新來發 (新來記食品) (已結業)

Lunch好平!!$25一碟!又大又足料,平!+ 冷drink 都係$30左右!!

復活節假期除左做家務同休息外.當然係出街食.一支公放長假真係好過引....幾時去食飯都得.今次行遠少少去到康怡美食廣場試下呢間茶餐廳掂唔掂.去到大慨六點多...唔係好多人.求其搵張桌椅坐低, 的菜牌同平時的差唔多.要左菜薳牛肉炒麵+熱horlick.我仲諗住佢俾張單我, 反而佢叫俾錢先.咁耐去茶餐廳都未試過先付錢後用膳.不過其實都係正路, 因為此餐廳正係走廊兩邊擺檔.唔俾$先食客好易食食下野走左唔俾錢都唔知.飲品好快上來, 用了高身有耳的杯.及後炒麵都上桌麵炸得唔錯...幾脆有點失望是其餘的部份.先說菜心...相信係之前已灼熟再反灼...葉的部份太腍...但好過表哥的芥蘭...菜的份量普通.牛肉片比其他餐廳少牛肉片大部份都幾腍, 除左有一舊大大的好似冇切咁...咬落下正是筋的部分...我諗我出力咬會咬崩牙.同埋食完食碟剩返好好好多油...雖然預左炒麵會多油, 但今次卻給我一點心驚.食完個麵再飲杯熱品卻仍然好熱...算是唯一驚喜.埋單$33 雖然係平但質素普普通通.

又係星期三，又去吉之島超市買特價貨-超級星期三。很多特價貨品HK$8.8.-- (好一個小男人)。但今天太累了，先來一碗(煲仔)魚腩粥，補充體力。上檯時粥還不停地滾，粥底OK，但魚腩太咸，整體算可以。需然現在同�{ 已沒有其他對手，但眾伙計仍很賣力，真是難能可貴！

從前還有一家是賣車仔麵，已搬往116巴士總站那條街叫做大業。新來記現時仍有車仔麵，但種類比從前少，又沒有油麵，湯底差了一點點。但我中午始偏愛麵食，但又不願跑那麼遠。HK$20.- 紫菜四寶麵OK，可以一試。

首先update番D資料先；呢度個電話係：2885-9991，營業時間係：上午7:00至晚上10:00；唔該Openrice改番佢o丫，thanks！其實呢度個老細以前嚮康怡街市攪茶記；果度依家變o左百佳，佢就搬o左o黎康怡美食廣場。最初呢度一間係來記，一間係新來記；通常我地一座低，兩間店o既waiter即刻以極速飛奔過o黎俾菜牌爭生意，場面都幾攪笑。依家來記個舖都已經變埋新來記，廚房大o左；除一般茶記小食同炒粉麵之外，連生滾粥、燒味、湯粉麵都有得食，晚市仲有小菜添，有D大排檔風味，選擇都唔少。午市多數會食佢個茶餐，$25包一個單拼公仔麵(default係福字麵o黎o嫁！)，配火腿奄列牛油方包同飲品。又或者可以試下午市套餐，通常係炒粉麵，都幾夠鑊氣。仲有，呢度o既規矩係先俾錢後食o野，都幾奇怪~~