新味餐廳

营业中

休息中

新味餐廳新味餐廳喺屯門紅橋一個比較唔太起眼嘅位置，新開咗幾個月。因為附近嘅餐廳都試過晒，所以就試吓呢間新嘢。餐廳環境比較細，風格行工業風。廚房係開放式，可以見到廚師煮嘢 。🍚日式葡燒鰻魚滑蛋炒飯   💰66嗰日食嘅時候餐廳冇乜人，個飯即叫即炒，上碟嘅時候熱辣辣。個炒飯濕度啱啱好，用照燒汁同粟米炒，有好多紫菜鋪面。鰻魚粒都多嘅，整體嚟講都會選擇再嚟食。凍菜蜜凍飲唔使加錢，甜度適中。

早陣子最愛紅酒牛腩配珍珠飯，而近期最愛香辣泡椒鳳爪滑蛋炒飯😋，早兩日食完今日要同家人再去食。香辣泡椒鳳爪滑蛋炒飯裡面真的有鳳爪😂，而鳳爪是碎上的，鳳爪有好香泡椒味但不會很辣，如果平時食得很辣的人，可能會嫌不夠辣。至於日式蒲燒鰻魚滑蛋炒飯 和 蒜蓉蕃茄鮮蝦意粉 味道不變，仍然好好味😋。真心很喜歡這餐廳，每一款食物都是用心製作。值得推介比大家👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

黑椒海鮮炒烏冬🍝返工諗唔到食咩 就隨心入左黎呢到試下點知有驚喜😋海鮮種類都多 仲要冇慳皮烏冬有咬口 唔係淋既黑椒汁就係平時期待食到既味道即叫即整 上菜都算快仲要熱辣辣午餐有包熱飲整體有驚喜全程老闆都係笑容滿面 好親切下次會再黎食！！🤪🤪

返完教會，嘗試响附近搵新野食，經過橫街有間唔多起眼既餐廳，响門口睇餐牌見到好吸引，於是入去試，我哋一家三口點咗「日式蒲燒鰻魚滑蛋炒飯」同埋「蒜蓉蕃茄鮮蝦意粉」。首先黎既係鰻魚炒飯，唔好意思，因為原本冇惗住寫食評，但我哋食咗一嗒發現好好食，然後我覺得唔寫食評分享呢間食肆唔得啦😅，於是唯有影張唔完美既相（冇咗幾嗒）😂，食到咁上下意粉就黎，但唔好意思我地又掛住食，唔記得影相😂。鰻魚炒飯真係炒得好香，每一嗒都可以食到飯同餸，飯上面既芝麻紫菜好脆，令到整個飯既口感好豐富，碟飯好大碟而且好夠熱，食到一半都仲有煙；鮮蝦意粉都好香，配料又多，意粉質感唔會好硬或者好林，我略嫌茄汁唔夠杰，同埋因為食咗鰻魚炒飯先，所以會覺得意粉唔係好夠味。另外，阿女話杯凍朱古力好好飲，夠濃🤭臨走同老闆傾咗兩句，原來鋪頭只開咗兩、三星期。整體黎講係好好食，會再黎試其他，但一定會再食「日式蒲燒鰻魚滑蛋炒飯」😋

新味餐廳 日式蒲燒鰻魚滑蛋炒飯食剩指數：0/100鰻魚切粒唔會太碎食落去無骨~炒飯飯粒飽滿粒粒分明整體炒得唔錯幾惹味.黑松露野菌忌廉意粉食剩指數：0/100黑松露醬撈均之後好香除左野菌仲有煙肉,洋蔥等配料份量十足意粉軟硬度適中性價比好高.炸蝦餅食剩指數：0/100炸蝦餅一份有4件外表好香脆唔會厚粉入面彈牙食落去唔會好油配泰式醬酸酸甜甜唔錯.柚子檸檬梳打食剩指數：0/100呢度除左奶茶咖啡仲有特色飲品柚子檸檬梳打幾清爽香甜柚子醬落左好多~