新森林焗之專門店 (英皇道) (已結業)

第一次食呢间，被佢牛扒第二份半价所吸引入去食。一入到去当然即刻叫左两份牛扒，再叫左个大胃王焗饭试下。一嚟先上左个加八蚊嘅罗宋汤同脆猪。罗宋汤意外地味道唔错，见价钱咁平本身都无咩期待。而且侍应都好好，肯将原本嘅柠檬吉士脆猪转做牛油脆猪。跟住再嚟到嘅分别就系牛扒餐嘅薯角同芝士焗意粉。意外地焗意粉嘅份量都唔细，芝士浓，轻易做到拉丝嘅效果。至于薯会以为好似平时茶餐厅咁，但竟然配有芝士酱，而且薯角应该炸起无好耐，相当脆口，加上芝士酱呢个配搭简直无得顶。至于呢两杯嘢杯就不过不失终于呢到主菜，我就拣左蒜蓉汁牛扒。块牛扒相对上比预期细，但加埋意粉或者薯角就一定够饱。我个人本身比较钟意食全熟牛扒，亦预左会有啲韧。食落去系好干，牛扒完全无本身d肉汁，只能靠蒜蓉汁帮补下。大失所望。至于大胃王焗饭，本身以为份量会特别大，点知原来系个名特别而已。配有炸鸡同肠仔，一句概括：味精好重！食完之后系好口渴，即刻叫杯水嚟饮。好麻麻总括而言，前菜带嚟希望，结果主菜大失所望。但价钱喺北角晚餐嚟讲算唔错。牛扒除开两个人都系70蚊左右。