新廣發 (已結業)

約好朋友四個人夜晚7點去沙田新廣發打邊爐。我同另一朋友遲晒到，好在有朋友準時攞好位，唔使坐露天食埋西北風。淨食火鍋$59/位，任飲任食$69/位，火鍋湯底$45個；都係普遍食家嗰句，個湯底淡而無味近如開水。火鍋食物算多，有海蝦、炸魚皮、炸枝竹、水魷、粉腸、墨魚、芝士腸、豬腎、草鯇、脆肉鯇、花蟹、生腸、滑牛、牛佰葉、牛丸、魚蛋、賴尿蝦、生蠔、肥牛、蔬菜、烏冬、生筋.......睇落最少有40幾樣選擇......全部放在一長一短食物檯；自助飲品放在露天花叢旁汽水櫃，食完要自行到收銀處結賬。由於對象係屋邨街坊，任飲任食$69呢個價錢唔好太祈望有咩靚嘢食。我自己就食咗20幾隻熟蠔同半斤灼蝦，第二日早上肚屙兼要睇醫生；朋友選擇食物對象唔同，所以腸胃完全無事。服務質素非常一般，員工除女性外全部赤裸上身，半截底褲露出。

諗住聖誕節. 同班朋友黎沙角打邊爐啦.黎到. 其實都預左聖誕一定會full. 一定要等位.自己住沙田既. 其實都黎過幾次.食物係多款. 甚至會多過你係酒樓打邊爐個d.但係. 環境同服務就真係好差.佢開得太多檯. 又周圍擺哂d汽水樽個d架.人人出入都好唔方便.最差既. 係放d客入黎食煙. 又唔阻止. (係大排檔範圍入面咖喎)仲要. d staff自己都食煙.講真.. 佢d爐全部都係石油氣開咖. 一個唔小心.. 好容易會爆炸囉!!仲有.. 有兩個staff好似睇死我地食唔哂d野咁.一個話要食哂煲入面d野. 另一個就話飲哂d汽水先好走.我地唔係少人. 絕對可以清到檯d野囉.我覺得唔應該有咁既態度.食完呢一次. 可能真係要諗下. 下次應唔應該再黎.

朋友生日本人都係話上朋友屋企打,但又要買野又成;咁我就提議不如去沙角村打啦.7點去到已經好爆. 因為一行三人比個阿姐安排坐出入口位,一見都知奶野...不過無計,大排檔呀! 餐廳咩!suggest大家去就早d到6:30就可以你揀位. (week end)week end 6:45先到就佢地比位你.推介: 蟹, 蝦, 蠔, 鮮牛 (因為都好靚同新鮮下)其他就比較酒樓個d任食好. 所以可以講無乜野叫差.最差未係service囉.

之前係OR見到依間大排檔既任食邊爐好似好得咁, 星期三約埋一家人去試下, 點知係極度失望囉...無論環境,食物及服務都無樣得囉....先講服務,我地一行五人,其中一個係孕婦, 佢比左張細枱我地,我地見佢又唔係無枱咁就自行轉枱, 其中一個後生侍應即時黑我地面,之後呼渴我地要咩野湯底,由於要就孕婦所以叫清湯...個清湯黎到我地全部 , 個清湯竟然係熱水加2條菜..大佬你落少少雞粉都好啦, 無雞粉都落D鹽啦,我地同佢講轉湯底,佢大聲話唔得,咁我就同佢地講叫佢比D鹽我, 個阿叔係咁話打打下就有味,比左鹽你到時個湯底好咸既話佢地唔會幫我換...個一刻真係火都黎埋,同佢嘈左幾句,佢死死地氣入廚房拎左成碗鹽比我, 我頂,埋到明唔服氣啦, 本來想拉隊走, 不過家中兩老話算,唯有硬食講完服務再講下D野食,係有蝦, 賴尿蝦同蟹...不過蝦同蟹係霉, 只有賴尿蝦係新鮮的,可惜勁細隻,無肉食, D丸勁咸,好彩蟹柳正常, 無"善",得魚片,不過係勁"sang",肥牛超"un",有蠔,食左一隻正常,一隻臭,之後即刻唔敢食啦...全晚食得最多係不粟米同菜..最後環境, 講真去得大排檔都唔會諗坐得舒服, 但都唔好地下

睇到呢度嘅食評，一早就想嚟試下，咁啱果日又轉冷，就同兩個friend嚟試咗。好多人話大排檔搞buffet會唔會好污糟同埋啲嘢食唔新鮮，我可以答你：第二度可能會，呢度就一定唔會。點解呢？因為呢度真係好多人食嘢，我7:30去到，我望一望都有成二百幾三百人食緊嘢，啲食物流量大，經常都有refill，所以唔洗擔心啲食物唔新鮮。我地一行3人，7:30去到，因為冇枱，又同時有幾班人到，所以果啲職員就响啲邊皮位(其實係屋邨果啲公共範圍)開枱比我地。坐邊皮位唯一嘅唔好處就係冇乜光，不過都算ok啦。我地叫咗鴛鴦湯底，味道都ok。食物方面我唔多講，火煱一般都係差不多，但係就唔好諗住$68會有貴價嘢食，有蝦有蟹算係咁。飲品就只有可樂芬逹同埋忌廉，啲忌廉去得好快，好快就冇晒。我閒日去都咁爆棚，如果假日去我建議6點半要去到，如果唔係有排等。

仲記得第一次食係同屋企人 , 而家成日帶各種朋友仔黎食 !上次同肥瓜大快活打邊爐意猶未盡...今次同肥瓜瓜又黎新廣發開餐 ... 一定食餐飽 ...夜晚7時半來到新廣發 , 先提提大家 , 為了方便添野食 , 一定不可以著高爭鞋及露趾涼鞋 因為地下經常濕淋淋 (雖然定時有人拖) , 又會比人踩 ...急不及待去拿取食物 ... 可以逐塊肥牛簡係呢度既好處 ... 哈同埋可以每樣丸都拎一粒 ...主攻海鮮同肥牛 ! 今晚有蝦有瀨尿蝦同蟹 !! 好多膏 !!因為好易比人清晒 , 所以唔好太晏先黎呀 !!基本上材料都係新鮮 , 而且好難講話D野好冇食 ... 因為煮幾耐係自己定不過肥牛一定唔係雪花果D架喇 ... 而係一邊肥肉一邊瘦肉果種貢丸 , 墨魚丸 , 白魚蛋都比較出色 ! 結果每人飲左4,5枝汽水呀 !!

其實夏天去都無問題食物係ok....但蟹的味道不是太好最主要的肥牛都有香味....海鮮.雞子...都好吸引點解只是ok...我不鍾意個湯底.４５元.只係熱水.....汽水..有３種....我都飲左５支呢一餐.回想一下.我都好開心

5 個女仔去左打邊攎好彩有風, 唔係真係熱死. $68 一人 任飲任食 + $45 湯低有唔同湯低choose, 我地要左 "in" "楊"湯低飲有 可樂 / 芬達 / soda-cream好多choice, 食幾多 夾幾多.幾中意佢個有蟹子心既丸. 不過如果有兄弟姊妹下次去, 落雨既話, 坐入d. 唔好坐係邊個d table.會食晒水.

我住係呢度, 所以冬天成日都會落黎打邊爐幾廿蚊任飲任食, 真係好抵呢度仲可以算係呢度幾間大排檔入面首先推出自助火鍋既一間係呢幾年仲set埋比客自己出去夾野打邊爐, 真係好正佢既賴尿蝦隻隻都識跳嫁....真係好新鮮仲有好多唔同既款式比客揀, 真係好抵不過唯一唔好既地方就係個湯底有o的淡, 唔夠味

呢間野不知不覺都黎左幾次喇...所以唔上黎寫佢都唔得呀...大排檔格局,所以唔好要求有D咩服務,佢所有配料都唔錯,由其係有生猛瀨尿蝦任食,雖然唔係大大隻果D,但都好過冇吖..一比人夾哂就即時有人Refill,簡直係無限量供應,蟹都係細細隻既,但出奇地好鬼多膏,肥牛又係不停Refill,唔係好多肥膏果D貨仔,菜都洗得幾乾淨,有脆鯇,九肚.....總之就好多野食啦,每位大約都只不過係$90,就可以任飲任食,不過夏天去就考慮吓喇,一定熱鬼死呀...(最鍾意係任您夾,鍾意食邊樣就可以夾多D,出面酒樓任食都係一碟碟細細碟既,一D都唔滿足呀!)

早就久聞大名, 由於地方偏遠, 我本人係住北角既, 所以遲遲都未去試, 終於有一次就同女朋友去試下呢個大排檔, 地方尚可, 衛生程度亦比想像中好, 重點就係個食物,唔係話自助任食就馬虎, 款式多到唔知點講, 質素方面亦係唔錯, 肥牛就好睇彩數, 一批批靚, 其他食物例如丸, 菜方面都很好, 我已經去過5-6次, 最重要一次係冬天去,居然有我最鐘意既豆苗, 大家都知道豆苗係貴價既菜類, 有得任食, 真係一個好大既驚喜, 而汽水亦係懷舊既細玻璃裝, 每次都飲返4-5支先收手, 2 個人食160蚊左右食飽去城門河吹吹風 散散步, 都係非常好既選擇之一!!!!!

同女友特登係係街上網搵呢間野.因為女友想要D自助形式GE火鍋.6點去食喇.去到環境係普通GE大排檔咁.人唔算多.可能因為仲早.咁出去攞啦.好多野食呀.仲可以任飲任食.D野好新鮮.海鮮好好.樣樣都好新鮮.食左好多.!!!-瀨尿蝦好生猛.!!!!-蟹好正.D膏多過肉!!!!-蠔好真係好大好肥美呀.!!!!食完會不停供應.唔洗驚會冇.其他野食同出面1樣.好多野比你簡.墨魚丸同平時食GE唔同.好味好多.我真係好想可以再去多幾次.一出地鐵C出口過對面就係.到到7,8點好多人.全埸可以話係滿哂.同埋D呀嬸好好人.問佢地野.佢地好好笑容價錢唔貴.1定會再黎.同女友食到好滿足.

好有大排檔FEEL, 又平又多野食,多選擇, 出好就係D脆肉鯇好新鮮, 比酒樓個D重要更加脆,而家酒樓任食火鍋有時明明叫脆肉鯇,會比D普通鯇魚你,重一D都唔脆,入貨又唔新鮮,每人加埋茶錢,醬油,重要超過成百蚊,一D都唔低食,相比起呢度,價錢平又多款式,重有蝦蟹任食,都算唔錯,D friend重話要話比海外朋友記得返香港時要嚟食喎係D咁既時勢係人都想搵D平靚正既野食架啦,呢度真係唔錯既推介重有一樣要提一提就係可以加$10任飲樽裝汽水,如果唔加既話自己帶去都OK唔會比人話直得一讚!!

對大排檔要求不多對碗仔翅要求不多但呢到的碗仔魚肉翅真的唔多掂最怕一加左魚肉會溝稀左d翅呢到呢...加左生菜魚肉之後~居然係稀左好多仲加左一大堆溶化唔到的麻油...真係唔多掂........................................

食物都算過得去..但員工似乎唔多衛生.....食住煙做野仲有環境衛生好差..員工態度超差...如果唔係員工態度同環境衛生既話我相信做到好好..仲有食唔駛d野員工亂咁計錢..