新唯一麵家 (已結業)

來到尖沙咀~因為早幾日食得濃味，今日不如食清d..就去新唯一！一坐低就要杯豆漿先啦！濃濃的豆味，入口好香好滑，好解渴呢~主菜來了。。水餃麵！大大粒的水餃，咬啖。。美味多汁！麵質軟硬適中，岩晒我！又有雪菜作調味，令成碗麵味道更豐富~最後，招牌餡餅！上檯熱辣辣好香呀~食一口。。餅身香脆！肉碎多汁！再加裡面的菜絲，好圓滿！

一個人上堂，順便食個晚餐。 臨近月尾，唔想食得太富貴，來到厚福街搵食，見到<<新唯一麵家>>，個價錢似乎好大眾化，於是入去試下。 餐廳的擺位都好親民，又有卡位，坐得都幾闊落。 先點了個<<菜心>>，加了蠔油。食個菜，墊下個胃先。菜心新鮮又嫩綠。 <<炸雞中翼>>有四隻，雞中翼炸得外皮香脆，內層嫩滑。 <<淨牛腩>>，真係啖啖肉，牛腩入口有層次又煙韌。 飲品叫了杯<<凍豆漿>>，有豆味，入口幾滑。剛剛可以中和牛腩的味道。

唯一麵家好耐之前已經食開，之前曾經結業有d 失望，之後發現係原址重開未食都驚會唔會係其他人借個名黎用，不過有幾個呀叔呀姐都有d 印象，應該係同一間黎結業時o既佈局及環境都比較舊式，而家新裝修後，感覺煥然一新，環境整潔，坐得舒服好多舊唯一麵家果時o既價錢真係好抵食，而家應該加左少少，不過價錢係仲算很合理，係尖沙咀黎講算好平添餐牌o既食物感覺冇乜變，以前鐘意食o既野仲係到招牌北京餡餅係最愛， 每一次都食，入面擠滿韮菜，外皮薄，煎得香脆，只係$16煎鍋貼4隻$18， 餡料也是韮菜同北京餡餅一樣，外皮厚身少少，應該同水餃黎煎炸雞翼第一次叫，有驚喜，即炸出黎熱辣辣，大大隻超香口，唔會有好多炸粉炸醬粗炒應該係新菜式，以前唔覺有，同辣肉碎炒上海粗麵，辣辣地好惹味吃上海菜一定係飲豆漿，唔肯定係味咪自己整，不過有豆香又不會死甜，好過飲汽水下次要試埋蔥油餅加蛋同炒年糕，睇下係咪仲保持水準

星期二4點半嚟食，點咗1個擔擔麵，1碗淨水餃，1杯熱豆漿。熱豆漿係一碗上，無糖，自己加咗1包糖，好香濃又夠熱。叫麵所以半價$6，抵飲。個麵上枱，好大陣蝦乾味，入口好腥，好咸，微辣。麵質唔係網友所講“生”，食咗5分鐘麵已經變軟。唔鍾意蝦乾千萬唔好叫。再嚟水餃，好香好味，抵食，36蚊有7粒，大大粒。奇怪呢篇食評居然被openrice話我收咗唯一麵家著數而拒絕刊登。好 我(原本係一般OK)改成劣評睇你仲係咪覺得我有收著數~!!!! 我食飯自己俾錢 亦唔會收人錢做違背良心嘅事 雖然口味呢家野好個人 但我寫得咁具體(應該係除非唔係) 而且又唔係俾好評 點解會覺得係收咗著數?

晚上9點才有時間吃點東西，看見附近新唯一還在開，很久沒有吃上海菜式，就走進去！ 炸醬面好耐無食炸醬面，簡簡單單，味道香濃微辣，面質煙銀爽滑，一點都不糊，幾合我胃口無錫小排骨排骨粒粒大小差不多，我最喜歡啃小骨，痴點點肉，有點甜有點醋味，令我覺得好開胃煎窩貼 皮不算太厚，煎得又香又夠熱，中間肉汁美味，加點辣，一個人鯨吞4隻不是問題！哈哈哈還好！ 初入到去，感覺有點像茶餐廳有小吃有麵等等，每碟份量都不算太大，價錢合理還好，一個人吃都可以吃2-3樣菜式，滿足3心2意的慾望！  

尖沙咀shopping完買完衫，隔離呢條街就最多嘢食，想食上海野所以就去咗呢間～叫咗個五香牛肉菜飯，牛肉好好味，醃得好味，肉質軟硬適中，配埋菜飯一齊食非常之好～酸辣湯超大碗，好多料，酸辣適中，好開胃～最鍾意呢度嘅淨牛腩，入面仲要好多牛筋，可以補充骨膠原，調味得好味，牛筋彈牙～水餃，好多肉，好味～ 炸雲吞，煎鍋貼，蔥油餅，全部都即叫即炸，好香口，好足料～正宗上海菜，又非常之抵食，會再encore～

追月日晨早起來，想起之前睇到網友拍到此家的咸豆漿很像樣，一於同踢完波的相公去試吓…從尖咀B2出口行去只消5分鐘，大節過後中午時份沒有很多顧客，不需等位，找個卡位舒舒服服坐下，要讚的是這裡的冷氣很夠凍…點了咸豆漿、凍甜豆漿、煎餡餅和鍋貼先，咸豆漿對版，有炸菜、蝦皮和油條，沒有太多的醋，豆味香濃，甜豆漿合格啦 !鍋貼原來是韮菜豬肉煎餃(4只)，所以跟煎餡餅的餡料是一樣了，兩者都不甚特出，亦不太熱透心，唯獨是後加的葱油餅加蛋有些驚喜，明顯是即煎，香脆、惹味、蛋香撲鼻，但比較油膩，吸油要多下點功夫了！建議一定要加蛋，呢2蚊唔慳得，加咗蛋係兩回事，香味提升許多。PS : 豆板酱和其他調味品係要叫至拿來的(小碟上)，沒有放置在枱上，感覺衛生。食完行咗去韓國街逛，買了點泡菜、飯卷便回家去…註 : 午餐消費$78，沒有任何試食優惠啊！ 如路過會幫襯的，專程去便不會了！

唯一喺荃灣區算係老店，20多年前已經常幫襯它，最深印象係煎窩貼，韮菜餡餅，真的很久沒嚐了！這天出尖沙咀整指甲，行經厚福街竟發現呢間須不知是否老店，但上海麵從來喜歡，便決定了午餐在此吃吧！跟一般的上海麵店略有不同，內裡光猛又舒適，還有不少卡座。牆上用上黑板作裝飾兼用作餐牌用，感覺較好時髦趕得上潮流呢！點了份套餐{菜肉雲吞鳳爪麵}+可口可樂$50 。 How are you my firend 又見面喇，真的見少日都牽腸掛肚呢haha~{菜肉雲吞鳳爪麵}鳳爪汁多貼心的另上給客人加分位，先講麵質夠滑身，可惜有點過淋，雲吞個子跟一般同樣的大，皮滑不過厚，但厚身位置還帶白即未熟透敗筆！肉餡味道正常啦。鳳爪係豉油滷的風味，味道恰到好處，不鹹亦無帶酸，而且不是炆至軟弱無力的質地，咬口足得來又夠淋，這個超讚喔^0^

上課前，按照習慣還是走到厚福街找吃的。由於已是上課完結的日子，這天想找一家未寫過食評但便宜的小店吃晚飯。看了一會餐牌，考試前的心情緊張胃口不太好，酸辣湯麵正對胃口 豆漿味道較淡，不太喜歡。豬扒炸出來熱辣辣的，頗為香口，調味則中規中矩。酸辣麵較為失望，麵身太淋，先不說酸辣湯的味道沒甚可取之處。湯只比常溫熱一點，這是最大致命傷。份量雖多但味道遜色不易吃完。翻食指數: 50分.  雖然價格廉宜，但附近有更便宜好吃的選擇。(此指數平衡店舖交通, 味道, 環境, 價格... 等等, 個人作出的評價.)

今晚在尖咀練歌之前，就係厚福街搵野食，隨便入左呢間食見間餐廳位夠大又光猛~好似學校咁有個黑版食物選擇都幾多, 我地2個人share 幾款小食先飲杯熱豆漿暖笠笠$12餐具已在櫃檯入面, 好方便, 自己拎鹵水雞翼 $22鹵水汁非常入味, 好好食~ 正無錫排骨面$40排骨酸酸甜甜好惹味呀~ 又不會太甜太酸~如果送飯, 可能會用D汁送飯, 肯家會食多左飯!!蔥油餅$16非常香口~ 雖然怕油膩, 但呢塊食落口又唔會成口油的感覺, ok wor~食多碟郊外油菜先, 都係$16值得推介的上海小館

中午時份0係尖沙咀諗住食啲清淡D嘅嘢，去到好多嘢食嘅厚福街，見到有間新開張嘅上海店。上海麵清清地都幾啱胃口，我就同同事入咗去啦。Menu好簡單，基本上都主要分為小食、麵食、飲品，三大類別，裏邊內容其實都算豐富，有唔少選擇架。我哋一人揀咗一個面，我揀咗牛腩湯麵，而同行嘅同事就揀咗水餃湯麵。貪心又大食嘅我哋當然會嗌埋小食啦！我揀咗鎮江小排骨，同事就揀咗熏魚，加多兩杯野飲就好滿足啦！《牛腩湯麵》先試飲一啖湯底，清清地，好香嘅豬骨味。飲多兩啖，一啲都唔口渴，應該係冇味精嘅。而個麵底絕對係呢間麵店嘅亮點，麵條粗幼好均勻，除咗麵粉味亦都有少少鹹味。火候控制得好好，麵條完全煮熟，輕輕一夾就斷開，但絕對冇過熟，食落口仲好有彈性，有質感，抵讚！牛腩方面，好入味，味道好香濃，而且絕對夠火候，牛腩已經炆到好淋。店主亦都好闊綽，牛腩差唔多覆盖晒成個湯麵甘多啊！《水餃湯麵》湯底同麵底同牛腩湯麵一樣咁吸引，咁高水準。水餃大大隻，好足料，餡料亦都好豐富，有菜有肉，比較不足嘅係水餃嘅皮相對厚左少少。《鎮江小排骨》話就話係小食，原來一碟都好大碟架！裏邊有好多舊排骨，當係一個小菜送飯食都得啊！小排骨夠火候，煮左好耐，非常

上海菜一直是我的最愛，上海排骨、小籠包、雞絲粉皮、燻魚、無錫小排骨、上海排骨菜飯等等，大小通吃，全部都愛。今天晚上有事要辦，路經尖沙咀厚福街，爭取時間吃一個快速晚餐，意外發現這家上海小菜館。這家上海小菜館，格局像茶餐廳。餐牌上的主要都是飯麵菜式，價錢非常大眾化。飢腸轆轆，一口氣點了四款食物。燻魚菜飯一般上海菜館的燻魚大多弄得外層較乾硬，質感有如豆鼓鯪魚，醬汁亦非常濃稠。這裡的燻魚沒有了平日吃的乾硬感，魚肉充滿着鮮嫩。醬汁亦不如一般吃的濃稠，卻給予空間讓人嚐到魚肉的鮮味。大大的兩件，吃得讓人滿足。菜飯大大的滿滿一碗，飯中白菜的含量超高，當中加入的小蝦米讓飯更香。擔擔麵擔擔面的賣相跟我以往認識的略有出入，初見擔擔面，心中不禁泛起了一陣失望。這兒的擔擔面的湯非常清澈，顛覆了過往我對擔擔麵的認知。擔擔面的湯底甚為清甜，肉碎辣醬味道亦不錯，配合起來整體的味道甚佳。無錫小排骨小排骨$28 份量頗多，非常抵食。肉量豐富的排骨很入味，甜甜的糖醋盡情地滲透排骨中。特沙餅特沙餅其實就是豆沙鍋餅。熱洪洪新鮮炸好的特沙餅，入口帶點點脆，不算太油膩，中間的紅豆饀非常好吃。豆漿店家標榜日日新鮮即磨的豆漿，沒有預先

媽常說，厚福街有家舊式上海菜，小時候常買給我和哥吃。毫無印象，她口中的舊式上海菜，猜是已結業的唯一麵家。最後兩間僅存的分店位於荃灣和葵芳，厚福街卻開了新唯一麵家。自動燙門一開，白色襯醒目的黃色，一邊是長長的黑板，寫滿各種菜式，盡頭是廚房，穿著紅色制服的店員在裡面忙個不停。夠光猛，乾淨企理，還有掛畫和少量裝飾。完全抹去歲月的痕跡。熱情的店員招呼我們到店內唯一一張二人排排座的餐桌，正合喜歡吧枱的我的心意。各式各樣的小吃充滿風味，如蔥油餅、窩貼、東坡肉，也可跟菜飯和上海麵配搭。還有上海菜少不了的粗炒和年糕。豆漿足足有七款，有咸、清、甜，有凍有熱，還可以加蛋。清豆漿菜上得極快，不足三分鐘便上齊菜。店員先送上豆漿，連每天日對夜對的她，都忍不住讚嘆「D豆漿好靚」。以碗上的豆漿比一般茶餐廳的杯裝份量大得多，價錢卻相約。不咸不甜的清豆漿，暖暖的，黃豆味特別清香。附上一包砂糖，可以自行調味。咸豆漿甜品處處的香港，供應咸豆漿的食店不多。吃不到店員所說的蝦米，除了眼見的油炸鬼和蔥花，還有不少榨菜。傳統的上海咸豆漿，還有紫菜和蝦皮。豆漿加醬油加醋和材料，煮至起花，最後浸入油炸蔥花，就成了上一代的集體回憶。豆味

一間舊式上海店 , 近年裝修左 燈火通明 但食既野同之前一樣 食物質素都唔錯下午餐酸辣湯麵 配豆漿 40 蚊酸辣湯 超正 好多木耳 冬菇落足料 香濃好適合做官湯底 配以爽口 既上海麵 正 豆漿都幾香豆味 甜度適中咸豆漿 14 蚊好耐冇飲過咸豆漿 有菜莆 葱花 油炸鬼切片 温度暖身既豆漿 飲落好飽滿 正煎窩貼 18 蚊窩貼大大隻 皮偏厚但唔會太粉 下面煎得比較香脆 而入面既豬肉充滿肉汁 點以豆板醬正炸雲吞 18 蚊雲吞 入面既蝦肉彈牙新鮮 出面雲吞皮炸到偏脆好有口感炸雞中翼 同 鹵水雞中翼 各22 蚊雞翼大細中等 , 炸雞翼香脆 而鹵水醃得好香濃 有老抽豉油等香味 淨牛腩 32 蚊用柱候汁整成既牛腩 , 牛腩偏煙韌 肥膏比較少 配以少少牛筋 , 用柱候汁整成好適合撈飯 無錫小排骨 28 蚊酸酸甜甜既醬汁整成既無錫骨 , 肉係似排骨既味道 , 有筋位既彈牙同排骨肉既煙韌 有口感又開胃 招牌餡餅 25 蚊一個圓形既飯入面有葱菜同豬肉 , 皮同入面肉既比例剛好 一咬開厚度適中而香脆既餅皮後就會食到有油香味既葱同豬肉 正

在 6月份，經過尖沙咀厚福街才發現有間 <新唯一麵家>！ 一於找個週末來幫襯吧！這裡比較幫襯過葵涌廣場那間 <唯一麵家>，裝潢的確光潔明亮得多！加上店內兩旁設有卡位，另有圓枱及長枱，舒適度比前者更好！我見卡位都坐滿客，於是，坐在較後位置的長枱！下午茶時段 2:30 開始供應，當時已經將近 3:00！問店員阿姐星期六有無下午茶供應呀？她回答：有呀！要咩呀？其實，$50 的下午茶只是比散叫付多些小錢配上一款小食而已！我想食雲吞麵又想飲咸豆漿，起初，我點了鯪魚球雲吞麵加咸豆漿！我問阿姐轉唔轉得咸豆漿呀？她回答：唔得呀！我見餐牌的熱豆漿 $12，咸豆漿 $14，計落 加 $2 就可以啦！問阿姐可否加錢轉咸豆漿呀？她回答：都唔得呀！既然這樣…她建議我散叫！我唯有散叫吧！起初，她把咸豆漿寫上 $12，應該是 $14！當另一位女店員送了咸豆漿到我面前，醒目的女店員睇一睇張單，並問我是否點了咸豆漿？！我答：無錯係！後來，男店員送上一碗水餃麵，其實，我點的是雲吞麵，但是我已經很肚餓，送錯都照食啦！當我正想拿起相機影相，他突然走過來問我點了什麼麵？！我笑笑口答：雲吞麵呀！那