新明苑園林海鮮酒家

营业中

休息中

喺三聖買咗啲海鮮嚟加工book咗房四個家庭聚會假期出面完全book唔到好在呢度book到！又比我哋來料加工！推介返個行程先同啲小朋友入錦繡草地玩完玩到攰一車車晒去買海鮮因為識人買到特別靚！買完車嚟酒樓加工玩陣就有得食！呢度必嗌乳鴿同咕嚕肉個燉湯都唔錯！仲有職員好貼心 會續樣叫起先上唔怕食海鮮又殼又盛搞到其他嘢凍晒海鮮要新鮮熱辣先好食架ma啲男人仲話認得啲海鮮無比人掉包好老實咁話wo甜品都好味小朋友好鐘意

黎到新明苑 見到枱枱都叫咕嚕肉😬緊係唔執輸都order返碟份量好大 一食個皮好薄好脆😱肉又林 估佢唔到 送飯一流但最最最估唔到 個菠蘿都好好食 佢好甜 唔係非一般係街市買個啲菠蘿仲order左炸乳鴿 熱辣辣 都唔錯 小朋友實好中意食魚香茄子 一上枱熱辣辣 Bulubulu咁😹好吸引 但食落完全唔夠咸 唔知係咪師傅唔記得落鹽呢😵扣左小小分最後仲order龍躉兩味 個蒸頭腩個蒜頭粉絲做得好好食 好香 不過個頭腩 都唔係腩黎既😂有小小鞋 不過都唔錯既炒西蘭花就不過不失 冇乜特別😬😬

我自己非常熱愛食咕嚕肉，特登去試佢個咕嚕肉，好多人推介！果然係非常好味，外皮好脆，入面舊肉半肥瘦，軟硬適中👍🏻 但成碟有機會會有一兩舊係失左水準😂 叉燒都好出色，開頭第一碟係好差，勁瘦。但有熟客仔幫我叫廚房換過啲靚嘅就完全唔同晒級數！所以要小心返😂 其他點心水準都唔錯，而且全部都好大份。韭菜煎餅幾好食，薄薄地，入面有啲肉末。但炸鮮奶麻麻地，可以唔洗叫。留意返佢地間酒樓成日都好爆好多人，食之前記得打去book。咕嚕肉係必點菜式

太耐無出街食晚餐今晚4個人去食 好快有位 一坐底叫左5個餸咕嚕肉 例牌叉燒 芥蘭炒牛肉 椒鹽鮮魷 炸豆腐叉燒食過咁多次都係咁好食 夠林又夠香😍椒鹽鮮油同炸豆腐都炸得好香口 夠脆身 可惜無咩味 敗筆😔芥蘭炒牛肉芡汁過多而且好甜☹️等咗好耐終於等到咕嚕肉 又係好甜 不過啖啖肉 唔會食粉多過肉 不錯👍🏿整體每碟餸都好大碟 4個人都食唔哂 價錢$80-$100/個 整體不過不失🙂今次因為帶埋狗一齊去食 所以坐戶外但唔知係咪人手不足 每次要等一段時間先見到人可以叫食物同飲品🤨

幾多特別點心, 煎炸點心較多魷魚鬚好鮮味,冇任何類似梳打粉嗰啲嘢乸過！正菜遠牛河都炒得好好其他點心比一般大集團酒樓好味有榴槤酥, 一到就聞到浸除....但我5吃..所以5知叫好5好味吃榴槤嘅朋友話OK.午餐堂食多工人, 因為附近都係工廠D午餐套餐又係抵食夾大碟!!

事隔幾星期，今個星期終於放寬返做運動唔洗戴口罩，即刻同男朋友重拾有一排都冇踩嘅單車😆🚴‍♀️🚴🏼‍♂️身水身汗踩到元朗錦繡花園，離遠見到新明苑嘅大招牌，似係會好好坐、企理又有冷氣嘅地方，於是就去咗take個lunch break 休息吓 😌我哋兩個人叫咗一個燒味飯，再叫咗兩個點心。叉燒飯嚟到好大碗!!! 而且都好多叉燒，非常足料。叉燒屬於半肥瘦，而且有少少燶邊，口感一流，蜜汁嘅調味亦都啱啱好。$40大大碗嘅叉燒飯實在有驚喜，物有所值! 😋另外嗌咗蔥花炸兩，菜苗鮮蝦餃，點心水準同樣非常不錯。整體嚟講，食物性價比幾高，周末喺元朗市郊活動，呢度歇一歇腳飲個茶係個不錯嘅地方。

2020/08/16 早茶我地已經三個月冇飲早茶，雖然而家都已經11點今日叫左香片茶、蝦餃、燒賣、粉果、蒜蓉蝦春卷及鮮蝦腸粉x2一人一碟鮮蝦腸粉唔洗爭香片水滾茶靚，順喉冇苦澀點心都係即叫即做，皮薄餡靚腸粉滑，蝦又爽個人最愛蝦餃、燒賣、鮮蝦腸粉，冇失望過麻煩友最愛粉果佢稱讚皮薄餡靚今次叫咗蒜蓉蝦春卷，都係傳統嘅會好味啲，呢款好似爭少少咁呢一餐正確來講係我地嘅早午餐，叫咗六款點心，都係食唔晒，要打包一籠當然有自備環保盒啦

I Have been here for dinner several times.The food is good in general.Sweet and sour pork (咕嚕肉) sounds like an ordinary dish. Here, it is cooked better than other places. The sauce is a very good balance of sweetness and sourness. It wouldn’t be too sour. It is very crispy at the same time. The balance of meat and batter is very good as well. The batter would not be too thick. Besides, the fresh pineapple is very delicious. It is sweet but not sour. The steamed abalone is quite good as well. The

星期日同屋企人入左元朗飲茶 我地一行五個人 諗住入元朗呼吸下新鮮空氣 點知都係好多人 不過職員好好話我地可以唔駛搭枱見到個午市燒味套餐好抵食 於是我地叫左一個燒味套餐再加少少點心和炒麵燒味套餐已包例牌燒味、粉麵、菜、仲要自選三款點心 假日都係$318 好抵食!燒味方面我地揀左個燒鵝 份量一啲都唔少 燒鵝仲要用個爐熱住 細心之作點心方面：潮州粉果、叉燒包、燒賣點心方面不過不失 正正常常金銀蛋浸時蔬份量好大除左叫套餐之外 我地仲叫左乾炒牛河、菜苗餃、鹹菜胡椒豬肚略嫌胡椒豬肚味道不夠濃 無咩黑淑味 而且腐皮還地豬肚多 可以不叫乾炒牛河我見每一台都會叫一碟乾炒牛河 份量好多 好味食左咁多野都係$500 不過飲完茶之後就覺得好口渴 好似有好多味精😖

下星期就是中秋節，我哋提早過節，只係前日先book位，一book就3圍，所以好多餐廳茶樓都冇位，好彩哩間夠大地方，可以俾左間大房我哋，所以即刻book到位，真係好!這裡又有電視睇，服務都算係咁，食完龍蝦有同我哋換碟，而且從來都唔會催我哋交枱，唔錯!至於食物方面，都算大碟又唔錯!睇相就知真材實料，好味!碟生菜鮑魚真係夠入味同軟，而且都唔係好細隻，仲要一人一隻，唔洗爭!龍蝦伊麵都係，好大碟，又有肉，都夠一人一隻。最尾甜品係我鐘意的紅棗糕，而唔係紅豆沙等冇咩人食嘅糖水，哩間夠舒服嘅，算唔錯嘅團圓飯!

一個唔揸車都唔知可以點去既酒家! 因為我嚷著休漁期完結要食海鮮, 所以點都叫番一兩樣! 店員招呼超。超。超級勁好 (重要事情講3次) 十分勁細心, 超讚! 超多蒜蓉粉絲蒸元貝 ~ 元貝大大粒, 蒸既火候剛剛好, 不過粉絲太硬, 豉油有點過咸, 但味道係好既!拔絲菠蘿咕嚕肉 ~ 初時唔知點解要強調用菠蘿炒, 上枱就明! 原來用新鮮菠蘿, 仲原排上, so fresh….拔絲呢就試左好多次都唔成功, 只拉到少少! 醬汁甜酸度剛剛好, 肉質嫩滑, 唔會過肥, 超讚! 既然元貝用粉絲蒸, 咁蟶子王就豉椒炒啦! 蟶子都幾大隻, 豉椒調味不錯, 稍嫌穫氣不足, 呢樣有點少失望! 叉燒 ~ 有得半肥瘦同全瘦, 喺大家口講話減肥既同時, 梗係揀半肥瘦啦! 蜜汁甜而不膩, 肥瘦分明, 肉質唔會過淋, 唔駛一陣我哋全碟食晒….生蠔煲 ~ 有幾隻大有幾隻細, 肥美無渣, 不過炸粉漿太厚! 椒絲腐乳通菜 ~ 看圖識味道…即係無乜味道…表妹早早 order 定招牌甜品 ~ 巨型梳乎里! 影相打卡一流…食就…中間有點生, 質感太硬同實, 同埋太太太甜! 超愛食甜既我都頂唔順! 因為有7味, 所以 order 多份

昨晚一家人去錦繡花園探姑姐兼提早食團年飯 (下星期去泰國過一個熱辣辣嘅新年), 姑姐帶左我地黎新明苑dinner. 去到門口見裝修幾特別, 外表古色古香. 入到去一樓客滿, 要上二樓, 地方算幾大. 睇下menu有好多選擇, 見有海鮮火鍋套餐但姑姐話團年叫小菜適合D, 這裡有好野介紹比我地試.第一味先上燒鵝, 好大隻, 好香, 食落好有鵝味. 無介紹錯!之後上义燒, 有跟要求比半肥瘦我地, 肥瘦一間間, 食落彈牙.跟住黎左個特別餸, 叫焦糖金磚咖啡骨, 個金磚(炸豆腐)外脆內軟, 個骨甜甜地帶點咖啡味, 幾得意喎.再黎係羊腩煲, 見好多枱都有叫, 足料炮製, 有支竹, 冬茹, 筍, 馬蹄….,主角當然係羊, 夠淋夠入味, 帶點蘇. 跟住又黎個唔知咩餸, 姑姐話叫秋葵七味磨菇豬爽肉, 幾香口. (佢話仲有好多特別餸菜, 話一次試唔晒)最後叫埋個巨型梳乎厘做甜品, 大滿足~ 我地8個人食到飽飽又燒鵝又羊腩煲先$1400有找樣樣餸都好食, 我住原朗過黎好近, 過完年會再黎encore.

之前揸車經過幾次見佢好大個招牌. 今次就同屋企人黎試下, 停車場就在旁邊, 好方便(免費). 平日晚黎到都算幾旺場.都未坐底, 就聞到陣好香嘅燒鵝味, 原來伙記剛好在我身邊經過傳緊菜. 我不禁講左句: 好香喎! 有個部長聽到我講, 就話: 係呀, 隻鵝新鮮出爐. 啱嘅幫你留隻, 之後下一爐要等40分鐘. 真係無諗過夜晚都仲有出爐燒鵝食.燒鵝皇$438 – 一上枱我真係流晒口水, 好香好香, 食落好有鵝味. 正! (好大隻, 最後食唔曬要打包)支竹羊腩煲$298(包菜) – 我嘅冬日至愛, 份量十足, 比平時其他酒樓食開的都要多. 煮得夠腍, 帶點羶味, 巧正!波士頓龍蝦伊麵$168 – 龍蝦中規中矩, 反而個芝士味好出, 識食當然係食個伊麵底 脆皮牛坑腩(唔記得幾錢) – 見幾特別就叫黎試下, 有驚喜, 牛味濃, 坑腩一層一層, 外脆內軟. 我仲搞搞震去點羊腩煲嘅汁食(Sorry, 我實在太愛羊腩煲)鮮菠羅咕嚕肉$98 – 已經好多肉, 但媽咪每次出街食飯都要叫, 因為屋企煮唔到呢味餸. 味道酸甜適中, 軟身好好咬, 口感有d似豬頸肉, 菠羅肉都好好食.最後甜品係巨型梳乎厘同埋榴槤天鵝

來吃過很多次晚市，食物質素 中規中矩 但係都冇衝動去寫食評😆  今天不是公眾假期 星期六日， 巧合去咗飲茶～進入大廳便聞到好香章魚味～ 飢詩家叔叔是彪形大漢 ， 凳都未座暖 就乖巧地搬來幾碗例湯 😊 原來平日的午市是 免費任飲例湯！🤩 如此奇招的確吸引了很多附近的地盤工友 👍🏻 此例湯章魚香氣四溢，雖則好淡冇乜味😆，但飢詩覺得好窩心，由其是大漢們平時冇乜湯水 😚忽然廣播～有煲仔飯食～ 個煲都算是不細。 煲仔飯鬆軟～ 上面重疊咗好多菜 😁脆皮煎腸粉～ 煎得香脆 份量足酥皮炸春捲～ 外皮很脆 蝦餡比較少豆蒜虎皮青椒 $38～ 量好多～ 大滿足🤩鮮竹卷～ 食到腐竹嘅甜 而且很大卷 👍🏻😘飢 point : 7 / 10#hungermarch #飢詩 #非飢詩

錦繡花園嗰頭有幾間低調嘅餐廳選擇。半年前左座，開咗一間幾似樣嘅酒樓（其實好幾年前嗰個位都係做酒樓，但係做唔住執咗）。除咗地方大之外，仲喺門口放咗兩三個單車泊架，如果喺元朗踩車可以考慮。即使係禮拜六，佢仍然有供應午市套餐。一碟碟頭飯或燒味飯連茶芥加一約$50。以環境同質素計係物有所值。叉燒飯，用半肥瘦叉燒到有少少燶邊，蜜汁甜美，豬肉有肉香。配上嘅甜豉油亦非常下飯。燒汁焗雞扒飯，飯底有炒香，燒汁味道香濃，有心機。