新利記 (已結業)

太安樓有很多美味的食品，串燒，小食，應有盡有。突然有股衝勁想清清腸胃，便選擇吃粥品。十三元的粥，可以配上腸粉(共二十元)的套餐，也可配上炒粉炒麵。而腸粉可選擇蝦米腸/齋腸。我選了，艇仔粥配蝦米腸，上菜快。粥十分綿滑，魷魚爽口彈牙，肉絲份量多又不韌，多種配料令粥鮮甜無比。至於蝦米腸，上枱時已經變涼，相信一定影響了它的味道。果然，粉皮已經變硬，質地奇怪，蝦米份量亦很少。二十元的粥品，的確算是便宜，可是，下次光顧，我只會選擇吃粥。

新利記迄立太安樓多年，店面尚算OK，普通茶記的格局，門口左手邊擺著拉腸粉的蒸具，右手邊則是糯米飯的蒸爐。從大門口，可窺見全店面貌 – 正方形店面有二十多個座位，雜物四處，殘殘舊舊、滿地垃圾，食客大多為年邁長者或藍領人士，再一門之隔更可見穿背心廚師在拋鑊炒餸，盡顯草根平民本色﹗環境與小妹格格不入，再加上衛生較惡劣，故小妹總是過門而不入的。 3.12.13晚，又到太安樓搵食，時間尚早，店內食客不多，為了尋找美食，小妹終豉起勇氣，拋開思想包袱，踏入新利記大門。店子雖小，但食物種類繁多，有生滾粥、即拉腸粉、糯米飯、炒粉麵飯、各式飯餐等，大部份價錢更是由$11 - $26不等，確是東區價廉抵食之選也﹗據小妹三次光顧之所見，$24的飯餐連湯或飲品，最愛街坊歡迎。的確，對收入微薄的低下階層，尤其獨居或孤家寡人來說，二十四元的枝竹火腩飯包老火湯一碗，既飽肚又便宜，仲抵過自己買餸煮飯。是晚，小妹要了一碗魚片皮蛋粥。魚片皮蛋粥 $15平心而論，今時今日，十五大元有如此大碗白粥和配料，確是十分少有的﹗細食之人，已可解決一餐之溫飽了。粥底煲得夠軟綿，濃稠度恰好，惜米香則稍遜。鹽巴落得剛好，再配以皮蛋、魚片及蔥

是日晚歺 - 掃太安樓。總共去了四間食店去完成是日晚歺。頭站新利記, 選佢係因為被佢個糯米飯吸引住。因為要留肚食其他嘢, 所以兩個人只叫了糯米飯(+雙腸) 同蝦米腸粉。先來糯米飯, 13蚊, +腸+6蚊, +雙腸就+12蚊, total$25蚊。都算大碗, 臘腸係一整條, 有花生有蔥花但無臘肉。糯米飯蒸得啱啱好, D飯淡淡的, 但配上咸咸的臘腸就剛剛好....好味再來蝦米腸,唔多想講, 佢係即叫即做, 不過ah姐似乎對調交粉同水嘅比例有D問題, 腸粉係好大碟, 但就一pat pat咁, D豉油同甜醬嘅味道又好古怪。兩碟嘢D水準咁參差......點評分好呢

即拉腸粉不就等於好的了。是日逛街後收到哥哥的柯打，說要吃東西。看見這店子是即拉腸粉的，便試試看。看了一會，要了叉燒腸。叫了店員都沒有人理，便與愛人大聲的叫，才有人理看店員攪攪粉漿，倒下爐。感覺很嘔心，因為那些粉漿是放左地上的，還要沒有遮蓋子的衛生情況可想而知不知看那本小說說：「大菌食細菌，細菌當補品。」可悲。說說叉燒腸粉。我看見店員是從雪櫃內拿出已切好的叉燒出來的，不新鮮。減分。皮十分厚，又不滑的。叉燒是寥寥無幾，數得到有幾多粒的。豉油好像沒什麼味道。份量還可以了，當是填飽肚子吧。幸好哥哥吃了後沒拉肚子，不然我又被罵，哈哈。索價11大元，算了吧。

咱們倆剛吃過牛雜及炸大腸,見它門口蒸籠閒著,不如快手叫碟魚片腸$11+豬雜粥$15!7-8分鍾兩樣同時上檯,腸粉皮差不多跟東北餃子一樣的厚,咬落有種不洽當的un,魚片蒸久了,入口是腥及鞋,豉油調得過淡,真的:不吃也絶不是損失。粥底不説了,反而豬雜唔錯,最起碼連咬幾片豬潤全都爽脆一致的,加回些少分。

4月9日（星期五）晚，是晚女友又要加班至很夜，所以相約去西灣河我吃宵夜，當然我收工坐巴士過海去到西灣河，女友早就等著我來。因為女友又感到不適，不能吃得太油膩便想去食粥，我們行過見到這裡有即叫即拉的腸粉吃，女友很想吃就入內坐下來。這裡除了粥品腸粉外，好像還有即炒粉麵，但我們來是吃粥的，所以我就要碗豬雜粥，女友就要滑雞粥，再加一碟又燒腸粉。原本我想吃豬肚粥，不過見到豬雜粥好似幾特別，所以想試下，豬雜幾多料，有豬肚、豬腸、豬潤和豬紅等。其實我很怕吃豬潤，因為覺得很難食，但這裡的豬潤卻不腥，潤味還可以接受，至於豬肚爽滑、豬腸軟腍，食味和豬紅一樣，真的很一般；女友的滑雞粥也相差不太遠，雖然雞肉有用酒醃過，但雞肉卻不甚嫩滑。談到粥底，雖然粥底軟綿，但米粒卻不是完全爆開，而且沒有經過調味，和普通白粥無分別。最令女友期待的又燒腸粉卻令我有點失望，先是阿如儲埋幾張單至去拉腸粉，再者阿姐拉腸粉的手法很豪邁，下米漿太多以至腸粉厚皮，影響口感，餡粒叉燒粒又因雪得太久，令其味道大減，整體來說不算得上是好食的即拉腸粉。話雖如此，以西灣河太安樓吃宵夜的角度來說，有這樣的食物供應已算幸運，不能要求太高，知足才能常樂。

$19 一碗熱騰騰的生滾滑雞粥雞一點都不老,而且有鮮味粥底本身已經好綿綿還有少量薑絲和長蔥一碗的份量已經很飽

你吃過熱騰騰的腸粉嗎?雖然很多標榜自己的腸粉是即拉的 但有九成也是預先拉好,放在微暖的蒸爐而已所以,你吃過又熱又滑又平價的新鮮即拉腸粉嗎?而且是會熱得盪咀那一種實在太棒喇 不能不在此高呼!!腸粉絕對是100%即叫那女店員即拉的超熱超新鮮!$11 only我是很嗜腸粉,蓀點的人。若你也是,不能不試試看!找了很久,才發現那高水準的店!即使是在筲基灣頗出名的君記, 也不外如是 不但預先拉好更沒有放入蒸爐!!!差!希望你看了這食評後,能試試看!即侯自己不愛 也告訴朋友一聲!西灣河太安樓 很近的

我地3個人食晚飯,一共$66臘腸糯米飯迷你臘腸和膶腸都幾好味,糯米飯好煙韌,加上甜豉油都好好味,一碗3個人分就剛剛好.涼瓜肉片飯賣相幾好喎味道都唔錯,涼瓜剛剛熟帶少甘,肉片唔鞋,個汁唔會好傑~排骨炒河LEE個汁就惹味D,排骨都好入味~河粉都幾多,有青紅椒和洋蔥絲,都算有誠意凍奶茶茶夠濃又大杯.咁既價錢,有碟頭飯食已經好難搵喇

$20一碟雞扒火腿飯其實咁平都冇咩期望只不過真係有d過份啵雞扒有1 1/2舊火腿一塊汁少許飯就幾夠...就算物價上升..咁俾多d汁都得掛 ><講返個味道雞扒好明顯擺左係雪櫃好耐....火腿冇咩好講 普普通通@@下次都係食返炒粉麵抵d好味d

今時今日經濟唔好，自然想搵又平又抵的晚餐，可惜西灣河好多食肆食個晚餐郁D都最少要$25。適逢家人北上，而我又懶唔想煮，於是就去新利記食。新利記係西灣河入面算係抵食，炒一丁連茶啡或例湯只係$22，雙拚麵都只係大約$17，就算要出前一丁都唔駛加錢。我7點前就去到叫外賣，食肆入面差唔多坐滿。環境就幾擠迫，外面環境就幾邋遢，我見到整腸粉的職員刮走腸粉鐵盤上的垃圾，之後求其將垃圾掉在地下，周圍有蒼蠅飛過都無理，附近又無蒼蠅貼。以前叫午餐就算叫個雙拼麵都要等約15分鐘，今次叫海鮮炒烏冬5分鐘就炒完。海鮮炒烏冬入面有蔥、蟹柳、獅子狗卷粒、小量香腸粒及芽菜。師傅炒得唔算「濃」，海鮮料算幾多，而且又幾大盒，$20有咁既質素都算唔錯。海鮮炒烏冬送埋例湯或茶或咖啡。例湯係霸王花湯，但只係得幾啖湯有小小味，整體係淡而無味。

早兩日去左西灣河, 就再來這裡~ 它從前是商場內的車仔檔, 自小就幫趁了~ 它主打炒麵~我同朋友叫左:1. lor米飯 $12 (大大碗有好多花生, 飯的軟硬恰到好處, 早排蔡生都有去食!!)2. 星洲炒米 $20 (好抵食呀!! 份量味道也絕不欺場!! 仲送例湯or tea)3. 雜錦少麵 $20 (同上)今時今日物價仍然高漲, 好彩有佢乍 隔離大x樂貴佢50%呢