮮魷, 不像旁邊那間弄得淡而無味。醉雞煱：雞件大, 酒味也香, 惟火煱湯底藥材稍嫌少了一點, 但味

01号同班同事去食飯..叫左5樣野..好快上..哈又俾d水我們洗豌..不錯~~但..咸魚雞米豆腐煲無咸魚味..改善下!!

其實茶餐廳是否Fusion菜館的始祖？葡雞意粉法多星米，花旗什扒日本烏冬，還有各款各樣中式小炒粥粉麵飯。據此推斷，茶餐廳餐牌應是清末年間八國聯軍所編制。愛人返娘家，獨個兒找吃，來到新來發。附近超級商廈快將落成扯高租金，過往華蘭路茶餐廳八家爭鳴之局現在只剩其五。以人腳狀態而言，新來發是最有機會突圍而出的一隊。豬潤丁麵茄底，吃過不下十數次。茄湯雖不及勝香園，但茄鮮味仍足，茄茸散滿湯面。麵，是default丁麵，無需加錢。麻油包放在檯上任取。冬波貪婪，曾試下放三包，結果弄巧反拙，看官勿試。當然茄底是不用加麻油。豬潤五塊厚切爽口，相比深水維記薄切，兩家當中個人較好前者。新來發、生記、靠得住，分駐港島東西中，是冬波心目中的豬潤聯賽三強。原來這碗麵也是fusion菜。茄是源自番鬼佬的茄，麵是株式會社研製的麵，豬潤則應該是我國獨家代理。埋單連檸茶二十七蚊。

10月18日，17:00孟母三遷"新來發"版：幼學- 市井：康山街市舞象- 商廈：康怡南弱冠- 民區：惠安苑現已成薄有名氣的茶記。從深圳帶Notebook到IBM續保養，趁機再到這店。要了鮮茄湯豬潤通粉。湯底：鮮茄切粒口感不錯，湯充滿了蕃茄獨有酸鮮，濃極，像加入了茄糕一般。通粉：量多得驚人，可惜經白灼厚切和湯底格格不入，雖有點過火，但仍不全失豐和膩的感覺。通粉：非彈牙一族，孔徑偏小，但吸滿湯後，仍要讚句"奇味無窮"。題外話：久違了的食店，店員和客仍是"快上快落"，老闆娘的江湖味不減當年；唯一不同的是可以吃完才"埋單"。

今日在這裡吃午飯,這裡的午飯時間是人山人海的,有很多人等位,而坐位也是頗迫的這裡的炒粉麵飯都很大碟,和朋友點了味菜牛柳絲炒麵兩份食.麵底做得好好,很脆口,即使淋了醬汁於面,也不會太淋.牛柳絲炒得入味,但味菜反而做得不是太好,欠缺了酸味.這裡的蕃茄湯麵也是很好吃的,有濃濃的蕃茄味,不過上次吃時要了公仔麵(這裡是用出前一丁麵,不另收費)我覺得公仔麵吸收不到蕃茄湯,所以下次食時點通心粉可能會更好味~這裡的價錢合理,蕃茄湯麵$21,湯飯$28,炒粉麵飯大約$30-$40, +$2汽水,+$4熱飲,+6凍飲,+$8特飲

冰雕展前, 原本打算先到函館補充一下, 怎不知碰上中場休息, 失望地去到這間茶餐廳. 二人由於張貼牆上的雜誌內頁, 都點了豬潤麵加凍飲.麵一上, 好大陣蕃茄味. 咬一下豬潤, 出奇地並不粉, 而且幾爽口, 但豬潤上有些頗突出兼礙眼的色班, 相信是化學品所為. 麵身就稍為過淋. 蕃茄湯方面, 好清, 好甜, 卻有點假, 蕃茄茸食得出是鮮茄. 麵食畢, 飲品飲完, 都尚見口渴, 無疑係味精作祟.麵整體都算可以. 一兩餐會覺得味道幾得意, 但再多就受不了.

十點幾仲未收得工，就同同事幾條友來食宵夜，華蘭路唔係無好野食，有時為了醫肚仔，好又一餐，唔好又一餐，做人就係咁，「有得揀我都想做好人。」街坊餐廳，都有唔少報導，見番茄什麼什麼咁巴閉，就叫了個茄牛通，同事們分別叫了茄扒麵、梅菜扣肉飯、茄牛麵、蠔仔粥。是晚無煙民，天朗氣清，看著大電視，都幾好坐，又諗返讀書時lunch柴娃娃在飯堂的日子；說這碗茄通，罐頭開的湯，味同質感都難與勝香園相比，牛肉被化學過，難頂，吃了兩口，便要打退堂鼓。同事的豬扒麵，試一口豬扒，剛炸起的貨色，粉打得唔錯，入口香脆，油水十足，認真超脂，茶記貨色，算交到功課，又瞄瞄女士的梅菜扣肉飯、蠔仔粥，碟頭大得很，兩碟飯足夠四人分。埋單，各自各比，好耐未試過係茶記「籌旗」埋單，感覺就似返翻學堂。

此店搬了去華蘭路的華潤超級市場旁。到新地點吃過兩次晚飯，一次下午茶餐。這是一間典型港式茶餐廳，餐牌和地下有少許"黐立立"，店內有些抽煙的港男，但侍應阿叔態度出乎意外的相當不錯。此店所有的麵餐都是用出前一丁，不另收費。招牌蕃茄出前一丁麵($20)可配豬扒、豬仔潤、牛肉等，加熱飲$3、凍飲$5。蕃茄湯底酸酸甜甜，清新美味，豬扒幾鬆化，不過略嫌下多了梳打粉。特餐($25)全日供應- 有豬扒/牛扒/雞翼/雞扒麵，火腿omelet，牛油方包和熱飲。雞翼大大隻幾好食，雞扒則嫌細塊。omelet蛋煎得嫩滑，方包也新鮮鬆軟。小炒如中式牛柳，黑椒牛仔骨味道不錯，份量足，錢價也相宜。反而茶餐的沙拉好麻麻，雪到有些變冰。總的來說質素算不錯。

20050916 1pmHappy Friday 午膳. 輪到我諗食咩.前兩年曾在康怡一帶工作一陣子. 是日強逼2個好同事和我一起到果頭我十分記掛的一間茶餐廳. 老實說從未在此坐低食, 以前都係打電話叫買外賣. 從太古坊到康怡廣場, 約需步行5-10mins.menu 差不多無乜改變. 不過就無o左我從前極愛的片頭豉油撈粗. 不過為左冕懷一番, 叫o左金牌車仔雜錦撈粗麵($25), 其實都好正, 又有豆卜, 又有爽甜無渣靚蘿蔔(証明是真的甜, 不是用冰糖煲到淋晒的那種), 係o的魚蛋就淋o的. 個汁也好像無舊時的好吃, 比較稀. 不過so far 都已經好唔錯. 再加凍檸茶小甜, total $32.同事要了很麻甩的那些煎蛋腸仔飯. 不過食剩晒的菜, 話唔係咁靚wor.另一推介, 肥爆炸魚柳早餐. 好食到一個地步試過叫外賣食足一個禮拜!

其實我都經常到新來記吃晚飯小炒，貪佢地點餸炒得好香。伙記雖然都係有少少粗魯但都會笑笑口同你落單。緊記落完order 會即刻收錢，因為地點係商場通道，食完走數話咁易，係此處特色之一。