新水記火鍋 (已搬遷) 新店位置

搭車成日經過這間飯店，通常越夜越多人等位，到 openrice 看食評，竟然係食泰菜既地方，好奇心驅使下，終於到這間位置太不方便的飯店品嘗泰菜。為免人多，趕及在七點前攞位，順利找到一張卡位。牆壁貼滿很多餸菜的名字，除了泰式的食品，還有打邊爐、炭燒和潮式打冷等。我們一行三人，連小食吃了六款餸菜，價錢算是經濟實惠。煎蠔餅咖哩蟹 - 唔夠香鹵水雞什 - 這是特價18元的小食，又唔錯喎。炒什菜 - 種類多，份量足。炭燒雞翼 - 全晚最正的美食沙爹雞紅 - 偏鹹，雞紅很硬連兩支平價啤酒，每人一百蚊，怪不得在如此隱蔽的位置也可以天天滿座。

朋友突然提議走去試試砵蘭街既特式餐廳。途中經過好黑暗既街。行到街尾在遠處己經見到有間燈光火著既餐廳。門口係一間茶餐廳型式既餐廳。但係估唔到可以有火鍋，小菜仲加上泰式食品。真係大開眼介。先講地方，都幾BIG下，坐位與坐位間都唔係有太多空間。四個人， 叫左：炭燒雞翼 8分 野味油王鵝腸 8分 普普通通蒜容蒸勝瓜 7分 普普通通泰式烏頭 8分 冇唸過茶餐廳都食到咁OK 既烏頭。椒檻鮮尤 7分 都係普普通通胡椒豬肚湯 6分 正常啦。。因為好肚餓所以掛住食完先記得影相，下次再食補番數啦。。其實呢家野OK架。。再加埋價錢就好抵食。。四個人食左每人唔洗一百蚊加埋5支大啤。 下再會再ENCORE。烏頭胡椒豬肚湯蒜容蒸勝瓜椒檻鮮尤

天寒地凍有乜好過打邊爐!見食友推介+人氣旺…一試無妨!在旺角內街民居之地,四圍「靜英英」+雙線泊車,有一燈火通明兼有人等位的食店 - 就是「新水記」! 想不到…白天是五金、寄貨的街道,到晚上卻變成另一景象!「新水記」是「地踎」格局,奉勸各位不要「大包小包」、「一袋二袋」入內用餐,因為座位較逼…只會吃得不爽!四人慢吃,由於有朋友不吃牛,故只點了以下餸菜:1.泰式咖哩炒蜆: 蜆無沙、色水合格,但唯獨欠了些蝦醬味;似有點欠傳神!2.煎蠔餅: 正! 夠潮式! 又多蔥、多蠔仔仲溝埋啲粉漿一齊煎…吃落夠煙韌! 我的定點推介,必吃!3.火煱湯底 - 咸菜豬肚湯: 似「例水」,無味又色水「淡」,失望!4.泰式炭燒豬頸肉併排骨: 合格兼有炭香味…最正係它的醬汁,又蒜香、微辣+些少魚露味,一流!5.脆鯇、鱔片、肉丸三併,一般新鮮貨色,不評!6.炸雲吞併韮菜餃:餡料足、夠脆口,正!還有三碟潮式滷水肝、腎、雞腳等…埋單五百元! 總體她的潮式食品較泰式食品出色! 但我個人認為出品合格的,但沒想像中難忘…可能是是晚有人「戒牛、戒生蝦剌身」,而未能盡情「一快朵頤」罷了!

算是遲來的生日飯，跟朋友前前後後約了差不多三次吧，才喬到時間。 也是朋友挑餐廳，朋友說：「不如去吃水記？」西打第一個反應是：「去旺角還是中環，兩家都是怪店。」朋友說，旺角那家！很不錯，剛好想去旺角買東西，是個好機會造訪這家身處於錯落街頭，有著錯落店名字的店。 怎樣錯落？像荒漠一樣的街頭，名字叫作甘霖街。新水記火鍋，主打卻是潮州和泰國菜。 想起何韻詩的歌，汽水樽裏的咖啡，男子身卻藏著一顆女兒心。在朗豪坊後轉，沿著山東街，走幾個街口便到了甘霖街。連街燈不多幾盞的甘霖街，跟到晚上還燈火通明的朗豪坊，活跳脫是個反差。從光明步進黑暗，遠遠看到街中最耀眼的招牌，像提醒人們來這條街，就只有單純一個目的：新水記火鍋。避開在門外的人潮，真的，想不到這樣的一家小店，還真的有不少老饕追捧到這個荒漠。推門進店，感覺就是在古舊街角靜靜發霉舊店鋪，當然少不了那種可以嗅出歲月痕跡的氣味，跟自己說，等待幾十秒吧，讓鼻腔對這種味道變得遲緩便會好過來。剛好門邊剩下兩個位子，跟朋友就擠進去。坐下，第一句就是，椅子塵很多。應該不會是積聚了幾十年，不過剛好不太多人坐門邊，塵多一點。翻開餐牌，看到幾款像沒靈魂的火鍋材料，手便自動

如果不是食友推介是想也不會想到來這間接近零裝修,麻甩風味爆燈的火鍋店來吃口碑甚佳的泰國菜!從名字到環境裝修也很難令人聯想到與泰菜有關!晚上七時半來到已見全場滿座!門外更出現等位的人龍,看來這裡"未食都知幾好食"因早已訂位故店方預留了一間"VIP"房給一行十ニ人,作今晚Happy Friday之用!在等其它食友到來期間已把餐牌看得爛熟.待人齊便立即點菜開飯!雞雜----很久沒吃過有齊腸、腎、膶、心的一副雞雜.較喜歡腎的爽脆及膶的粉嫩質感.花雕雞脚----吃起來皮層有彈性但酒的味道苦而不香.泰式沙律,扎肉沙律,蝦沙律,海蜇沙律,粉絲沙律----其實起初只點了兩份來試味,但當各人吃一口這個有洋蔥、青瓜、蕃茄、蒜粒、甘荀絲、生菜及蔥的沙律後也相繼出現了心跳加速、流汗、伸脷、飲凍飲、停不了口等疑似上癮症狀!沙律的酸辣汁與泰國當地吃到的沒甚分別,有一種令人辣得爽快的感覺!於是便以試不同配料為名而怒吃沙律!泰式生蝦----蝦肉新鮮有彈性,集酸、辣、香的辣汁味道調校得比九龍城大部份的泰菜館更出色!翡翠螺----一磅剛好每人有一隻,螺肉結實乾淨無沙.煎荀殼魚----荀殼魚的肉質鮮嫩,外皮及魚鰭也炸得非常

8月20日（星期五）晚，是晚約了食友「搵食能手」和他的另一半吃晚飯，這頓飯也約了多月才能成事，所以我很期待，準時去接女友收工後乘地鐵到旺角。陪女友買完東西然後慢慢行過來，也比約好的時間早了十數分鐘，但見這店生意極好，不斷有客人進內，為免要等位便和女友先行入座。坐在卡座後就致電給搵食兄，卻沒想到此舉反令他們二人匆匆忙忙地趕來，實在非常不好意思。此店雖名為火鍋，但小菜的選擇比吃火鍋的多得很，還有馳名的潮式食品和泰國菜式供客人選擇。先來一個幾乎是每檯必點的泰式酸辣生蝦，每隻上面都放了一片生蒜片，相信是用來“殺菌”的，入口辛辣非常且有點嗆喉，而附上的酸辣汁亦頗辣，所以蝦肉雖爽滑卻被以上兩者搶了其鮮味；潮式腐皮卷是女友提議點的，切成粒狀的腐皮卷內包裹了豬肉和馬蹄，熱脆香口，最適宜用來送冰凍啤酒，但略嫌炸得過了火；咖哩炒蜆香氣四溢，咖哩汁味道溫和而不辣，用來送飯簡直是一流，蜆的份量雖不多，但我就覺得蜆肉的份量和質素已比想像中較好；飛天通菜脆綠爽嫩，鑊氣十足，既不是用椒絲腐乳或蝦醬來炒，而是用些紅椒和麵醬來炒，味道香甜；後加的咕嚕肉也甚有驚喜，甜酸的味道比重就如醬汁的份量一樣，控制得恰到好處，肉排軟

一直想約千里兄吃飯，可惜大家不是工作忙，就是另有要事在身，經多番安排下，尋晚終於可以一齊坐低傾傾計。約了七半新水記，點知突然要加班，累食友呆等了半句鐘，先在此講聲唔好意思！新水記位於旺角甘霖街，從朗豪坊向新填地街一直行，只需約五分鐘腳程，是典型的大檔格局，環境無可避免比較迫夾，但勝在有氣氛就行了。先有一客泰式生蝦 ($68)，一共十二隻，蝦肉呈半透明，上面放了一塊生蒜，放入口生蒜片有點嗆，蝦肉則爽口彈牙，汁醬夠晒酸辣，只是略嫌欠了一點鮮味。熱辣辣的潮式腐皮卷 ($45)，size 是一口吃的，以脆脆的外皮包著馬蹄、豬肉及香蔥等材料，十分香口，佐酒確係一流。接著的咖哩炒大蜆 ($60)，蜆肉的數量不少，跟青椒、洋蔥、蛋絲等一起炒，但反而惹味的咖哩先係主角，立即叫了兩碗白飯撈汁吃，值得推介。飛天通菜 ($38) 簡簡單單，菜夠爽嫩，再落些紅椒絲和麵豉炒，很有鑊氣！還未夠喉，另要了咕嚕肉 ($48) 及羊肉串燒 ($28)，前者調味恰到好處，甜酸汁剛好掛在肉排上，肉質不死韌帶點彈性；後者即叫即燒，約等了十五分鐘，肉質比想像的腍軟，不會乾過我荷包，肥脂位亦好有羶味，只略嫌比較油，但 $7 一串

　　原來字號是新......水記。　　這個字號近年於旺角迅速冒起，引起不少人士關注與留意，只因當中有四大系鎮江山，泰哥、港仔、潮州叔，還有是中流砥柱，有份建立字號的老火鍋。　　今天機緣巧合之下能夠有緣會面。碰面地點猶如電影情節一樣，灰灰暗暗，地板濕漉漉，牆壁滲透殘舊八十年代的古舊感。身旁不乏一些能操流利三字經的市井小民外，還有西裝筆挺的上班族，果然沒有將人分上中下等。難得有緣碰面，自然要多加留意，一看甚麼底蘊。　　泰哥系，近年為字號帶來不少盈利，自然有一群得力功臣，如冬蔭功、烏頭，不過今天這兩位沒有伴隨。反而有「蝦兵、羊群、雞友」，這三個作先頭部隊，在現場監視片刻，三個的體型與骨骼有點瘦削，縱然有粉飾外表，但仍難掩缺點，舉足輕重仍發覺沒有內涵，相信只作嘍囉角色。跟著入場的是「蝦弟」，充滿朝氣，結實肌肉，給予別人自信，但行事低調，只穿上米黃色的短衣，配上近肉色的褲子。「蝦弟」呼喝前者的小嘍囉，前者的三嘍囉即時鴉雀無聲。與「蝦弟」地位相約的便是「雞翼仔」，外型比「蝦弟」更加健美，骨肉均稱，一身陽光膚色，配搭簡單的衣履，紅色帽子，令人羨慕。果然實力非凡，與「蝦弟」平分春色，各有魅力。最知名的

1行4人, 不過有位朋友stay咗大約半個鐘就走咗..... total食咗$540... 以呢間餐廳嘅價, 好似其實唔係真係咁抵, 不過我男朋友, 食親灰色嘅生蝦, 如果唔夠新鮮嘅話, 佢就會咀腫..... 佢嚟過呢間兩次, 食咗泰式生蝦好多好多好多隻都無事!!!! 所以我地認為呢間D蝦真係好新鮮!! 好味!! 所以以呢個價, 係抵!加上其實我地好誇張.... 叫咗好多味餸.... 仲竟然清哂!!!! 泰式生蝦 x2 豉椒炒蜆 鹵水吊片 沙薑雞半隻 炭燒豬頸肉 羊肉串 x12 白灼唐生菜 鹵水豬大腸 大啤sss道道菜都好好味, 我覺得especially沙薑雞, 好滑!!!我地4個人, 店員本來安排我地坐卡位, 但係d位有d窄, 所以我地要求坐圓枱.. 起初, 店員都不願意, 但之後都俾咗張起碼可以座到8人嘅圓枱我地 好彩咋, 8人枱先啱好夠擺我地d餸 ^O^同埋落單個姐姐都有d細心, 見我地本來叫咗7樣餸, 之後叫我地不如再叫多樣

四年一度的世界盃令師傅忙過不停, 星期六的是日精選有頭盤阿根庭對尼日利亞, 主菜英格蘭對美國, 兩場比賽堪稱非睇不可, 前者有美斯, 後者有朗尼, 所以真的十分吸引! 遇啱六月為好友廢柴牛一, 師傅與一班好友當然要同佢慶祝一番, 借機搵個籍口出黎食番餐, 飲番杯, 睇場波, 顛番晚咁!於是食店就由師傅負責揀選, 而師傅只想揀一間大家都從未食過而有好味嘅食店, 最後師傅發現左呢間食店, 再同食神商量一下, 大家都覺得不錯, 就黎呢間試一試佢! 十四人報名, 於是打電話去留枱, 而訂枱電話竟然係手電號碼, 師傅都係頭一次遇見, 勁呀! 訂完枱, 師傅得到個結果係會留間vip房, 感覺十分好; 由於師傅當晚有事會遲來少少, 預先叫定好友亨利早點攞枱, 當師傅去到食店後發現唔係坐房係坐廳喎, 覺得有d唔對板, 細問下先知所謂vip房其實環境惡劣, 地方又窄, 所以先轉左出去! 師傅覺得如果間房咁差就咪比人坐啦, 不過呢d街坊食店都唔會理咁多架喇!最後十三人出席, 師傅見差不多人齊, 於是開始點菜, 由於大定都冇咩所謂, 所以師傅亦負責發板; 雖然呢間食店掛名係火鍋, 但實質以小菜為主, 再睇真

從來不知有如此食肆, 朋友winnie帶我到此地方, 初頭都有d愕然, 但發覺個度有好多客人, 而客人大多是後生仔女! 根據邏輯推理, 此食肆遠離鬧市, 如果不是很多熟客和好吃, 那個地段根本不會有客人。此食肆名叫新水記火窩, 但它最好的不是火窩, 是家常小炒和泰式風味的菜式, 不得不提是這裡的事頭婆是超級超級好人和非常非常風趣!!! 當晚, 因為只得兩個人, 所以只叫了4道菜: 第一道菜: 咖喱炒蜆 – 咖哩胆近乎馬來西亞咖哩, 很香, 略帶甜, 蜆新鮮, 配料足, 有洋蔥同蔥頭, 有紅椒青椒, 惹味非常。第二道菜: 炒通菜 – 鑊氣夠, 但油多了一點點。第三道菜: 生菜肉碎包 – 跟勁多生菜, 比我在九龍城吃過多間更好。 第四道菜: 花雕雞腳 – 花雕味夠, 入味。本來想嗌生蝦, 因為見到枱枱都有一碟,應該是很出名的, 但因為winnie又不吃生, 我又驚食唔哂, 所以冇叫到, 下次搵齊腳再試。 環境非常熱鬧同埋有點逼, 但是氣氛很好, 三五知己去飲埋啤酒更加相得益彰, 環境衛生有進步空間, 但以大排檔標準是很ok的!

之前黎食過覺得野食好好, 咁0岩屋企開雀局, 就黎呢度外賣番去我地叫左燒小排骨燒雞翼 -- 佢d燒野真係掂的, 真係燒出黎, 似我地bbq 0個d醉雞腳 - 如果你好鍾意食醉雞0個種味, 呢個真係好0岩食, 入晒味咖喱蟹 - 好好味, d汁送飯一流鹽水雞什 - 平, $18, 但係送酒一流飛天通菜 - 我唔知個名點黎.... 不過係一般炒通菜菠蘿炒飯 - 都ok, 不過以前有提子乾好食d不過店入面衛生真係麻麻...

朋友帶我到此店, 說這裡小菜不錯, 看到門面, 一點也不吸引, 但裡面擠滿了食客, 且要等位. 20分鐘後有位了, 朋友發版, 一聽見他叫"生蝦刺身", 真係很詫異, 這裡既不是泰國餐廳, 環境看似有點簡陋, 怕刺身會出事...但見每張檯都好似有一蝶, 即管博一博. 出奇地好味喎 ! 還有羊肉串, 原全有北京街頭風味. 食食吓, 已經投入咗個環境. 油浸筍殼魚, 不會油膩, 魚肉嫩滑, 其他如炒菜都很香口. 可惜我們只有兩個人, 下次一定要叫"咖喱蟹"試試, 看見隔離檯果碟好似好正！"下次", 即是我一定會再去過.

旺角行街買野就方便,搵到好野食的地方真係唔多,我記得第一次嚟到,望見個餐牌都有D擔心,餐牌內居然會有泰國菜,明明係茶餐廳格局,食下小菜,打個泠會正路D,但是朋友強烈推介泰國菜,所以就大膽選擇以下菜色飛天通菜--夠鑊氣,用豆醬香葉同炒,好食泰式生蝦--蝦肉爽脆,新鮮貨,水準之高令我震驚油浸筍殼魚--表面炸到又香又脆,雪白的魚肉嫩滑多汁白灼蝦--大大碟,HK$18交足功課泰式蝦沙律--HK$18一人一碟,夠酸夠辣送酒啤酒最正..............鹵水鴨半隻--鹵鴨肉甜,可惜鹵水不算純厚,一食到翼位,頸位就知鹵水靚唔靚冬蔭功--香料落得夠重手,又多蝦,好味道,但係都有加師傅

朋友介紹去食宵夜,之前未去過,0 裝修一入去d阿姐就話收2點咁我地快快趣咁食不過感覺ok啦叫$18一碟特價蝦,幾平泰式沙律魷魚又係$18雖然略為細碟,就唔係好多魷魚肉不過一試無妨最好食係個燒排骨值得推介唔好食串燒,$6一串完全無肉又唔入味我地入去得夜食到大半個鐘d阿姐已經等收工(點返一台)咁我地就快快趣埋單但係埋單都$190連2支啤酒係幾平