新新酒家

营业中

休息中

去開銅鑼灣想飲茶食點心，這間新新是銅鑼灣出名的懷舊老牌酒樓，裝修並不華麗，仲保留舊式的裝修，價錢大眾化，好啱香港人口味😊是香港人的味道😄$225超值優惠套餐點心三款📍香芋鴨腳扎，鴨腳扎不是間間酒樓都有買📍燒賣📍雞扎粉麵一款📍芝士蝦球天使麵天使麵的醬汁，真係好好味，我食出有龍蝦伊麵的味道😋小食一款📍手拍青瓜海蜇新鮮爽口的海蜇配青瓜一流時菜一款📍金銀蛋浸白菜仔兩個人點這個餐真係飽到嘔，最後要打包個天使麵🤣

我係一個忠實港式火鍋放題Fans，但而家疫情問題，港式火鍋放題已經賣少見少，稻香又冇再出番。咁岩睇YouTube見到有人講呢間，唔錯咁，就簡左黎呢到打Bino啦。價錢就唔貴，每位$139，有啤酒，汽水任飲，仲有紅豆沙，雪糕。一埋位，佢拎左4個火鍋調味料俾我地，跟住倒鼓油落個鼓油碟到，咁樣做幾衛生，唔錯。我地叫左好多野食，手打丸必食，幾彈牙爽口。之前睇片，個Youtuber咁岩食到既牛麻麻地，但我地今次就好彩，肥牛都唔錯，係d羊肉肥左d。雖然佢d蝦上碟時係熟蝦，但淥完都幾好食，唔霉。仲有象拔蚌食添，爽口。不過份量就好不一，同好多港式火鍋店一樣，可能某d食材存貨好多既，就俾好多你，有d就俾好小你。所以鐘意食又黎得小既，就叫多round。

好抵食的港式bino你寫要咩調味料, 佢就會拎一碟碟比您唔洗出去同人地一齊不d 蒜頭阿芫茜阿,手打丸都爽彈, 真係估佢唔到!配料入面, 芝士丸, 鵝腸, 滑牛,都係可以ENCORE的食物,不過想吃肥牛的就不用來了,因為肥牛一個字講哂, 就係肥!!!-雲吞就幾好味, 水餃就一般般,好可惜佢係一SET,無得分開叫的:”(-佢有個寫大阪乜乜乜雪糕,仲以為甘西利會有日本雪糕但原來係我太天真,原來只係一個廢物子雪糕:’(不吃也罷。以上! (*´▽｀)ﾉﾉ

本来没打算去新新吃晚饭，但路过时看到他们的任食火锅才139元，以铜锣湾的消费来说，真心的便宜。去的时候是星期一，店内的客人不多，只有不到10枱客。本着低消费的想法，对食物的质素没有很大的期望。饮料柜内的东西是自取，已经包在价钱内，种类也不少，單是啤酒已经有三个品牌可供选择。由于疫情关系，各种食物不是自助形式，改以人手落单点，然后由服务员送上。火锅料有几十种选择，下完单2至3分钟内送到，而且没有出现漏单的情况，也不会刻意少给。服务员不会提早催促埋单，感觉舒心。说是限时两个小时，但由于客人不多，我们超过两个半小时才离开。虽然没有贵价食材，但味道不错。以价格而言，实在是经济实惠。这里适合几个朋友聚会，边吃边聊天。

新新酒家，是銅鑼灣的抵食之選，沒有之一。新新沒有豪華的裝潢，陳設老舊，走大眾化路線，她的下午茶，則是抵食中之最抵食。大、中、小點一律$14.8，茶錢$7，真心覺得便宜。我們點了雞紥、流沙奶黃包、牛肉腸粉和珍珠雞。雞紥-腐皮包著雞柳、火腿、冬菇和魚肚，味道不錯，惟欠芋頭，亦缺少了它的香氣。流沙奶黃包-包子個頭較小，新鮮熱辣，小心燙嘴。掰開只見奶黃蜂湧而出，入口沒有死甜，不愧是新新的拳頭產品。牛肉腸粉-厚薄均勻的腸粉皮，裹住適量的牛肉，加入豉油，咸甜恰當，相當不俗。珍珠雞-一盅兩件，拆開見糯米顆粒分明，油光潤澤，可惜入口偏咸。週三的下午，坐滿了識途老人，很早便爆場。適逢特朗普決戰拜登，大家都有點兒心不在焉，眼睛總瞟著電視，請清潔姐姐原諒那灑了一枱面的飯粒。

今日又同同事們一齊出去搵好野食, 順手傾下計, 咁平日午市如果想坐得耐d 嘅相信除左傳統酒樓之外都冇咩選擇了, 所以一出發去搵食就專注酒樓, 由灣仔行到鵝頸橋一帶, 發現橋底有間新新酒樓躲藏響橋與大廈之間, 而且睇落年代久遠, 好啦, 一於今次就試下呢間老派酒樓啦咁呢間酒樓由知客處再到宴會廳係要行樓梯, 咁樓梯牆壁都係由鏡組成, 上到樓上就一大列魚缸放滿生猛海鮮, 不過今日午市大家都想食點心就直行直過了, 最後知客就安排我地坐通道旁邊, 雖然話係通道旁邊, 但其實非常闊落檯同檯之間不單相當闊落, 而且有屏風阻隔, 避免病毒散播, 而裝修方面非常老派, 睇到天花上嘅水晶燈嗎蘿蔔糕, 員工未有提供任何醬料, 本身蘿蔔糕非常惹味, 煎得可口, 比一般酒樓提供嘅口感結實叉燒腸, 已事先切好, 腸粉皮煙韌, 叉燒分量多得可以撐起腸粉皮, 口感順滑而且甜豉油唔搶味鮮蝦菜苖餃, 餡料十分之多, 多到咬開時會爆開, 蝦肉爽口有甜味, 應該算新鮮吧, 而菜苖切成絲, 餃皮如相所見都做得透明, 由接口位有幾窄都知道裏面嘅餡料有幾多吧, 製作十分有誠意金錢肚以芋頭墊底, 醬汁十分濃郁且掛身, 金錢肚切得有足

太耐冇到銅鑼灣，一直認為在銅鑼灣食飯一定係食陣風，守索咗一輪本想食台灣麵，但因行錯路之同時，誤打誤撞搵到新新，又見咁耐冇打邊爐，價錢超吸引，所以就一試。果然性價比高，$139一位，有雞，肥牛，豬之外，還有象拔蚌，蝦等。雖然蝦就麻麻，但其他食物都不馬虎，丸類有蟹籽丸，芝士丸，蝦丸。而最啱我胃口係洒樓紅豆沙，緣豆沙及椰汁芋頭西米露。汽水及啤酒類都號多。真心覺得平，靚，正。推介食物有鮮牛肉，雞及餃子。真心讚

當晚，喜歡食火鍋的好朋友請我到銅鑼灣 <新新酒家> 食火鍋慶祝他轉工！ 方便在銅鑼灣返工的他！酒樓劃分火鍋區及小菜區晚市火鍋任飲任食放題：9:00 前 (入座計2小時)晚上 6:00~9:00 入座計，另加一服務費 星期一至四 $139星期五至日及公眾假期 $1599:00 後 (無限時)晚上 9:00 後入座計，另加一服務費 星期一至四 $109星期五至日及公眾假期 $139平日9:00 前入座 $139可選擇免費放題火鍋湯底，至於，特級火鍋湯底 +$48~$168 不等這裡自選火鍋配料，包括：海鮮、蔬菜、肉類、丸類...等，種類款式算是不少！養生蟲草杞子湯湯底口味清怡健康，略為淡口！正所謂一分錢一分貨，食物質素及新鮮度一般！ 

其實銅鑼湾區飲茶真係好貴，就算呢期什麼坑疫， 但銅鑼灣區飲餐茶都唔少嘢。話說前2日經過銅鑼灣鵝頸橋底，有間叫新新酒家， 見佢門面裝修都係啲一般嘅酒家款式， 應該價錢唔好貴所以就入左去試吓。入門口都係啲例牌動作啦，同你度體溫仲有個紙袋仔畀你袋口罩。嗰日都係叫咗啲一般點心， 有蝦餃燒賣小籠包， 點知發現幾唔錯㗎喎，啲嘢熱辣辣 蝦餃好新鮮， 燒賣啲肉好味道， 仲有個小籠包皮薄餡靚， 啲鳳爪好大隻。最緊要埋單好實際， 咁下次到銅鑼灣又有一個 飲茶好地方👍👍👍

人人都就快收到一萬, 友人建議去茶樓預祝一下, 當然要去下許久未去過的新新酒家, 多多支持也不怕了。今次叫了幾款點心。首先是粉粿, 完成品相當飽滿, 粉粿皮軟硬恰到好處, 入口溫度適中,餡料有花生、韮菜碎和豬肉碎, 再配合辣椒油, 味道無而上之。再來是山竹牛肉。先試原汁原味, 牛肉加入馬蹄, 有少少嚼口, 加上蔥和腐竹，味道一流, 之後再試試加喼汁, 絕對和味。同行友人叫了魚肉釀尖椒。紅椒青椒, 椒味濃郁, 鯪魚肉呈金黃色, 不會太燶和太多油, 整體色香味俱全。杏汁煎堆仔, 杏汁香氣四溢, 煎堆仔餡料又軟又綿, 確是一流甜點。新新點心, 實而不華, 值得捧場! 

上星期五一行三人去咗銅鑼灣新新酒家吃生日飯， 點咗一個孖寶上湯龍蝦伊麵加化皮脆豬， 龍蝦新鮮入味， 伊麵彈牙， 乳豬口感鬆脆， 我哋仲加咗一條沙巴龍躉兩斤， 大大條又新鮮，我哋食足兩個鐘先至離開，非常滿足， 我仲見到有端午節套餐同父親節套餐， 有機會一定再來

因為朋友介紹之下我和一位朋友一齊到新新酒家吃晚飯， 上到去地方非常寬敞， 加上無限時，吃得非常盡興， 我哋叫咗個晚飯三寶， 包括當紅炸子雞半隻， 清蒸老虎斑一斤及 蒜蓉粉絲蒸海蝦, 炸子雞口感鮮嫩 ， 老虎斑蒸得啱啱好， 蒜蓉粉絲蒸海蝦嘅粉絲好入味， 蝦亦非常新鮮，非常抵食， 三個餸都係388蚊， 連埋茶錢加一都唔使五百蚊， 我們吃完晚飯感覺非常滿足， 一定會再嚟幫襯

難得人工有得加少少, 又希望食得安心放心不會中伏, 就再住早前時常光顧的新新酒家。先來一款招牌菜式, 新新小炒皇。能煮得到簡單的菜式, 才能顯得廚師的高超廚藝。這款新新小炒皇保持水準, 不會令人失望。再來涼瓜斑腩煲。斑腩肉汁豐富, 配合涼瓜獨特味道, 口感有層次, 是推介之選。最後值得一提是新嘗試的艇皇金蒜蒸勝瓜, 賣相非常討好, 且份量十足, 金蒜蝦乾惹味, 著實有驚喜。新新能做食物水準上盛, 價錢又公道, 的而且確經濟實惠, 一家人開開心心大快朶頤，夫復何求？

抗疫期間，好耐無出街食飯，今日就去左銅鑼灣的新新酒家食晚飯，叫左幾個小菜，叉燒吾會太肥，岩岩好，又大碟，小炒皇都幾好，配料夠多，不過我最鐘意個冰鎮咕嚕肉，其他酒樓都好少有呢個菜，所以試下，外脆內軟，外面凍凍地，入面的肉就熱，幾特別，配凍的菠蘿，最岩現在天氣甘熱食，價錢又吾貴，見到佢宵夜價錢都好平，有一些特價菜，比茶餐廳價錢重平，經濟實惠，小菜區電視機都幾多，四處都睇到電視，岩晒鐘意食煲劇的朋友仔。

銅鑼灣港島嘅中心區，疫情之下好多酒樓食肆都已結業，銅鑼灣(新新酒家)係一個唔錯嘅選擇，一入門口，知客姐姐即時派發一個口罩袋，俾客人裝口罩用，仲有酒精搓手液，非常細心，酒樓環境，寬廣，舒適，乾淨。酒樓內設有任食火鍋，晚飯小菜，幾個朋友今日食小菜，兩位客人送一隻乳鴿，四位以上最多送兩隻乳鴿，六位以上仲有一隻貴妃雞送添，特大沙巴龍躉每條都只係$138蚊，非常抵食，食物新鮮，賣相靚仔，食物水準都好OK。樓面服務態度很友善，經常換骨碟，派發濕紙巾，細心詢問客人菜式是否啱口味，令人覺得舒服滿意。整體來講滿意，還會繼續支持