新水記火鍋 (已搬遷) 新店位置

今次去左試新水記，必食燒骨同雞翼，如果得2個去食，可以叫雙併，咁就可以試晒2款啦，另推介飛天通菜同泰式生菜包都非常好食，泰式生菜包豬肉粒炒得好香，一點都不乾，食落仲好有肉汁，生菜新鮮乾淨清爽，環境雖然坐得唔係太舒服，有點迫，而且比較嘈，不過大排檔就應該係咁。

喺旺角甘霖街既一間細細既大排檔,有泰式同中式既大排檔少炒美食,我地一行人點左冬蔭公,好重酸辣香味,但飲落去酸味多,入面落足料蝦亦有好多隻咖哩炒蜆,呢個好食,咖哩濃甜但不辣,蜆肉大而新鮮生蝦刺身,蝦種同平時食開吾同殼深色D大D,配蒜頭吊味,正烏頭,烏頭新鮮,皮吾食,食入面既肉,肉比較嫩滑,不錯通菜,正常排骨豬頸肉,豬頸肉燒得香口夠煙UN,排骨調味好正,爽口得黎又帶點肥,正!!環境麻麻,但大排檔係甘上下而且價錢平,推介!

成日聽人講，話新水記好食，難得跟朋友一大班人，當然要去食下~~佢既生蝦刺身好新鮮，爽甜，正!!講真，叫之前有點猶豫，因為始終擔心衛生問題，但估唔到係大排檔，都可以有咁既水準。接下來的，也是我甚少會吃的內臟，肥肉等等等，但，一吃就會上癮。因為，佢整得很乾淨，無異味，而且全部都係好爽身的，肥肉也不覺膩，只食到爽滑的質地，真係齒頰留香，無得頂。有機會，一定會再去食!!!

呢晚同男友仔, 約好左我澳洲返黎放假既小妹相聚一下, 帶佢去食咩好呢..... = =!?諗呀諗, 搵呀搵~~~~ 見到 openrice 既呢間小店評價唔錯, 決定去試一試!!一直跟住 map 行.............橫街窄行...橫街窄行........然後去到一條好多車行既街~而四圍既店舖已經關左門....................黑黑的..............終於!!!! 轉角之後, 見到有一間好光猛既食店...外面有少數人等緊位!!咋咋聲滾過去, 拎左飛仔, 再望下門面、店入面, 貌似係好耐無裝修過既格局~唔打緊, 因為我地食既唔係門面, 亦唔係裝飾.................等左大約 10-15 分鐘就有位, 都算快啦!!店入面係舊式茶餐廳格局............3 丁友, 安排左張卡位比我地, 感覺有 D 迫迫地, 不過為左試食, 無所謂啦~一打開 menu, 哇! 都好多 choose 喎...樣樣都好想試, 價錢都唔算貴!只可惜....眼見碟頭都唔細, 而我地得 3 條友, 大家都係細食之人, 可以裝既野唔多.....結果, 我地只係揀左:-

與朋友相聚,朋友想吃泰國菜,又要在旺角!!於是上OPENRICE搵食!!!我同朋友相約朗豪坊,行過去,不用10分鐘,但是好偏僻wor!!一到步,發覺自己食過一次,已經是4年前以上我地無訂位,打算7:30 .又平日,應該無甘多人....點知我地要等4張枱,也要45分鐘,因為我地唔搭枱!!!好彩有凳坐 入到去有卡位坐,其實搭枱就即入座,但是這裡實在太迫了,兩個人坐卡位就ok,這間飯店好有名氣.實在有好多人慕名而來!!坐低發覺食物不貴,而且有好多款揀,海鮮,打冷,泰菜..我地得兩個食,要食最出名的食物,揀了4樣泰菜!嘩,好大碟,一睇兩個人食唔哂^^味道不是馬拉盞,又不是蝦醬,是.....我講不出, 但算惹味,不會太咸,又不會太乾,有汁,送飯一流!!又一大碟, 一上枱好香呀,d 蜆大隻,而且份量十足,不會有穀無蜆個咖哩汁熱辣辣,但不辣,少甜,送飯一流,於是忍不住叫了一個白飯與朋友share生蝦刺身係我第一次見甘大隻,又彈牙,而且不是得幾隻,係有12隻,每人有6隻, yummy, 面頭有蒜片,再沾酸辣汁,一入口辣味由舌尖再衝上大腦,好刺激呀,辣得過癮^^這個出名菜式一定要推介,即叫即燒,一上枱仍

是晚要到旺角辦點事，完成之後已經過了八點半，不太覺得餓也想不到去哪裡吃，鬆弛就提議近近地來這裡，其實我也有年多沒來了，提起時也有點掛念這裡的蠔仔粥。雖然已經過了晚餐的高峰時間，可是門口有四五檯客在等，有見兩個人比較容易等到檯，我們就覺得等一下，最後等了大概半個小時就有位了。如果想要坐得舒服又喜歡乾淨的，這裡一定不適合你，其實我也開始有點受不了這裡的環境，店員拿來的碗筷，其中一個碗是基本上沒有洗過，有一些不知明的漬之餘，又油膩，好恐怖。最後我小心翼翼的用消毒紙巾把碗筷杯子抹一次，再用茶洗，才敢放心使用。不知為何一坐下就開始覺肚餓，完全由鬆弛拍板，兩個人竟然點了五樣東西，真誇張。酸辣扎肉。除了扎肉，還可以選海蜇和魷魚，$18一碟真的很便宜。我最喜歡裡面加了大量的生紫洋蔥，吃的時候爽爽的，配上切成片狀的扎肉，味道調得很好，不會太酸，辣度也夠，非常開胃的一道前菜。白灼蝦。以前來都是吃生蝦的，不過現在是夏天，這裡衞生又不見得特別好，所以還是不叫為妙，改了點白灼蝦。蝦都幾大隻，算是中size，頭部有少量蝦膏，肉質鮮美扎實，很新鮮。生菜包。鬆弛一向都不愛吃芫荽，不知道他為何不會怕吃生菜包，裡面有大量

今天和三位舊同學飯聚,有位提意我地去旺角新水記火煱,還給了openrice 條link給我看oh! 發現這間的食評讚不絕口,起碼一個沒有咸公仔頭,我地就一行三人就由熱鬧人多的旺角港鉄站經過朗豪坊,沿着山東街穿過靜蠅蠅的新填地街和廣東道,再行到甘霖街街口已經見到個招牌了,到了大約6:50p.m. . 因為大家提到最好7點前到比較好些,不用在外面等位,果然未到高朋滿座,但已坐滿了六成坐位了.我地坐好之後就order 菜了.(1)滷水併盆 非常入味 Good! (2) 生蝦刺生 蝦身好爽和鮮,每一隻蝦面有一塊蒜片,点埋酸辣汁,我不吃辣的都覺好味. (3) 咖哩炒蜆 辣的程度我接受到,咖哩入味 (4) 白灼蝦 $18 大碟又低食 (5) 蠔仔粥 一鍋細size 我地都分到六碗仔,埋面蠔仔的size都好大粒 (6) 生炒骨 甜酸恰當,而且肉脆. (7) 燒雞翼 好味!不會太乾 今餐吃得非常滿足

因為朋友係水記常客, 聽佢講左好耐仍地既小炒有幾得, 今晚放工第一時間會合, 晚市唔想等位就要早到。 店內是(極)舊式茶餐廳佈局, 熟客們懶理也什麼裝潢可言, 大家放工後飲兩杯落肚輕鬆之餘, 把著眼點轉移在食物方面更滿足。沙薑雞(半隻) : 沙薑味溶入雞內, 唔須要點沙薑醬亦已夠味, 肉質夠滑亦很有彈性, 唯一的缺點是太多的碎骨, 怕骨的我, 吃時要非常小心。 飛天通菜: 份量唔細, 一貫的泰式炒法, 味道夠濃夠惹味, 如能再乾身點更佳 。泰式生菜包:, 肉鬆內加有香味頗濃香茅和辣椒, 用上呢期紅爆的唐生菜包裹著大啖開懷地吃, 無論用生菜包著也好, 送飯也好, 都唔錯。扣分位是環境和衛生, Chop 過 OK 印

走進旺角鬧市, 試過很多泰國菜館, 侍衛話曾食過呢間, 又見comments見唔錯, 今日3人行終於去試試經過朗豪坊, 穿過一條條靜蠅蠅的街道, 終於見到了~未入門口, 已見鋪店坐無虛生蝦刺身: 蝦都算大隻, 入口彈牙有鮮味!!! 碟甜酸汁混得好味, 配埋蝦上的蒜片, 令人一食再食飛天通菜: 份量足, 夠鑊氣白灼蝦: $18碟超抵食!!!! 而且比預期多及大隻椒鹽鮮魷: 炸得有點林林地, 而且不夠椒盬! 但魷魚入口肉質都幾柔軟蠔仔粥: 料也算多, 蠔仔size都算大粒(當然有d細細粒喇)!!侍衛每次推介的, 都令娘娘食到"lam lam"脷

唉！ 由8:30等等等...等到9:30才可撘枱。說真...沒裝修...50-60年代店舖...不過待客態度...要讚有禮貌..細心生蝦 - 真的好出名，不過一般好味，沒驚喜翡翠螺 - 抵..但有沙，已少少出水..真的少少失望油浸旬売 - 抵...不遇只是好味...是好好味咖喱牛腩 - 因為沒有牛脷，太多青椒，咸咗少少...不是我口味椒鹽生腸 - 不過不失今歺不夠飽，又不知有什麼好吃，清碟便走...前後不到一小時共350元

今晚朋友聚舊, 約咗喺呢間食(我住附近都唔知,,,)泰式墨魚: 墨魚份量少, 但味道酸甜度非常好.沙薑雞腳 x 2: 我老婆話非常好味喎.啫啫雞煲: 老婆話雞只係OK, 豬潤俾其他人夾晒, 冇得試油浸笋殼魚: 外表炸得夠香口, 魚肉夠滑沙拉骨: 唔得, 覺得稍為過鹹, 沙律醬唔夠均勻椒鹽鮮魷: 炸份啱啱好包住, 唔會太多或太少, 肉非常嫩滑椒鹽九肚魚: 同椒鹽九肚魚一樣, 魚又唔老, 細骨食唔到, 只係食到脊骨但都夠軟身, 食埋落肚都冇問題炒通菜: 唔知係馬拉盞定蝦醬炒, 味道都係OK既豆豉鯪魚炒油麥菜: 味道都都幾好咁啦白灼蝦 x 2: 有D唔夠新鮮囉, 有部份稍稍發霉, 但都勉強食得既生蝦刺身: 非常正, 肉夠滑, 尤其點咗D泰式醋汁, 味道好夾揚州炒飯: 夠爽身, 味道都唔錯, 不過蝦就少咗D仲有10幾支大啤計埋都係一人一百左右, 非常抵食!! 最重要係大部份都好味道!!!不過D位好迫囉, 仲會撞到後面枱既人

有朋友知我鍾意泰菜就帶我嚟,一行6人.泰式鳳爪酸辣味好平均泰式生蝦唔錯翡翠螺冇特別煎蠔餅邊位夠香,但中間位粉太多喇,口感有D似實咗少少嘅馬拉糕炭燒豬頸肉并排骨好香不錯咖哩炒蟹個汁偏甜蟹肉梅飛天通菜似灼咗好耐冧哂香草燒烏頭香草味完全唔覺水準一半一半,價錢好抵

還記得三月份和朋友仔考慮選擇到旺角新水記還是長沙灣的大中華. 最終因為想試試大中華的黑椒鹹豬手,所以放棄了新水記.事隔數月,和一班朋友想選擇到大排檔或飯店,一齊開支啤酒,一邊豪食一邊暢飲. 朋友又給我機會揀選那一間飯店,我第一時間便想起旺角新水記,今晚終於可以來試試了.工作關係,我遲了十五分鐘來到.一坐下來,職員便問我食咩,朋友也說想食咩就叫啦,就是這樣,我一口便order了幾碟美食,第一碟當時是新水記的招牌美食1)生蝦看見openrice也有不少食家對生蝦讚不絕口,我也不例外. 但詁不到,我們一同五人,四人也不吃新蝦的,只有我一人享受. 嘩,他們真的愛我了.今晚便讓我一人享受著這碟生蝦吧! 每一隻生蝦之上,都有一塊小蒜片,相信是用來"殺菌"的.嘩,很細心呀! 另外,生蝦附上一碟甜酸汁,雖然甜酸汁混得不錯,但我都是喜歡不添上,因我只想吃到生蝦簡單的鮮味.2)翡翠螺今晚真的像到了日本料理.繼生蝦之外,又再一碟冷盤便是翡翠螺.翡翠螺大大隻,再添上日本芥辣,真的Ichiban興奮.3)豉椒鵝腸吃了兩碟冷盤後,係時候要吃一碟熱盤熟食了.其中一碟便是豉椒鵝腸. 本人真的很喜歡這一個豉椒汁,因很香

如果唔係朋友帶, 我一定錯過左呢間野估唔到暗巷中有間咁正既食店!!!生蝦刺身: 打破左我對生蝦歧視, 蝦肉鮮甜彈口, 汁既味道調得極之平衡, 配上生蒜片食, 食完想再encore醉雞: 雖然雞肉質唔算好爽, 花雕亦唔算香, 但極好醉雞既我一樣清佢碟飛天通菜:屋企一定炒唔到, 食得出鑊氣猛, 炒料準備仔細, 份量足夠雞肉串燒:醃得好惹味, 燒到香噴噴, 略嫌肉太肥生菜包:芫茜青檸魚露辣椒仲有切到好碎既豬肉(好似仲有雞肉, 唔知xd), 又唔油, 好好食呀冬蔭功:本身湯底唔算好香, 但味道平衡的幾好, 加埋香茅, 芫茜莖, 蕃茄同蝦, 有啖湯酸酸辣辣飲下都唔錯加多枝藍妹盛惠$360, 平靚正~~~!

6月1日晚, 同火星人係朗豪坊睇完戲後, 見佢呢排工作壓力大, 無咩心機咁, 打算同佢去擦番餐, 早前已經睇過新水記既食評, 只係一直無機會去, 今次決定帶火星人去食佢最愛既泰國菜一路行, 佢見周圍好靜, 已經開心眉頭緊鄒, 仲同我講"你下次唔好黎呢D地方", 去到門口, 見到大部份係男人, 幾乎想捉我走, 幸好一去到就有位, 我就立即坐低叫野食兩個人一共食五樣野同兩枝啤酒 (都幾誇張, 嘿嘿嘿), 然後再加多個咖哩炒蜆外賣俾屋企人, 埋單都係$352, 真係超抵蝦刺身, 好味, 彈牙白灼蝦, $18 超抵咖哩炒蜆, 好大碟, 食極都好似食唔完咁, 好香, 鐘意食辣既朋友一定會覺得唔夠辣, 但就好香咖哩味飛天通菜, 一般烏頭魚, 好味酸辣魷魚沙律, $18 只係普通, 可能我唔鐘意食酸野