新景園咖喱小廚

营业中

休息中

第一次寫食評⋯⋯本來中午諗住去吃咖哩，落單後，都知雞係連骨個d ， 但點都估唔到餐廳並沒有煮熟食物，其中一件雞，一咬落去係生的⋯⋯⋯中午排隊等左20分鐘，咖喱汁正常，但如果要俾成90蚊而成個生的咖喱雞，就非常失望 ！！ ！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

難得放假去開港島就黎試試傳聞中既咖哩豬扒同乾炒牛河咖喱豬扒飯超級大塊既豬扒就咁淨食豬扒都好好味好脆呀！！咖喱汁係香辣而唔係偏甜啱哂鍾意食辣既朋友乾炒牛河啲牛同塊豬扒一樣都係大大件河粉夠哂鑊氣，加埋辣椒醬一流呀

聞名咖哩豬扒飯好出名，特登中午行快d黎試下，不過都要等15分鐘先入座，可能太多外賣又要等15分鐘先有得食因為知道份量好多，所以要一半飯就夠，一上菜就聞到好香豬扒味，一陣香脆味，肉質嫩滑唔痴牙，咖哩汁唔太辣中帶點層次，可惜只有一件薯仔，好冧好入味。但一個咖哩豬扒飯要$90真係貴左d,員工服務好好，有機會試下食夜晚

今次終於試到灣仔人龍良心店新景園, 午飯時間真係一位難求😂 第一次去必試推介嘅咖哩豬扒飯, 一上台已經嚇死我, 個飯大到…豬扒兩大塊, 炸得好靚, 外脆肉嫩, 好鬆化, 肉厚得黎好滑. 咖哩係另上嘅, 港式咖哩, 係稀啲不過味道好濃, 微辣到小辣左右, 唔食得好辣都唔驚. 撈埋飯同豬扒一齊食好滿足, 個feel頹但味道絕對唔頹! 絕對推介!

新景園咖喱小廚-🍽 咖喱豬扒飯排隊不是夢之真係好多豬扒💛灣仔咖喱豬扒專門店一啲都唔會陌生，一定係新景園٩(˃̶͈̀௰˂̶͈́)و 落單上碟唔耐，但排隊耐… 店舖面積需少，但勝在有人情味同有心(˶‾᷄ ⁻̫ ‾᷅˵)招牌菜係咖喱豬扒，當然唔會令人失望！2塊大大塊既豬扒炸到金黃色鋪滿成個碟面！外皮炸粉薄，脆卜卜，甚至食到最後都唔會好油，然後淋哂！然後肉質係鬆軟，唔係用鬆肉粉既效果，係用時間做出嚟既質素(°▽°) 但唯一美中不足係食5次總有2次炸得遍乾身~ 咖喱汁好濃，少辣，咖喱濃烈既程度係佢既味會長期圍繞著口裏面( ̀⌄ ́)然後配上薯仔，薯仔一早被咖喱汁注人(⁎⁍̴̛ᴗ⁍̴̛⁎)十分入味，所以絕對係送飯一流！如果你一開始想少飯，但食到最後你一定後悔，因為你會想用咁惹味既咖喱汁送哂成碟飯！最後，輕輕一提，堂食既價錢比一般茶餐廳貴！但外賣足足平一半！如果又唔想排又想試下，可以考慮外賣喔(⁎⁍̴̛ᴗ⁍̴̛⁎)📍 G/F, 20 Spring Garden Ln, Wan Chai

基於外賣比堂食平接近一半一向都係外賣返公司食，不過就算堂食貴一截一樣日日人頭湧湧，真係唔叫外賣都唔得🙈-🍛咖喱豬扒飯 $50每隔一段時間幫襯都加價，最新叫價五十大元仍然不乏支持者🤣不過除咗豬扒大大塊，飯都係大大盒，一定食得飽，所以呢個價錢加上味道我覺得可以接受。外賣膠盒係有啲質量果種唔係比發泡膠盒，咖喱同豬扒分開擺唔會浸到淋曬。豬扒兩大塊外脆內軟，香口又惹味，極度邪惡😈咖喱係港式風味果種，唔會太稀、少少杰身撈飯一流🤤之前覺得越食越辣今日又ok喎！-總結：打工仔午餐其中一個邪惡之選😈

新景園一到午餐時段永遠有班人慕名而來幫襯，超過八成客人都會叫招牌咖喱豬扒飯，外賣比堂食平一半，所以不少人都會叫外賣，但記得只係11:30-15:00呢段時間先有優惠😝晚市外賣係收原價，而外賣包裝都幾貼心，咖喱同白飯分開擺，唔影響豬扒的脆度👍🏻咖喱豬扒飯豬扒份量多到係兩人份！每件都大大塊，炸漿薄薄一層，炸到恰到好處，色澤金黃誘人，酥脆富肉香，真心推介🤤咖哩並非日本甜咖哩，味道幾辣，伴飯不錯，咖喱內有一大舊薯仔，幾粉同埋入味😋

長期長龍店🤣好彩8點幾去只係排4張枱，但坐底已經無哂乾炒牛河😫好彩咖啡豬扒飯係仲有嘅🤭豬扒真係超大磈，係見唔到啲飯😂，咖哩係地道港式咖啡味piggy又鐘意，下次一定要食到乾炒牛河🤪

日日放lunch經過，都見到門口排隊排到人頭湧湧。個炸豬扒有幾好食我諗排隊既食客都達成共識。難得今早11點9左右係附近做完野經過見到門口唔多人，果斷決定把握機會入去試下。等左5分鐘入左去，我一人就要同其他人搭台，不過有塊間板間開，所以都OK既。上菜都好快，唔使5分鐘，就一碟大塊過塊面既炸豬扒，連同一碗咖哩汁擺係我面前。豬扒熱啦啦，炸得好香好脆，又唔會好乾好柴，咬落係有肉汁既。就咁食既話略顯淡味，配埋個咖哩汁就岩岩好。食完埋單出來又係日常既人山人海既排隊景象。結論，好食，早d來食唔使排。

放工去灣仔新景園食💛第一次是咖喱豬扒飯👍🏼超級驚喜豬扒Juicy 又唔鞋，咖喱汁辣辣地又唔會太嗆口，薯仔超淋，一定會再encore，難怪咁多人排隊食🤤等得耐都值得

💰價錢$88 一客咖哩豬扒飯，細食既，兩個人都夠但呢度設最低消費$72/人，所以你都係要叫兩樣野😬😬飲品再散叫$18 凍飲食個lunch 都盛惠$106.🍛味道合格，但不至於超班到值得貴平時茶記一倍.🧍🏻‍♂️輪侯時間🧍🏿🧍🏽‍♀️星期六過左食飯時間都要排半個鐘以上，更得閒下次都唔會再排.💧衛生情況啲豬扒一大堆流哂血水放係廁所出面.... 成地都血水，去廁所個陣覺得有啲臭味.💬結論試一次就夠，又要排隊又要貴，CP值低

📍新景園咖喱小廚Hands down, the best Hong Kong style fried pork chop curry rice as well as 乾炒牛河 in Hong Kong. Period. Cheap, quick, easy and super delicious! Price: HK$100 pp Revisit: 10/10

今日同同學嚟灣仔實習，揀咗呢一間新景園咖喱小廚食飯，估唔到有驚喜！咖喱豬扒飯$88🥩豬扒同埋🥘咖喱係分開上嘅，咁就唔使擔心咖喱會整到啲豬扒霖晒💦。大過塊面😅嘅豬扒生炸之後再切細幾塊🔪，點上咖喱汁，非常之好食😋。佢嘅咖喱亦都好惹味：裏面嘅薯仔🥔吸收晒咖喱汁嘅精華，簡直係進入左一個新嘅境界！😋😋😋乾炒牛河$90我最怕乾炒牛河會太多油🛢，變咗好似觀塘出名嘅油河😅😂😂😂，今次呢個恰到好處，太少油又會令到河粉黐埋一舊舊唔好食🥲，太多油又會好膩🙁。芽菜亦都可以吸返啲過量嘅油，真係食唔停口！佢嘅牛肉🐄都唔吝嗇，起碼都有7、8件，食到我朋友好滿足。🤰最緊要係咩啊？係鑊氣啊！🔥🔥🔥呢份乾炒牛河係即刻炒出嚟，上到枱熱辣辣，見到好多蒸氣漂出嚟，即刻流晒口水。🤤星洲炒貴刁$90咖喱粉🥘包裹住每一條河粉同埋肉絲，真係勁好食！同埋佢配料都好足夠：有叉燒、芽菜、鮮蝦🍤……今次真係大滿足不過，總體而言始終茶記質素要賣$90有啲貴💸，下次嚟之前要再諗諗🤔️——————為食分界線——————新景園咖喱小廚 (灣仔)灣仔春園街20號地舖推介指數 🤰🤰🤰(3/5)好味指數 🤰🤰🤰🤰🤰(5/5)抵食指數 🤰🤰(2/5)環境推介

星期六下晝去無論堂食定外賣都好多人幫襯一去到已經有好多人排緊隊但係排左半個鐘左右就有得入去食今次叫左兩個人氣之選差唔多餐廳嘅所有人都係食緊呢兩樣首先係最出名嘅咖喱豬扒飯豬扒超大塊，好脆口咖喱汁偏港式，係有少少稀個隻咖喱會越食越辣，好惹味😋仲有超大舊薯仔，夠薯仔入晒味兩個字，好味👍🏻黎到呢度一定要叫仲叫左乾炒牛河啲牛同樣好大塊，都幾夠獲氣食牛河必叫辣椒醬食完呢兩碟野好飽好滿足排隊都值得!!P.S. 老闆娘同夥計態度都好好好多人慕名而來所以想堂食就要預多啲時間排隊提提大家:堂食最低消費係$72

呢個唔係炸豬扒，係咖哩豬扒飯，係呀有飯係底㗎睇唔到之嘛🤣🤣咖哩係地道香港咖哩味ydnas就好鐘意，另外叫左咖啡牛腩，牛腩好淋亦多，原本諗住試乾炒牛河但未夠8點已經賣哂，下次要再去試💪