新南苑私房菜火鍋鷄煲 (海德中心) (已結業)

因為疫情開始緩和底下限聚令又開始放寬咗每日可以食飯出外食晚餐而且每位仲可以有六個人所以今日就約咗一大班朋友出嚟打邊爐出嚟進另一番懷舊一番因為冇得去旅行大家都成日都要困住喺香港甚至之前唔可以出街食飯仲要溫埋喺屋企咁慘嘅事日子終於都可以就嚟冇啦所以我哋都要食返餐嚟慶祝吓朋友介紹咗呢一間所以我哋今晚就選咗呢間新南苑海鮮火鍋貪佢係放題任食所以啱晒我呢啲超級大胃王首先嚟一個惹味嘅辣雞煲，雞煲嘅份量好足夠，足夠起碼六個人嘅份量啊！ 真係好夠味，完全唔會炒到鞋口！呢度有牛肉嘅叫做牛魔王放題亦都有海鮮嘅海鮮放題亦都有兩種配合埋一齊嘅至尊組合套餐因為我同朋友都係海鮮控嘅關係所以我哋梗係選擇左呢個海鮮嘅放題套餐啦可能因為疫情關係呢度首先會預備一大煲熱水俾我哋洗一洗啲食具非常之咁細心喺疫情情況底下大家都人心惶惶估唔到呢啲咁細心嘅做法就令到大家冇咁擔心一上枱就即刻嚟咗冇人有半份嘅蒸龍蝦配粉絲而且每隻龍蝦嘅份量仲非常之咁大直情一隻碟都裝唔晒而且佢嘅龍蝦約咗非常之咁厚實配合埋蒜蓉粉絲簡直係令人地食指大動估唔到頭盤已經咁非常之值得讚飲品仲都係任飲雖然種類唔太多但係始終都會有款嘢飲啱晒我之後就嚟咗每人有一種食物嘅海鮮

食過咁多間嘅雞煲火鍋放題餐廳 我覺得依家嘅雞煲非常入味 而且份量多 足夠兩個人食 雖然叫咗小辣但係都唔會特別辣 反而更加提出左雞嘅鮮味 啲雞煮完好嫩滑 另外仲有火鍋我哋叫咗海鮮餐 龍躉 鮮蝦 脆鯇 肥牛都係任食 仲有一盤海鮮拼盤同埋牛頸脊添 我哋叫咗新鮮蟹窩花甲湯底 然後個湯底係有南瓜 間舖頭都幾有心思將南關湯底整成一個豬仔嘅樣 好似豬仔浸浴咁😂好可愛海鮮拼盤都幾足料而且夠新鮮 必食啊 海鮮拼盤嘅蝦好似我手臂咁長而且好厚肉牛頸脊色澤唔錯 肥瘦均勻 但係唔知係唔係因為自己煮得耐咗所以覺得有啲韌除咗以上必食推薦之外仲有一啲火鍋配料可以仼叫最後甜品係北海道3.6牛乳奶凍 超級推薦 好可惜每人只係得一杯 奶凍好滑而且極重牛乳味！

好耐都冇再打邊爐今日經過左灣仔見到呢一間做緊放題打邊爐就即刻上去當然啦周圍都仲係做緊呢個放題打邊爐但係點解吸引我就係因為見到佢哋有海鮮餐嘅放題打邊爐所以就即刻吸引咗我試一試上到去之後個環境原來呢一間餐廳係用上了班房嘅主題所以佢哋每一個嘅裝修都係好似係班房入邊而且佢哋每間房都有唔同嘅特色不過限聚令關係而家通常都係六人一台所以好少機會入到房不過冇所謂啦參觀左當去咗啦幫我哋睇完間房之後我哋揀嘅海鮮餐就已經到咗啦一開始就可以食呢個麻辣雞煲我哋就選咗中辣呢個雞煲一上枱嘅時候仲係半山熟但係就會有店員好好咁幫我哋炒熟個包所以呢就非常之甘香而且仲唔使自己落手處理佢嘅雞肉就非常之咁滑食得出係用上呢個三黃雞因為佢嘅雞皮夠口所以佢嘅油脂非常之咁豐富但係佢嘅肉質就非常之咁滑所以呢個雞煲係非常之咁出色而且佢哋仲會加入了油炸鬼油炸鬼吸收左雞煲嘅味道仲更加好食因為佢就會變成外邊脆卜卜入邊就吸收左啲雞嘅雞汁之後就可以茄湯變成呢個打邊爐我哋今日就選咗呢個花甲大駭海鮮鍋一想來呢個鍋簡直係俾佢吸引咗眼睛因為佢用上了南瓜湯底孫樽南瓜用到冇成一個冰磚今次嘅造型係一隻豬仔非常之咁可愛再加上勁多嘅花甲同埋一隻蟹造成嘅湯底非常之咁濃

今日嚟到位於灣仔嘅新南苑食晚餐，餐廳每張枱既size都好夠大，而且枱與枱之間都有易拉架做分隔，有足夠嘅私人空間，令人食得安心。餐廳牆身有唔同特色嘅壁畫，仲有獨立主題房間可以預訂，岩哂一大班朋友食嘢敘舊。餐廳主打任食雞煲，有三個套餐任君選擇，包括：海鮮餐、牛魔王餐同至尊餐，我同媽媽都好鍾意食海鮮，所以揀咗海鮮餐。點完餐，店員就會開爐供應一盆熱水比客人清洗同消毒餐具，感覺食得更放心。飲品同火鍋醬料都係自助形式嘅，客人可以因應自己嘅個人口味去揀選。餐廳會每人送半隻蒜蓉粉絲蒸龍蝦，一上枱熱辣辣，粉絲夠淋，索晒蒜蓉同豉油嘅味道，龍蝦整得啱啱好，肉質爽口彈牙，而且幾鮮味，同粉絲幾夾。食完龍蝦冇耐就上雞煲，店員會負責炒雞煲，炒完之後就會落油炸鬼一齊兜，見着佢一路炒一路聞到陣陣既香味，令人垂涎三尺，再焗多一陣店員就會示意食得。雞煲份量都幾多，雞肉幾滑而且入味，我哋叫咗小辣，辣味啱啱好，好惹味。食完雞煲可以再添，不過我哋就想打邊爐，店員就幫我哋轉火鍋，湯底方面我哋揀咗新鮮蟹窩花甲湯底，都幾足料，而且湯頭幾鮮甜。套餐除咗雞煲任食之外，仲包括左一次性嘅活海鮮拼盤、本地手切牛頸脊同埋任食火鍋配料是日海鮮拼盤有

我很喜歡入到這間餐廳坐下來時見到有句：有質素的我們當然來到食有質素的火鍋最近來到新南苑私房菜，餐廳寬敞舒適度很高，而且設有廂房雅座！食物豐富到不得了！有大大隻鮑魚、聖子、龍躉片、大虎蝦🦐，牛肉、更附送大大隻蒜蓉粉絲蒸龍蝦🦞🦞確是鮮甜又美味呢！湯底的當我看到南瓜蓉還有可愛的卡通造型，實在很可愛！🎃海鮮外，其實首先附上這款新南苑馳名的麻辣雞煲的，可選大中少辣，惹味十足！最後甜品🍮送上北海道3.6牛乳奶凍，原本飽飽的我見到第二個胃便出來了！新南苑私房菜灣仔盧押道18號海德中心2樓全層

我係一個雞煲迷, 一聽到食雞煲就開心, 今日約咗朋友來個雞煲無限添, 聽到都經已好開心餐廳非常近地鐵站, 處於一幢商業大廈內入到去安排好座位之後見到後面有幾間房可以比客人想要自己空間但最特別係每間房都有自己名字, 用咗學校做主題, 有: 演講廳, 校長室, 實驗室, 家政室, 電腦室, 美術室 &圖書館，成個感覺變得好　cutie我地先食雞煲, 要贊下呢度, 雞件係啖啖肉, 絕對少骨, 我未遇過有餐廳會咁慷慨, 通常只會好多骨, 雞件亦都夠味, 味道能入到雞肉裡面湯底我地選了南瓜, 係一個好可愛嘅 teddy bear, 原本我以為南瓜湯底會有點怪, 但非常好飲 (我好喜歡飲邊爐湯底), 非常甜我要咗牛魔王餐, 牛肉有四款, 我較喜歡牛頸脊, 肥瘦適中, 有點咬口另外牛小排都不錯, 相對比較林身除咗牛肉, 都有其他食物選擇, 丸類, 鴨血, 腸仔, 午餐肉, 炸魚皮, 面類等等, 不過我地當然主供牛肉, 所以只叫了少少最後餐廳送上 3.6 牛奶布旬, 奶味非常重, 又唔會太甜, 好味!

夜晚打邊爐，又想食雞煲又想食打邊爐，呢度就一次過滿足哂😎😎😎任食有牛魔王餐、海鮮餐及至尊餐。怕食太多海鮮敏感，就揀咗牛魔王餐。任食牛有爭多牛款，心心眼！肉類方面，美國SRF黑毛和牛肉眼、美國RP肥牛心片、安格斯小牛排、美國肥牛、紐西蘭羊肉卷都係任食！！飲品係任飲，一般汽水🥤、茶類，都多選擇。我就拎飲咗蘆薈、茶、可樂等等。先上雞煲，可以揀辣度。雞開頭每兩分鐘炒一炒，炒兩三次左右落埋油炸鬼就食得！雞幾好食😋肉質幾好！火鍋有唔同湯底揀，揀咗滋潤嘅花膠雞煲☺️ 湯好快滾起，即放啲牛牛落去食！牛肉隻隻都好食，肥瘦適中，肉質好食😋 食唔停！另外仲叫咗好多唔同嘅火鍋配料，唔少得嘅當然有午餐肉、仲有墨汁墨魚丸、韭菜餃、魚皮餃。我鍾意韭菜餃好香；炸魚皮又脆，粟米🌽又甜。蔬菜籃🥬🧺好豐富，唔怕唔夠菜食。食完之後仲有奶凍做甜品～～

呢度打邊爐相當抵食，我哋揀咗牛魔王餐$278， 兩小時任食任飲。首先就食雞煲，雞煲都係任食。揀咗小辣，已經好夠味。雞夠滑又香，好惹味。我哋仲encore 咗一次。之後就開始打邊爐🍲叫咗花膠雞湯底，湯底都夠味。呢度每4位送一碟本地手切牛頸脊，肉質好香，牛味濃，肥美有口感，好食呀！任食牛好正，有SRF黑毛和牛肉眼、美國RP肥牛心片、安格斯小牛排🥩、美國肥牛及紐西蘭羊肉卷。我覺得黑毛和牛肉眼同安格斯小牛排都好好食！其他牛質素都唔錯！真心抵食！另外仲有多款配料：丸類、餃類、鴨血、炸魚皮、響鈴、豆腐、蔬菜🥬及麵類。呢個價錢又高質牛，任食任飲，超值！

我真的很愛食火鍋，所以來到灣仔，就搜尋一下附近哪裡有火鍋，最終選擇了海德中心的新南苑私房菜火鍋食鷄煲+火鍋放題。雞煲火鍋海鮮餐$308由餐廳提供一次性的有:海鮮拼盤六至七款及本地手切牛頸脊。任食放題都有很多款式，有深海龍躉、鮮蝦、本地脆鯇、美國肥牛、牛柏葉、三黃雞……，還有雲吞及丸類蔬菜……等。坐下後, 有驚喜的是餐廳還送上一隻開邊的粉絲蒸龍蝦，龍蝦很鮮甜。餐廳很快就送上雞煲，雞煲上枱后再炒3次及焗3次就可以食，再後1次放下切開一件件的油炸鬼炒均焗多一次就可以食，油炸鬼吸收了雞汁，非常好味。雞煲我們要了小辣，面放有芫茜、蔥、香芹菜、洋蔥及干辣椒……等配料 ，令嫩滑多汁的雞肉，帶麻辣味又惹味。食完雞煲，揀了個新鮮蟹鍋花甲湯底繼續食火鍋。湯底裡面有蟹、花甲及薯仔、粟米……等，還有一個南瓜蓉做的南瓜公仔，非常特別，湯底清甜。海鮮拼盤有脆鯇片、 蟶子、扇貝、鮑魚、蜆及港島蠔……等。 最讚的是蟶子及扇貝都很大隻，又鮮味！本地手切牛頸脊，牛頸脊切成雙飛，顏色鮮艷，感覺特別有牛味！放題任食的也有多款配料，亦有可加錢另叫的追加料理。放題的我要了龍躉片及海蝦，龍躉片晶瑩剔透，有魚味 海蝦新鮮爽口！放題

最近都很喜歡吃雞煲同火鍋所以在網上找到這一家餐廳嘗試！ 308蚊加一可以吃到海鮮火鍋餐以及雞煲放題其實已經沒有可以再挑剔！如果不是繁忙時間價錢更平！在火鍋雞煲餐廳食具消毒煮熟已經不是新鮮事所以這是一個基本的要求！雞煲我們點上要中辣，其實原來每一家餐廳的雞煲真的有所不同，台新南苑雞煲也有別不同他們會加上油炸鬼，令到雞煲香脆可口而且我們點上的辣味辣味十足，辣味經過蒸氣噴出會令我們有攻鼻咳嗽的感覺，很有辣的存在感！原來這個套餐有送上粉絲蒸龍蝦，平時在中餐廳要有粉絲蒜蓉蒸龍蝦價格不菲，居然這裏308蚊也包括在內！火鍋湯底我們選了蟹窩花甲鍋，這個鍋未食先已經可以打卡！有個公仔在火鍋內，可愛至極！而且火鍋內的配料新鮮竹料一點也不吝嗇！海鮮拼盤極之新鮮，無論大蝦和扇貝，都比我的手更大！生蠔和鮑魚亦不錯！所有海鮮放進火鍋後，都新鮮甜美！而我不喜歡吃魚所以留待給女朋友吃！手切牛肩脊不能錯過，這個不是任食所以只有這一盤，但份量已經很充足！可以非常肯定地說這個牛頸肩十分新鮮，牛味十足！可惜另家需要費用，不過也不怕，他們有任食黑毛和牛肉眼，牛小排，美國肥牛，和紐西蘭羊肉捲！說明任食火鍋放題當然有

呢日放工黎到新南苑~ 一路都好想打邊爐, 仲好想狂食靚牛, 新南苑就滿足哂我D 願望~其實可以揀海鮮/牛魔王餐, 或者兩樣要哂再貴多少少咁, 但我地好想食牛所以都係揀番牛魔王餐! 一開始店員就問我地個雞煲要咩辣, 我地就揀左少辣, 雞煲都係可以任加, 但因為想食牛, 所以我地都係食左一轉雞就夠~~~之後就上左個蟹花甲湯底, 個湯底係南瓜湯, 配上蟹同花甲, 蟹夠鮮味, 花甲就冇沙~ 夠哂滿足! 牛就佢會上一碟手切牛頸隻, 牛頸隻真係夠哂重牛味, 勁香! 呢個就冇得任食, 如果想再食就要加錢~ 另外佢會上哂所有等級既牛, 美國和牛真係好正, 好重牛味, 食完一舊接一舊!! 我地仲有叫其實任食既配料, 丸呀菜呀, 各樣野咁, 烏冬連埋呢個湯底食都真係好出色! 下次黎想試下佢個海鮮餐!

今日同媽媽撐枱腳，預早慶祝母親節。我哋去咗灣仔新南苑食雞煲放題火鍋，喺港鐵灣仔站C出囗步行約5分鐘就到。由於預約晚飯時間早咗抵達，餐廳仍在準備中，喺得到經理同意下可以先喺餐廳入面行個圈；而吸引我嘅正是餐廳內裝修，牆上壁畫好有特式，天花吊燈用唔同紅、白酒樽作裝飾。飲品包括有多款罐裝飲品選擇，如果想飲枝裝啤酒朋友則需要額外收費喇。除咗任食雞煲外，套餐亦包括選擇牛魔王餐、海鮮餐、至尊餐，今次就選擇咗海鮮餐。喺等候雞煲嘅時間，經理先贈送蒜蓉蒸龍蝦作見面禮，並簡單解釋晚餐流程: 先係任食雞煲，有食力嘅朋友可以無限添食，食夠就通知服務員轉煲打邊爐。今日呢個雞煲用料絕不馬虎，睇得見又數得出嘅香料包括乾葱、蒜蓉、薑粒、紅椒、泡椒、豆豉、乾葱蓉、豆瓣醬等，所以風味十足，惹味非常，食唔停口之選。通常食雞煲我都喜歡自己動手炒、親力親為落配料，有d自己置身於廚房嘅滿足感;所以今次亦唔例外，首先將雞炒一分鐘，然後焗佢兩分鐘；重覆以上動作三次就可以食得。一開蓋香氣四溢，雞肉十分惹味香濃，雞肉嫩滑得嚟亦夠乾身。經過完一輪衝鋒陷陣後，係時候通知店員轉煲打邊爐喇。自選火鍋湯底選擇咗新鮮蟹鍋花甲湯底，聽聞其他分店係無呢個

成日見網上有人推介新南院，今日終於同朋友嚟到灣仔嘅新南苑一試！同朋友四個人一齊去，每人加$20就有房可以關埋門入面食，包廂以學校做主題，又大私隱度高，淨係環境已經要比5星！任食方面我哋揀咗海鮮餐，仲有埋雞煲。首先有雞煲，雞煲方面我哋揀咗小辣，辣到剛剛好，我本來唔食辣但都可以接受。仲配有油炸鬼可以炒雞煲，第一次試呢種食法。打邊爐嘅時候，竟然跟餐有蒸蒜蓉龍蝦，大大隻好惹味！有海鮮配料，鮑魚、扇貝、大蝦、青口都好新鮮，仲配有手切牛頸脊。湯底方面揀咗新鮮蟹窩花甲湯底，任食配料都有好多選擇。最後仲有甜品北海道3.6牛乳奶凍，食完滿足晒！😋

今次與3位同學一起食火鍋，去了灣仔新南苑私房菜火鍋鷄煲，餐廳主打雞煲，於旺角及灣仔均設有分店。據聞火鍋湯底沒有加味精，選用新鮮食材，招牌雞煲每日新鮮即製，用黃油雞再混入四川麻辣醬，連同20多種香料同配料秘製而成。中午有小菜提供，至於晚市餐廳供應了2小時任食雞煲火鍋放題有牛王餐、至尊餐和海鮮餐，餐單仲有40多款配料任食任揀，灣仔店面面積不算很大，電梯一出有部汽水櫃放了十多種飲品有涼茶、汽水、果汁等任飲，入口處旁放了火鍋醬料。我們訂了位，好快安排我們入座，每張枱之間都坐得寬躺。裝潢風格以學校為題有電腦室、美術室、體育室等，房間闊落有電視機，牆壁畫上塗鴉藝術作品。朋友選擇了牛王餐HKD278(抵食）雞煲先上枱，爆炒再焗3次後開蓋香氣四溢，夾一塊雞胸肉一口咬下去肉質嫩滑，皮脆骨軟、醬汁香辣濃厚味道鮮美惹味，超級正極之好味道。火鍋湯底揀選新鮮蟹窩花甲湯底湯底上枱滿有驚喜見到鍋中放了個自家製南瓜蓉Minions公仔好可愛，我們不停影相，加入南瓜湯加熱後Minions漸漸地溶化消失了，南瓜湯更濃。牛王餐有美國肥牛、安格斯牛小排和牛肉眼完全滿足晒我朋友愛食牛肉。頂級高質素肉質鮮美，油花分布均勻，我們四

今日同同事放工食好西😄大家都不約而同話想食任食嘅雞煲火鍋，今次就試吓呢一間未食過嘅餐廳（新南苑炒菜就食過，都幾風味）但係打邊爐雞煲就未試過。今次仲有獨立房間😘好開心私隱度更加👍1.至尊餐（牛肉+海鮮🦞）一黎先食咗雞煲先，雞煲醬汁好惹味，而且濃郁！迎合同事所以叫咗小辣都唔係好辣（ps.食開辣）2.蒜蓉粉絲蒸龍蝦🦞人頭計算（蒜蓉味好濃郁而且唔好好鹹，鍾意食蒜蓉嘅你哋一定好啱）🥰3.海蟹蜆肉湯底（有一隻鴨仔湯底，幾有創意）湯底濃郁 好有鮮味4.一盤新鮮海鮮（蝦、生蠔、鮑魚、魚片、大扇貝）好足料（基本上係計人頭份量）5.牛肉加蔬菜盤6.另外可以自己畫紙仔（點其他菜式）都多嘢食揀選，基本上好快就飽咗☺️最後有甜品🍮牛奶奶凍