新泰東南亞餐廳 (馬鞍山廣場)

营业中

休息中

今個父親節，諗住簡單同爸爸喺屋企附近食餐飯，好彩馬鞍山呢個美食沙漠開左新泰🥰 以前都喺佢地其他分店食過，念念不忘，今次試埋馬鞍山分店的，一啲都冇失望🥰1️⃣豬肉碎生菜包好香嘅香葉味☺️豬肉碎食到有肥豬肉，好香！加埋辣椒同蔥頭一齊炒超惹味😋如果可以有多啲生菜就好啦😇2️⃣麵包焗咖喱軟殼蟹平時我唔係好食咖喱，但呢個有驚喜！好香唔會好辣，連埋個焗到外脆內軟嘅麵包一齊食，真係keep住食到唔停口😋軟殼蟹不過不失，好似有啲比個包同汁搶左fo🙈3️⃣青檸蒸魚(烏頭)百幾蚊嘅蒸魚，應該好少地方食到。呢個用泰式煮法，加埋香料同青檸一齊蒸，帶出泰式嘅酸辣🌶，一啲都唔腥☺️仲好細心比多碗湯汁我地for滾住👍🏻4️⃣泰式蝦炒金邊粉呢個又係必點！好好心機整左個蛋網cover住個粉，食落係正宗嘅味道(唔知點解其他餐廳的會食到好大陣茄汁味😅)仲要有幾隻大蝦🦐5️⃣椰汁西米糕最後食左甜品作結☺️唔會太甜，入面有芋頭同馬蹄，好食🥰只能說佢地喺馬鞍山開分店，實在係太造福人群❤️一定會再去！

今日放工約咗人喺馬鞍山廣場，咁就諗住不如試下喺度食埋飯啦，就行咗入去一間新泰馬來西亞餐廳，餐廳門面都好靚，入到去坐位都好闊落，餐牌睇落去都好多嘢食喎；簡單地點咗豬頸肉沙律，泰式雞肉青咖哩，印度薄餅，同埋日本南瓜海鮮飯。首先嚟咗個泰式青咖哩同埋印度薄餅，個青咖哩之中嘅配菜好似南瓜，豆呀等等實在係超好味，再加上印度薄餅真係一個絕配，不能不試；豬頸肉沙律，最初以為豬膶肉擺喺沙律上面，原來完全唔係，我覺得應該叫做豬頸肉生菜包，因為佢係比一小盆生菜你，去包住啲豬頸肉嚟食，食落好清新，豬頸肉唔會覺得油膩有生菜嘅中和；最後送來巨型嘅日本南瓜海鮮飯，面頭有焗溶咗嘅芝士同埋好香嘅椰汁味，而分量亦都相當之大，足夠兩個人食，如果下面嘅南瓜飯可以再加啲料去炒炒佢呢就完美喇，亦都可以用匙羹刮一啲南瓜肉嚟到餸飯。估唔到馬鞍山都有好味嘅馬來西亞食品餐廳。

放假日，梗係要嘆翻個滋味泰菜啦🇹🇭新泰東南亞餐廳係香港唔同地方都有分店，開到周圍都係，就當然有佢嘅致勝之道啦——夠地道夠Thai😙❗️記得上次同朋友一入到新泰餐廳嘅時候🍴個感覺真係猶如置身泰國咁，除咗佈置裝修有泰味，就連身邊人(侍應們)都係講泰文嘅華僑嚟架！2個人撐枱腳，叫嘅餸菜唔算多：🥗醃無骨鳳爪沙律濕悶嘅天氣，特別掛住酸酸辣辣嘅味道！特別order咗鳳爪沙律作為輕盈又好食嘅前菜，非常之開胃！🍤咖哩蝦配印度酥餅咖哩味道好香，口味有少少迎合咗香港人，偏甜唔太辣；酥餅有濃厚麵粉香，一片烤餅被撕開不同大小，有薄有厚，最適合就係用嚟搭配咖哩一齊享用🤤🥩燒西冷牛排牛肉味好濃郁，特登嗌咗5成熟，除咗試到牛扒肉香之外，同時亦保留到嫩滑質感✨椒鹽軟殼蟹軟殼蟹口感甘香酥脆，口感超級豐富，配上惹味椒鹽齊齊炒，Perfect！😋

夏天每日都非常炎熱兼焗促🥵難得出街覓食，一於就去食酸酸甜甜嘅泰國菜✅一嚟到餐廳坐低，即時嗌翻個椰青，清新又夠解渴⭕️仲叫咗個酸辣清新開胃前菜無骨鳳爪🤓成個人當堂fresh哂！主食叫咗🥩燒西冷牛排份量方面2個人岩岩好夠食！牛肉味濃郁；5成嘅熟度juicy得嚟又唔會韌！點泰式汁酸酸辣辣好開胃🤩另外叫咗軟殼蟹，經熱油炸過，甘香酥脆，蟹肉同埋外層軟殼一齊食，口感特別豐富，配上椒鹽炒更加惹味！一啖椒鹽蟹一啖椰青，絕配😋仲有叫咗咖哩蝦係朋友落order一定要叫嘅菜式；味道唔算太辣，椰香味就相對重好多啦～ 酥餅沾上咖哩汁一齊享用，完美呀🤩

有食物沙漠之稱嘅馬鞍山，終於有一間好食嘅食店！呢間泰國菜價錢經濟，而且選擇多，味道仲非常好，真係馬鞍山之選。坐咗喺卡位好舒服。呢度服務都唔錯，叫咗我最鍾意食嘅炸蝦餅。炸蝦餅一份有八小件，而且好香脆又彈牙好食！另外叫咗烤魷魚，烤魷魚有泰式辣醬，魷魚都幾香點辣醬好惹味。另外再叫咗個菠蘿炒飯，用菠蘿裝上。啲飯有黃薑粉，所以好金黃、而且好多配料有青豆、紅蘿蔔粒、蝦、肉鬆、果仁等等。飲品叫咗杯青檸梳打、酸酸甜甜，好解渴。

放工約咗朋友去馬鞍山食飯。上網搵到呢間泰國菜，口碑唔錯！咁啱又想食泰國菜，一於去食下。馬沙拉咖喱雞$88，咖喱雞分量夠多、而且入邊仲有青椒🫑、薯仔🥔等等配料。咖喱唔辣但係幾香！蒜蓉包$32，食咖喱必叫蒜蓉包！蒜蓉包新鮮焗起，好脆！蒜蓉味幾香，又有啲牛油味！用嚟點咖哩好食！烤原隻魷魚$98，魷魚唔多調味，個樣燒得幾靚，而且切成一件件。鍾意辣辣地濃香嘅可以點辣醬。馬拉盞通菜$75、馬拉盞通菜夠鹹香，通菜非常夠味！

估唔到泰國菜都有印度烤餅及巴東牛肉食。以前去都係食泰國菜， 今晚去食， 居然有驚喜。2人7點晚市。印度烤餅 。 8分 有牛油香味， 夠鬆脆， 如果唔點咖喱 ， 就咁食都好好味巴東牛展。8分 咖喱汁味好香，用來 配印度烤餅食或者撈飯食一流 。 真係估唔到馬鞍山泰國菜都有巴東咖哩， 仲要唔差， 有水準牛展份量多， 而且夠冧 燒安格斯牛。 6分叫咗五成熟， 但 唔夠冧， 比較靭， 醬汁酸酸甜甜幾開胃 ，但整體一般。。<ok >.冬陰功海鮮炒飯. 6.5分 略嫌唔夠冬陰功味, 不過海鮮份量都多, 重味d更香。總評： 食物質素好左。有特別食物。 個人比8分

午餐75元加一，小貴。款式有蝦醬炒飯，海南雞飯，香辣豬頸肉炒河，咖哩海鮮飯等，包括飲品。是次推介香辣豬頸肉炒河。名字是香辣，但不是很辣，屬於超徵辣。豬頸肉很脆口，肉和河粉比例恰當。河粉是泰式的闊河粉。最底還有生菜墊底吸油，事實上也不算油。貪得意加了28元點了個馬拉盞炒通菜，可惜很細碟，以28元來說，份量乘2就差不多。星期六中午過12點都有些人等位，尚算受歡迎。餐廳佈置夠泰式，服務一般。午市12：50前埋單，有九折。

呢間泰國餐廳尖沙咀分兩間分店已經試過很多次了，今次因為方便老人家關係所以來馬鞍山店方便些，我們四人決定點了二人餐加多份印度烤餅、泰式蝦炒金邊粉因為佢哋二人餐份量都好多～二人餐包括：泰式炸春卷馬沙文牛腩馬拉盞炒通菜印度烤餅餐茶每一款食物和尖沙咀店都保持水準一樣～都係咁好味，而且服務都係咁好～所以呢間泰國餐廳我哋都好鍾意！

前排在家工作困得太耐,趁疫情減退,放假同honey入馬鞍山「海之心」漫步打下卡。漫步完再來個東南亞美食😜雖然餐廳係商場內比較偏嘅位置,但近馬鞍山站。座位相當寬闊、裝修華麗,見幾多食客,食物質素應該幾高。我哋倆個人嗌咗一個小食、一個菜、一個炒金邊粉同一個甜品。🍴蒜蓉炒貴妃苗炸蒜蓉加生蒜粒炒出蒜香翠綠貴妃苗,清清哋吾油膩！🍕印度酥餅酥餅兩面金黃,外皮焦酥內軟糯。就咁食已經好好味,下次可以嗌多個咖喱點嚟食,多重口感。🍝泰式蝦炒金邊粉金黃色嘅蛋網包住金邊粉,加上花生碎同青檸檬伴碟,賣相紮實誘人。橙黃色嘅金邊粉炒得乾身,甜中帶酸,質感彈牙,加上鮮蝦、芽菜、硬豆腐、韭菜等同炒,撈埋花生碎同滴上青檸汁,口感豐富😋！要讚下位大廚師個蛋網做得非常好👍🍽️千層糕點飽都有個甜品胃食埋個軟糯Q彈,有椰香味又暖暖地嘅千層糕😋呢度除咗坐得舒適外,食物份量十足,加上泰籍嘅服務員,好有泰國feel!

新泰東南亞餐廳泰國食物😋😋😋😋😋去食咗咁多次，今次一定要出返個post因為呢個雞飯實在太好食啦泰色燒春雞釀香茅黃飯一個人都食得晒😋😋😋😋😋必食👍👍👍👍必食👍👍👍👍必食👍👍👍👍重要的說話要講三次🤣🤣🤣🤣🤣店內大多數是泰國人非常有禮貌，服務快到非常好環境又清潔串燒也食必食之選串燒有燒牛肉燒頸肉燒鳝片燒菠蘿燒羊肉燒鱸魚燒雞肉飲品推介芒果沙冰，泰式奶茶，椰青

今日超級大雨，突然想食少少辣嘅嘢，於是搵到馬鞍山呢間新泰東南亞餐廳，門口同其他泰國餐廳分別不大，但內部嘅燈光設計及室內裝潢就別具心思。燈罩用了紅綠配膝枝色系，感覺溫馨得嚟有情調，係一家人、三五知己或者情侶都適合嘅餐廳今次叫左香芒軟殼蟹米紙卷、泰國街邊豬肉串、冬蔭功海鮮金邊粉，飲品叫左杯Lychee Mojito,甜品就叫左芒果糯米飯首先上左香芒軟殼蟹米紙卷，朋友話比其他餐廳食過嘅好食，軟殼蟹脆口而不油膩，但唔食蒜嘅朋友記住要整走表面蒜片泰國街邊豬肉一上台已經吸引我嘅視線，就咁睇就知肉汁豐富，咬落肉質鮮嫩，朋友食到想食埋我果串🤣當然比我阻止左冬蔭功海鮮金邊粉有多種海鮮，蝦、魷魚、青口，仲有好多菇👍🏻辣度岩岩好去海島旅行最鍾意叫返杯荔枝特飲，杯Lychee Mojito 令我諗起旅行放鬆嘅感覺，本身唔飲酒嘅我都接受到，酒精成份不重每個晚餐嘅結束，最正就係有個好食嘅甜品，芒果糯米飯甜而不膩，除咗糯米飯之外仲有紫米，我本身唔鍾意食太甜，配合紫米一齊食就甜度適中

香港人齊心擊退疫情後，限聚令有放緩，政府派發每個成年人消費券，話名"消費券"大條道理出外消費😃😃朋友相約到馬鞍山食好“東西”我找來找去到找不到"新泰東南亞餐廳”餐廳位置比較偏僻，因我不是地膽😁😁,但是餐廳都高朋滿座呀，餐廳很有東南亞feel1.椒鹽軟殼蟹~軟殼蟹脆卜卜，啖啖肉食到蟹肉味，伴椒鹽可口入味。2.越南烤蔗蝦配檬粉~鮮嫩蝦肉吸收清甜甘蔗，吃完外層彈牙蝦肉，還有微微熱甘蔗，真是美味無窮。甘蔗烤過後更加清甜，只有一個動作不停地咬……咬將甘蔗榨乾榨淨😆😆😆檬粉好彈牙佐以甜酸辣渃蘸，感覺好清涼美味3.串燒(雞、牛、豬)~雞、牛、豬肉大件夾低食，肉質非常juicy,甜甜地相當夠味，但是配上沙爹醬更是絕配👍👍👍4.泰式甜品小拼盆~款式多多一次過滿足晒心頭好甜品食客：有西米糕、椰汁班蘭糕………等美道不錯椰香味濃郁又不會太甜，非常滿足😊

今日想趁着假期行下馬鞍山海濱長廊，我哋下午四點由沙田圍開始，終點行到馬鞍山站。傍晚終於行到馬鞍山站，行到攰攰地就在馬鞍山廣場揾野食。在商場見到poster有間東南亞餐廳叫新泰。我地在門口等左一下就入得。入到去被安排坐在呢個位，讚👍🏻坐位放枱係咁既：我哋兩個人，嗌左兩個主食，分別係馬沙文咖喱牛肉、越式香茅豬扒、蒜蓉包、印度酥餅、白飯，最後甜品仲有芒果糯米飯。馬沙文咖喱既牛腩好林、好正；越式香茅豬扒好鬆軟，有唔少香料；蒜蓉包都好香脆；印度酥餅好鬆脆，一啲都唔韌加左個靚仔白飯送咖喱牛腩同埋香茅豬扒。而今餐最後上既甜品係芒果糯米飯，店員仲幫我哋換咗新嘅甜品碟&餐具。見到熱騰騰嘅白糯米同埋紫糯米，表面仲曬咗芝麻，餐廳真係非常之有誠意👍🏻👍🏻今晚埋單$340，人均$170。

今日MOS開餐揀左呢間泰菜呀之前食過DINNER都好不錯呀有SET LUNCH WOR揀左~冬陰功海鮮金邊粉一黎到賣相幾好份量係幾多下唔只金邊粉海鮮份量都多雖然只係蟹柳...蝦....尤魚蝦肉質OK呀唔會淋晒果D~青咖哩雞配米線黎到見到個米線幾淋下本人鍾意食淋可接受既不過應該好多人唔鍾意呀雞肉還好啦有幾舊偏鞋個汁撈埋米線食好夾OVERALL都滿意既~加配左個炒雜菜都好OK熱辣辣黎到有少少炸蒜0係面幾香呀