新新酒家

营业中

休息中

我同朋友去咗食夜晚嘅任食邊爐，結果隔咗兩日大家都腸胃炎，又肚痾又嘔，病足一個禮拜。任食邊爐衛生欠佳，好多蔬菜都只係就咁擺出嚟。甚至熟食，例如多春魚，雲耳都係就咁擺出嚟，放喺角落頭一二邊。你問我咁樣叫唔叫衛生，真係見人見智。我哋拎菜嗰時都會見有細小嘅蟲飛吓飛吓，雙當嚇人其中放粉絲嘅地方仲發現粉絲堆入面有個啤酒蓋，後尾應該比員工拎走咗。兩個食完隔咗一日都出事，所以都唔怪得我哋懷疑我哋肚痾係同邊爐唔乾淨有關，雖然$120任食係抵，但如果衛生欠佳，食物麻麻，我諗都係不了...

一家人晚飯時間來到灣仔, 行經新新酒家, 沒來一段日子了, 就再與家人去嘗嘗。叫了一客很久沒吃過的梅菜扣肉。肉多冇骨, 啖啖肉, 份量充足, 沒有因煮得不好而變韌。肉汁又豐富, 扣肉入口差不多立刻溶化, 非常入味。梅菜調味,醎得有道理。油香撲鼻, 令人想不斷添飯, 眾坐皆譽。很久沒吃過這樣好味的梅菜扣肉了。這款是否此家招牌菜, 我就不知了, 誠然新新酒家梅菜扣肉的而且確水準一流, 真正色香味俱全, 視作佳餚也不為過, 好正又好味, 價錢公道, 令人心滿意, 實在不可錯過足。

打工仔每日衝衝忙忙，諗吾到中午去邊到食飯？新新酒家為你每日提供多款各式各樣不同的廣東菜式，有香濃既豉椒排骨炒麵，馬來炒貴刁及魚香茄子炆米，火氣十足既枝竹涼瓜炆雞飯，菜遠牛腩飯，鮮甜多汁既鮮茄肉松魚滑泡飯，各式燒味飯及五寶飯等，款式夠多夠齊，而且每日吾同款，岩曬鍾意試新鮮口味既客人！每款只係$48，價錢合理！仲送你一罐啤酒或汽水，酒樓既舒適，同時吃到大排檔既風味，一舉兩得！你仲吾快啲約埋同事一齊來試下！

行街行到攰搵個地方休息下食野，黎到飲茶啲點心價錢都幾實際，點心大，中，小點都是$13.8！超抵食！,又近地鐵站都好就腳下，平日過開黎都可以再黎查過！4個人埋單都唔洗$400香港地而家呢啲價錢都好少見啦！

今日行開銅鑼灣, 行行下肚餓, 大家都知搵食就最煩, 見到間叫新新, 見個名咁得意就去試下又唔係貴 打binno先129加一 其實真係好X平仲要CWB, 仲要近MTR.本身依為純粹普通貨, 哇點知食落去真係好有驚喜, 個湯底好好飲, 係真心足料, 完全可以唔洗點豉油.D姐姐哥哥又好人, 仲吹埋水, 笑死人 值得一試真係, 我唔係住港島但下次都會再去食.

尋晚約咗幾個朋友去銅鑼灣睇戲, 咁啱經過新新酒樓, 咁就即管上去試一試, 上到去感覺環境寬敞,又唔使等位, 而且又冇限時,可以 慢慢食慢慢坐都得, 有雞有魚同埋扇貝都做緊特價, 味道不錯, 分量又足,真係冇嚟錯 . 價錢以銅鑼灣嚟講算係經濟實惠, 人均消費約一百多元左右, 真係值得推介畀親戚朋友. 新新酒樓位處銅鑼灣中心地帶, 又近地鐵站,絕對值得一試.

放工行去港鐵站接女朋友，係銅鑼灣港鐵站人頭湧湧，有穿著制服的人遞張宣傳單張俾我，睇一睇，新新海鮮酒家午市和下午茶點心全部$13.8@。火鍋$109甘低食，真有d懷疑？其實此前都係新新酒家食過晚飯小菜，於是同女朋友上去試試，唔使排隊，但都有好多人，坐落就更問侍應火鍋$109@全包？食物款式都有好多，起碼有六、七十款以上，汽水和啤酒都有十餘款，重有涼茶和日式雪糕，享受左2個幾小時，真係好飽、好飽，找數真係$109@，重免加一服務費。連我女朋友都話非常低食。去街市買餸都無甘抨。👍👍👍😋😋😋

😡😡😡😡😡😠😡😡😠😠😠😠😠😠😡😡😡😡😡😡😡😡😡😡😡😡😡😡😡😡😡😡我今日去飲茶 第一次呢而家 睇見食評 幾好 點知食到一肚氣 坐低等咗 十分 鐘都冇人開茶 隔離一齊坐低 點心紙都未 畫 就一大咋點心已經送到 可能係熟客 問過打呔嘅女人 佢話叫我將就下唔夠人手 我 嚟幫襯 唔係呢張就你 以後都唔會再去 老細你請著啲咁嘅 夥記 真係你嘅福氣

大年初三，一家人大約11點去咗新新酒家飲茶，本來都有啲驚搵唔到位，去到之後意外地唔算多人！款式都算多，腸粉又蝦網腸，食落口有啲脆嘅感覺，口感幾好，都幾好味！叉燒腸粉就覺得一般，我認為蝦米腸好食啲。蝦餃唔算大粒，亦都唔算特別好味，普普通通！燒賣味道不錯～都算大粒！至於我最鍾意食的牛肉球，都係一般般～我哋仲叫咗珍珠雞食，有啲酒樓會有三隻珍珠雞，而呢一間酒樓就有兩隻珍珠雞，比三隻一籠的大隻啲，味道都好味，我都好鍾意食～腐皮卷夠晒脆，完全係即炸嘅味道~整體來講啲嘢食都夠熱，大部份都好食，而且整體上這家酒樓都幾乾淨，下次可以再去！下次我會去試下這酒家的蛇宴！

唔止黎過一次呢間新新酒家，今年轉左係銅鑼灣返工，食晏就飯除左要早Ｄ之外，想找個靜少少又唔會比人催住走嘅地方食飯都幾難。我諗大大話話都有十幾次，同埋同事一齊嚟食晏，都幾鐘意黎呢度，好多時人多慶祝生日、聚會都會考慮呢度，最主要係近公司同易有大枱坐，唔迫又唔趕，靜靜地可以同同事朋友傾下計輕鬆下，同埋價錢都算收得合適，相比其他茶餐廳，係銅鑼灣閒閒地收七八十蚊一個餐，呢度算係咁。今天同同事慶祝生日，梗係選擇新新喇。叫左多款點心之外，當然唔少得有抵食夾大件嘅孖寶優惠，有飯又有小炒。講返味道，咁多款點心和炒飯水準都唔錯，燒賣同蝦餃真係幾好味，傳統做法，燒賣有肉粒唔係淨係得蝦肉，炒飯嘅材料十足又大碟，叫兩碟已夠哂十幾人食。唔止點心，仲有甜品都幾有水準，紅棗糕同薑汁糕都好好味，奶皇流沙包係必叫。埋單計番大約每人都係唔洗60蚊，仲係食到好飽。

係銅記行街 shopping, 想搵個地方飲下茶，休息下兼醫肚，誤打誤撞嚟左呢間新新酒家。覺得都係一個唔錯嘅選擇，位置方便天又近地鐵站，而且這裡地方都幾大，全層都係酒樓，傾計食飯完全 OK 都可以慢慢坐。至於食物方面, 我飲茶必食點心係蟹籽燒賣。燒賣飽滿大大隻粒，豬肉粒新鮮彈牙有咬口，面頭有大大粒蟹籽同爽口新鮮蝦隻， 無食到好肥嘅肥豬肉，上枱時仲熱辣辣，正! 好味道又點左流沙包，一分開個包就感覺到個包外面軟熟，見到裡面就係溶化嘅蛋黃流心，入口甘香軟滑，好得牛肉腸粉，又香又滑，皮薄牛肉飽滿，好食。上枱時已分為一口一件，好方便夾嚟食，照顧周到。蒜蓉炒菜心炒得干身又入味，而且非常清甜，唔油唔膩食蔬菜好健康。炒飯好夠乾身，用料十足，讚！最後嚟個 happy ending 就係甜品薑汁糕， 香濃的薑汁味唔太甜，熱辣辣上枱，口感煙韌。好滿足 絕對可以再回頭吖！  

新新酒樓的點心真的不錯, 蝦餃, 燒賣大大粒, 足料又好味, 點了一碟叉燒腸用長碟盛載, 條條塞滿材料, 非常滿足。 本人極力推薦流沙奶皇包，新鮮出爐熱辣辣， 一咬落去就有濃濃的奶黃滲入口腔非常好味。 薑汁糕好好味，甜品最佳選擇。

上周六（15/12）約咗朋友4人到銅鑼灣新新酒家飲茶，我哋叫多款点心與小炒皇，炒飯等。点心方便，蝦餃，燒賣，流沙飽非常美味，自家師傅制造的與其他酒樓用工塲制造真系有分別。燒腩仔皮脆肉爽，非常出色，小炒皇亦有水準，價錢亦非常合理，每人約$60,值得推介飲茶午飯好地方。遲d試吓晚市火煱，價錢很吸引，到時睇吓有乜嘢料食。

陪屋企人行吓街, 又來了謝菲道近天橋下的這個轉角位, 呢間酒樓曾經試過吓, 今次再來。內部裝潢改動不大, 一般般吧, 這不要緊, 最重要的是看食物質數如何。下午時段人多, 選好位子, 就先來一客魚香茄子飯。飯來到面前, 唔, 食材幾新鮮, 茄子足料, 夠入味, 色香味俱存。肉粒最滋味, 配飯吃最佳。有廚師巧手妙製, 今次真係有口福！又好抵食！不怪得新新客似雲來, 唔欺客, 有口碑, 貨真價實,  食品有水準嘛。

意外收穫 - 鮮茄牛肉飯到新新酒家食午飯, 選擇不少, 真的琳琅滿目。但太多選擇, 反而有使人患上選擇困難症。苦思一下後, 那就簡簡單單的, 點鮮茄牛肉飯吧！本來沒有甚麼期望, 但有意外收穫！牛肉非常惹味, 口感和味道皆出色, 不會煮久了變韌, 保持嫩滑, 送飯一流, 值得一讚。蕃茄的而且確新鮮, 連我不太愛吃疏菜的食肉獸, 也按耐不住, 連吃了幾口。舉坐皆譽, 價錢亦相宜公道。下次再試試其他佳餚。