新南苑私房菜火鍋鷄煲 (海德中心) (已結業)

打邊爐真係無分咩季節，一年4季你想打就隨時可以打😋 適逢朋友生日，我地作為朋友緊係要賀一賀佢啦，順便大家可以烚下烚下🥘🥘依間係雞煲邊爐放題，朋友之前食過，強烈推薦👍👍黎試下咩料子😎😎睇下係咪真係感好食先？？佢價錢方面分左三個類別，有平有貴豐儉由人，睇下自己鐘意食肉多d定海鮮多d🥢🦀🦞我多由於女仔比較多，叫左海鮮類別。。侍應首先會拎左煲雞煲出黎，在我地面前炒炒炒😉嘩，慢慢滲左d香味出黎😋炒完食落去勁入味同好濃，仲有少🌶️tim, 我地 encore左多次先再打邊爐。。而邊爐裡面有隻好Q既湯底公仔，最啱打卡😂同埋佢各方面既海鮮同肉類都好新鮮，侍應既態度都好nice, 值得再去😍

行完山肚餓去食，雞煲叫咗大辣，一上台已經覺得煲野好乾無咩汁食落去麻又唔麻，辣又唔辣...... 已經叫大辣完全無料到...... 送啲油炸鬼放落去又乾又硬一啲都唔脆......之後食曬啲雞諗住叫佢放湯落去，點知佢竟然成個煲收走咗....... 換過新煲湯底打邊爐(正常係留返舊嗰個雞煲，之後加湯落去再打邊爐）。湯底一係清湯一係南瓜湯，叫咗南瓜湯完全冇味...好似清湯咁又冇南瓜嘅甜味，湯底隻色似南瓜囉煲完啲配料上曬色係咪加咗色素扮南瓜湯？火鍋配料方面，我哋叫咗海鮮餐，送嗰款海鮮尚算新鮮，牛小排都唔算肥，但之後任食嗰啲配料質素一般，成日走單(一定會漏幾樣野）送過黎又慢(上幾轉都夠鐘）配料你寫數量係冇用，佢係睇人頭...... 八點前離座原來要人哋比現金先有優惠...... 正常都碌卡啦，搞到要落街撳錢，好在最後比我PayMe，無下次啦，咁岩灣仔見搵唔到邊間有任食先黎試下

最近Openrice 訂位有得抽獎又有得儲飛行里數，中利節前同家人做節，揀左打邊爐又可以一枱坐多過四人，最後book左【新南苑私房菜火鍋鷄煲】位於灣仔內街的商廈內，地點一點也不起眼。出電梯已經是火鍋店，不見門牌。【新南苑】裝潢年青又有心思，完全跟老土的名字不相對。牆身有色彩繽紛的彩畫，吊燈用上舊玻璃瓶做成，型！另外，這裡有幾間獨立房間，每間房間都以學校為題，例如電腦室、體育室、實驗室……等。當日客人不多，小編被安排坐在房間內，有私隱又有電視，正！新南苑名字似曾相識……看看餐紙上印有關於新南苑私房的小背景，果然新南苑是以前觀塘仁愛圍很旺的食肆，但因為重建而結業，輾轉間再於旺角及灣仔開店。不過從以前打冷小炒店變成現在的火鍋鷄煲。【新南苑】雞煲兼火鍋放題，有三個套餐: 海鮮餐 $308、牛魔王餐 $318 及至尊餐(即是海鮮、牛魔王）$468。五、六、日、假期每位加再20元。入座起計算三小時，價錢合理。【新南苑】飲品有涼茶、汽水、果汁等自取任飲。另外, 火鍋醤油款式多，方便客人自取。先吃雞煲後火鍋，這個雞煲配以芫茜、紫洋蔥、蒜頭、蔥、辣椒等香料輕輕炒過，之後按店員指示會三分鐘攪一攪，重複三次

特登早啲黎食個early dinner，驚喜 - 「新南苑私房菜火鍋鷄煲」依間雞煲邊爐放題係朋友推介，朋友再幫手book埋，所以我諗都冇諗睇都冇睇就決定左食依間。book左17:45，我同兩個豬朋一行三人17:00就到，好彩侍應叔叔都俾我地坐住等。依度唔係好大，坐得都ok舒服。呢度嘅餐大致上分三種（夜晚八點前離坐）：牛魔王餐$278，海鮮餐$278同埋至尊餐$438，星期六日公眾假期前夕就加到$20。我哋三個人都係叫咗海鮮餐。一開始，侍應就比咗半隻雞嘅雞煲你自己慢慢炒，我地叫咗小辣，ok香但唔辣，炒嘅途中加埋油炸鬼，但由於個雞煲都幾乾身，所以啲油炸鬼都唔會點入味，啲雞算正常味，我哋總共叫咗兩次。食完個雞煲，如果喺其他餐廳，通常就會加啲水就轉做打邊爐，但依度佢另外比個湯底你👍我哋今次叫咗個蟹窩花甲湯底，湯底都幾清幾幾淡，當然你淥完d肉/海鮮之後，越煲越耐就會變咸，臨尾我都飲到幾啖，係南瓜海鮮湯嘅味，幾好飲。依個海鮮餐包每人1份海鮮：有大蝦、聖子、生蠔、帶子、大蜆，同埋一舊唔知咩魚。隻蝦好大隻，成隻手掌咁大，肉質爽有蝦味，正。就算你係出邊超市買呢啲size嘅蝦，我諗都起碼$20一隻，痴線，

一年四季打邊爐食雞煲對我嚟講完全冇問題嘅😆原來灣仔有間樓上任食雞煲及火鍋店，係朋友帶我去先知咋！諗住weekday去食會少人啲，真係估唔到咁多人呀！晚市提供任食放題，雞煲+火鍋套餐有牛魔王、海鮮、同埋至尊餐餐俾你揀。價錢當然唔係款款同價啦。我哋叫咗「牛魔王」餐，成人星期一至四正價時段每人收取HKD318 (另加一）。點了餐後先上雞煲，可以無限添加直到你想打邊爐為止😆第一round嘅雞煲已經好大份，我哋唔敢encore，怕食唔落火鍋呀！要食好味嘅雞煲記住跟足侍應同你講解嘅「雞煲4部曲」做。雞件滑溜以及用多種香料+調味料醃製，惹味到食唔停口😋😋 油條要留到最後嘅步驟先好落，太早放落雞煲就淋晒唔好味～ 食完雞煲同侍應講聲，佢哋好快手咁換個新鍋俾你打邊爐。自選湯底有多款，我哋揀咗「新鮮蟹窩花甲湯底」，有新鮮蟹+花甲呢啲海鮮滾起嘅湯底應該好正。▫️「牛魔王餐」有美國SRF黑毛和牛肉眼、美國肥牛、紐西蘭羊肉卷、安格斯牛小排，全部都係限時內任食。每一款肉類我哋都試過，覺得黑毛和牛肉眼特別正👍🏻除咗肉類仲有超過30款配料都係任食！食完真係捧住個肚走呀。▫️甜品 - 北海道3.6牛乳奶凍 (每人一杯，呢個唔

灣仔「新南苑私房菜」🥘趣致南瓜公仔頭🎃 雞煲放題🥘任食雞煲·火鍋🍲 課室玩味風裝潢📝 試過幾次都唔錯👍🏻☀️雞煲任食🐔 辣度任你選擇🌶 （大辣/中辣/小辣）件件雞啖啖肉🐔滑捋捋😋十分惹味❤️❤️❤️☀️接著到火鍋🍲 有試過蠟筆小生同小熊南瓜公仔頭🧸 好有心思🎀 熱湯倒入南瓜公仔頭🎃 即變成香濃蟹花甲湯底🦀🦀👍🏻👍🏻 放題價錢由$278-$468不等💲因應牛肉級數而定🐮 係物有所值😍十分推介🥰❤️❤️❤️

這麼可愛的小熊🐻泡湯一定第一次見香濃的紅蘿蔔跟南瓜🎃製成的湯底甘甜可口這個蟹窩花甲湯底是灣仔店限定才有熊仔泡湯～留意番我選了海鮮餐附上一大盤新鮮海鮮（6-7 款每款😍）深海龍躉、鮮蝦、脆鯇、肥牛都是任點❤️當然仲有其他配菜有另一張menu 可點這裡是先吃雞煲再打邊爐雞煲有少少特別可以自己參與炒雞件同拌油條粒下鑊醬料稍嫌不夠外，份量其實好大份😂汽水飲品也是自助的～可以自己選擇服務也不錯👍🏻以下menu

之前見朋友食過，已經好想黎新南苑😋今日放假同老公專程去灣仔幫襯入到店內，店長都非常親切介绍各款套餐，呢度180分鐘任飲任食火鍋套餐有三款【🐂牛魔王餐】【海鮮餐🦐】及 【至尊餐🦬🦀】另外無限食🐔雞煲🤤我地都喜歡食海鮮😋當然選海鮮餐啦🦀🦞🦐🦑🦪見仲未食得，就參觀唔同類型房間，每間VIP房都非常闊落，可供6至8人以上，私隱度高，下次可以約埋班朋友一齊來😎侍應哥哥先來2隻冰鎮鲍魚🤤原來每抬客都有得附送的，鲍魚口感非常彈牙，仲有個醬汁😋味道唔錯👍🐔雞煲係無限任食，我地叫左中辣🌶🌶上枱後侍應姐姐會幫忙炒，每兩分鐘打開蓋都聞到超級香😍最後一轉會落埋油炸鬼粒炒混埋啲醬汁就食得，每件雞都好入味🤤最正呢度炒嘅雞煲係炒得非常乾身👍不過🌶🌶中辣竟然喺唔夠辣，下次要叫大辣🌶🌶🌶吃完🐔煲，換了自選新鮮🦀蟹窩花甲湯底開始打邊爐喇😋上湯底拎真係有驚喜😍因為廚師預先整左個南瓜蓉冰模Million❤️真係好可愛即時要📷打卡先😎店長哥哥話有好多款唔同類型公仔冰模架，所以每枱未必相同😆🦀🦐海鮮套餐會有一盤精選海鮮「大聖子、帶子、刀貝、生蠔🦪海蝦🦐脆鯇片」全部都好新鮮🤤加上用花甲湯底滾熟仲將鮮味提升了😋🦬牛頸脊牛味濃肉質又嫩滑😋

新南苑一直都有幫襯，出名料多海鮮夠生猛！ 今次再嚟灣仔店，裝潢貴麗，仲設有好多獨立房，以校園命名😆 校長室、體育室、電腦室等，好得意🤣我哋揀咗好抵食嘅～雞煲。火鍋放題 $278（海鮮餐）先嚟冰鎮鮑魚，爽口彈口，加上秘製芥末醬汁，真係好好味🤤然後喺雞煲～～好多配料，辣椒、香菜、蔥條、洋蔥等，雞肉好嫩又香口，好惹味店員推介新鮮蟹窩花甲湯底，果然無介紹錯😍 湯底與別不同，窩入面放咗隻可愛橙色小熊🐻，原來係南瓜🎃結成冰，當加熱後會慢慢溶化，變成湯底。 熊仔🐻旁邊仲有原隻蟹及花甲s， 真係［南瓜熊蟹逅花甲湯］囉😆一次性活海鮮拼盤有7款，蟶子、帶子、蠔🦪、海蝦等，種類多，又新鮮生猛。 另外亦有嫩滑嘅本地手切牛頸脊任食配料都好多選擇，有深海龍躉、鮮蝦、本地脆鯇、美國肥牛、台灣鴨血、海膽丸等等飲品都係任飲另外甜品仲有北海道3.6牛乳奶凍😋

一直都覺得喺灣仔比較少有放題，一般都係集中銅鑼灣嗰邊，但原來灣仔區都有出名食鮮味高質嘅放題-新南苑分店。以前喺旺角食過新南苑，覺得佢哋海鮮食材夠新鮮，灣仔呢間亦都唔例外！呢度180分鐘任飲任食有三種套餐選擇，海鮮餐丶牛魔王餐及至尊餐。至尊餐可以想試哂餐廳唔同海鮮同牛肉，所以決定揀左至尊餐。招牌鬼馬麻辣雞煲首先坐底左會有雞煲任食，整雞煲要高火煮7分鐘，之後喺每1分鐘30秒炒1次，以防痴底，雞肉咁樣唔會過老，打開煲蓋時已經聞到雞煲嘅香味，雞肉索哂啲醬汁，肉質嫩滑，好惹味，加埋油炸鬼落去炒，食落比雞肉更索汁，辣辣地食落過癮。冰鎮鮑魚食雞煲途中，待應姐姐送左兩隻冰鎮鮑魚比我哋，鮑魚新鮮彈牙，凍食加埋芥茉嘅醬汁味道好夾而且好入味。麻辣小龍蝦小龍蝦味道夠辣，送酒一流！提提大家，喺7月新南苑做緊個個任食小龍蝦限時優惠，會係食完雞煲後及打邊爐之前提供，真係名副其實，食到你滯。新鮮蟹窩花甲湯底湯底有接近5款，我揀左呢個新鮮蟹窩花甲湯底，材料包括有原隻蟹丶蜆丶粟米同埋雜菜等，仲有一個好可愛嘅熊仔頭南瓜湯蓉造型，只限灣仔店先有，好搞笑得意！侍應姐姐會幫手加南瓜湯再開爐加熱湯底，一開始好似睇到個熊仔浸緊浴咁，

今晚黎到灣仔區搵食。一黎侍應即上一盤熱水俾我哋洗碗碟，夠晒安全！之後上左雞煲，侍應係我哋面前加熱翻炒，香氣撲鼻，即刻流晒口水，雞肉夠滑夠味，可以一試。如果配飯好一流。之後點左海鮮餐任食，款色夠多款又新鮮，我哋揀左南瓜湯湯底，圖片中熊仔就係南瓜湯精華。餐廳仲送左2隻鮑魚我哋食，超開心

約左阿爸阿媽食住雞煲，打住邊爐，睇住大電視欣賞奧運會閉幕禮，一大享受，今屆香港成績真係非常好。灣仔站C出口，過馬路行去3分鐘左右，到海德中心2樓「新南苑私房菜」，服務員態度不錯，閒時同阿女玩下，傾計，家的感覺。雞煲任食有辣度可選， 先食一個小辣， 再叫一個唔辣比小公主。件件都係滑雞件， 啖啖肉， 香噴噴。配搭脆卜卜油炸鬼。食返罐冰凍可樂，解熱氣，爽。飲品櫃都係任飲架。。韓式飲品，馬蹄爽，台灣鳳梨烏龍茶等等。。。火鍋湯底就揀左比較特式的 花甲蟹窩。。有個南瓜冰蠟筆小生浸溫泉咁， 好有心思。有3款海鮮/至尊/牛魔王， 食肉獸家庭就揀左牛魔王餐， 有美國黑毛和牛肉眼， 安格斯牛小排， 美國肥牛。。仲有紐西蘭羊肉卷，美國肥牛心片。。。我地仲追加左台灣鴨血（好滑），包心丸（流心彈牙），墨汁墨魚丸（超級非常咁彈牙，帶點軟糯添）。。。食完已經勁飽最後每位一小瓶3.6北海道牛乳奶凍， 阿女食埋我個杯。。。仲有獨立房間，每人頭加20元咋， 增加私人空間感。非常滿足的一晚。

出咗消費券就梗係要食餐好嘅滿足一吓自己啦！今日就帶A姐嚟到灣仔嘅新南苑私房菜火鍋鷄煲，餐廳以學校為主題，除咗大禮堂，包廂更命名為實驗室、家政室同圖書館等，我終於可以成為被A姐暗戀嘅學長喇！至於食物方面，我哋就揀咗至尊餐，除咗活海鮮拼盤之外，其他好似和牛、安格斯牛小排、海鮮等打邊爐配料，連同雞煲都係任叫任食，真係非常滿足！食物選擇超多，唔知餐廳可唔可以考慮整埋個操場，等我哋食飽飽可以做吓運動呢！鬼馬雞煲坐低攞好醬料之後，店員就會送上雞煲，上枱嘅剎那已經聞到好香喇！但店員提醒為保持雞肉嫩滑，所以上枱時未完全熟晒，要靠我哋好好控制時間，將雞肉同香料拌勻，令每件雞件煮得更入味。最尾就要加埋油炸鬼，令雞煲進化成為鬼馬雞煲啦！至於味道方面，呢個雞煲唔係主打麻辣，反而係主打層次。雞肉非常嫩滑，索晒秘製醬汁，加上放咗唔同香料，令雞肉嘅味道更有層次。至於最鬼馬嘅油炸鬼真係又邪惡又好味，因為佢哋索晒成個雞煲嘅所有精華，真係好滋味架！冰鎮鮑魚喺等緊打邊爐嘅鍋底之際，店員就送上冰鎮鮑魚。呢個冷盤可以話嚟得非常合時，可以refresh一吓自己，再食打邊爐。鮑魚非常爽口鮮甜，肉質有質感，但又唔會太硬實。蕃茄香菇湯

與好友好耐無見面，早前相約食飯，去左新南苑私房菜火鍋雞煲食180分鐘任食雞煲火鍋。佢地有三款餐選擇，包括海鮮餐，至尊餐和牛魔王餐。最後揀左牛魔王餐。先上雞煲，辣度自選。由於我吾食得辣，揀左吾辣。雞肉嫩滑，最愛放入油炸鬼，吸收曬汁的精華。食完雞煲，就食火鍋，湯底揀左新鮮蟹窩花甲湯底。牛魔王餐任食黑毛和牛肉眼，安格斯牛小排，肥牛。一次性本地手切牛頸脊。除左牛外，其他火鍋配料和飲品也是任點。新鮮蟹窩花甲湯底以南湯做湯底。各款牛肉質素也不錯，我自己特別愛食安格斯牛小排和手切牛頸脊。最後仲奉上北海道3.6牛乳布甸，食埋甜品好完滿。而且有180分鐘時間，可以一邊傾計，一邊食野。見到隔離枱海鮮套餐也不錯，下次試下。

雞煲爆香又惹味，海鮮火鍋新鮮又鮮甜，魚與熊掌如何選擇？Why not both? 兩星期一次拍拖日，今次選址灣仔新南苑，雞煲x火鍋已非常吸引，仲要係放題，點可以唔一試究竟？180分鐘任飲任食，共有3個餐可揀- 牛魔王餐、海鮮餐及至尊餐，唔洗問我就緊係揀海鮮餐啦，反正都有美國肥牛，樣樣都有得食先完美架嘛！一坐底揀湯底，5款可選，其中新鮮蟹鍋花甲就係灣仔店限定，有隻大大minion浸住溫泉陪你打邊爐🤩，但愛麻辣的人就揀左四川麻辣拼蕃茄龍蝦🦞，一次過滿足兩公婆需要！先講雞煲😋我地揀左小辣，好快就上枱啦！店員一邊響我地面前以大火煮熟，一面解釋每1.5分鐘炒1次以防痴底，大約7分鐘就食得啦！一開蓋香味撲鼻而來，呢個「鬼馬雞煲」除左雞，仲有油炸鬼，吸哂雞煲D精華，係好味的但未夠淋，相信淋d會更正！講返主角雞肉，肉嫩多汁，骨肉分明，整體唔算太多骨，個汁好惹味，雞肉亦相當入味，食完極之開胃，差不多食哂會有店員問需唔需要添食，但仲要品嚐鮮味火鍋唯有暫別雞煲🥺未講海鮮鍋前要先大讚店家每枱附送的冰鎮鮑魚，口感極佳，彈口非常，最讚是個醬汁，而家講起都相當回味！海鮮拼盤以冰鮮上枱，目測都好新鮮，全盤有蝦、有魚、