新泰東南亞餐廳 (太子集團中心) (已結業)

尖沙咀一向多好野食,今次黎到尖沙咀一間樓上泰國菜試一試朋友的泰菜推介。我地都中意食海鮮，所以叫左泰式炒花蛤同推介榜的奶油大蝦！泰式炒花蛤用左好多泰國炒菜的料頭黎炒，火喉十足，食落好香而且芡汁濃，好惹味！奶油大蝦亦都好推介，奶油味香而不膩，而且大蝦好大隻，好抵食！另外仲點左泰式炒椰菜苗，泰國菜必吃！二個人share左碟冬蔭公炒飯，二個人食都好多，炒飯粒粒金黃，重冬蔭公味道。最後嘆返杯泰式奶茶，香濃而且唔會泰甜，味道夾得剛好！

今日約左老朋友係尖沙咀見面，大家都想食泰國菜，於是簡左呢間位於北京道既新泰，點知食落有驚喜。餐廳裝潢充滿泰國風情，而且座位寬落，坐得舒服。餐牌選擇非常之多，我地都研究左一陣先想好食咩。最後點左奶油大蝦：有濃香的奶油味道，蝦夠大大隻，蝦肉肉質爽口，食3隻都唔會覺得厭，奶油仲可以撈飯食。泰式炒花蛤：味道好濃，花蛤數量都多，岩晒重口味人士。泰式冬蔭公炒飯：食落好fresh,好少地方有呢款炒飯，雖然有冬蔭公，但冬蔭公味道唔會太搶。炒椰菜苗夠香夠獲氣。

係咁多款東南亞美食之中，個人最鍾意都係泰國嘢食。今次食呢間位於尖沙咀嘅泰式餐廳，之前唔係呢間分店。呢間分店係第一次食，係樓上店嚟嘅。同好多泰國餐廳一樣，泰國都係有唔少嘅小食。我地點左泰式拼盤，拼盤有蝦餅同魚餅，每款四件，雖然有啲熱氣，唔敢叫太多，但配左個酸辣醬，味道同溫度都唔錯。小食之餘，我哋點左冬陰功湯。酸辣嘅冬陰功湯主要係用嚟開胃。辣嘅程度係我接受到。飲完之後胃口大增，如果驚辣嘅可以點凍飲。我哋點左豬肉配生菜包。豬肉嘅份量啱啱好同生菜包配合。因為唔想太飽肚，所以都係點左呢啲沙律類嘅主菜。個人都幾鍾意食呢道菜，因為口感豐富。另外我哋點左泰式法包配軟殼蟹，有咖喱作為醬料。軟殼蟹鬆脆，冇因為淋咖喱而林咗。建議都係趁早食。咖喱香濃入味，都值得推介。由於太飽嘅關係，都未有點到甜品，只係點左兩杯泰式特飲。整體來講，都算係豐富嘅一餐，同埋環境都算唔錯。

新泰絕對係香港食泰國菜既信心保證，之前同屋企人食過幾次，次次都好好食👍🏻所以之後諗唔到食咩又唔想中伏都會食番新泰去過幾間分店，全部都裝修得好靚好泰風feel ，食物質素穩定，價錢合理泰式燒春雞釀香茅黃飯，全隻燒雞香口嫩滑，加埋惹味十足的釀香茅黃，黃飯粒粒分明，一切開就有陣陣香味燒烤蒜蓉帶子，每隻都有手掌咁大，而且仲落左超級多蒜蓉同芝士，加埋厚實帶子既鮮美，食落好有層次感😚椰青沙冰，由於當日著唔夠衫，食落超凍🤣比較推薦天然椰清必點coconut jelly ❤️一百分既甜品

呢間午餐我食過幾次覺得幾好食，朋友話過嚟接我收工我就介紹咗呢間一齊食晚餐～一上到去都爆曬場好彩提早左book位🤗俾咗個卡位我哋坐座位好闊落，食物質素整體黎講都幾好食，充滿泰國風味😌

實在太掛念我鄉下泰國🇹🇭🇹🇭🇹🇭所以久唔久就想食泰國嘢，呢間餐廳勝在近地鐵站，同埋睇d相片都幾吸引～椰汁冰椰汁冰是泰國餐廳常見的飲料, 這裡的椰汁冰椰奶味超濃郁；即使冰塊慢慢融化後, 淡淡嘅椰香仍然在口中不散！麵包焗咖哩軟殼蟹金黃香脆嘅麵包盛載著滿滿一盤酥炸軟殼蟹, 賣相一絕！麵包出奇地香脆, 沾上香濃幼滑嘅咖哩令人食指大動。泰式炒花甲花甲分量十足, 配上紅椒黃椒, 本身賣相已色彩斑斕, 加上泰式辣椒膏, 惹味十足。冬陰公金邊粉在泰國餐廳必吃金邊粉, 喜歡它粗幼度適中, 配以湯河或炒河均不俗。呢度冬陰功炒金邊粉味道層次分明, 酸辣適中,值得一試。鴨肉生菜包鴨肉有點似廣東的火鴨絲,卻混合了泰式醬,香辣惹味；配合放在爽脆清甜的生菜上面包著吃, 十分美味。

二訪呢間泰菜😍😍😍 因為真係好正宗地道 ～ 環境又舒服！ 成間餐廳大部分既位置都係靠窗 👍🏻👍🏻 環境岩哂同好友知己一齊食下野傾下計🤩 馬拉盞通菜 是必點的👍🏻 我兩次都有叫 因為好香鑊氣同埋食落真係好正宗 香料好重👍🏻 另外今次試左台台都有點既蝦餅 👍🏻👍🏻 勁新鮮出爐 好香口 份量好多 👍🏻 啖啖蝦肉味 好惹味🤣 叫左個乾炒雞河 😋 超級惹味 好香口 👍🏻👍🏻 重點唔會炒到d河粉散哂 斷哂 加左d芥蘭 感覺唔會好油膩 叫多款小食 燒魷魚👍🏻👍🏻👍🏻👍🏻9分 好食 ～ 燒汁好正 魷魚都好新鮮 會食唔停😂😂😂 當然唔小得芒果糯米飯 👍🏻👍🏻👍🏻 要讚讚佢有 黑 白 兩種糯米 一種較鹹 一種甜 夾埋好甜既芒果 兩種感覺😋😋 正 埋尾一流！ 飲左叫左椰青 同龍眼冰👍🏻👍🏻 高水準 成件事好泰😍 友人都大讚下次一定要再黎

預早一日同屋企人做冬。家姐之前試過呢間話好味，就提議嚟呢度食。一行6人星期一晚開心出街食飯做節，冇諗到服務態度好差！d 野食又唔ok！記得叫左個咖哩雞同d 薄餅，媽咪略嫌咖哩汁太少，難以蘸薄餅食，就問位疑似經理嘅男仕，佢話係咁多，要加就比$30！態度差之餘仲好似嫌你阻止佢，最後我地都比錢加左。之後問佢拎隻碗仔，又好似想拎唔想拎咁，完全唔知佢發生咩事？！大家都食得好冇癮！！之前我同朋友都去過河內道間分店食飯，味道都唔係咁差，嗰晚係連碟炒菜都唔掂。應該好好檢討吓。

友人之前嚟食過，大推～見全場爆滿，果真好介紹鴨肉生菜包平時多見生菜包用豬肉，呢度有鴨肉，咁特別，試試先～本身調味適中，食落鴨肉碎配生菜都幾好味，無豬肉咁多肥膏，啱我丫。麵包焗咖喱軟殼蟹😆比想像中巨型！應該4-5人食先好嗌。麵包好鬆、好脆，就咁食都正！咖哩軟殼蟹掂👍🏻咖哩味香濃不辣，軟殼蟹炸得唔錯，好夾。泰式炒花甲用咗好多香草、九層塔炒，個汁同d配菜好好食。而花甲入哂味，當然唔可以錯過～冬陰公海鮮金邊粉冬陰公湯底，味道對板，少酸少辣。配金邊粉，d粉係碗入面未散開，反而唔會浸淋哂，保持到它嘅質地；同時慢慢吸收冬陰公，幾好食。凍咖啡少冰少甜睇它偏深啡色，咖啡味重、奶味輕，少甜真係微甜，完全啱晒我口味😬😬

同朋友搵到呢間係尖沙咀嘅新泰，知道佢有好多分店，二話不說，肯定係信心保證，即刻同朋友上去食返餐好既！裝修好有泰國特色，大大個大象頭，好有feel黎到泰國餐廳，點能夠唔試吓金邊粉，大大個金邊粉，用料十足，花生碎夠多，蝦又大隻又彈牙，好好食。泰國餐聽日點可以冇嗌椰青？多肉多汁，絕配！當然唔少得嘅仲有就係薄餅同埋咖喱，點下食下，仲可以夾住d雞肉食！然後就係馬拉盞炒通菜，馬拉盞夠晒香，通菜夠新鮮！炸蝦餅皮薄肉多，夠彈牙，又夠大大件！燒豬肉勁香勁juicy!!加埋個醬汁成件事好完美！食到停唔到手！金邊粉仲可以加啲咖喱落去食，意想不到咁好味同埋咁夾每人三百蚊左右，抵食夾大件！鍾意食泰國嘢嘅朋友千祈唔好錯過！

今天晚上約了朋友聚會，打算提早給她聖誕驚喜，她喜歡吃泰菜，於是我們在尖沙咀找了一間座位舒適的泰菜餐廳。餐廳門口佈置很有聖誕月氣氛，而且擺放了一張木凳，也可以是成為影相的位置吧。餐廳內裡闊落，位置挺多的，我們到的時候座位都坐得滿滿的。職員遞上餐牌，我們發覺這間泰菜餐廳都頗多選擇的，於是叫了好幾樣美食和飲料，一邊聊天，一邊享用美食。《泰國青芒果沙律》$78平時到泰國餐廳都點柚子沙律，這次試試餐廳推薦的青芒果沙律，青芒果絲爽口，伴有腰果和花生粒，沙律吃起來清新且開胃。《香芒軟殼蟹米紙卷》$88這道小食也頗清新，咸中帶有芒果粒的甜，軟殼蟹頗脆口，米紙卷煙韌度適中，咬上去口感層次很多，又咸脆又甜又清新的感覺。《青檸蒸鱸魚》$168今天跟朋友想吃魚，職員介紹鱸魚比烏頭滑，於是我們點了這條青檸蒸魚，魚肉頗嫩滑，鋪在魚底的娃娃菜吸滿魚汁的精華，非常入味。主菜點了泰式蝦炒金邊粉($108)，賣相不錯；另不得不提番石榴沙冰($38)味道清新，而且不會太甜，我與友人都大讚；最後還點了甜品芒果糯米飯，芒果鮮甜，兩款糯米飯吃上去都暖暖的，點了椰汁本有點甜，吃一口芒果能中和甜度，味道也不錯。這晚大家都聊得滿足，吃

放工約咗朋友去尖沙咀食飯，朋友話想食泰菜，大家就揀咗呢間，方便大家返屋企。一坐低待應就俾咗兩杯暖水我地，再慢慢介紹佢地signature既菜式。馬拉盞炒通菜平時食開既馬拉盞通炒菜味道偏濃，雖然食落好惹味，但食完成餐飯要飲好多水，呢個就啱啱好，唔會太濃但又入味。蜜糖燒肋骨豬肋骨燒到啱啱好，肉軟唔太韌，而且好容易能夠撕開，配埋個醬汁，味道洽到好處。南瓜焗咖喱海鮮全晚最有驚喜既菜式一定係呢個，咖喱味道雖然濃，但加埋南瓜一整食就可以食到咖喱既香味，又可以食到南瓜既滑，好值得推介。👍🏻印度薄餅食咖哩一定要配印度薄餅，好抵食，$32有8塊

如果喺尖沙咀想食泰國菜嘅話就可以試吓呢間，裝修風格充滿東南亞風情，用餐環境舒適，菜式種類包羅萬有而且性價比高！✵豬肉碎生菜包✵泰國菜當然唔少得酸酸辣辣嘅生菜包作為頭盤開胃菜，炒香嘅豬肉碎乾身唔會太油膩，香中带辣，配搭埋爽脆新鮮嘅生菜一齊食口感豐富。✵ 燒豬頸肉 ✵食泰菜當然離不開點燒豬頸肉，呢度做到傳統炭烤焦香嘅味道，肉質爽脆，蘸埋泰式酸辣汁真係perfect match!✵ 燒鱔 ✵平時泰式燒烤肉類就食得多，今次就試吓燒鱔，鱔串鮮美厚肉，經過烤香入口香脆，肉質乾身但仍有魚汁，肥美而不油膩。✵ 泰式炒花甲 ✵顧名思義就係泰式酸辣汁炒花甲，完全展現泰式調味精粹，花甲都非常新鮮多肉，但係個人都係更加鍾意大排檔炒花甲嗰種風味。✵ 燒焗蒜蓉帶子 ✵大大隻肥美肉厚嘅帶子，被炸到金黃色嘅炸蒜蓉包圍住，鮮中帶香，完全感受到炸蒜蓉嘅愛。✵ 飛天通菜 ✵你啲通菜有冇飛天炒我就唔知啦，但火候啱啱好，又唔會太油太黃，通菜好入味。

好耐無食泰國菜，今日一於放工同朋友係尖沙咀搵返間泰國野嚟撐枱腳，誤打誤撞搵到呢間樓上鋪，上到嚟景色都唔錯，坐近窗氣氛都唔錯，環境裝修都好別致。我哋兩個叫咗好多樣野嚟試，第一個係去到邊都要食嘅生菜包豬肉碎，肉碎份量超多，辣度適中，配搭埋生菜就岩岩好中和返，食得出好夠鑊氣！另外炭燒豬頸肉，佢燒到個豬頸肉好嫩身，但外層又有少少燶邊，食落好彈牙！呢道燒鱔係全晚令我最有驚喜嘅一道餸，佢一碟有4串，份量比想象之中多，每串都好厚肉，外皮燒得好焦脆，鱔肉都好實淨，食得出係好新鮮。另外我地都有點燒元貝，個元貝配搭咗蒜蓉同埋牛油去燒，牛油嘅香氣吸收曬，配埋蒜蒸啲香味簡直一流！呢個係泰式炒花烚，呢個醬汁好特別，同平時出邊食到嘅炒法完全唔同，同樣都係好夠鑊氣，隻隻肉質都好肥美！最後我哋都點咗個飛天通菜，份量好夠，味道好夠，好有泰國風味！平時中意食泰國菜嘅記得一定要嚟食下

今曰黎到一間好多分店既泰菜 試試佢係咪真係咁好食🥰😍 位置都好方便☺️ 環境幾舒服 平日7點左右都滿場😱😱好期待☺️☺️嚟到食泰菜梗係要飲下椰青啦🥰 新鮮清甜👍🏻👍🏻 每次飲椰青都要刮晒啲椰肉出嚟食👋💪🏻💪🏻 友人叫左杯龍眼冰😍😍 好多粒龍眼✅✅唔會太死甜 啖啖鮮龍眼味🙌🏻 馬拉盞炒通菜是必點的😍 好正宗！好似去咗泰國夜市咁😇 通菜都好新鮮唔會苦同梅🤣 送飯一流泰式炸蝦餅～ 必點😆😆 炸皮好薄 啖啖香濃蝦肉 好足料真係🥲🥲 重要新鮮炸好 真係好好食🥰 燒原隻魷魚～ 呢個都好好食🥲🥲魷魚調味唔多，主要靠上面嘅燒汁去帶出魷魚嘅鮮味 兩者都好夾 😭✅ 想多層次d 可以點埋隨碟附上既酸辣汁～ 就可以再refreshing 小小 👻泰式乾炒雞河🤪 睇個樣就知鍋氣幾夠🙌🏻 每啖都食到濃厚既鍋氣 👍🏻👍🏻雞都唔鞋 河粉唔好太散 重泰式調味料 ❤️❤️ 份量仲好多😂😂 最後當然要叫返個芒果糯米飯嚟結尾啦🤩🤩 有黑白糯米飯 🍚 前者較鹹 後者較甜 睇你自己preference 我就中意甜既哈哈 椰醬都好smooth同甜度適中 ～ 芒果夠甜 份量理想❤️ 有時分店多都真係實力既保證😍😍 食得好開心下次要再黎😋😋