新廣發 (已結業)

經朋友介紹來到，晚飯時間閒日都爆場~~同隔離大排檔好大對比！自助形式任食火鍋，仲要汽水任飲~~埋單每位$80好扺種類好多！多數都唔錯！不得不提D蜆好新鮮！不客氣地，一行五人食足一籃蜆有少少失望係無哂瀨尿蝦..而環境就麻麻地..意料中事總括黎講很ok!會再去食

有朋友誠邀小弟去打邊爐...仲要係沙角村, 對我呢個"香港人" 真是有點辛苦.不過, 一聽到價錢, 便有興趣一探究竟!原來係$73/位, 任食, 支裝汽水任飲 (可樂, 芬達橙汁, 忌廉), 湯底$45,所以人愈多就愈抵!食物:是自助形式, 不是一般畫紙仔, 比侍應仔.小弟覺得自助比較好.自己想食咩, 食幾多, 自己話事.一般畫紙仔, 你畫5碟肥牛, 佢一定黎唔足5碟! 是晚有生蠔(新鮮與否就見仁見智啦.), 有蝦, 有螺.這些都比例特別, 其他的都是乜丸物丸, 大量的菜, etc聽朋友講, 早排有瀨尿蝦, 蟹!環境:不用多說, 呢個價錢, 不能再要求什麼了!一定是惡劣的了! 可以坐的座位也很多!我們一行7人, 只等了5分鐘左右就有位!注意: 浪費食物是有罰錢的! 逐位計!

$73/人. 湯底+$45. 兩人埋單$191. (如浪費食物罰$10. 浪費野飲$5)多人食會再著數d.仲有海鮮果邊. d蝦好唔新鮮. 係浸到梅左的. d蠔真係唔太食得落口. 佢有時會囉d瀨尿蝦出黎. 果d即囉出黎好d, 仲識郁的.其實最dirty係果d囉野食既碟. 仲係好油同好多漬. 應該搵水沖一沖就再用....我覺得自己好似搵命博咁 XDDDDDDDDDDDD一路囉野食一路聽到D人講: 唏! 有乜所謂丫. 6熟D咪得囉.OMG食完今次應該唔會再去食....因再想夾多錢既款式唔多. 但就真係好抵食. 一分錢一分貨囉~

我的六千元終於來了，於是便請媽媽到這兒吃火鍋。其實我都想來，因為已聽過人家話這兒很好吃。我們點了：清湯湯底，拿了：少少肥牛、金菇、大量菜及冬瓜。肥牛不太肥有金菇及大量菜當然很好。清湯湯底淡了少少，但都有很多娃娃菜！仲有，佢的魚蛋及雞件好好味！更拿了：粉絲　豬肝及豬腰、烏冬等好好味，唯沒有生蒜及蔥等，而他們送的肉蟹好好味呀！服務態度不錯！很好！下次會和其他人去的！

一行 12 人，晚上到沙角打邊爐。其中好些人還是特地過海出來，真不明白為何沙角如此吸引（！）任飲任食三小時，每位 $73，火鍋湯底 $45。衛生環境欠佳，個人來說就不太滿意了。寧願比貴少少，也不想再來。‧清湯像水，辣湯湯底一層厚厚辣油浮面。‧食物種類多，但比其他人夾到亂七八糟囉。‧丸類同一樣野，可以有不同形狀：星形、心形、波形。‧一塊肥牛七成是肥膏、三成是可吃的肉。‧驚喜的海鮮類：有好生猛的賴尿蝦、生蠔、蜆…‧豆腐、南瓜、烏冬、竽絲全都非常新鮮，又夠健康（最岩我！）‧樽裝汽水任飲。‧一張圓檯坐 12 人，手貼手，超迫。‧赤條條唔著衫的男人，就是伙記。‧三小時打邊爐，全程要叫伙記更換兩次 gas。‧夾野食o既碟，有漬、有血水…（完全冇洗過 ）

第二次來新廣發了!第一次來時有點被環境嚇怕,設備看似簡陋,環境亦一般,而且食煙的桌子並不會分隔開但幸好昨天坐在較入的位置.當你看到任拿的食材,環境設備一切都不重要了..昨晚有瀨尿蝦,蟹, 蠔等等瀨尿蝦很新鮮,最後人人都不出所料地飽飽離開.雖然加價了,但都比其他地方便宜了.覺得這裡是個gathering的不錯的選擇.也特別適合學生!

朋友食過之後,不停推介! 結果去了一次好多好多食物任食生蠔不是到到有 呢處咁平的價錢又有仲大大食新鮮真唔話得丸類好多選擇 有d振興牌 出面係無得食螺又係好正!一定用再來!唯一不太好的是: 新廣發會讓無良吸煙人士用碟裝煙灰令到碟盛過用煙灰後留有班班煙焦痕跡之後再番用比人再裝載食物,第一當然感覺好唔衛生啦第二其他新來的人士又以呢到可以吸煙同用碟裝煙灰

$69任食任飲火鍋，另加湯底$45我地一行9人去食自助火鍋，D海鮮(包括蝦、瀨尿蝦、蟹、青口等)不斷供應，仲要超新鮮﹔D生蠔又大又新鮮，源源不絕的供應，食到停唔到口呀！仲有，汽水係任飲，仲要係枝裝，我地每人起碼飲5枝以上

愈多人就愈抵食...因為湯底劃一HKD45...多D人除返開條數就著數D!!!鴛鴦湯底瀨尿蝦唔錯唔錯....有大有細...要揀下先...大就就當然好食D喇...多D肉同埋多D膏...蜆夠哂鮮甜...又夠哂新鮮...每一隻都可以開口....肥牛肥牛就真係肥....白色多過紅色....仲有好多選擇...不過之後掛住食冇影到...蠔....青口....芝心丸....等等等等....主要都係攻D海鮮....HKD70+真係抵...自己買蜆買瀨尿蝦都唔只呢條數....

星期五晚諗住同一大班friend打邊爐,平平地又近大家,於是去了沙角村大排檔......等一個印象是好多人,但伙記的態度仲深印象!!!問佢地有無匙羹:無呀!問佢地有無多張「登」:自己囉拉!我就係驚自己囉比你鬧嘛!!d肥牛好「鞋」,又話近新年無蟹.其他野食一般,但囉野食時就好似去左羅胡過關,係禁比人撞,d人又打尖,真係成個難民營禁......打邊爐去到一半,發現左小昆蟲......之後個個停晒手,都廢事同佢地d禁「有禮貌」既員工講!呢度真係邊爐版名將,但仲係禁多人.可見平野真係無敵!!!

星期日去食,超多人,坐到去隔離個公園,臨走見有人等位.抵食,主要食左肥牛,蠔,蟹,瀨尿蝦,青口,炸魚皮,芝心丸,牛丸等.個湯底係鴛鴦湯底,一個係沙嗲(只有辣)及清湯.肥牛: 當然不及外面賣果d,但都好瘦,食多幾碟好抵.蠔: size 算 ok,幾新鮮.蟹: 一般膏蟹,較細隻,肉較少,且個蓋俾人攞晒.瀨尿蝦: 新鮮,但太細.青口: 急凍的,ok la.炸魚皮: 好好味, encore芝心丸: 有驚喜,裡面真係有芝士牛丸: 街市賣果d還有好多其他野汽水只有可樂,7up, 玉泉,紛達,唔飲汽水好似平d.4人去食,每人80元,抵食,自己去買都唔止.總體來講,幾抵,外面d肥牛賣咁貴,依家任食,又唔駛自己準備,計落係唔錯既選擇.

聽聞沙角邨大排檔有好抵食嘅任飲任食自助火鍋，當然要去試下啦！我，老公加埋媽咪三個人六點四十分到，即刻有枱，唔使等位，所以都係早尐去好！嘩，未見過咁嘅排場，真係好多嘢食呀！仲要樣樣都供應十足！林林總總嘅火鍋料，真係睇到眼花撩亂啊！　個湯底我哋要咗個芫荽皮蛋，芫荽唔多，皮蛋一隻開邊，完全覺得唔值$45，不過見佢有咁多嘢食先至收$69一位，拉番勻都OK嘅！　蟹：好新鮮，雖然細細隻，但係好多羔，好好味！　瀨尿蝦：好生猛，拎咗返一陣都仲郁架，都係細隻嘅，但係好鮮！　蜆（花甲）：好甜！　生蠔：size適中，得老公一個食，佢話OK！　鵝腸：好爽！　肥牛：一般貨色，一塊肥牛有三分二都係白色，雖然唔老，但係好肥！　丸類：超多選擇，不過我哋唔係好食，所以只係試咗少少！有隻包心丸裡面係忌廉蘑菇，幾特別，不過好滯！　蔬菜類：唐生菜，白菜仔同豆苗都幾好，豆苗仲要好快就無哂！白蘿蔔同粟米都好甜；炸芋頭夠粉，不過太大件，食一兩件就好夠！配料繁多，不能盡錄．．．我哋仲要飲咗唔少細支裝汽水，真係食得好飽好滿足！每位收費$69，另加湯底$45，計番三個人每人都只係$84就可以任飲任食三個鐘，食到捧住個肚走！超讚！以屋邨大

同班同學仔黎打邊爐~$69加埋湯底埋單每位$76好抵!!雖然話限時3個鐘 但我地由18:30打到22:00 配料, 飲品全部自助式 要自己拎!雖然有D麻煩 但咁既價錢仲想點??我地狂食肥牛~ 另外芝士丸都好味 有機會下次一定再黎!!

任飲方面：汽水任飲~~~重點是每支汽水夠冰凍~~~難得是我最喜歡的細支蹲裝！！以任食火鍋計~~~ 肥牛) 雖然肥了點！~雖然當時我見去貨去得好快~但我見每箱肥牛質素都平均~ 蜆) 唔覺有沙~都幾新鮮~~~ 蟹) 當晚見是膏蟹~~~勁多膏！又新鮮...任飲任食來說十分少見！！ 生蠔) 普通貨式~~~當然間中一隻、兩隻，會有沙。瀨尿蝦) 勁生猛！點計都係九十元—位有找的話...在香港簡直超值無敵手！！大排檔的服務就唔駛指意有喇~ 鼓油、取食物、加水全部都係自已黎！！碗碟衛生方面亦唔好追求喇~一定令你失望！PS：~ 唔好著咁靚衫去！太多人就好易Hi污野~~~~

呢到好大! 坐既地方都尚算可以大排檔式既格局同場有十分年長的啤酒妹賣啤酒同3D 低清電視多個 (但不設3D眼鏡)湯低一般般 =[ 除左第一轉有d沙嗲味之外 加水後都變左肥牛/魚鮮既味....野飲任飲 全部都係汽水 好夠冬=]食物 多到嚇死你...海鮮好多 斑腩魚塊 賴尿蝦 圍蝦 蜆(喪正) 蟹< 好多膏既膏蟹 season岩掛 =p其他都係丸 肥牛 菜 生根 等等 款式之多 真係首屈一指!!可惜要用廁所既 正係得公廁! 衛生嚇人...價錢 $69/人+湯底 45$ 所以埋單價 $76...抵到爛-.-題外話女孩子打邊爐請不要上厚粉..見到隔離台d女仔d粉係咁甩 真係有點影響食慾 \ /