新宏利粥麵

营业中

休息中

呢一間舖一向都係荃灣街坊之間好出名，因為佢真係營業太多年，啲質素同價錢一定係有保證。今次就嚟食佢嘅炸兩，上到嚟係好新鮮嘅感覺，佢個腸粉皮好滑，而且油炸鬼仲係脆口。推薦！

呢日平日，特登請假，係荃灣空肚做完身體檢查。做完梗係搵個地方食早餐。好耐無食過粥啦艇仔粥，份量十足，有豬潤，豬肉，豬腸等等，都幾好食。食粥當然配油炸鬼，一半就咁食，一半同粥浸埋一齊。同時兩種食法。油炸鬼雖然唔係熱辣辣，不過都幾脆。再叫埋蝦腸粉，蝦幾彈牙，不過腸粉皮略厚，腸粉我就麻麻地。不過粥同油炸鬼幾唔錯

酷熱天氣持續，沒什麼胃口，不知想吃點什麼，上0penrice看看，見荃灣路德圍75號，【新宏利粥湯飯】，價格平實。和朋友一塊去，到那見門面象大排擋，沒冷氣，幾張枱櫈，服務員大哥告訴我們，隔離那間有冷氣，也是我們的。進去找個座位座下，枱與枱之間寬敞，簡潔，冷氣够凉。我們點了魚片瘦肉粥，鷄粥，炒米粉，三寶:猪紅猪皮羅卜。【魚片瘦肉粥】$22，粥棉加瘦肉和魚片，挺鮮甜。【鷄粥】$38，鷄不太新鮮，又油膩，不理想。【炒米粉】$12，有咬口清淡，味道唔錯。【三寶】$18，猪紅不滑又過老，猪皮彈牙入味，羅卜够淋，尚可以。

荃灣嘅街坊一定知呢間粥嘅老店，小編中學時期考完試經常喺路德圍附近掃街。店內裝修比較簡陋，只係得幾部大風扇，夏天嘅時候必定汗流浹背，但無論冬天定係夏天依舊人流不絕。皮蛋魚片粥（🌟88.55/100）💲22店內有各式各樣嘅粥類，而且價錢都係$22左右，平民之選👍🏻粥底十分之綿滑，皮蛋同魚片有半碗份量，魚片都算大塊，而且味道好足夠🤤牛脷酥，油器（🌟95.55/100）💲9大部份人食粥配嘅油器，多數都係油炸鬼，實不相瞞小編最鍾意食牛脷酥，加了砂糖和南乳，味道鹹甜鹹甜，而且做到外脆內軟，大家一定要入坑啊！好好彩當日嘅牛脷酥啱啱炸起，熱辣辣，金黃色外皮炸得香甜脆口，咬落帶點南乳香，內裏鬆軟無比，係小編食過最好食嘅牛脷酥🆙炸兩（🌟94.37/100）💲14呢個價錢有15塊，平絕全城🙊即叫即整，腸粉皮厚薄適中，十分滑嫩，食到米香味，油炸鬼都係熱辣辣，脆卜卜，但枱面上嘅甜醬係棕紅色，小編一開頭都唔知原來佢係甜醬🙈🙈但建議可以加白芝麻供客人使用，會更香🙂

是日約咗係荃灣抽血，抽完血之後見肚餓。醒起朋友介紹話佢食呢間粥店由細食到大。咁啱今日想食粥。就入去食啦。店鋪面積唔算大。而且係正街入面嘅角落頭。坐低就咁叫出去order啲咩就得。今日叫咗皮蛋瘦肉粥。盛為21蚊。個樣望落去平平無奇。一食落去就見真章。粥底煮得非常之綿。我自己就比較鍾意食綿底嘅粥。值得一讚。瘦肉同皮蛋嘅數量都算合理，瘦肉亦都食得出佢有醃過。有少少咸味。皮蛋就正常啦。整體嚟講，我個人非常之欣賞個粥底。另外，我見餐牌寫住有有味白粥，我都想試吓，如何有味白粥，但太飽喇，下次有機會再試。

呢間路德圍粥鋪我都食左差不多三十年，水準真係越嚟越下降，由其轉左老細之後，因疫情現在我多數買回食，今日去買粥料少而居然不滿碗，要廿蚊就真係搵到盡😨😝可能始終獨市生意人流量高，油器是最新鮮脆口，可以算是店內少數保持食物質素，油炸鬼每次必買，但居然也要$9😱🤭⋯⋯希望下次去買食會有所改善啦🧐

●生菜雞蛋腸粉 ($16)●冬天就好想吃暖暖的東西暖一下胃😆係寒冷的冬夜補完習，一個人吃腸粉放空一下也是不錯的浪漫😌😌可惜同我理想的味道有點出入...腸粉皮有點太厚，餡料也有點少 導致比例有些失衡:/而且腸粉皮味道太單薄，不夠惹味，吃到最後就口淡淡😣😣另外雞蛋是包進腸粉裡的，不是糅進腸粉的感覺~ 恩... 我也就沒什麼所謂拉🐷🐷🐷●燒賣($7)●普通蒸魚肉燒賣... 超級家常的味道.💭💭💭好味(6/⑩)抵食 (8.5/⑩)

呢間粥舖開係荃灣最旺嘅食街入面，咁多年都屹立不倒。其實佢嘅嘢唔係特別好味，但勝在價錢吸引。今朝我就叫咗碟炸兩做早餐，再加多兩粒牛肉球，都係30蚊都唔洗。不過碟炸兩好淋，同埋如果熱返少少就好

沒有什麼胃口，去左老牌粥店吃粥和腸粉，每晚都很多人等位，可能勝在是夠平，食物一般「艇仔粥」& 「皮蛋廋肉粥」材料都很多，但粥底比夠稀「炸兩」是凍的，油炸鬼已不脆。

新宏利粥麵 一向是街坊至愛，他們的油器 腸粉很好吃。今天行過 隔離開咗一間 名為「新宏利粥湯飯」的店子，他們說是同一間舖頭。今天一坐下便叫了平時食開的 艇仔粥、皮蛋艇仔粥、腸粉 和 炒麵。其實新舖多咗好多食物種類，又有湯飯等，下次要看下餐牌試下其他食物。今天吃的一如既往， 腸粉幼滑有米香，炒面夠味，粥就綿綿的，又平又好吃，暖暖的冬日午餐。

依間粥檔話裝修半個月，期間一次都未見過開閘，更唔好話有師博整嘢，到宜家開返，連招牌無咗隻字都唔整，餐牌繼續充滿補丁，紅油如常，枱櫈，連位都無變過。認真睇廚房好似有啲唔同？又講唔出，可能心理作用。粥我就唔食，試過太鹹，天氣又熱，開頭以為佢裝修整返部冷氣唔知幾開心，睇嚟都要繼續外賣。粥檔唔一定食粥，通常我都係食炒麵、腸粉，間中嚟條油炸鬼。感覺多年都無咩變化，價錢就加下加下，係近年炒麵炒得濕潤咗，油味無梗重，更易入口，但宜家又有無變到？炒麵，首先價錢無變，份量同之前一樣，無公園過邊梗多，嚟粥檔叫炒麵一定係佢，一般都唔會過過水先炒，佢梗炒我覺得油味無梗重，亦無梗乾，但今次真係無嘜配料。炒米粉，宜家越嚟越多粥檔有，始終米粉無梗吸油，但好多時一係落太多油，一係無味。而佢張紙就無油得太過份，食到有微微調味，配料可能剛好比之前多。炒河粉，隻隻炒麵份量都差唔多，不過依隻一定夠飽，配料量正常，佢都叫炒得唔算油，不過我通常新出先會買，太吸油！炸兩，份量同之前一樣，唯一用發泡膠盒裝，所以經常忘記加醬，照舊無芝麻，只有早餐條油炸鬼先會脆，平時都已淋，買原條就基本都仲脆。試咗梗多樣平時食開嘅，無論味道定份量都一樣

今日無咩胃口,想食返D清D既野,所以今晚決定食下粥去左路德圍新宏利粥麵去到坐低睇下有咩食先最後叫左碎牛肉粥,炸兩腸因為都有D熱所以決定買外賣食就算碎牛肉粥-料算多,牛肉都幾鮮味,其實佢個粥底都幾綿同埋唔會好確喉炸兩腸-腸粉拉得幾滑都唔錯,入面油炸鬼又唔算好隔夜FEEL,都算幾好食

今日做完嘢好想去食碗粥，因為好久冇食過荃灣大排檔粥店，今日有時間也去試吓，點知道味道差了這麼多，叫了一個皮蛋瘦肉弼，粥底好滑又冇加到味精，再食了一個炸兩油炸鬼唔脆豉油又唔甜，已經不在以前好味道，再叫了個炒麵個麵條質感和味道也很差，真的食不過，希望以後有改進啦！

成日出街食咁油膩 間中食下粥清清腸胃都係不錯嘅選擇😀今次介紹呢間抵食粥品小店👍🏻一碗粥最平$19有交易 粥底好綿 配料都好足蝦米腸唔算整得好滑 不過蔥花蝦米令腸粉香口不少😌燒賣口感比較爽 唔係成口粉嘅質感👌🏻

見早收工，諗住去ikea行下，點知經過一個街口發現好多人係道食粥，所以就羊群心理行埋去食返碗粥先，今次食呢間「新宏利粥麵」。由於早餐嚟，所以只係叫咗2樣野食：碎牛粥、同埋豉油王炒河碎牛粥傳統廣式粥講求嘅係「綿」，愈綿就愈好食，要傳得夠綿除咗講煲得夠耐，都要講經驗但求啱好煲到有燶味，而呢道嘅粥絕對可以稱得上夠綿，又無燶味。而且仲有小小咸香味，應該係用咗豬骨去煲，唔會話好淡味👍👍。但係碎牛嘅量就比較小啦，無計啦🤦🏻‍♂️香港地乜都貴，個個開鋪都想賺錢。建議可以加返幾粒炒花生，或者薄脆碎，可以增加下口感。唔係貪小便宜，只係幾粒有油香脆口嘅配料，可以令碗粥生色不少😉😉。豉油王炒河炒河夠就夠色水啦，不話炒得唔夠乾身，所以唔乾身嘅河炒聞落香味會差d，食落口都會因為有水份，減少咗油香味。