新潮發海鮮菜館

营业中

休息中

今日同老公二人即興到長洲行下，由於二人限聚令生效所以趁夜晚六點前就要開始食晚餐。結果我哋路經呢間海鮮店於是行入去試試。 $248有三個餸，另外送一碟油菜，粟米魚肚羹，白飯就需要另外加錢叫。於是我哋就叫咗三樣餸，第一樣係水煮牛肉，但係水煮牛肉需要另外加錢$20，入面有薯粉芽菜，而牛肉嘅份量都唔少，不過牛肉就應該冇醃過，所以就淡而無味，但整體來講都唔算難食，若果唔食得辣嘅人就唔好嗌呢碟餸，因為真係好辣。 第二樣餸我哋叫咗椒鹽九肚魚，個粉漿炸得好好食😋，呢碟餸值得一讚，而且份量都唔少，若果嚟呢度食呢一碟餸一定要嗌。 第三樣餸我哋叫咗避風塘炒蟹，賣相一般，份量都好少，而且幾種唔同嘅蟹炒埋一碟，有啲蟹入面係冇乜肉，仲衰過街市買嘅三點蟹，所以我見冇肉食食咗兩啖都冇再食，全部得返啲蟹殼喺度，呢碟餸完全係負分。 另外會送一碟油菜同埋粟米羹，兩樣嘢嘅份量正常，粟米羹明顯落咗好多味精，如果淡返些少就會好啲。由於二人限聚令所以每一枱只可以二人坐位，我見到比較肥嘅職員阿姐經常除低口罩同人講嘢，衛生上有點欠奉，有時都好擔心阿姐會除低口罩走過來。 整體而言我覺得質素一般，若果有得選擇可以試埋其他附近幾檔嘅海鮮餐廳

今日晏晝諗住揾嘢食行過佢門口有人sale啲小菜點抵食啊點好食啊咁，跟住我哋就入左去，一行四人叫左個魚香茄子煲，椒鹽骨，椒鹽九肚魚同蠔仔炒蛋佢話送粟米魚肚羹同炒菜，魚肚羹黎到冇咩粟米同魚肚好多味精跟住再黎個椒鹽骨好難食啲肉唔新鮮送嗰個菜係炒芥蘭一般每人食左一兩條都唔想食落去九肚魚啲粉勁厚個蠔仔炒蛋好小小但都唔好食，最後係魚香茄子煲冇魚香啲肉碎一舊舊唔係話超難食嘅唔好食囉！佢個㕑真係唔x掂，但勁多人食囉唉枱枱都係遊客邊會知禁差，聖誕節第一餐真不快樂

見到上面差評我都唔信，見阿姐服務態度好，拍晒心口話餸兩菜同送湯。得，就呢一間。但貨不對版，送兩菜變咗送一菜（啲菜仲要係老，嘅唔想食），冇湯（再次問過話冇晒）。炒蜆涼嘅（2分鐘唔到就同我上咗炒蜆），叫佢返炒（最後驚佢加料，結果都冇食）。其他菜都唔講啦，講多都驚口臭。如有人再食，我唔想笑你，但恭喜你，Enjoy your dinner 😉😉。

行行下見到個牌寫住$168兩餸仲送粟米魚肚羹攞完籌沒耐,阿姐就叫我同仁男朋友入座,點知上一手人客搞到成枱水，諗住阿姐會抹一抹，抹都沒抹就擺枱布，滴到成地水衛生惡劣第一道菜 粟米魚肚羹失望之極話明粟米魚肚羹，竟然沒魚肚得d蛋花同粟米一舊魚肚都沒丫，雖然係送既但名不符其不實，甘就吾好叫粟米魚肚羹啦～叫粟米羹我條氣都順d第二道菜避風塘鮮魷阿姐俾錯椒鹽鮮魷，叫阿姐換返避風塘鮮魷，點知黎返碟餸竟然係同一碟仲要係凍，鮮魷上面只不過係多左幾條炸辣椒同少少蒜蓉就當避風塘鮮魷，真係當人傻架喎，食落去係椒鹽味，幾條辣椒點綴就了當件事扮避風塘鮮魷，我真係好愕然真係差到迫到我第一次寫食評⬆️粉漿太厚味精太重吾夠脆第三道菜蒸魚d條魚等左1個鐘頭半先黎，條魚幾好食多肉蒸得幾滑吾會老吾會再有下次!

今日同老婆去行下街，之後去咗依間食。阿姐推介大蟶子$48兩隻，大蝦好大隻嘅$110兩隻結果急凍白下兩隻。叫咗168套餐兩個餸，有椒鹽鮮魷，（無味）。油鹽水粉絲蜆，合格。總括嚟講食咗第二次聖子真係唔掂。俾我唔會再有下次

老公生日一家四口就入長洲玩，去完張保仔洞，就去食海鮮餐。碼頭隔離沿海都有海鮮酒家，我哋行左幾間之後就响呢間坐低，因為阿姐hard sell三餸海鮮餐就$248，又見間間都差不多價錢，所以就入去。我老公超鍾意賴尿蝦，所以叫左個椒鹽賴尿蝦俾佢食，啲蝦其實細細隻，但炒出嚟好香，慢慢搣同”梅”吓都唔錯。另外我女就鍾意魷魚🦑，上碟見到都算唔錯，咬落去都好爽口，無overcook到。第三個海鮮就係大人小朋友都鍾意嘅蒜蓉粉絲蒸扇貝。啲粉絲都剪碎左方便大家，都多蒜蓉同個豉油都好香，但好可惜啲扇貝太細粒了😪我哋仲叫左個粟米魚肚羹，同埋佢哋送左個生菜(又係好細碟😅)，整體上味道唔差但份量真係少左啲。

難得到長洲，一於吃吃海鮮。點了侁選三款的套餐，選了以下三款，店家送粟米羹和炒菜。豉椒炒蟶子：豉椒炒很惹味，蟶子不算少，質感和味道都好。蒜蓉蒸開邊蝦：蒜蓉味很香，蝦肉質爽口，有鮮味，好吃。花雕蒸蟹：有一大一小共兩隻蟹，大蟹不新鮮，肉已變乾而且沒蟹味，小蟹肉質正常，有蟹味。粟米羹：不夠熱，但既是送的，要求不能多。炒菜：有生菜又有通菜，味道可以。這套餐價錢合理，可惜其中一隻蟹不新鮮，否則會更滿意。我們坐在室內的座位，其實室外也有座位，但人很多，很擠迫很嘈吵。服務方面，點菜時曾硬推較貴的海鮮，但我們不為所動，之後要茶水，店員服務尚算可以，不過上菜的店員不戴口罩，在這疫情當前的時候，實在不太好。

是但係長洲簡左間食海鮮🤤諗住黎左成日都冇啖好食阿姐不斷推介蟶子同蝦，都係98兩隻，我唔中諗食呢兩樣，就話淨間先落單跟住個阿姐同阿叔每十秒就過黎推介蟶子同叫我地落單態度都係好急躁同好差，係咁呼呼喝喝😥如果唔係落左單我會走😪賣相都差，味道都差，個魚好似翻炸咁，黑色既個花鯛蟹一pat野咁，冇味道炒蟶子d蟶子有沙西芹蝦仁，蝦仁得幾隻，一人一隻😪又係冇味道不過好就係送菜同湯呢度埋單400蚊冇下次😪

尋晚一行4人入長洲，行過呢間舖。有個姐姐：認住我間舖，今晚食飯返黎搵我吖！我：好，我認住你。姐姐：我等著你回來！我：你記住等我吖！不過因為長洲太多野食，成9點幾先餓，即管博一博睇下閂門未，心諗之前有人講到咁伏...但一心打算未閂都一定會去，做人一諾千金！離遠個姐姐已經好跳脫彈出黎：我終於等到你，仲諗住你會欺騙我感情我：講左係就係....到點送，其實餐牌已經寫得好清楚幾多個餸幾多錢，我見有「支付寶」「wechat pay」logo，我仲問無係咪無餐優惠，當然有錢就得。我點餸本來想點，通菜牛肉，另一個姐姐：我地餸個菜，點其他!黃金蝦...好正。點完菜，無飯...點得？阿姐問要幾個，我話兩個。姐姐：兩個？送俾你。最後我地叫左咕嚕肉，椒鹽鮮魷，黃金蝦，粟米石斑塊！可能誠信問題，姐姐話原本送個羹，不過我地太晏，無晒，送汽水 ！（當然有朋友仔見到，唔好以為一定送...我只係講件事）後記：所有員工都好nice，阻人收工都無黑我地面，佢地落場食飯，仲介紹埋佢地食咩。嗯，我本人食過其他舖頭海鮮，份量少，唔算特別好食！呢間食得我舒服！

和家人來到長洲，突然很想吃海鮮，於是沿著海傍一直找，找到了這家。叫了$248三個海鮮（椒鹽賴尿蝦，扇貝和炒蟶子），送了一個通菜，加了一碗白飯（$10）。頼尿蝦非常小隻，蟶子有點腥，大概不算很新鮮，扇貝是ok的，蒜蓉挺香，通菜也ok。簡單來說就是食物質素一般，但這個價錢也算是這樣了。

Easter 假期幾日，落左幾日雨終於雨過天晴！入了長洲散散步，週圍行下食下當然要揀間餐廳坐底食個晚飯！長洲海鮮出名平•靚•正! 我們一行四人叫左個五餸套餐！食物簡簡單單，實惠不錯，當然份量就不及大菜館之多，一場入到去長洲算不錯既選擇黎！🔸豉椒炒蟶子野味既一款！香口不過略嫌蟶子份量太少，蟶子都新鮮的！🔸蒜味生菜呢個菜係送既，小小地清清地👌🏻🔸避風塘炒蟹炒得好香入味，蟹仔黎所以肉唔算太多，不過勝在夠野味！🔸蒜蓉開邊蝦好味😋鑊氣夠，蒜味濃！ 蝦都夠新鮮入味，不錯👍🏻🔸粉絲蒜蓉蒸扇貝一人一隻汁都no埋！好食！穩陣野！粉絲啖啖蒜香帶子都夠新鮮！🔸海上鮮蒸倉魚，都幾大條！倉魚啖啖肉，尚算新鮮入味，抵食！

最初入去前有個阿姐就好熱情咁話:3個餸就168，送埋菜的。入去後我就問:4個菜是否248，阿姐就話:係！咁就叫左四個菜，本身沒霖住叫海鮮卷的，阿姐就話海鮮卷就唔使加錢，你叫其他就要加錢。咁就叫啦！到送餐啦！話哩碟生菜係送的(其實得半碟)跟住食食下有個阿叔過來送第四道菜，就問你有四個菜喔，係328元先啱，我話:頭先嗰阿姐話四碟菜係248喔，點解328？阿叔就講啦寫明係4個菜328的，碟菜係送的包埋係入面，咁ok啦！fun！出來食預左會咁，你話點就點啦，跟住再加多個白飯跟住到買單啦！有個黑黑瘦瘦的阿叔過來收錢，就沒話幾錢，咁我自己就照比500元找啦，之後找翻162元，咁我就問:點解找翻162？嗰白飯幾錢？嗰白飯10元一個阿叔就好串咁講:嫌平啊？我當時都沒講咩，我就話咁個餐牌寫幾錢啊？阿叔就唔拎過來，就翻去囉張單話:你係叫左個白飯喔！咁我係叫左啊，你都沒話幾錢啦。阿叔就直接走左一句說話都無講係隔幾米遠的地方望住我！算點啊？吃嘢前問左價錢幾多，係248，吃吃下又話叫左4個菜係328，買單嗰阿叔又咁串！你抵唔係咁做生意啊嘛？價錢唔講清楚服務態度又咁差！明明沒霖住叫的海鮮卷又逼人要。份量又小，成餐