新德記漁村海鮮酒家 (已結業)

我一直都諗多人評好既店係咪一定好食？我唔知。不過少人評就只係代表D人唔敢試新野，淨係識得名牌，無性格！我唔係店主，亦唔係此店既朋友，我只係好鐘意食野，乜都想試，想將D真係正野同大家分享。海鮮我食過好多，E間好唔同既地方係首先佢地既賣海鮮既檔口係o係街市，唔係海鮮街果邊。成本平左，自然可以比到D好野你食。入正題，我地一家4口加2個E婆6個人，去到坐低。我同細老家母去買海鮮。到左街市，正常街市size既檔口，好多選擇。最後點左聖子，龍dung，大蝦，大蟹，賴尿蝦。同場加演椒鹽豆腐，椒鹽鮮魷，正！！！！！！最後食左20XX，連tips$2200該，唔錯！！！

這家店午市人樓不多. 用膳的大部份是熟客. 午市有碟頭飯供應,但要主動向店員查詢. 我點了客椒鹽魷魚飯($35),椒鹽味道恰到好處,魷魚很香口,很鬆趣.不收茶錢和加一.本人還外買了一客鹽焗雞飯($29,外買+$1)回家.味道尚可,份量很多.

最近多數會到三聖村興記食海鮮, 已經有一段頗長的時間沒有來西貢了, 原因是之前幫襯開的酒家質素明顯下降, 但價錢又節節上升, 沒有再去的理由. 朋友告知西貢另一邊的海鮮菜館質素唔錯, 而且價錢合理, 於是在一個星期日參加完友人女兒的生日會後便和兔大人來品味海鮮 未到5:00PM 已經到達西貢了, 直接往米芝蓮一星店六福進發, 原來想試試在沒有訂枱的情況下, 提早5:00PM食晚飯會否有位, 但計劃未能成功, 祇好試試其他酒家, 選了附近的新德記, 預約了6:30pm的枱, 差不多還有一個小時, 於是便四處閒逛起來. 市場街沿途多了很多餐廳和精品店, 感覺好新鮮. 之後一路走過了翠塘花園, 噢~ 發現了一個時租$8.00的工貿大廈停車場, 原來停在市中心的停車場收$24.00一小時, 兔大人立即啟動精明眼程式, 距離停泊滿第一小時還有20分鐘, 之後最少要多泊3小時, 簡單計算的結果是 : 假如車子原封不動要$96.00停車費, 但若現在回去取車轉泊便宜parking, 費用祇需$48.00, 於是二話不說便拉著我飛奔回去取車, 果然大步走和散步的時間相差甚遠, 不用10分鐘已經到達,

難得識飲識食的網友相約，　到西貢買海鮮加加工費食住家feel 海鮮，　諗起都仲好回味　呢間海鮮酒家地點一啲都唔難搵，就喺六福隔離，水準叮噹碼頭，靠得住　！！！　到街市自選海鮮，仲有專人幫手拎去酒家，開心又滿意，又一個心滿意足．

今晚去左西貢放狗，放完狗食海鮮，由於聽過呢間野唔似全X個D呃秤，於是試下，又真係幾抵食喎~我地叫左(每碟其實都食過先醒起影相~)蒜泥粉絲蒸蟶子王~~椒鹽瀨尿蝦蒜泥粉絲蒸貴妃蚌每隻都大過豉油碟椒鹽鮮魷+京都骨仲有兩碟小菜~同一條老虎斑食~佢有個海鮮檔係街市入面，自己都可以揀完俾佢煮~我諗佢係一間值得回頭食的海鮮檔~

我地一行6人去食海鮮，不過行左好耐才找到新德記，是在排坊附近的。我地要左1. 椒鹽瀨尿蝦 （每人分到一隻，好多肉，好鮮甜，我會再去食）2. 炒蟹 （三隻， 味道不錯）3. 百味豆腐 （個個都話好好味，好驚喜，外脆内滑，一定要叫）4. 腐乳通菜5. 蠔仔泡飯 （好味，蠔仔大隻）6. 蠔餅 （可以接受）7. 酒煮蠔 （我已經好飽，食唔出有什麽特別）8. 京都骨 （其實即是豬排， 我已經食唔落）樣樣都幾大碟， 服務態度很好， 客太多所以上菜不要期望會很快， 有西瓜送。一定要訂位否則有排等。我地另叫左每人一支汽水，埋單每人約$200.

兩公婆加BB一齊6:30去到，原來有好多款二人餐，不過論海鮮多少少，就係每位計158一位的套餐:我們在大蝦伊麵及龍蝦伊麵中選了後者，龍蝦是小龍蝦一隻配幾多下既伊麵，OK 啦，不過龍蝦好似冇O羊肉清蒸海上鮮:倉魚，都蒸得唔錯鮑魚、象拔蚌或元貝三選一，每人一隻，我們選了鮑魚，餐牌寫鮑魚有兩隻，但ORDER時侍應話因為鮑魚大隻所以變一隻，又真係OK，好味連餐仲有碟菜同一大碗粟米湯，可以裝十湯碗不過我覺得唔夠食，另加了一斤灼蝦($68)，OK......有海水味及兩隻元貝.........好細粒($18一隻)，志在食D粉絲同蒜蓉...........OK加一個白飯埋單$467免茶免加一呢餐不過不失，同全記比，都差不多....不過龍蝦就全記好味D我諗...........仲收左$40酸菜錢

今晚一行15人去試下,埋單3千8百元,朋友介绍,頭菜灼蝦,没什麽功夫可言,蘇炸生蚝可以.油鹽水浸花甲唔掂,湯底差,配菜少,粉絲多,花甲過左火,好硬,難咬,沙姜雞味可但肉梅,無咬感,炒聖子王火路唔得,走油時間唔夠,太浪費了聖子王,蒸魚一般,蒸鮑魚好,夠乾身,但碟身醬油汁太少,唔夠點,蛋白炒飯可以,飯後送橙.整體來說如果要求不高都可以.但所有上的菜都不太夠熱,不見煙.

今日同家人去食晚飯慶祝生日, 第一次食呢間. 起初見到有套餐怕D海鮮會冇甘靚, 點知又唔係喎!碟碟都勁大碟, 勁多, D飽魚仔大隻, 條魚好大條, 好好味!!D伙計好NICE呀!!下次去西貢食海鮮一定會再去!!

給其他人的食評吸引了去試新德記海鮮，但它感到非常失望離去, 真奇怪港人的對食要求勁低! 很久沒有吃過這種劣質稻米。炒聖子沒有煱氣, 醬油不是好,也不好吃. 蒸魚又普通.唔掂! 應多多檢討!

次次入西貢都係去呢間,因為媽媽的朋友開設的,另外它最起碼比其他實惠得多...今次一行7人訂檯7.30pm,但我們全都是遲到大王,經理michael好細心於電話中叫我們先想好吃什麼,他先預留給我們,免得來了很多海鮮都沒有了,由於客人多,安排我們於一間上樓vip房,有電視看又夠靜,我們點了:芝土龍蝦伊面(大隻又好肉好彈牙)豉椒炒聖子(大隻又爽口)蒜蓉粉絲蒸帶子(橙色o個舊內臟係精髓所在)椒鹽瀨尿蝦(超大隻,椒鹽令我地差d連殼都食埋)辣酒煮花螺(點甜醬食好正)油泡'鹽'仔蟹(好多羔)蒜蓉菜芯(好人經理free比我地)佢地上碟唔會擺得好精緻,但個人覺得好味最重要,除左小女子唔太鍾意食蟹之外,其他都係水準之上...而且服務都算幾好,換左好多次碟..讚呀,埋單$1800

想食凍蟹也提早二小時預定了, 今次一定有得食。除了凍蟹之外, 還要了陳皮蒸鮑魚/ 豉汁炒聖子/ 椒鹽瀨尿蝦/ 蒜蓉西蘭花及腊味糯米飯。原先經理說會先讓我們吃凍蟹, 後上其它, 我們也認為這樣較好, 可是經理忘了通知廚房, 所以第一道上的菜是豉汁炒聖子, 於是經理唯有把凍蟹放到最後才上。豉汁炒聖子, 看似是一般的小菜, 但聖子爽甜脆口, 好新鮮, 豉汁不會太咸, 好好食!!陳皮蒸鮑魚, 新鮮鮑魚而且都算大隻, 但鮑魚質感較硬。椒鹽瀨尿蝦, 今次的瀨尿蝦較上次的細, 而且肉不夠飽滿, 不過味道是可以的。蒜蓉西蘭花, 因為好像很久沒有食過西蘭花而己, 其實好大碟菜…腊味糯米飯, 明知是很大的一碟, 但由於真係好想食, 所以只是兩個人都要了, 心想吃不完便打包好了。當時吃的時候都覺得不錯, 估不到昨晚在家翻叮後更好吃, 原因可能是所有的腊味都切成細細的, 有腊腸/ 腊肉/ 冬菇/ 蝦米, 重有好多香脆花生, 好好食呀…最後上的凍蟹, 其實有啲飽飽地, 幸而他沒有大蟹, 不然更飽。由於凍蟹不夠大隻, 所以肉不夠多, 不過也勝在夠新鮮, 但下次一定要吃大隻的。服務依然好, 經常換碟, 主動加水,

因為之前公司請食飯, 有人安排去西貢食海鮮, 今次想番尋味, 兩支公預定了位, 但沒有說明要食凍蟹, 點知去到經理話無預定就要等好耐, 咁唯有下次先, 經經理介紹叫了下列菜式陳皮蒸鮑魚–鮑魚有半個拳頭咁大, 一啖一定食唔晒, 好新鮮, 口感好好蒜蓉蒸開邊蝦–經理介紹“豉油煎蝦碌”, 但個人喜歚食蒜蓉蒸, 中蝦開邊好好肉, 好味, 下次先試豉油煎蝦碌.椒鹽瀨尿蝦–普通Size嘅瀨尿蝦, 蝦肉都好爽口彈牙, 好鮮!!!油焗奄仔蟹–好香嘅牛油味, 略嫌蟹太細, 但尚算多膏, 唔係好夠喉…(經理推介試一隻)辣酒煮花螺–螺較細, 約男仕手指公大(連殼), 唔算好好食, 下次唔會再試椒絲腐乳通–唔係好夠腐乳味, 不過好大碟, 感覺好抵食…服務方面, 換碟換左四五次, (因為我地叫嘅野好多殼) 經理問左幾次得唔得呀, 唔知係咪我地坐係收銀位置附近呢…其實食海鮮一定要夠鮮, 夠鮮點煮都唔會差得去邊, 不過我覺得依度較老實, 經理介紹嘅份量啱啱好, 唔會好多而食唔晒.總括- 會再去試其他野, 下次記得預定凍蟹!!!!!

媽咪生日想去西貢食海鮮~唔想去d專做遊行生意既酒家,於是就到新德記一試~果然冇揀錯~由於唔多想諗散叫d咩,於是一行八人+一個小朋友就叫左個歡樂八人餐~每位$150(免加一)有粟米"更"鹽水雞腳(好入味)椒鹽魷魚(好惹味)豉椒炒蜆(好好大碟)芝士龍蝦伊麵炒蟹蒸魚蒸鮑魚炒菜生果一碟以為唔夠食,點知一上菜已經知一定會食到飽飽~~~因為碟碟都份量十足,絕對唔駛爭食~~食物總括黎講都唔錯~~而且明碼實價~~d伙記又nice爹地媽咪都話正!!有機會一定會再黎!!埋單約$1300

招呼好好，的野又好味又大碟，所以已經去過兩次。環境一般，因為冇海景，又係橫街，不過勝在少人，唔使等位。已去過兩次，下次都會再去的。芝士龍蝦伊麵有全隻龍蝦，好新鮮彈牙。鐘意飲粟米\"根\"既話會唔令你失望，好多粟米，好大鍋。碟頭幾大，二人餐\可供三位用。套餐\的配搭雖然不多，加錢可upgrade菜色的。但可轉其它菜色，加工費亦合理。兩位計3百多，食得好開心﹗=^^=