新四眼佬打冷小廚

营业中

休息中

之前路過接到邊間四眼佬嘅宣傳單，返去一睇好吸引，所以今日就同朋友過咗去食，最吸引我哋嘅就係呢個鮮蜆花甲粉，佢畀我哋平時食嘅花甲粉會有分別，平時食嘅花甲粉係蒜蓉居多，呢個好似日版嘅花甲粉咁樣，蒜味唔多，然之後會食到有淡忌廉嗰啲味，可能個湯底就係用日式嗰啲忌廉湯底啩，個份量都好多好足，可以講佢係日版嘅花甲粉，同朋友一人叫咗一個，然之後再叫多兩個小食，就係佢嘅蜜糖雞翼，同埋爽滑魚皮，呢兩個都好好食，個蜜糖雞翼個皮好脆，蜜糖都好多，甜甜地，啲皮好脆再加上佢放咗黑椒粒，食落去都好野味，爽滑魚皮好爽脆，魚皮都好厚，因為切絲再拌有其他嗰啲蔥蒜、西芹嗰啲,個口感都好清爽,啲花生碎都好香,下次可以試下夜晚過嚟,應該又係一間唔錯嘅店

📍 📍 📍 新四眼佬打冷小廚 (葵芳)葵芳榮芳路97-111號地舖耐唔耐都會想食下打冷，餐廳地方都幾大，座位闊落，坐落好舒服，而且冷氣都夠。一坐低就準備好茶，食物選擇超多，樣樣都好吸引😆😆，而且老闆娘仲好nice🙏👉 滷水鵝/鵝片大雜拼 💰 $138😋😋😋😋/5一上枱，真係哇左一聲，份量超多，我同我個frd對望左下，因為未見過打冷拼盤係咁大份，鵝肉大大件，味濃肉嫩，拼盤入面有齊墨魚，鵝腸，大腸，紅腸，鵝腸， 鵝腎，腩肉。墨魚片柔軟又彈牙。其他內臟都處理得好好，無臭味。抵食夾大份！👉 水煮鱔片💰$148😋😋😋😋./5魚肉唔會腥，而且鱔片好爽脆，好好食🥹🥹個湯底好香，麻辣香來得有層次，又唔會太辣。真心好驚喜，好好食，另外入面仲有芽菜同薯粉，薯粉索埋啲湯，真係一啖接住食一啖，停唔到🫶🏾🫶🏾🫶🏾🫶🏾真係大推呢個！而且鱔片份量都唔小😆😆👉 上湯浸時蔬💰$78😋😋😋😋/5有菜芯，白菜，娃娃菜簡，我今次簡左菜芯，菜芯好新鮮，面頭仲有啲原粒蒜頭，加埋一齊好香，成個菜都好清甜，加入適量菇類就更加鮮味，簡簡單單都唔錯。回頭: yesYesyes!!! 起級岩同朋友聚餐！食物又夠大份，選擇又多，而且樣樣都好

今晚約了葵芳的朋友一齊食飯聚下舊，揀了榮芳路的新四眼佬打冷。餐廳門口見到有大大隻的鹵水鵝及鹵水墨魚好吸引，座位都很寬敞，坐得舒適。menu有打冷、小菜及海鮮，都頗多選擇。招牌滷水鵝$118招牌滷水鵝是下裝，一整隻的鵝髀，廚師切得比較大件，滷得也夠入味，滷水鵝頗厚肉的，肥美又油香，又有鵝味。底下還有很多芽菜及滷豆腐，芽菜爽口，滷豆腐也都很入味。方魚蠔仔粥$60裏面的蠔仔需然細細粒，不過肥嘟嘟的，食落都好鮮甜，加上有肉碎、方魚及芫茜，整個粥都頗清甜的。韭菜蜆肉$55韭菜蜆肉加入到方魚蠔仔粥裏面，令本身已較為清甜的方魚蠔仔粥更加鮮甜。蒜蓉炒白菜仔$78 現在的人都食得比較健康，有菜有肉的，我也如是，所以要了一個蒜蓉炒白菜仔，白菜仔炒得好香蒜蓉味，很爽口，簡單的小炒，顯得出廚師的功架不錯呢。

打冷天氣熱, 晚飯都唔係想食得太飽, 又唔知食咩餸好, 係葵芳圍行咗個圈🚶‍♀️🚶‍♂️搵嘢食, 見到有間叫新四眼佬打冷小廚, 就食打冷啦! 😋兩丁友叫嘅嘢食唔多 叫咗一個鹵水鵝片, 鹵水拼盤墨魚生腸, 豉椒炒蜆。招牌滷水鵝 - $98鹵水鵝片係打冷必叫, 鵝片鹵得好入味, 片片都好深色, 片片都肥瘦均勻 , 又夠淋, 好香鵝味, 鵝片底仲有啲鹵花生, 呢啲係精華, 夠曬入味😋鹵水雙拼 - $88相片我哋叫咗墨魚生腸, 墨魚🦑好煙韌, 生腸又好爽脆, 配埋鹵水汁一流! 豉椒炒蜆 -$98豉椒炒蜆鑊氣一流, 一上枱已經聞到好香嘅豉椒味, 用料一啲都唔馬虎, 有芫茜, 蒜蓉, 豆豉, 用了又新鮮。 可能近街市嘅關係, 全部配菜都新鮮啲! 👍🏻舖名: 新四眼佬打冷小廚 (葵芳)地址: 葵芳榮芳路97至111號地舖#hkfoodie#hkfood#kwaifong#打冷#新四眼佬打冷小廚#香港美食#鵝片#豉椒炒蜆#鹵水

今日嚟到呢間‘新四眼佬打冷’食晚飯，好耐無去過保持舊式風味嘅打冷鋪，兩個人叫左三樣菜，三樣都好好食，首先叫左個雞煲，佢用gas 爐陶瓷煲，入味啲同埋煲到咁上下可以勁細火或熄火都保到溫。叫左小辣，好多料，我諗因為果到好近街市，啲配菜料都好新鮮，食到咁上下啲人慢慢入嚟，話咁快坐滿人。雞煲大幾兩百幾半隻雞。跟住叫左個鵝片，啲鵝片用花生墊住，一片片好深色，應該用左啲鹵水葉過先上碟。鵝片肥瘦平均，食落口啲鹵水汁標出嚟，一定要立即叫個飯撈汁食。呢個我點嘅菜所以記得係$108 。最後叫左豉炒蜆，獲氣一定打冷先有，佢地用配料一啲都唔孤寒，豆豉、莞茜，蒜蓉，近街市係唔同啲。約$7x-$8x ，我覺得今餐好滿足😆📍 新四眼佬打冷小廚 (葵芳)葵芳榮芳路97-111號地舖

放假去食潮州打冷，搵到間又抵又好食。🥢鹹菜胡椒豬肚雞湯 $58雞湯鮮味十足，鹹鹹酸酸幾開胃，胡椒味相對淡薄。豬肚彈牙，雞件都好嫩滑。🥢鹵水雜拼 $118一碟有晒鹵水豬大腸、鵝腸、紅腸、墨魚片、雞蛋。豬大腸、鵝腸都洗得好乾淨。食材好入味又唔會死鹹，蘸白醋更清新。🥢韭菜豬紅 $55豬紅口感爽滑冇腥味。湯汁有好香嘅沙嗲味。🥢生醃螄蚶螄蚶以豉油、蒜頭、辣椒醃製，肉質彈牙，亦不失鮮味。📍新四眼佬打冷小廚 (葵芳)葵芳榮芳路97-111號地舖

環境雖然沒有豪華裝修， 簡單明亮， 主打街坊小炒及打潮州打冷 ，價錢親民， 食物用心製作， 吸引不少街坊支持。豉椒鮮魷$108即叫即製的椒鹽鮮魷， 外皮炸至酥香，香氣四溢， 入口香脆之餘， 鮮味十足， 掛滿誘人的椒鹽、 脆卜卜的香蒜粒， 份外惹味， 滋美得令人停不下來， 送啤酒一流的菜式。薯仔牛柳粒$108油光亮麗的牛柳粒， 充滿鑊氣、肉汁 ，掛滿濃郁甜甜的醬汁，惹味十分， 甜薯粒炒至焦糖色 ， 入口蜜 甜軟綿，老少咸宜菜式。三杯雞$108色澤誘人的三杯雞， 配上大量的薑、蔥、蒜 ，上枱時， 香氣撲鼻而來， 熱燙燙的雞肉，入口軟嫩，啖啖惹味薑蔥香氣 ， 滋味吸引， 美味的下飯菜。最後熱情老闆娘，還送上兩杯自家製的羅漢果水， 夠曬止咳潤喉。

葵涌🚇其實除咗葵涌廣場之外附近都有唔少🤤美食，呢間街坊打冷小廚食物🧆都幾高質，又夠🔥鑊氣幾有🤩驚喜！疫情😷關係，今日嚟到就冇打冷滷味🧆等嘅嘢食，不過就提供唔少嘅🍱午餐同埋小炒，所以都🥰吸引咗我哋入去。尖椒🌶炒牛肉🐂一上枱就好香🤤，入面有唔少尖椒，尖椒加上少少🤏豆豉鹹香辣並重。尖椒🌶鮮味牛肉🐂嫩滑入味而且唔會太辣🌶，火候十足。椒鹽鮮魷🦑十分之有🤩驚喜，必食推介！脆漿薄而🥰貼服，重點係咬落去超級🤩鬆化唔會𠝹口👍，魷魚🦑新鮮肉厚又🤤juicy，高質又美味😋！三杯雞🐓味道濃郁而且有層次，洋蔥🧅同蒜頭🧄都好入味好食🤤。雞件🐓肉嫩味道鮮甜帶少少🤏酒香，餸飯🍚食一流！

自從禁晚市又有限聚令之後都好耐冇食過大排檔啦，雖然新開張選擇唔多，不過午市都有提供啲鑊氣小炒，食少少止住癮先😎豉椒炒蜆 $99 出街食炒蜆最怕就係殼多過肉，呢到粒粒都交足貨👍🏻，蜆肉鮮甜大隻，大部分食落都冇咩沙，加埋指天椒吊味，豉汁更加香濃惹味😍椒鹽鮮魷 $99鮮魷炸得夠脆身，入口完全唔粉，而且肉厚爽脆，唔會過韌，椒鹽鹹香惹味😆咸菜胡椒豬肚雞湯 $88配飯、米粉、瀨粉或者烏冬，豬肚爽口彈牙冇腥味，雞件都幾多幾滑，湯頭清甜，胡椒味唔太突出，鐘意食辣可以再加胡椒粉調味😙送羅漢果茶，味道甘甜，算係易入口嘅涼茶🤪