新派韓食館 (已結業)

開左咁耐都未試過, 上星期終於同朋友黎食. 地方好大, 唔駛等位. 我地兩個人叫左個部隊鍋同吞拿魚紫菜卷. 部隊鍋真的不外如是. 唔見得有任何特別, 都係年糕午餐肉公仔面. 旁邊既芝士同蛋又唔見得好味. 可能係因為個爐係gas 爐太細, 根本只係慶熱佢..吞拿魚紫菜卷..以往係生, 點知係熟既吞拿魚..真的呆左. 勁多紫菜, 多到滿潟, 唔知想點...點解大家都覺得好味既 ? 定係我地唔識叫岩既野食??真的十分失望.

呢排唔知咩事係咁食韓國野😂就連今日去拜完車公都走左黎sister korea cafe食韓國野。韓國菜炸雞又出場啦~ 不過我覺得呢個味道就真係一般，純粹只係啲啲醬淋係炸雞，雞冇點醃製過，唔算好好食，可以再好啲。醃蘿蔔就唔錯，酸酸地去下油炸感。前菜因為好肚餓既關係，我都要叫番座「山」咁大既炒飯飽肚，所以好唔客氣叫左呢個辣漢拿山芝士蛋熔岩豚肉炒飯。見到成盤泡菜，紫菜，豚肉，芝士同蛋漿，一望就知份量幾重量級😛炒飯會有一個oppa幫你炒，好似平時食燒肉咁。Oppa首先倒哂啲kimchi，豚肉同紫茶落飯，然後整鬆個飯炒呀炒，之後同咁上下倒啲醬落去，最後係飯外圍倒埋蛋漿同芝士圍個圈圈就完成呢座山。我覺得啲蛋唔夠滑，芝士味唔算濃，突然好掛住outdark啲芝士，雖然食到滯，但係好creamy啲芝士。炒飯就唔錯，飯炒到粒粒散開，而且辣醬勁入味👍豚肉(其實我覺得似五花腩)好爽口，偶然食下都唔算過份😂忌廉插柚子沙冰冇一般咁甜，可能因為啲冰溝淡左? 正常忌廉超甜，不過果日飲冇over甜味。柚子味係有，不過係淡啲，可能唔想甜上加甜?朋友係咁話杯意大利咖啡苦，係咁加糖。

約左個姐妹入左大圍個Friend 屋企，佢地都愛韓食呢間店係我Friend 附近，入到去裝修夠潮又IN，好多美國式漫畫公仔在牆身，樓底又夠高，幾舒服。先講下春川炒辛辣雞鍋，有年糕、蔬菜、韓國粉絲和辣雞。入面D韓國辣椒醬好辣下，但配埋D煙韌糕和爽口粗身的韓國粉絲，雞肉都好入味，食落又甜又辣都幾好食，但真係好辣呀！另外個韓式海鮮韮菜煎餅亦係推介，有蛋香，入面有好多韮菜同魷魚和少少蝦，好香口，面煎得少少焦香，唔錯。炸雞甜甜地，不過唔係好熱氣，好厚肉，不錯！我其實唔食生野，個Friend 叫左個咩飛機醬缸醃蟹，個OPPA話韓國直送，佢食時會拆開隻蟹，醬D肉同蟹膏撈落個加左麻油的紫菜飯，有D甜味，蟹對我黎講係真有D生，其實唔難食，我個Friend 勁Like，佢話好鮮好正。飲品好過癮，雙層草莓柚子沙冰都幾靚，甜甜地；另外個菠蘿冰，有成個小菠蘿架，好好飲，好濃菠蘿味，飲完好開胃又好想再食野，重可減下辣。

發現新大陸mode: 原來香港既韓式餐廳都有醬醃鮑魚食㗎‼️新味覺感受~今日邪惡程度10粒🌟，仲食左芝士溶岩蛋炒飯仲有芝士🐷肋骨，最最最重要係，有位韓妹侍應serve左小編成三十分鐘，因為兩樣食物都即叫即做，呃左韓妹傾左陣計～仲食左個脆皮豆腐，好滑嘟嘟👅菠蘿沙冰原個上，柚子沙冰倒轉上👈🏻視覺一流簡直係呃like 擺盤法

呢個係免費前菜, 個泡菜好辣,本身已經咳GE我食左一啖已經咳到停唔到,所以冇再食之後黎左呢個, 芝士多到可以將全部飯都包滿芝士 好正呢一味會有專人幫你整`溶D芝士用芝士包上鬆軟GE豬仔骨, 好食呢個夠清淡,連湯都有一浸鮮味 呢個味道一般, 冇咩特別

去親大圍食野，多數都係去大商場新城市廣場，估唔到今日朋友帶我黎到新翠邨食野，以為食茶餐廳，點知原來有韓式野食。新派韓食館入面都幾大，可以坐到好多客人，又有五顏六色既椅子，望落都幾特別。餐牌全部手動畫出來，卡通版，幾可愛，又畫得幾似喎。部隊辛辣拉麵蛋邊鍋 (牛) $128只有納同唔辣揀，因為朋友話唔識得辣，所以揀左唔辣，部隊鍋入面有蛋醬、雞蛋、年糕、粟米、腸仔、菜、芝士、公仔麵及牛肉，可能因為唔辣，所以味道唔算好特別，粟米就幾甜，公仔麵都夠彈牙，因為店員會留意住個鍋，以防客人煮得過腍。飛機醬缸醃蟹 $188 (附sister麻油紫菜伴飯)店員會親自幫我們整醬油蟹飯，另外還會給手套我們自己吃剩餘的蟹肉，醬油蟹飯跟之前在韓國吃到的不太一樣，因為韓國的味道較為濃郁，這裏的則較為清淡，飯粒間帶醬油醬的咸香，而且很滑溜。吃完飯後再吃蟹肉，感覺像在吃咖喱，雖然不是很多肉，不過蟹肉都幾鮮甜。海鮮泡菜煎餅 $82煎餅煎餅很香脆，海鮮是魷魚，還有大量泡菜，附有少辣的醬汁，沾上後很惹味，可緩和煎炸的感覺。韓國菠蘿冰 $58超級好喝，原個菠蘿內放滿菠蘿冰，味道很香甜，入面還有菠蘿肉，清涼又解渴。估唔到一個咁古

見到網上呢度好評都算多，今日終於一試，雖然身為新界人，但平日幾乎唔去大圍，所以真係唔知大圍屋村入面有間質素唔錯嘅韓食！一入門口就見到宋仲基…個紙牌，仲播緊《太陽的後裔》OST，正，完全係我杯茶。​  話哂黎緊12月第一次去韓國，呢排都食左幾餐韓國野，打定個韓食底，順便睇下自己有咩啱食。一坐低，睇睇個menu先，佢地個餐牌幾得意，圖文並茂！點完菜之後，店員就送上湯同小菜，呢度嘅泡菜居然啱我口味！（我本身真係唔多食，但最近成日睇《三時三餐》見到車嬸嘅手勢，就想試泡菜了）之後陸續上菜。​漢拿山豚肉炒飯 $128店員喺你面前炒的飯！店員雖然係韓國人，但都識英文同簡單嘅廣東話，溝通冇問題，所以我地都乘機同佢吹下水。原來佢係黎 working holiday，話一年之後都會繼續睇下有邊度可以去打工。店員首先將飯炒熱，再逐樣加入配料，超快速完成一個炒飯，我地都好多謝佢整左粒星出黎炒飯新鮮熱辣！男朋友仲話呢間嘅炒飯好食過炑八，佢話芝士少d冇咁滯呀！火焰芝士拉豬仔骨 $178超邪惡之選！勁大pat芝士！同樣地，店員都係會幫你處理埋。（否則你叫我自己搞真係太有難度）豬仔骨肉腍，芝士味好濃，omg之食完唔知

本來想食韓燒，醒起呢間Sister開左咁耐都未幫襯過，去會一會先。一入門就見到宋仲基oppa.......個人形紙牌，已經開心左一半，地方都幾整齊叫左3個野食，水冷面，忌廉飯卷，豆腐湯泡飯。水冷面就幾特別的，特別在佢來的時候無調味，要自己加，同埋上面係無冰的，同平時食開的唔同，有ddd失望，面的份量都多而且58蚊，尚算便宜。忌廉飯卷就幾好食，豆腐湯泡飯都幾辣，入面有幾塊豆腐，蜆肉，蛋白，洋蔥咁，撈飯真係幾多碗都食得落。不過有少少建議改善，可能我9點左右用餐係佢地收工的時間，但員工工作間的交流對話，偏要係我隔離傾，明明全場只有3枱客，其實可以行開小小傾，而且我地又傾計，佢地仲傾得大聲過我咁就有小小唔係太舒服。不過只是好小的問題。下次會再幫襯

之前見openrice 食評評價很高，一直想試。但以前不設訂位，成日驚無位。但熱潮已過，今次 weekend walk-in 都唔使等位。菠蘿冰，呢個堅無介紹錯，一定要飲。甜度剛剛好，又夠大杯。炸雞有點失色，炸漿唔夠鬆脆，不過調味幾好，這個價錢來說，算ok!哈哈無諗過這個飯係全程在客人面前煮的，又幾有趣，仲要整心形。其實醬汁落得太多，不過芝士堅仲係流心，整體都算幾香口，好快食哂。

煲完韓劇(太後)，見到準基OPPA吃炸雞 , 叫基的難道是特別帥的嗎?懷念那滋味的韓國炸雞，約了一班朋友們想吃韓國野 , 本來真係睇小佢地住咁遠無咩好吃 , 估唔到佢就帶左我黎到這間Sister Korea 品嚐韓食，先來炸雞，外面香脆又帶辣的炸漿皮，香爆，雞入面有濃濃醬油和蔥香味道，真正食到係當年在韓國吃到的風味！我們配了這個忌廉插柚子沙冰，D味道幾過癮，柚子入面有濃烈忌兼味，夠凍先好飲！呢個配炸雞勁夾。至於呢個春川炒辛辣雞鍋，好辣太多醬啦，不過粉絲同D娃娃菜，韓國年糕加埋D超辣雞都幾好食，雞肉夠滑又入味，我唔係食得辣，噴晒火。火山脆皮豆腐，韓國式炸豆腐，外脆內軟，入面都幾滑，加埋D甜酸汁，都OK。重有係D前菜，韓國泡菜同芽菜，幾好食，紫菜湯清新鮮味，唔錯，呢度D韓菜夠地道，好辣下，但夠脆身，佐飯唔錯，另外前菜D芽菜好爽好清新，韓國菜有唔少都好健康。基評分(5個基為最好):**味道(基基基基)**外貌(基基基基基)**抵食(基基基)**服務(基基基)**最後基言:真係似係韓國的餐廳FU

朋友住大圍，今晚就由佢帶我去覓食呢間餐廳係屋邨商場入面 老實說地點有點偏僻由mtr站走過來都要10分喔一坐下，店員就奉上海帶湯及餐前小吃餐前小吃有泡菜，我挺喜歡海帶湯清清地👍好適合食d濃味菜前飲呀朋友點了醬油蟹撈飯店員會幫忙把蟹肉拆出，之後撈入紫菜飯裡蟹身不算大隻，但味道搭夠，醬油味挺鮮甜同蟹肉幾鮮味當然少不了部隊鍋吧！我最愛當然係爐邊既蛋喔😍😍😍由於部隊鍋我地叫了小辣，我地仲叫了兩杯飲料解一解辣呢杯菠蘿沙冰差唔多每枱都會叫店員說是把整個菠蘿肉打入沙冰裡呢個真心推介👍👍👍仲有一杯忌廉柚子沙冰我還是喜歡菠蘿沙冰多點！兩個大食既人仲叫了海鮮煎薄餅薄餅外邊香脆可口加入香蔥同海鮮，若嫌不夠味還可點醬一併食

今日係happy friday，平時朋友約食飯總離不開，尖沙咀，銅鑼灣，旺角呢d地方。估唔到朋友今日竟然約我去大圍既屋邨。不過呢個朋友平時無咩老點我，就信佢。來到大圍，原來呢度既屋邨都有韓國餐廳，餐廳裡面都好有韓式風格。同時餐牌韓食應有盡有。部隊辛辣拉麵蛋邊鍋 (牛肉) $128鍋的中間有麵，芝士腸，蛋，菜，牛肉(另可選豬肉或雞肉)，十分豐富。由於怕食唔到辣，所以揀左走辣。雖然係走左辣，但在各食物煮熟後，仍然食到濃郁的味度。旁邊又有蛋漿，可以按照自己口味放粟米同芝士落去。飛機醬缸醃蟹 $188 (附sister麻油紫菜伴飯)醃蟹奉送紫菜伴飯，一蟹兩食。首先店員會將部分蟹拆肉，再撈勻麻油紫菜伴飯，食起上嚟夠惹味。而醃蟹本身亦醃得入味，每一啖都食到咸香。海鮮韮菜煎餅 $82海鮮韮菜煎餅新鮮熱辣，表面脆口，配上酸酸辣辣既醬汁，十分開胃。忌廉插柚子沙冰 $38忌廉既中間有清清既柚子味，除此之外，仲會食到柚子肉，再加上沙冰，口感豐富。今晚食完呢餐真係要放底對屋邨既偏見，原來屋邨都有咁出息既韓食。

媽媽今日開始放大假~我既惡夢又黎啦~哈哈~講笑！！媽媽放假無事做，唯有日日係屋企打掃，所以有時都要陪媽媽出街食下飯，一盡孝心今日黎到大圍一間屋邨既韓國餐廳，網上見到好多好評，所以過黎試食(P.S 我唔係跟風果D人架...)係大圍站行過黎大約10分鐘路程，還算好。由於係平日，所以都唔洗特別排隊就入得黎。呢間餐廳環境裝潢都好懷舊韓式Feel，由其我岩岩睇完"請回答1988"haha呢度既餐牌好得意，幾乎都係用QQ畫代替真實圖。今日得2個人，所以叫唔到好多野食((清河醉雞翼$45 用韓國清河酒製成既醉雞翼，睇落去有D似平時食既醉雞翼，食落去涷涷地，肉嫩，有淡淡米酒香，作為前菜都幾清新，唔錯 ！泡菜煎餅$72泡菜煎餅係韓國特有的一道美食，每次我食韓國餐廳都係oder一碟食，呢度既泡菜煎餅比較薄身，食落去係脆既~唔會太辣，我都幾鍾意食漢拿山豚肉炒飯 $128呢個漢拿山炒飯係將炒飯堆成火山狀，再以蛋漿好似岩漿般倒下，加上芝士，陣陣熱氣升起，待蛋漿慢慢熟透，會有一個韓國歐妮分開4份咁分俾我地，味道非常惹味，但有少少辣(我唔食得好辣，但媽媽好鍾意食)~食左咁辣既野，緊係要飲野啦!韓國菠蘿冰$58呢個菠

有片有真相！！放假當然要食好西 鬆一鬆啦今次 偽文青拍大胃D去左大圍Sister Korea cafe由韓妹 親自為我地下廚 韓妹 試左 芝士溶岩豚肉炒飯$128色香味俱全 辣味十足 好惹味� 而醬油蟹$188 甜甜醬油汁撈蟹肉 真系可以食兩碗飯 我地兩個都系第一次食 而且一路睇住韓妹拆蟹肉 真系好治癒 *段片到有把聲 佢話好正啊 好似唧黑頭甘��。 治療性甚高� 仲有兩個小食：蜜糖炸雞同火山脆皮豆腐 個人覺得呢兩個就吾系太脆口 一般般 建議吃貨們可以留返戰鬥力 主攻 韓妹烹調既芝士溶岩豚肉炒飯（點辣的更惹味）同醬油蟹 ���諗起都� 回味！..另試左 菠蘿沙冰$58同忌廉柚子沙冰$38。菠蘿打成冰，再原隻菠蘿上，正。而忌廉柚子沙冰 吃辣必備 解辣 仲飲到啖啖柚子 升級口感。

大圍有咁大間既韓國料理真係有成個菠蘿既菠蘿冰好清甜又可口 而且好吸睛蜜糖炸雞食落去甜甜的炸得香脆又野味火山脆皮豆腐既豆腐外脆內軟炸得又唔會好粉 酸酸甜甜咁好開胃醬醃莞島鮑魚醃左之後好入味 同埋切開哂食既時候好方便唔洗死咬爛咬仲有即叫即時係面前整既漢娜山豚肉炒飯店員製作既過程中為佢畫上笑哈哈 好得意呢 之後仲有加上蛋漿,芝士同紫菜 蛋漿芝士都係最後先落 食蛋最怕煮得太老 但呢度蛋好滑一啲都唔會老係大圍屋村既韓國菜整體黎講係正既 尤其係炒飯同菠蘿冰