新水記火鍋 (已搬遷) 新店位置

一行十幾人....又一次闖進奇怪的地方...佢留左間vip房俾我地....不過果間房實在太驚人....我地轉左出出面坐...其實無咩好感...成間鋪都係麻luck佬....加埋果間vip room...其實已經想縮沙....不過食完之後心諗...好在堅持....佢既生蝦...烏頭魚....同生菜包....真係令人好回味....好多泰式辣野都令人回味....不過佢地方又真係唔太乾淨同隔涉....服務可以再好d....

尋日被媽咪強烈推介之下第一次去幫趁呢間鋪頭, 出發前聽聞係一間乜都有得食的鋪頭, 不論中式小炒, 泰式風味, 潮州打冷及火鍋應有盡有, 心中已不太樂觀, 印象中從來無一間食店可以應付不同地方風味而又樣樣皆可, 不過始終試試亦無妨。我們到時已是夜晚差不多九點, 鋪頭依然坐滿人, 生意不錯, 最後我地選擇坐係門外位置。五個人叫了以下餸菜:薑葱炒蟹($98): 為兩隻蟹的份量, 蟹o既size 唔算大, 係花蟹, 但肉質好飽滿, 而蟹蓋充滿膏, 加上大量薑葱唐芹同炒, 味道不俗。白灼蝦($18): 特價菜, 以呢個價錢計份量都唔少, 蝦絕對新鮮。 椒鹽鮮魷: 呢碟係我最愛, 外層極度酥脆, 唔會有一層厚厚的粉漿, 味道適中, 必食。炭燒豬頸肉: 味道ok, 但沾醬唔夠泰式地道, 可以再加重辣味。沙薑雞半隻: 竟然隨碟附上雞內臟, 証明應該係新鮮雞, 雞唔肥肉亦算滑, 合格。泰式蝦沙律($18): 呢個又係特價菜, 內有蝦仁青瓜絲及蕃茄, 酸酸地辣辣地, 作為沙律又夠凍, 呢個價錢真係驚喜!泰式炒菜: 炒通菜, 份量大但味道無特別油浸筍殼魚: 無特別, 但唔算差, 不過其他食物比佢好, 所以被

1.泰式生蝦:招牌 必食2.泰式燒豬頸肉: 味道好好3.沙薑雞腳: 味道幾好4.泰式鳳爪: 味道好，有少少辣5.椒鹽九肚魚: 好味.6.炭燒雞翼: 好好味的BBQ, 之前食過燒排骨都ok7.油浸荀壳魚﹕香口 正8. 醉雞: 鮮嫩.9.泰式生菜包: 瘦肉，冇咩油，d肉碎炒到好乾身好正10.椒鹽脆骨腩: 好特別好好味11.薑蔥豬潤: d豬潤好正

食左泰式生蝦、豉椒鵝腸、炸雲吞/鯪魚球、泰式燒豬頸肉同炒雜菜。最好味係泰式燒豬頸肉，香口之餘d肉依然好juicy, 唔會乾爭爭。泰式生蝦都好得，好新鮮同爽口。d蝦同蒜頭個味好夾。千祁唔好諗住自己唔食蒜頭就唔要，一齊食係好好味的。同埋太夜去可能會冇, 要食就早d。炒雜菜唔太油，可以叫佢多雲耳，d雲耳好好味。炸雲吞/鯪魚球好新鮮，係即炸的。我覺得雲吞好味d，隻蝦好大隻。聞說韮菜餃好味d，不過個日去到已經係十點半，所以已經賣哂。豉椒鵝腸都ok，有青紅椒做配菜，鵝腸好爽口。呢度毫無環境可言，不過食飯唔係食環境，好食就得，係咪？.

今日响呢度食晚飯呢間第1次嚟係朋友帶我嚟一入去想去厠所一入去真係幾嚇人dirty到不得了連門都關不了女仕門要留意Ｄ碗筷都幾多油一定要用滚水洗吓先好攞嚟食嘢,,食咗,,,沙薑雞半隻;都幾霉吓Ｄ肉如果唔係有鹽醃過一定幾難入口泰式生蝦;:幾爽口新鮮估唔到呢Ｄ地方都做到泰式既味道雞油炒豆苗:超大碟估唔到今時今日食小菜仍然有咁大碟份量.味道ok盬燒烏頭;好大條燒得唔錯都好鮮味鹽水雞什;覺得洗得不太乾淨所以怕怕地生炒排骨都幾脆同粉唔會太厚肉幾嫩,,如果唔好炸得太耐更加好蠔仔粥;;極力推介好味蠔仔夠肥唔叫一窩只叫一碗都好大碗料又足抵食豉椒炒蜆;雞之外呢個第2最難食好多沙又炒得唔夠獲氣..差叫咗3罐可樂一碗白飯食咁多嘢總共$370元找數抵到不得了食品質素整體都唔錯價錢就更加抵食但地方真係幾dirty都令人有點倒胃口所以下次我未必再嚟如果唔介意呢度環境唔夠清潔的朋友,,呢度的食物都幾好

大學朋友聚會,佢地雖然"麻lut",但同我一樣超為食,仲要去d又好味我唔識嘅地方, 今次水記就係其中之一.6男1女叫左..1. 泰式鳳爪: 味道好,唔太辣2. 泰式生蝦: 新鮮, 好味.3. 炸韮菜餃/炸雲吞: 双拼. 我試左韮菜餃,菜肉份量適中,唔太油,幾好.4. 炸九肚魚: 粉薄,魚嫩嫩,好味.5. 鹽燒烏頭: 泥味重d,但肉鮮嫩6. 炭燒雞翼: 真係好BBQ,好似去左燒嘢食, 好得.7. 泰式炸粉腸: 冇試8. 油浸荀壳: 算唔錯,只係炸耐左少少,乾左d.9. 蠔仔粥: 蠔仔好可愛,好鮮. 粥底味道亦好. 不過好多肥豬膏粒.10. 醉雞(半隻): 入味且鮮嫩.11. 豉油皇炒麵: 油多左d,豉油味唔算重,可以接受.12. 泰式生菜包: 菜靚. 肉碎粒足料. 幾好.+ 藍妹啤酒(唔知佢地飲左幾枝), 罐裝忌廉x1超簡陋茶餐廳格局,但又泰潮菜式,再加火鍋, 仲要味道有水準,唔怪得座無虛設.當然,冇嘢係perfect,嚟得就要接受此處環境及招呼.朋友係熟客,我懷疑有折. 因為實在太平(請埋birthday boy).

3月4日晚第一次幫襯, 我地五個人, 八點鐘左右到, 好彩仲有一張圓檯, 由於時間關係所以冇打邊爐. 叫左泰式酸辣雞腳兩碟, 佢個汁好入味, 好味過九龍城果d. 我地連d菜呀, 蕃茄果d都食埋, 正! 另外叫左鹽水沙薑雞腳, 都好有咬口好夠腍, 唔點沙薑醬都好正. 另外叫左鹵水鴨舌, 係成隻有埋'叉'o既鴨舌, 好似條舌腍得滯, 阿姐特別強調話係新鮮貨. 仲有泰式札肉, 類似酸辣雞腳的汁底, 仲有咸魚炒芥蘭, 咸魚煎肉餅, 但煎得太乾啦仲好咸, 最估唔到係椒鹽脆骨腩, 魚好新鮮好味又唔會太乾, li個超正! 仲叫左o者o者排骨煲, 大蠔仔粥, 有d蠔殻. 我地冇叫到生蝦刺身, 下次有機會要試下. 環境雖然係舊d, 但都幾乾淨呀, 係d阿姐係咁催你叫野食o者

椒鹽雞軟骨<<<很好吃,可惜配了果仁=.=送酒一流煎蠔餅<<<很多粉,蠔在那裡?!?雞翼<<<不錯~甜甜的炸雲吞<<很香口~再來一個豪飲嘉士伯$16蚊枝新樽舊樽環境很dirty,大排檔怕dirty的不要去

地盤收工天氣寒冷正是打邊爐的日子先係0係呢間野門口見到色慾招牌叫"洞瓊湖少女"，真係驚為天人﹗文采無人所及﹗9:00來到，店內好多人，不得不坐街，是日天氣反常，凍到無朋友先要講就係個GAS爐，燒左成半個鐘都未滾，真係火都0黎埋，叫0的阿姐黎比個蓋我地就推三推四，仲幫個爐打氣叫"就滾、就滾啦﹗"，搞到好好老皮的我屌左佢一野佢先知我真係發老皮，即時幫我換支GAS，個湯終於都滾了........呢度除左打邊爐之外仲有泰國野食同埋小炒潮州野等，先點了個泰式生蝦刺身$55，都不錯，個汁好辣，不過不及九龍城泰好味的肥美﹗本地手切肥牛，完全無牛味，仲要煙韌無比，成口渣咬唔難﹗墨丸牛丸行貨貨色，周街都有得買無驚喜，0的金菇切到一條條散開哂﹗差﹗泰式酸辣魷魚好野味，不過魷魚偏少，特價野18蚊有交易帶點將貨就價的意味,......仲點左個小炒王，濕笠笠完全唔係用黎送酒，食左兩啖放棄埋﹗總結........應該或者可能不會再來﹗

雖然在這已留過許多食評, 不過今次不得不留,因實在是太便宜了, 今次叫了9個菜, 如下:1) 花鵰雞--- 這個其實不太好, 因肉鞋了些2) 蒜蓉白菜仔--- 不錯味道剛好3) 泰式生蝦--- 保持水準4) 泰式燒豬頸肉--- 好食5) 蒸魚雲---味道不錯6) 白灼雞雜--- 我男友很喜歡吃但我一般7) 椒鹽蒜香骨--- 肉質很腍不錯8) 白灼蝦--- 很大隻9) 飛天通菜--- 好吃我們5個人是晚只叫了一枝大啤和一鑵橙汁,因男友帶了紅酒過來, 埋單$370左右, 真是超抵….遲些冬天會來試試火鍋.

之前同朋友去食飯, 真係好味.個滑雞煲最正, D雞又香又滑到不得了, 不過成煲大多數都係雞骨.其次伙係通菜牛肉同生炒骨, 樣樣都掂.但最近D食物味道質素差左, 好可惜, 希望佢盡快改善.價錢都算係貴左小小.

朋友去了上海工作差不多一年回來了, 男友又提議來這裡食飯, 叫了泰式生蝦, 朋友說很好吃, 另外叫了白灼蝦很大隻18蚊真的很抵, 泰式豬頸肉, 這個朋友說真的很好吃, 連續吃了很多件, 可能他在上海沒有餐好吃吧, 油浸筍殼魚依然好味, 飛天通菜, 這個不會不好吃吧, 雞雜我覺得沒什麼特別, 但他們說好吃, 椒鹽脆骨腩, 好像沒有第一次食那麼脆, 但都o.k. 泰式酸辣海蜇好開胃, 金牌燒排骨朋友說好掂, 好香, 泰式生菜包酸辣味好開胃, 仲叫左個泰式燒烏頭好正好滑, 加埋都飲左兩枝大藍妹, 8枝大藍帶左右, 7個人埋單530蚊, 成班朋友都嘩然, 又確實十分抵的, 食完當然又要再轉場再飲啦……

星期六提早一日梨食飯, 貪佢抵食又好味, 今次叫油浸筍殼魚($48) 好香口, 白灼蝦($18) 好抵食, 泰式酸辣海蜇($18) 呢個貪佢夠開胃又平, 不過好辣, 唔小得每次必叫既泰式生蝦($50) d汁好開胃, 飛天通菜呢個唔記得價錢不過唔會好貴, 叫左個椒鹽軟殼蟹($60) 好好食,啊媽話貴,但我話食日本野都差唔多啦, 跟住叫左個金牌燒排骨($40)左右, 我男友話好好食, 蒜蓉蒸鮮魷呢個($45)都好食,個底有粉絲, 再叫左者者雞煲($40) 呢個好好食豬潤仲要係黃沙tim, 連蔥頭都好好食, 最後再加左個炸九菜餃, 因為我個妹鍾意食, 呢個點埋d酸汁好好食,我地6個人都食左10個送, 6枝大啤, 半打氣水, 埋單$520, 呢d咁既節日去邊度搵..

26MAY2007飛天通菜... 一流...燒雞翼拼燒排骨... 正~咖哩炒蟹... 88蚊炸... 抵~菠蘿炒飯... 就...麻麻地喇~ 但都OK~全餐都係... 230蚊... (共3個人)...飽死了仲食唔曬添^^

星期六晚啊媽提議梨呢度食因為又平又多選擇, 有中泰菜食,仲有打冷,不過打冷麻麻地, 首先講環境當然麻麻地,同大排檔差不多,不過有冷氣, 我地7點幾去到得番一張6人檯,一梨到就叫碟泰式酸辣海蜤, 酸辣汁好開胃,不過幾辣, 海蜤麻麻地淋左d, 再叫碟次次必食既泰式生蝦, 好鮮甜, 仲有泰式燒豬頸肉, 白灼蝦, 椒鹽脆骨腩呢幾樣次次都會叫, 白灼蝦18蚊碟勁抵, 脆骨腩好香口, 仲叫左鼓椒鵝腸,呢個又係好好食, 好有鵝腸味, 唔似第d 拿過果隻, 得個爽字, 仲有飛天通菜, 不過其實係炒通菜,呢個唔咸幾好食, 最後再整多碟泰式酸辣墨魚, 皆因我地鍾意食D酸辣汁,仲有椒鹽雞軟骨, 呢個唔係好椒鹽, 麻麻地, 細佬話再叫多過酒浸筍穀魚, 佢話出面食要佰幾蚊,係度幾十蚊要試試, 果然好香口,出面脆裡面好軟滑, 我地6個人前前後後叫左11碟野, 幾鑵氣水, 6枝大啤埋單都係480左右, 真係好抵, 一定會再梨.