新志記海鮮飯店 (已結業)

偶爾聽到朋友介紹抵食的地方, 就去了運動場道的(新)志記了, 我估曾經易手, 所以加了一個(新).推介: 燉湯, 生炒骨, 煎豆腐, 糯米飯送o既糖水都唔錯

搵食搵得一段時間，就發現集團式的食肆愈來愈多，有時都會覺得悶悶的，因為吃的都是差不多的東西。在openrice search到這家街坊店，就趁星期五去試佢一試。叫左海底椰響螺湯(約$70)、三鮮燴骨髓($48)、豉汁蟶子($28/隻，只得豉汁的煮法)、西蘭花炒帶子同埋糯米飯($35)。湯係老火湯果種，味道好清甜，而且侍應叔叔仲會幫我地分好d湯同埋裝好d湯渣。豉汁蟶子的蟶子味道幾鮮，如果唔係一定要用豉汁的話，可能會更加好味。西蘭花炒帶子，有鑊氣。糯米飯炒得唔錯，不過米飯佔的比例好似多左dd。三鮮燴骨髓好大堆頭，骨髓都煮得好入味，但兩個人真係食到捧住個肚。如果多d人一齊食的話，可以再食多d好野好豐富的一餐，因為食到既係好耐都冇食到的鑊氣同埋叔叔們的親切的服務態度。

2008.05.14响太子飲完嘢又唔知食乜記起有食評推介，咪嚟試吓兩個人食只好叫咗(1)燉鵪鶉湯($78)都有五碗，正冇師父(2)沙葛炒田鷄，大大碟(3)蒸老虎班頭腩($108)正吖，都大約成十両。皮爽肉鮮。(4)黑啤一大支老式飯店。地方算整潔。服務OK全程$304- 都抵食。

環境衛生, 點都不及西餐廳那些的了, 但勝在大排檔 feel, 夠鑊氣.二人去吃晚飯, 經過太子, 特地一吃志記....生炒糯米飯: 夠料, 油了點, 飯真係一粒一粒的, 吾係 "痴" 埋一舊....酒樓 feel 就無謂了..豉汁帶子豆腐: 果然真係豉汁做主角, 最衰冇叫白飯, 吾係真係一流菠蘿咕嚕肉: 可以不叫, 個人吃不出特別好味的地方.

今日同老婆嚟志記試下呢度出名嘅生炒糯米飯同咕嚕肉，果然名不虛傳。咕嚕肉：外皮好脆，味道一流，甜酸適中生炒糯米飯：都好多料，但本人覺得頗鹹同多油。椒鹽鮮魷：外面太多粉，不太入味，比較一般。不過真係幾抵食，又大碟，我地食咗百五蚊。絕對值得推介。

此亦是一個多月前的食評，在主人與奴隸獸出外旅遊前數夜，前往『志記』晚飯。點了：1. 豉汁蟶子（HK$66）：蟶子是配角，豉椒汁才是主角，惹味而不鹹，好味。2. 菠蘿咕嚕肉（HK$48）：咕嚕肉變成生炒骨，無奈，照食可也，味道OK。3. 骨髓會三鮮（HK$48）：很久沒有品嚐此菜餚。味道淡了一些，將牛骨髓蘸著先前的豉椒汁一起進食，仍然非常美味。驚喜的，食材中竟然有新鮮茶樹菇。4. 生炒糯米飯（HK$35）：飯炒得均勻，一粒粒，口感煙韌彈牙，有水準。5. 嘉士伯啤酒（HK$16）

因為見到blog友deli prince嘅介紹,再search過資料,好多好評,所以即刻組腳,終於mar 29, 08晚,7大1小(無食力)來,叫咗 : 1) 螺頭燉湯x 2盅-好濃,又鮮又夠味-不俗 2) 沙薑雞(1/2隻)-夠味,肉嫩兼結實,都有d雞味-不錯 3) 陳皮蒜子蒸頭腩-其實魚嘅質素嘅好因肉彈,結實,不過做完出嚟個味道又唔喺好好味 4) 濃湯野菌浸魚肚-普通 5) 生炒糯米飯-呢個就有驚喜,好味-腊肉有嘅鮮甜味,而糯米1粒粒,無"痴"埋1"pat",但亦唔會乾硬-好嘢 6) 豉油皇海中蝦(1斤)-見到個頭好似好大咁,其實因為個底劏咗1刀,方便去殼-個蝦頭有膏,肉爽,新鮮 7) 清蒸肉蟹x 2隻-其實本來喺叫梅子蒸肉蟹,但漏咗單之後,1上枱就見到貨不對辦,侍應就將個問題推咗比廚房,之後個侍應特意找去搵番佢落比廚房張單我哋睇-點都好,照食啦-肉結實同真喺好鮮,不過唔大嘅size要$220/隻,都幾貴 8) 汽水x 8罐 9) 糖水(送)-番薯+雪耳: ok- 呢餐緊喺由我動議啦,友人們好好,任由我發板(其實喺我約佢哋個email已寫晒出嚟),唔洗同佢哋商量,上咩佢哋就食咩,淨

從小跟我老豆四處食盡佳餚, 大排檔因衛生問題冇選擇好耐喇, 但一些小菜海鮮檔型式的飯店還可以接受, 識飲識食的我...誠意推介!(5人飯局)脆炸大腸... 內軟外脆, 沒有染成橙色, 不肥膩.椒鹽吊片... 不是鮮魷, 係吊片, 比鮮魷更香更正.咕嚕蝦球... 有8,9 件之多, 蝦夠大夠爽口, 香脆汁濃, 極品.荷芹炒豬潤... 夠鑊氣, 豬潤新鮮爽滑.嚮螺燉湯... 一盅看起來好細, 但盛滿五碗湯還有湯料.隨後有湯水送啊!HK$400 有找, 好過去任何酒樓. 我話既!

今晚終於有機會首次來到這家飯店, 跟屋企相近, 而且在openrice內的評語不俗, 所以偕我夫人一試o 由於我們只有二人, 吃不了聞名的糯米飯, 但也叫了咕嚕肉和牛柳粒炒雜菌, 真的很好的印象, 鑊氣猛, 夠大碟, 味道好, 物有所值, 百多元, 我倆已非常滿足和滿意地食完埋單, 並打算遲些要請其他家人來食, 人多可以要埋湯, 糯米飯和炸大腸等等o

主要嚟到呢度嘅目的，就係要一嘗佢哋嘅生炒骨及糯米飯...見到隔籬枱枱都叫海鮮，先至醒起佢哋主打嘢係海鮮。肚唔能夠容納咁多嘢，都係留番下次先la..雖則係咁，依然叫咗個榨菜絲粉絲浸蜆。湯有一點點鹹，但蜆肉算大隻，亦冇乜沙。不過對小弟嚟講，始終都係嗦盡湯汁嘅粉絲最好味...期待已久嘅生炒骨終於送到。望見碟底嘅甜酸汁，己知有少少唔對路--- 碟底剩下來嘅汁太多嘞，而且見到D汁尚未完全黐响D排骨度，唔係太做得到掛醬嘅效果。可能師傅多單多到炒唔切，失手咗la..可幸排骨都炸得尚算脆口，用嘅亦係半肥瘦貨色，酸汁亦都並不過酸...但相比之下，好似前幾日响和味館食過嘅較出色...失望過後，希望唔好再嚟多個失望la..糯米飯一端上枱，跟太座不禁相視一笑--- "嘩..好大碗ar"...初頭驚食唔晒，所以唔叫一碟而只叫兩碗，點知原來都係咁大件頭，最尾食到要打包...飯炒得粒粒分明，絕對冇黐埋一嚿，又夠乾身，臘味粒亦夠多。的確係一碟水準極高嘅生炒糯米飯，比多年前响深水埗排檔強記食到嘅更好...加叫嘅蝦乾瑤柱浸娃娃菜只係食咗幾口，只因太飽la..水準還可以...見到隔籬嘅豉油皇煎大蝦好吸引，下次真係要試埋先.

其實想黎好耐，每次經都冇黎，見咁多好評，昨晚落太子見到到都冇位於是想記呢到就黎試下。牆上寫滿菜，好多少見既菜都有，樣樣想試之下叫了半隻沙薑雞，薑蔥爆魚膘，西芹炒象拔蚌，蒜子果皮蒸班頭腩，糯米飯。先黎隻雞，一睇樣就知掂，沙薑夠味，唔點碟醬都OK，再黎炒象拔蚌，普普通通，爆魚膘我至愛，好香同入味。最後碟班頭腩侍應話個枮板師傅冇做，所以要等耐D，足足由叫到有得食等左成粒鐘，最後上檯都叫幾好味，算啦。埋單三舊幾，唔算貴亦唔係平，但食物質素的確唔差，可以再黎。

元旦日放假凍到爆炸，決定今晚要食糯米飯，找到呢間志記﹗訂左位七點幾先到，舊食店格局，不過都坐得舒適尚算乾淨，點了最出名的燉湯、糯米飯、生炒骨仲有豉汁豆腐。燉湯應無味精(因飲完無口乾)，足料清甜，好重肉味，0的湯料會裝開比你沾豉油吃，雞腳都有成六七隻，兩個人叫一盅一人有三碗左右，飲完成身暖哂﹗生炒骨上碟仲脆口，肉排多肉炸粉不會太厚，我喜歡佢個汁比出面的較酸，越食越開胃﹗豆腐滑溜，好耐都未食過呢個簡單送，憶起十幾年前0係屋企食既情懷呢﹗最後來的是糯米飯，如二人來千其唔好叫一碟，一定食唔哂，所以我同工友share一碗已經好夠，料足勁多臘味，飯不會如出面食的痴埋一大團，粒粒分明，未算乾身不過咬口十足，平時好少可會食糯米飯的我也吃兩三碗呢﹗埋單每人一百蚊，有湯有送有飯，滿足﹗

既然英格蘭緣盡歐國杯已成定局,倒不如樂觀一點去面對,放眼三年後的南非世界杯吧.麥卡倫被英格蘭"炒魷"後不久,便相約另一英格蘭球迷朋友晚飯,當是慶祝麥生被炒.真是帶著積極的心情來"送殯".我幾時變成如此樣子?本來豪食青口豪飲啤酒,但友人希望回到九龍吃小炒,一想,就突然想起年前住家猛男兄,曾經向我推介過太子志記的糯米飯,說其糯米飯真是生炒出來..由生炒到熟,炒到手都軟,完全是大廚之功力所在,其糯米飯炒到粒粒分明,沒有黐埋一舊,飯粒夠咬口,材料亦入味,非外間那些蛇店的糯米飯可比,數到缺點的話,就是色水麻麻.$68一碟,夠四個人,兩個人前來,事後一定要打包.捨福來居取志記,除糯米飯外,還有燉湯.這夜的螺頭雞腳湯,一盅兩個人分,上桌時店員將湯渣"畢"起另上.湯身味道鮮甜,充斥著由螺頭散發出的甜,亦不失雞湯本身的味道,友人知我平是少湯水,所以讓我飲多一點.其另上湯渣的螺頭,同樣地不可錯過.其他兩味,涼瓜炒牛肉本來平常不過,但此店亦做得不錯.炒得夠火路.苦瓜很爽脆,其牛肉沒有比梳打粉糟質得不似牛肉.海鮮系的蒜茸牛油中蝦,中蝦不是沒有味道的養蝦,質感爽甜.所謂的蒜茸牛油,小弟只能吃到牛油味,蒜茸味就欠

因要上堂，所以不能去太遠食晚飯，見最近很少來這裡，就決定再來。明知這裡的碟頭比較太碟，所以只叫了兩個菜、包括椒鹽焗肉排和濃湯野菌浸魚肚。椒鹽焗肉排- 外皮炸得很脆，但有點過了火，色澤明顯偏黑；椒鹽落得過鹹，但還可以接受；肉質可能炸過火，比較上偏韌，麻麻地。濃湯野菌浸魚肚- 魚肚幾爽口、上湯味道很濃、野菌很有咬口，但比較上清淡一點。一濃味一淡味，剛剛好！價錢唔貴，但食物間中幾出色、間中又很普通，份量偏大碟，人多食會比較好一點。

Dated one of my friends to have dinner there. We ordered 3 dishes:1) 濃湯野菌浸魚肚, too much salt.2) 沙薑雞(half), very good not fat, have a original chicken taste.3) 百花蒸釀豆腐, very smooth texture with nice cooked soya sauce with oil.4) rice (1x)I was very suprise the size of dishes is large (double other twice times) that we can't finish all by two person. So we have to take some dishes back home.Overall is excellent!