新明記肥牛豬骨煲

营业中

休息中

早上收到契仔媽咪的來電約飯局, 又咁啱打唔成風立刻應承啦! 小弟提議食火鍋, 最後決定去佐敦新明記, 都忘記了上一次是幾時去吃過。當晚七點半去到已經高朋滿座, 三對朋友亦己經到咗,以及開定個冬瓜湯底等我, 我當然唔客氣叫我的至愛『墨魚滑』,沒有令我失望, 很彈牙,個然是招牌菜,另一個要推介比大家就是這裡好出名的牛,我們這群食肉獸當然唔會放過啦!共吃了四大碟, 牛肉味很濃厚。另外要推介是雲吞,裡面有好大只蝦仲好彈牙。其他火鍋食物(炸魚皮,炸腐竹,青菜都好新鮮)。最後離開時仍然是高朋滿座, 真係有好多棒埸客。埋單每人二百幾。

之前黎過幾次，介紹比朋友個個都有讚冇彈，仲要再黎添！我最鍾意佢個黑豚肉，$48一碟真係好抵食！仲有必食就梗係手切牛展肉、手切肥牛肉、牛爽肉、手打墨魚滑等。最後一提係佢個冬瓜金華火腿湯底，足料金華火腿，加上冬瓜吸哂各種火鍋料的味道，好好味，都只係$38，好抵！

唔好誤會今次生日的主角並不是一個百歲人瑞而是幾個朋友夾埋剛好一百歲..哈哈..言歸正傳很久沒有食火鍋, 因為從前食得太多, 覺得處處也是大同小異. 但近日有很多朋友極力推介這間有點奇貌不揚的火鍋店, 適逢近日天氣極之寒冷, 吃火鍋的理由又回來引誘我了.結果, 千揀萬揀, 擇了慶祝生日的吉日, 天氣卻突然回升至27度之高溫, 心底開始滴冷汗, 因為聽朋友說他上星期來的時候店內比較多人, 結果選擇坐在店外, 上星期只得十幾度, 坐在街上頂多偶爾吃西北風, 如今27度全城熱爆, 坐在街邊吃火鍋恐怕是發瘋!!! 好在最後我趕及在吃飯前book了檯, 安然做香港人最興做的事, 就是開大冷氣打邊爐.朋友們之所以極力推介, 其實都是不外乎食物新鮮和價錢實惠.結果沒有令我失望.我們點了鴛鴦湯底, 約$3X. 食物就如圖,有:1. 花蛤 - 好鮮甜2. 帶子 $4X - 好像無以前咁大隻, 但都OK,而且都夠新鮮3. 珊瑚蚌拼桂花蚌 $50 - 珊瑚蚌有少少遜色, 灼一陣縮小得好緊要(之前食過沒縮得那麼緊要), 但桂花蚌真係超爽4. 粟米一大堆5. 炸魚皮 - 本來唔鍾意食但食食下又覺得幾得6. 脆

難得同細佬去行街街.. 咪同佢食咪晚飯先返屋企囉;諗下諗下.. 諗起之前我個靚靚表妹話哩間火煱好好味,咁咪去試下囉... 果然真係好好味喎~~~~ 第一次去食, 唔知叫咩好.. 就例牌點左以下既野食囉 -- 手切雪花肥牛 - 細 : 份量都唔少, 冇厄我錢 ~~ 好味道, 一 d 都唔 "un" 雜錦餃 : 有白菜肉餃, 西洋菜餃, 雲吞 & 魚皮餃 ~~ 都 ok 喎, 唔錯 手打蝦丸拼墨魚丸 : 真係手打, 蝦丸比較好味, 粒粒蝦丸都有大半隻蝦在內 珊瑚蚌拼桂花蚌 : 珊瑚蚌好爽, 而桂花蚌好甜 頂角羔蟹 : 唔錯, 真係有好多既羔喎 鴕鳥肉 : 好腍, 味道似鮮滑牛肉咁 魚腐 : 個人認為麻麻囉 雜錦菇菇 : 有金菇, 鮮冬菇, 雞脾菇 & 豬肚菇, 都好新鮮, 唔似雪左幾日咁既款囉 黑柏葉 : 最失望就係哩個, 好似食緊香口膠咁 雜錦菜 : 都有四款菜架 湯底 - 蕃茄薯仔牛尾窩, 哩個湯底麻麻, 我下次要試豬骨煲大支裝啤酒仲平過一罐汽水囉, 汽水要 $10 罐, 大支綏啤酒 $8 支.... 當晚食得好開心, 因為真係好好味呀... 宜家我都仲回味緊, 一定會再去多

經朋友介紹下, 已黎新明記食過三次~~ 今次同三五知己, 我特別要求黎呢度.... 還好我一早訂了位, 如果唔係有排等....雖然這裡最出名係豬骨湯底, 不過我就最喜愛水魚湯底$128, 貪佢夠滋補美顏, 處理得又乾淨, 所以我好放心食. 老闆話每日只限售2-3隻, 售完即止.特別推介:手切肥牛(大)$138 ~ 真係唔錯, 肥瘦適中, 牛味十足.海鮮拼盤$138 ~ 有蝦, 蠔, 大蜆, 海參, 珊瑚蚌, 桂花蚌, 魚骹, 泥鯭, 魷魚...(海鮮好新鮮!)原隻象拔蚌$278 ~ 又鮮甜又爽脆水餃皇$26 ~ 老闆話每日賣唔晒, 都會倒掉, 保證新鮮... 餡料豐富, 隻蝦仲好大隻添!鮮鵝腸$40 ~ 好夠肥美鮮帶子$45 ~ 大隻, 鮮甜手打墨魚滑拼蝦滑$50 ~ Yammy 連埋啤酒汽水, 五個人, 每人都係$200幾...甘嘅水準, 超讚!我嘅朋友都讃口不絕, 話我好介紹...仲話下次要同屋企人黎!不過每款食物都可以雙拼, 就算兩個人黎食都可以試多幾樣, 又唔會浪費喎!總括來説:食物 : 高質數... 新鮮...款式多...環境 : 一般...沒靚裝修(就算裝修豪華, 食物又貴

佢問食咩好??? 我話事就梗係打邊爐!!! 去左試新明記...要等位呀! 仲要比人打尖tim...>.<個個都要求要有電視睇, 因為laughing 哥大結局呀嘛! 哈哈...等位0個陣發現有我至愛既鰤魽...嘩~~~~ 正呀正呀!!! 見佢寫$48, 問mark 位0個個叔叔, 係斷份定斷隻定斷秤佢答我話斷隻?! 下?!?!?!?! $48/隻? 唔係呀嘛...=o=雖然係勁大隻, 但係都唔駛貴過赤貝掛...唔信!!! 定係我聽錯呢? 哈哈...坐低諗下叫咩好...人地話d 豬骨湯好味, 但係咁多排骨點食呀?所以都係要鴛鴦鍋算lu~ $38...叫咩食好呢...要個海鮮拼盤 $138, 一碟中牛肉$98, 一個雜菇, $32(好似係)跟住仲唔死心, 問姐姐鰤魽到底點賣? 佢話係$48一份...咁一份有几多呢?佢話有八隻?! 嘩~~~~~ 正! 咁梗係整返碟先啦...海鮮拼盤有好多野呀...六隻蝦, 蠔(我諗都有成五六隻), 大蜆, 海參, 珊瑚蚌, 桂花蚌, 兩舊魚骹, 兩條泥鯭, 魷魚...d 野好新鮮, d 泥鯭黎到都仲識郁ga!打邊爐d 野夠新鮮又點會唔好食

自從平安夜想應節吃西餐, 但最終因該餐廳的服務及環境'被逼'轉場至此, 真的要嘆句簡簡單單的要求-食物新鮮兼無添加, 愈來愈難求!短短一個月內幫襯了2次, 2次均找到要再來的理由手切’牛’肉（中＄１２８）：難得有牛味的’牛’肉兼答應揀碟長塊狀給我，味道並非一口油的無味和牛可比！原隻象拔蚌（＄２７８）：看樣子乾乾瘦瘦並非平時見到在魚缸吸滿水的貨色，不知是半個老闆還是老店員的男子大力推介，終於經不起海鮮誘惑，幸而不負期望，鮮脆可口非常，刀功的功勞亦不少！鮮帶子（＄４８）：自己在街巿也買不到如斯甜美，一啖一隻，滿足非常！西洋菜餃拼水餃：這２款餃的內餡豐富，全無雪味，不選上次的什餃是明智之舉唐生菜：不止鮮嫩，難得還會洗菜，現今大部份火煱店提供的菜大多仍是沙泥滿佈，又加分烏冬：粗幼似意粉，爽口彈牙，原來產地是日本炸魚皮：全晚唯一決定下次不叫的項目，吃慣謝記的當然不滿意這種交來貨冬瓜火腿湯底：這個比起上次的豬骨煲清甜，來到一滾起即喝一碗，味道像老火湯，一點味精也沒有，但冬瓜要儘快吃或撈起，否則溶掉在湯裡。今次不選豬骨煲是因為這裡全是豬腳骨／桶骨／雞腳，若有小量豬軟骨平衡一下就更對胃口，否則２個人很

之前同D朋友話去打邊爐, 點知佢地話唔想打D大舖, 跟住介紹呢一間咁我又無乜所謂, 所以跟住去是日為星期五, 我地8點幾去到等見到整個門口都係人, 都在等...情況其實同你去稻香0個D無乜分別等等等...等到過左9點半, 做緊珠光寶氣, 先有得入去坐...入到去, D阿哥阿姐係咁問你叫左湯底未...湯底其實好多款, 我無份揀呀...但係就翻大眾的口味, 就點左蕃茄薯仔牛尾之後點左好多款"送"...一定要有的手切肥牛啦, 菜啦, 泥鯭, 魚片, 蝦滑+魚滑, 魚卜, 竹笙開頭想叫生蝦的, 但係見價錢都頗貴, 所以無點到所有東西都OK有水準, 魚片有少少腥, 但係都可以接受最最最值得介紹係泥鯭嘩, 佢一上枱, 一碟一共6條啦, 剛剛放左係我隔離,突然間, 其中一條無啦啦郁左一郁...之後無啦啦, 第二條又郁多一郁...本身都想不如放佢入煲先, 但係湯又未滾...再之後, 第三條又郁了...跟住有個阿姐叫我地食左佢地先, 仲咁生猛咁好啦, 到食的時候, 因為十分生猛的關係, 一D都唔腥, D肉又好食再值得一讚的係, 居然完全無火水味...平時D泥鯭點都有陣味架...但係佢真係完全無囉....

其實好耐之前幫襯過佢隔離男爵大排檔見佢爆場既場面都想黎食，於是訂左檯星期日六點零黎到，室內好多檯都有人訂左，但人未算多。坐低叫左個大豬骨窩先，然後再加大手切肥牛，半條脆鯇，黑牛柏業，雞腸，及第(豬什併盤)，魚頭，墨魚蝦滑雙併，西洋菜。豬骨窩唔算好多料但味道唔錯，豬骨又係去晒皮，無乜肉食，肥牛唔錯，有頸脊位，正。其他食物都唔差，不過黑柏業就唔得啦，太奀。整體不過不失，埋單七舊幾，唔算平又唔算貴。服務都算幾好，不過係唔多就腳。

在某飲食周刊的介紹下, 在上星期四11月6日還是頗熱的晩上, 去了佐敦道新明記火鍋, 6時50分到達, 室內有冷氣的座位全滿, 並且在外邊沿着已關門的鋪頭門口, 已經一直伸延出去開了大約十張枱, 坐下不到十分鐘, 連在馬路邊車和車之間的空隙也不放過, 開一張細枱.幸好我們三個人早到, 而不致於坐馬路.我們叫了:細蕃茄薯仔豬骨鍋$78, 幾多豬骨有D豬手, 好似冇味精, OK.膏蟹2 隻, $22隻, 細隻但有膏, 好味.細手切牛肉$68, 有牛味夠腍.魚肚$42, 浸了湯, 不錯.魚鮫$38, 夠滑但有少少腥, 可以不叫.蝦滑併墨魚滑$50, 粉太多, 唔得.啤酒12枝, 每枝$20, 貴咗D. 個度差不多所有牌子的啤酒都是$20一枝, 如果可以平D就好啦, 因為我們飲啤酒都已經$240.荼錢每位$3, 冇加一, 食物價錢算平宜, 埋單$600有找, 價錢合理.如果啤酒平D, 就更加好啦冇環境可言, 當晚稍為熱咗D有少少出汗.等再涼D, 一定會再去一次坐街邊, 一邊吹風, 一邊打邊爐.

在九龍城打得邊爐多, 點都要周圍見識觀摩, 比較一下。新明記據說好出名豬骨鍋, 我唔係特別此道, 但只知道今次去食, 個湯OK, 但D豬骨好似冇骨髓啜喎, 有D搵笨, 而且叫六樣野三樣話冇, 有一樣仲要係追問先話冇, 服務認真麻麻喇!不過, 肥牛係幾夠牛味, 而且算係大碟啦, 蝦滑拼墨魚滑, 夥記幫手落, 二者混為一體, 味道又幾特別, 其他地方食唔到。後補的雞腸亦肥大多油, 好此道者一定食過返尋味。

第一次去新明記後, 成日都會掛住佢既手切肥牛同豬骨湯底.....兩個人去打邊爐, 通常都唔可能叫太多野食, 所以我同男友仔只點左五樣食物..當然有必叫既手切肥牛, 肥牛只要係湯裡面浸大約二十秒, 已經熟了大半...呢個時代食係最正的....好淋, 好新鮮既感覺, 真係一試難忘....仲有鮮帶子片同鮮鮑片, 大大塊既帶子/鮑魚片, 又新鮮又甜, 估唔到只需38蚊...好抵食呢^^另外仲有蝦滑架墨魚滑, 無論浸幾耐, 仍然係爽口彈牙, 真係一妙絕!!最後有炸芋件, 芋頭好粉!! 好好味~~湯底更係最濃味既豬骨湯啦~~~湯料足,所以愈食味道愈濃, 好正呢~

我原本並不是一個愛吃火鍋的人。但是，最近我卻到處向朋友們介紹一家火鍋店。而周日晚上，我和Baby就去了享受一頓滿足的火鍋晚餐。這家火鍋店位於佐敦南京街與炮臺街的交界處。店鋪的所在的街道，和隔兩個街口的廟街相差甚遠。炮臺街上大部分街鋪都是做玉石批發的，因此一到晚上，幾乎所有店鋪都會關門，剩下的只有這家：新明記儘管街道上有多冷清，新明記就是熱鬧。店內人聲沸騰，門外還需要長期擺放幾張桌子。到底這家看上去平凡的火鍋店，有什麽特別呢？記得第一次到訪新明記時，我的朋友告訴我，來這裏不爲什麽，就是要嘗嘗“豬骨煲”！豬骨煲，以前就在深圳吃過，一條條大筒骨放在火鍋中，客人就拿著吸管吸取筒骨中的骨髓。一個豬骨煲說白了就只有那麽幾條豬骨，就算吃上配菜也不可能飽肚，實在不太划算。但是新明記的豬骨煲就有所不同了，他們並沒有採用筒骨，而是被砍成小塊的豬骨頭，每塊都連著不少的豬肉、軟骨和筋。食客在品嘗骨髓外還可以吃到入味的豬肉，這就歸功於湯底了，店方共提供兩款湯底給客人選擇，分別是胡椒蘿蔔和番茄薯仔。另外，豬骨的分量也相當多，兩次光顧的時候，我和友人都不能吃光煲中的豬骨。

經同事帶領下,黎到呢間舖,由於book左table兼且六點九去到,都唔係太多人,去到叫左個豬骨湯底,勁多好淋的豬骨呀雜錦海鮮拼盤,當中有魷魚,蠔,蟹,蝦,貴妃蚌,鯇魚骨,手切鮮牛肉,正呀,好淋身,佢係即場用人手切架,塊塊都好薄身架,脆肉鯇,白鱔,好脆豬腰,好爽,豬肺,牛爽(類似係肥肉的東西,但好爽)生根手打蝦丸同墨魚丸(好彈)生腸菜豬頸肉餃服務態度好好,

今次已經係我第三次再去尼間店打邊爐,雖然環境就差D,但係勝在好味,又新鮮.今次一行5人,每人都要二佰幾埋單.將單如下:蕃茄豬骨煲,馳名手切肥牛,霜降牛肉粒,勁大隻司鵪及蜆,蝦,桶蠔,手攪蝦滑拼墨魚滑... 等等