新泰東南亞餐廳 (馬鞍山廣場)

营业中

休息中

Thai yummy 馬鞍山一定唔會係食物沙漠！今日嚟到食呢間泰國餐廳 真心好refreshing!呢度見到個椰青沙冰超大杯，味道一流，$58 only 😆平過好多九龍城嘅泰國餐廳。 叫咗個signature嘅青檸蒸魚 ，餐廳仲要好細心有得俾你揀魚嘅種類，可以揀烏頭或者👍🏼😆對於對食魚有講究嘅朋友，絕對係個飲食福音😆 條魚上到枱超級大條，但係由於個青檸汁酸辣汁味調得好正，超級開胃，眨眼間就食晒😋最後上台嘅就係超級吸引的的南瓜海鮮焗飯，簡直係打卡able 🫶🏻盤滿缽滿　，材料非常之多！南瓜汁同椰汁嘅配合非常夾。好開胃好健康的一個飯😋$118 only呢一度嘅泰國菜算係好抵食，一定會再返轉頭👍🏼

食泰野唔洗出九龍城啦估唔到係馬鞍山都搵到驚喜泰菜新泰東南亞餐廳成個環境都好泰國 feel, 檯與檯之間都好有空間感, 同場有成家人慶生都唔覺好嘈侍應安排左我地住卡位, 有D泰式咕𠱸, 泰國感大增! 雖然得兩個人, 但由於樣樣都想試... 所以都叫左唔少野 🤣🤣前菜的香芒軟殼蟹米子卷，芒果凍，軟殼蟹係即炸的熱, 加埋D菜同埋佢個泰式汁，好fresh好好味！！另外仲有蒜香雞翼，D蒜都係即炸，分量勁多，CUM住哂D雞翼，好食之餘仲十分足料。主食方面，去泰國餐廳一定必試冬陰公，instead of 冬陰公湯（因為想食多Ｄ），我地叫左個冬陰公湯海鮮金邊粉，我一向都大分喜歡冬陰公，酸酸辣辣加埋香茅味，令人食指大動，呢個陰公湯入面的金邊粉，硬度適中，食完一啖又一啖。重頭戲係南瓜海鮮焗飯，賣相都唔洗我多講，一放落檯就聞到好香好Cheesy，一放入口，濃濃椰香味，十分滿足。炒菜呢，佢嘅油分同咸度十分適中，馬拉盞同菜味並存。甜品方面我地叫左個椰子 pancake，佢唔係平時的pancake，係似椰肉mix左Ｄ年糕咁，有特別的彈牙感Overall 新泰東南亞餐廳 係值得試的!

夏天超級適合食泰國菜！香辣嘢味😆開胃👍🏼雖然平日黎但都座無虛席！ 好在一早訂咗位！ 有BB車，所以餐廳預早安排適合擺放BB車的位置👍🏼非常細心我哋先叫咗一個small 冬陰功湯，雖然叫small size,三個人飲到啱啱好$78 一碗(small size )非常之yummy,好多材料，估唔到仲有一隻大虾。泰式金邊粉，係每間泰國餐廳的指定菜式，仲有個好靚嘅雞蛋網又可以打卡又食得！ 份量非常多，三個人都食唔晒！芒果軟殼蟹紙米卷 👍🏼非常消暑好味😋份量有好多！$88 一客，每一舊都好多材料！真材實料！個sauce 酸酸辣辣 正食得非常滿足

呢間嘢可以話係馬鞍山嘅滄海遺珠，其實佢個位置係好方便嘅，搭馬鐵馬鞍山站海栢出口，5分鐘內就行到過去，不過呢佢個位置呢就比較隱蔽，唔熟馬鞍山嘅朋友呢就要搵海栢嘅渣打銀行位置，大約係嗰個位，行行吓就會見到有間好有泰國風味嘅餐廳🇹🇭🇹🇭🇹🇭🇹🇭Aiiiii! 不過，其實佢主要係做東南亞嘅菜，唔單只係泰菜㗎！（我都係睇個餐牌先知🤣🤣）今晚兩隻餓鬼叫左勁多野食：：：：前菜：即炸軟腳蟹芒果米子卷（有冰火感覺！）蒜香牛油雞翼沙嗲串燒主食：🍜冬陰功海鮮金邊粉(冇得去泰國又掛住冬陰功嘅朋友，誠意推薦你試呢間!! 好足料有香茅仲有南薑；弱弱一說，叫咗呢個可以唔使叫冬陰功湯🤣🤣因為應該都一樣咁好味）🎃 日本南瓜焗海鮮飯(有去開買餸嘅朋友都應該知道，日本南瓜係好貴㗎！自己整又多功夫，所以呢唔想整又想食可以嚟呢度啊。佢入邊個焗飯充滿着日本南瓜嘅香味再加埋椰汁，啲飯質地仲要係琳琳的，加埋上面嗰劈芝士，實在係好好味呀）馬拉盞炒通菜（吵得唔太油👍🏻)甜品：椰子pancake 🍰 佢唔係我地平時食開嘅pancake🤣🤣 似係椰肉加年糕嘅感覺🤪🤪 食到好飽！好滿足！

真係平靚正嘅泰國菜之前見尖沙咀果間分店成日放工啲人係門口排長龍等食！適逢馬鞍山開咗新店，而且又想同姨生女farewell即刻約埋姨媽一齊幫襯下啦！試吓呢間泰國餐廳有幾咁好食先得😋唔食唔知佢真係咁好食，叫到成枱都係嘢食但價錢都唔貴呀！人均消費百零蚊食完個個都讚好👍個人覺得最正係麵包焗咖哩軟殻蟹🦀️，外面食嘅麵包通常硬到石頭咁！呢度個法包不知幾咁正「外脆內軟」加埋d咖哩汁仲好過配印度酥餅呀軟殻蟹又不是炸到硬晒！蟹身軟硬適中好過日式料理果款製作其次泰式蝦餅都係我至愛，入口都知d油係新油炸呢份蝦餅😍最後一定要叫泰式甜品，我哋叫咗個拼盆真係每一款都極度好味唔係C甜個種㗎！我和老公最鍾意啡色嘅椰絲糕，真係有椰絲好似返咗去細路仔時候食嘅椰絲糖咁㗎

好多人都話馬鞍山係美食沙漠 但今日朋友約我去馬鞍山就睇下佢帶我食咩先Menu 有好多野揀 價錢都可以 不過就冇set 要單點先叫左個前菜 醃無骨沙律鳳爪份量唔算好大份 但算足料 幾多配菜 味道方面 我覺得幾岩口味唔會太酸 同太辣 開胃一流好想食咖哩所以叫左咖喱蝦加印度酥餅 咖哩蝦有8大隻 仲有d 洋蔥 蔥 蛋花 做配菜蝦幾新鮮 同爽口 食落啖啖肉 再配埋酥餅 有成8片 好香牛油味 沾咖哩好夾兩個人食真係好飽呀平日7、8點都坐滿 咁多捧場客 點會係沙漠呀 ？！？

馬鞍來勢洶洶 快快脆約朋友食個晚餐先 唔係太餓 叫左串燒 朋友唔食牛 所以揀左豬 同 雞 各3串 差唔多枱枱都有叫 應該唔會伏襯熱食 豬肉 有用醃料醃過 食落好juicy 又唔鞋口雞肉食落雖然冇咁濃味 但點埋沙嗲醬就岩岩好 都唔鞋口酥炸香茅魚配青芒果沙律雖然等左10-15 分鐘 但黎到見到 就知點解製作需時 佢用原條魚 先起魚肉 再沾粉漿 炸到好似炸魚薯條咁 連骨 同香茅都炸埋食落脆卜卜 好香口 肉都炸得岩岩好 原條魚同普通炸魚柳真係唔同d 青芒果沙律好有驚喜 食落勁fresh 酸酸甜甜咁 去油膩一流呀

馬鞍山的新泰東南亞餐廳位於馬鞍山廣場，它的所在位置有小小難找，因為正是在角落位，但也無損它的人氣。我今天在新泰吃了一個泰式午餐，有香茅豬扒河粉及椰青班戟。香茅豬扒湯河：豬扒炸得香脆，大大件啖啖肉，河粉幼滑，湯底味道夠但不會過濃，應該適合大部份人的口味。椰青班戟：最初我以為它的賣相會是跟芒果班戟相似，但最後竟然像西多士！味道就非常熱帶風味，椰青味很濃郁，也有椰青肉在裏面，班戟的口感黏黏的，很有咬口，但吃兩件已經很飽了，建議多幾人開心share。另外值得一提的是這裏的裝修，很有熱帶風情及渡假的感覺，在這裏吃餐飯放鬆一下，獎勵自己都不錯，但服務員的服務如果可以再親切慇勤一點更好。

今日同老公睇完醫生，然後就黎左呢個商場食飯。行過呢間餐廳，見到好多人等位，應該唔差，原來係食泰國嘢，咁我就話不如食呢間。裡面地方大，入到去已經有好多客人。打開餐牌都有好多選擇，個樣又靚，我哋叫左炒菜同焗飯。馬拉盞通菜：都算大碟，味道鹹鹹香香，佢仲連埋細細粒蝦米仔一齊炒，夠晒味道，唔錯。日本南瓜焗海鮮炒飯：好有份量，芝士鋪面好香，南瓜好大隻，一路食一路出緊煙，南瓜甜甜地，唔太硬唔太淋，口感剛好。裡面海鮮有蝦、青口同埋魷魚等配料，飯炒得比較濕潤唔會乾，口感好好，唔會太鹹，炒得好好食。

今日約左朋友去馬鞍山食飯，佢帶左我去食泰國嘢。朋友話呢間餐廳成日都好多人等，等左一陣就可以入去。餐廳都幾大，全場都爆晒。朋友話事，點左一個小食，一個飯同埋一杯飲品。椒鹽軟殼蟹：估唔到份量都多，剛剛炸起，入口仲係熱，連埋炸香嘅洋蔥、蔥、蒜同一齊食，香口又脆。越式燒春雞釀香茅黃飯：旁邊有沙律菜跟，味道清新爽口。燒春雞燒得幾好，唔會燒到好乾，有肉汁，都唔細隻。黃飯又唔會話好重香料味道，鹹鹹地，帶少少雞油，估唔到咁好食。紅豆冰：幾大杯，夠凍，紅豆細細粒，夠淋夠甜，好香椰汁味。

已前在新泰食過晚飯，味道唔錯。今日同同事入馬鞍山開會，她推介在這裡食午餐，一於試吓。見到餐牌選擇幾吸引，而且價錢合理，$75 包飲品，另可以$28 加小食，因兩個女仔，正餐都未必食得哂，我哋冇加。我們揀了泰式海南雞飯及越式蟹肉炒粉絲，餐飲熱檸茶。見很多人都叫了海南雞飯，質素應該唔差。上枱時，它以木漆盒裝著，感覺高貴，有啲日本feel。份量很大，尤其是其雞油飯，超過一碗的份量，伴有冬瓜湯及炒雜菜，正。先試海南雞，雞肉很嫩滑，有雞味。它份量多，超過1/4隻雞，有雞脾及鷄翼，絕對超值。蔬菜及湯，亦清甜，必食之選。😋😋😋這個炒粉絲完全令我喜出望外，望落已見很多蟹肉、蝦及雜菜。食落十分之香口，粉絲幼滑，蟹肉鮮甜，簡直食到唔停得口。最難得的是油不太多，碟底不會有油，勁。👍🏻👍🏻👍🏻食完飯餸，尤其是炒粉絲，有杯檸茶解吓油膩，十分之好。

講起食泰菜多數唔係諗起西沙茶座就係九龍城，但有個住馬鞍山朋友話馬鞍山廣場都有間泰菜好得，咁我住係附近梗係要試下，間舖係正角落頭，平時行過都真係唔為意。入到去見到裝修好有泰國特色，由燈到梳化，甚偷聽到侍應私底下都用泰文溝通，我幻想緊自己去左泰國。由於我地得2個人又樣樣都想試就簡左：椒鹽軟殼蟹$78呢個炸得火喉啱啱好，啱唔會太燶，又唔會太油。泰國街邊豬肉串$68呢個唔怪得一個手指公，因為真係好好味，厚肉得黎意外一d都唔韌，仲好入味，加埋酸酸地既汁，真係一人兩串都唔夠喉。喇沙蝦米線$78呢個湯好香椰汁味，而且最欣賞佢連米線都好入味，蝦亦好爽口。印度薄餅$32呢個估唔到有8塊咁多，好香好酥，就咁食都好好味，我食左4塊都唔厭。芒果糯米飯$68呢個椰汁好香，唔會死甜，好好味，我地都ko 到一粒飯都冇剩。總結，以後唔洗去九龍城食泰國菜啦，呢到又好味又好食。另外，姐姐服務都好好。

🌺🌴🇹🇭【 新泰東南亞餐廳 】🇹🇭🌴🌺⋄—————⧫♟⧫—————⋄「新泰東南亞餐廳」已於香港經營20多年，由著名泰籍廚師主理，不斷創新，精心製作泰、越、星馬美食🥰⋄┄ ┄ ┄ ┄ ❖ ┄ ┄ ┄ ┄ ⋄🥘咖哩蝦（$188）咖哩整體偏甜，味道超濃郁，有蒜蓉、紅椒、洋葱，仲散發淡淡椰漿香，點蒜蓉包食真係一流。共有八隻大蝦，蝦肉彈牙，早已去殼挑腸，可以成隻放入口，非常方便。🥖蒜蓉包（$32）烤至金黃色，香脆可口。🥭芒果糯米飯（ $68 ）次次食泰國菜都一定要點芒果糯米飯。呢碟芒果糯米飯都好好食，一碟有齊白糯米同黑糯米，口感軟糯帶嚼勁，滲滿椰香。加上香甜多汁嘅芒果肉，沾上鹹甜濃厚嘅椰奶，超滋味！⋄┄ ┄ ┄ ┄ ❖ ┄ ┄ ┄ ┄ ⋄📍地址：馬鞍山西沙路608號馬鞍山廣場2樓259及260A號舖 ⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesh

馬鞍山一向都說是美食沙漠，最近發現馬鞍山有新泰東南亞餐廳的分店，於是就跟友人再次到訪餐廳，吃吃質素有否不同。餐廳係馬鞍山廣場比較入的位置，找了一會兒才找到，門面入口很寬敞。我們進店餐廳人已不少，但不用排隊，於是我和友人點了三個菜式享用。當中發生了一些小插曲，我們下單了半小時仍未上第一碟菜式，肚子實在有點餓，與友人也有點不耐煩，職員多次幫我們追單，恰巧聽見隔離座位的客人也是等了很久仍未上齊菜式，顯得有點急燥，職員努力地安撫，也許恰巧是這天厨房出現混亂吧！《蜜糖燒肋骨》分量一般，肋骨不太多肉，肉質還可，燒得很香口，吃起來甜甜的，點點附上的醬汁，挺惹味的。《泰式蝦炒金邊粉》去泰國餐廳大多數會點的美食，這個味道比起尖沙咀分店惹味，色澤看起來也不同，依然是必點的好味美食之一。《泰式炒什菜》分量尚可，賣相比較遜色，但吃起來清淡可口的，比起其他濃味的炒菜也是一個不錯的選擇。總括來說，恰巧於這間餐廳分店的體驗一般，希望下次上菜速度有待改善吧，這樣享用美食時心情也會不一樣😀

呢間泰國菜真係又抵食又好味😋今晚點咗三個餸，最有驚喜嘅係隻燒春雞燴飯。燒完隻雞，再將啲黃薑飯攘入隻雞入面，等啲飯吸收晒雞嘅精華，每一粒飯都有雞油嘅香味😍。個冬陰功湯都唔錯，夠酸夠辣，配料都算多🤣咖哩麵包就不過不失喇。最推薦嘅都係燒春雞飯🥰