新明苑海鮮酒家

营业中

休息中

未落波，梗係去飲茶啦食埋個點心先返工呢間酒樓，雖然係屋村酒樓，但係真係人頭湧湧。不過佢啲點心都幾出色，全部都係熱辣辣嘅。燒賣四粒全部都好飽滿，蝦肉爽滑，豬肉亦都唔會有好多肥膏，亦都唔會過咸！鳳爪同埋雞紥都OK，美中不足嘅係雞扎入邊竟然唔係豬肚或者係芋頭，將佢換咗做冬菇。冬菇雖然都厚身，但係雞紥入面擺冬菇就麻麻哋啦。😂整體感覺都OK，同埋佢冷氣超大但係就有好多麻雀，會飛入嚟，我覺得有少少影響係雀仔嗰種麻雀。

新明苑海鮮酒家位於火炭駿洋邨商場一樓火炭站步行需要十五分鐘或可以在沙田站乘搭公共小巴直達駿洋邨脆皮燒雞🍽️熱辣辣上枱皮脆又薄肉身嫩滑上湯焗澳洲龍蝦伊麵🍽️龍蝦和伊麵份量頗多用上湯焗煮方式炮製澳洲龍蝦彈牙，肉厚爽甜啖啖龍蝦肉口感豐富清湯牛坑腩🍽️牛坑腩夠腍入味份量又多用清湯的做法，突顯了牛坑腩鮮味白蘿蔔很清甜加入白蘿蔔可以更加提升湯底的甜味湯底清而不濁，鮮甜不膩套餐份量十足，足以夠三至四人食用酒樓是大衆化的酒樓樸實無華水準以上價錢價惠CP值高

今早再一次相約住喺火炭嘅朋友，再一次到新明苑海鮮酒家，今次飲早茶，閒日飲茶有優惠，比起午市及假日真係平得多，我們點的全都是特價點心，但質素係正常，價錢就平啲，點了兩個孖寶，山竹牛肉，乾蒸牛肉拼燒賣，叉燒腸，鳳爪，另單點鳳爪排骨飯，炸雲吞。牛肉依然勁多芫茜四大粒，朋友唔多喜歡係咁挑芫荽出嚟，每樣食物都係合格以上嘅質素，兩個人一路傾談一邊食，最後都係食唔晒，免浪費都係打包走，埋單百三、四蚊，而家飲茶好難做到呢啲價錢。

今日約咗朋友，相約喺佢附近嘅一間酒樓，位於火炭一新屋邨嘅新明苑海鮮酒家，本來諗住火炭比較靜，但一到午飯時間就人山人海，朋友說很多工廠大廈工作嘅人都會到附近屋邨搵食。我們點了些點心及小食，食得出係點心師傅獨有嘅味道，並非一般集團式酒樓嘅出品，開咗一壺香片，茶味普通，不過不失。食物方面，點了鮮蝦燒賣、潮州粉果、山竹牛肉、炸雲吞、椒鹽魷魚鬚。燒賣上面有大大粒蝦仁，燒賣裏面都仲有包住蝦仁，用料充足。山竹牛肉有4粒好1不為過，鍾意食芫茜嘅朋友一定好滿足。炸雲吞用春卷皮住鮮蝦即炸， 熱辣辣脆卜卜， 配埋甜酸汁可解油膩。 椒鹽魷魚鬚同樣係即炸， 但就唔係一般酒樓嘅制法，佢係用粉醬炸，香脆好食，但我個人就比較喜歡用乾粉炸嘅魷魚鬚。

難得放假想慢慢坐🙂去酒樓就啱啦可以嘆番杯茶☕️地方夠大坐得好舒服🥢🙆🏽‍♀️鮮蝦菜苗餃🥟蝦肉爽口菜苗新鮮🍤皮薄餡靚👍🏻🙆🏽‍♀️豉汁鳳爪🐣好入味夠淋🙆🏽‍♀️叉燒湯米 🍜叉燒肥瘦適中 微微燒焦👍🏻值得再去👍🏻街坊價錢收貨😋

燒味檔嘎海蜇好難食甜得來好鹹，個川味豬手味道可以接受不過豬手好硬完全咬唔到，點心勁差馬蹄糕超甜、最基本豉汁鳳爪冇味、蒜香蒸排骨好硬、金錢豬肚超級難食又幹又冇汁又鹹、鹹水角好神奇嘎唔脆，叉燒腸腸粉好厚唔滑、飲茶就一定要水滾茶靚，但呢間酒樓D水就微溫，可以話食過咁多間呢間最傑出！最重要係埋單價錢係同點心紙價錢唔一樣，系未計加1服務費？可惜系翻到屋企先發覺，沒即時反應！呢間酒樓真心試一次就夠，價錢同其他相比下都偏貴少少！希望可以在食物方面水準方面可以去提高少少

記得8、9歲開始阿姨成日帶我哋落石圍角飲茶，個個禮拜都飲，果陣仲有人手推車仔問要唔要點心，根住唔知去到幾點特價時間就同表姐表妹拎住點心卡出去搶點心果陣好鐘意飲茶，每到星期六或日就有得飲茶好開心。直到10幾年前都仲保持緊每星期飲茶，但已經無左以前既傳統而且都無咁好味，果陣每次大號去飲茶都會好開心仲會拎曬車車去玩，只有飲茶佢先會好比心機自己食野，但近幾年唔知幾時開始已經無左個個禮拜飲茶既習慣。媽媽話想飲茶🫖認真？仲以為自己聽錯！搬咗黎火炭咁耐都未試過呢間茶樓，十點行到門口，好多吉位，心諗應該唔方好食🤔先入為主左，坐底即刻點左好多野食，價錢適中，大部分食物陸續黎到，大家都忍唔住開食，平時必食嘅皮蛋瘦肉粥、蝦腸、牛肉腸、炸雲吞、燒賣、奶黃流沙包都好好味點心都幾大粒至於薄撐比平時食嘅無咁吸引，因為呢間既涵只係用韭菜做，個人覺得唔夠香，但長輩就鐘意食。另外有三道點心非常值得讚，第一樣係大號指定既-小籠包，好多汁，皮薄涵靚，上面仲有啲蟹籽，賣相都靚！真係自己食一籠都食到，比其他酒樓好食好多，必食第二樣就係山竹牛肉，好好味，唔知幾時開始出去食既山竹牛肉已經變成勁多粉實的的所以好耐都無再叫呢籠野，但新明

山長水遠去到呢間酒樓攞月餅，有個知客嘅女人坐定定係到，話冇哂月餅，搵都冇搵過，全程坐係到，我走咗後，我隔一陣再打電話呢間鋪問佢有冇月餅換，佢話有，大家明啦？冇良。

好耐未食過即叫即蒸，熱辣辣嘅點心（而家出面好多酒樓都係用微波爐翻熱，好難食）呢間下午茶唔算特別貴，又好食😋推薦鹹水角，棉花雞，金錢肚！燒賣牛肉都好好食，希望一直keep到水準！

新開張，同家人第一次幫襯，超值價錢，正價享受，食物真心okay, 環境新淨，一定冇得挑剔，棉花雞大大件，可能人少關係，所有嘢都好新鮮，春卷出晒煙辣口，蒜香春卷味道有驚喜！員工服務可接受，必定有甩漏，需要時間磨合，總括嚟講，值得幫襯。