新潮發海鮮菜館

营业中

休息中

好耐冇去長洲，所以約埋好姐妹去行街同食下嘢！每次去長洲都不停食，不停打卡，今次除左狂掃街邊小食，我地仲去左食海鮮！原因係價錢好吸引！餐廳位置喺海旁道街頭嘅新潮發海鮮菜館，海鮮套餐價錢就睇你揀幾多道菜，我地一行4個人決定食足8道菜$648仲唔收加一！性價比極高！🥘小炒類🥘- 薑蔥炒蟹，豉椒炒蜆- 最驚喜係薑蔥炒蟹，份量大約有兩隻，蟹肉鮮甜勁好味！炒蜆就係細蜆但份量都唔少又冇乜沙，推介！ 🦐蒸海鮮類🦐- 蒜蓉開邊蒸蝦、蒜蓉粉絲蒸扇貝 – 海鮮夠新鮮，蝦肉爽口彈牙，扇貝蒜蓉味夠濃夠多粉絲！唔錯！🍢炸物類🍢-椒鹽鮮魷，椒鹽九肚魚-  炸物好出色，兩款都炸至金黃色，鮮魷外脆內軟，九肚魚咬落鬆化，魚肉入口即溶！太美味！ 🍲小菜類🍲- 粟米斑塊，生炒排骨 – 估唔到連小菜都咁鬼好味！本想叫蒸蛋，但亞姐推介粟米斑塊，果然好好味！熱辣辣嘅粟米汁包住炸到卜卜脆嘅斑塊 ，送飯一流！仲有菠蘿生炒排骨都好入味！成個餐除左抵食，跟套餐仲有湯同菜附送！每碟份量都適中而且好味！白飯 $10碗🥣店員亞姐們好有禮貌！下次再來！

琴日假期就帶左屋企人入長洲行下食下野🥰🥰差唔多5點，媽咪見到呢間海鮮菜館就話諗住食下～我地揀左靠海位置用餐😋😋差唔多日落時分，仲可以飽覽整個長洲景色🤩🤩真係好靚呀～～食物方面都幾抵食～任選5款都係$408🥳仲送左一大碗粟米羹同一碟炒生菜🥬抵食到傻左🤣🥢避風塘魷魚感覺鑊氣十足，炸到非常香脆，再配上紅椒碎既小小辣，更加可口怡人☺️🤤🤤咬落去🦑魷魚好厚身好足料，更加係爽口彈牙🤪🤪🤪🥢椒鹽豆腐豆腐炸得好香，好脆，好爽口，又惹味😋😋而且毫無油膩感，外脆內軟，豆腐好似剝殼雞蛋咁嫩滑🙈🙈🥢蒜茸蒸扇貝扇貝帶出海水既鮮味，仲有既係爽口，新鮮又好味。重點係撈埋粉絲超好食🙈🙈蒸出黎既汁被粉絲索晒，第一啖食落去，先係蒜香味，然後係海鮮的甜味同恰到好處的鮮嫩口感，超級入味❣️❣️🥢蒜茸蒸開邊蝦超方便既開邊蝦，唔洗食到勁狼狽🙈🙈一上菜就已經香氣四溢，蒜蓉醬夾雜着海鮮的香味。蝦咬入去更加係十分鮮甜，點上醬油，嚐一口蝦，爽口，新鮮，帶點甜，最好食不過的餸菜🙈🙈🥢肉絲炒麵肉絲配菜非常足料，同炒麵比例良好😋😋炒麵帶有少少焦同香，唔會油膩又脆卜卜🥳🥳麵質都唔會太乾，口感一流～～🙌🏻🙌🏻最後更送左碟炒生菜，超級抵食😻😻😋😋

比起以前去行長洲，而家行長洲好似去旺角咁輕便😆所以今次黎到長洲，真係純粹為左食野🤣除左芒果糯米糍、大魚蛋外，長洲仲出名啲咩？🤓咁就梗係海鮮啦😍今次黎到呢一間新潮發，唔單止平靚正，$408任揀5碟餸😻仲加送一大碗粟米湯同一碟香爽炒生菜💕同埋有靚靚漁港景觀，打卡一流🤩🥢肉絲炒麵炒麵十分之脆口😋雖然有油炸過，但食落唔會油膩😏反而同雞肉絲、豆芽、香菇同埋芡汁好夾😳夠鑊氣，份量十足呀🤘🏻🤘🏻🥢椒鹽豆腐豆腐粒粒都好香脆，而且椒鹽味好突出🤩餸一黎到，已經聞到好香嘅椒鹽味😙食炸豆腐梗係要食椒鹽啦😆😆🥢避風塘魷魚又係一碟熱氣野，但真係炸得好爽口😍外皮脆卜卜，內裡魷魚煙煙韌韌😘就算唔太食得辣嘅朋友仔都唔洗怕🥰因為呢碟避風塘魷魚只係微辣啫，佢嘅辣只係想加強魷魚嘅香味🦑值得一食🤣🤣🥢蒜茸蒸開邊蝦食過幾碟濃味啲嘅，當然要食返碟相對上清淡啲嘅蒸餸啦😝呢碟蒜蒸開邊蝦更係中意食蝦🍤，但又唔想碌殼嘅你嘅懶人恩物🤪可以唔洗用手碌殼又可以食到香甜嘅蝦肉，真係好正😚😚🥢蒜茸蒸扇貝又係一碟蒜蒸海鮮☺️事關蒜茸蒸海鮮嘅餸絕大部分都好好食😋呢一碟都係我最中意嘅一道菜😘粉絲完全吸引哂蒜茸嘅香味，仲加鮮甜嘅扇貝🤩一啖食落口，真係好好食🤤

放假想喺香港有放假感覺就揀左入長洲中午坐船入到長洲想搵間海鮮食個lunch先行去海鮮街見第一間最多人食啲姐姐又話送粟米羹又送炒菜就入去試下啦講真嗰句 真係好抵 為起大概80蚊一款海鮮真係唔知去邊度搵送嘅粟米羹同炒菜份量都好多我地再揀左5款海鮮椒鹽賴尿蝦一碟有10隻 好香口惹味 連皮都炸到脆埋避風塘炒蟹一碟有三隻蟹 大概掌心咁大雖然細細隻 但都幾好肉蒜蓉粉絲蒸元貝金蒜好香口 元貝都幾有鮮味豉椒炒蟶子一碟有成10隻蟶子 細細隻 肉唔算厚但彈牙嘅醬爆魷魚大力推介 呢個超有鑊氣 魷魚鮮味十足又厚身 咬落一啲都唔韌埋單408冇加一總括嚟講 呢間味道唔錯 當然海鮮就唔會有大蟹大賴尿蝦食到但呢個價可以過下海鮮癮又有大大個長洲海邊景睇下咁有風味真係值得一試

難得放長假，一於同朋友去長洲玩下啦！長洲海邊真係有好多海鮮餐館，價錢都差唔多，不過就比呢間吸引住！因為佢人頭湧湧，感覺幾熱鬧下，一於試吓啦（離開的時候拍的，入夜人流減少了很多）$168任選兩樣、$248任選三樣⋯⋯海鮮、小炒、肉類等等，都係可以自由配搭，我哋就偏好海鮮多啲，所以三款都叫咗海鮮。有啲驚喜嘅係呢間海鮮餐館有會送一大碗粟米羹同埋一碟油菜，不過粟米羹就偏鹹同埋杰身～油菜係生菜嚟嘅，味道正常，令到餐飯冇咁寡～平時除咗去大排檔之外，其實都好少機會食到椒鹽賴尿蝦，所以就叫咗一碟嚟試吓，雖然賴尿蝦細細隻，不過都幾有肉地，椒鹽香口，味道又唔會太辣，當係小食就唔錯啦～豉椒炒蟶子，炒得好夠鑊氣，加入了青椒、洋蔥等等配料，蟶子大大份，口感彈牙而沒有沙，送飯一流！略略一提，白飯$10一碗，另外我們還點了一罐零係可樂$15見到隔離有人食豉椒蒸白鱔食到津津有味，加$30都試吓啦～白鱔分量正常，食落去魚肉肥美，甘香而不太油膩，都是很適合送飯的。沒過多久，已經聽到職員說白鱔沽清但好慶幸我們有試到這個菜呢！埋單$300左右，物超所值，下次嚟長洲玩一定會回頭幫襯呢間海鮮餐館～^ - ^

今日平日嚟到長洲，除咗去啲打卡Cafe之外，其實都想食啲飽肚少少嘅正餐🤫見到呢間海鮮菜館企街邊嘅姐姐幾熱情就入咗嚟試，都幾有驚喜😆一落單就會送粟米魚肚羹一大碗同油菜一碟～呢到所有餸嘅價錢一樣，我哋兩個人嗌咗三個餸都幾大份😳食到最後都食唔晒🙈椒鹽九肚魚炸得好香口，九肚魚都仲係好嫩滑🤪加埋椒鹽幾惹味😋黃金蝦係用鹹蛋黃炒過，蝦肉都幾彈牙，啲鹹蛋黃勁香，撈飯一流🤩而且係開咗半邊食起嚟好方便😙蒜蓉蒸扇貝都算幾鮮甜，啲粉絲索晒啲豉油撈埋蒜茸食好正🤪雖然長洲唔係出名食海鮮但今次都食得幾滿意，而且都幾抵食🤎如果想食海鮮都不妨試吓呢間～

呢排天氣都非常涼爽，好適合出遠門，近呢幾年都無去過長洲，所以今日就過嚟放鬆一下。提起長洲，好多人都會諗起佢嘅大魚蛋同芒果糯米糍等，但當我行完食完呢啲特色小食之後，都係想坐低慢活一下，就突然諗起長洲海鮮都係香港食海鮮嘅推薦地方之一，出名又平又好食，所以就行到去碼頭沿岸一帶嘅「海鮮街」度覓食吓。去到海鮮街一帶，即使係下午時份，聚集人流都好多，而且沿途叫賣嘅聲音都係此起彼落。兜兜轉轉之下，我哋去到呢間「新潮發海鮮菜館」，餐牌上面嘅套餐好多款式同埋相當吸引，而且餐廳幾乎坐滿哂人，但剛巧有個空嘅位置可以對住海景，所以我哋就決定毫不猶疑選擇佢。餐牌上面無論係海鮮定係小菜嘅菜式選擇都花多眼亂，而且價錢超值，有唔同價位嘅套餐可供選擇，套餐可以自由搭配小炒，肉類或者海鮮等，最後我哋選擇咗$328 四餸套餐。落單後，侍應姐姐就已經將一大盆栗米魚肚羹放喺我哋面前，原來點菜後就會有湯羹同油菜送埋，加埋即係$328會有六款嘢食，真係覺得非常驚喜。🔸栗米魚肚羹(免費)：我哋3個人每人足足可以分到各2碗，又大又足料。而且雖然係跟餐送，但係質素絕對唔錯，湯羹夠哂竭身，栗米香甜，裡面魚肚份量夠多之餘又夠爽口，真材實料。

假日去開長洲梗係唔少得去食吓海鮮同小菜今次去左位於長洲碼頭附近嘅新潮發海鮮菜館😎菜館食物款式包羅萬有，有新鮮海鮮、牛肉類、雞肉類、豬肉類、菜類，仲有一啲特色小炒今次去試3款小菜 $248 黑椒牛仔骨牛仔骨好嫩口，脂肪嘅比例好均勻，配上香辣嘅黑椒、洋蔥同彩椒絕對係錦上添花剁椒蒸聖子 新鮮聖子，表面放上剁椒同粉絲，辣辣地味道又有層次，又可以保留到海鮮嘅鮮味🔥蠔仔煎餅食過咁多次蠔仔煎餅，覺得呢間比較特別，食落去好似好有日本玉子味道，又唔會話油膩，蠔仔份量都好足三款餸基本上都好多，菜館再送多一碟炒菜，比個讚佢哋👍🏻

#長洲打卡#抵食海鮮餐之選#今日同左個朋友仔去長洲咗玩😆玩咗成日😌 見肚仔開始餓🤤於是就去咗海鮮街搵好嘢食👍我哋揀左新潮發海鮮菜館🙊除咗可以對住個海景食飯之外，而且d套餐都幾平👏最平都係168$ 2款任揀🙌你可以叫海鮮又得，雞豬牛魚類又得🤤真係任君選擇我哋叫咗328$ 4款菜：1. 粟米羹🌽同生菜我哋一坐低，店員就立即送上粟粉羹同生菜🥬個粟米羹非常足料，而且味道好好食生菜🥬好爽口同新鮮2.蒜蓉蒸扇貝我哋兩個人都有四隻扇貝， 仲要有好多蒜蓉同粉絲係上面加埋個豉油同扇貝一齊食，一個字正3. 薑蔥蟹呢個好抵食🤭一碟有兩隻蟹而且d蟹好新鮮同好夠獲氣😌加埋更加薑蔥一齊炒，好入味4.菠蘿生炒骨d骨炸到香口而且再加上甜甜酸酸嘅醬汁😊送飯簡直一流4.避風塘魷魚魷魚炸到金黃色，一入落口好香口，而且加埋啲喼汁一齊食真係好好味一邊食晚飯，一邊欣賞咁靚嘅風景同日落，真係好開心

一坐低老闆先送一大碗熱辣辣嘅粟米魚肚羹，真材實料，粟米香甜，鹹甜適中，飲完個人暖笠笠好開胃😆今次叫咗$328 海鮮套餐，可以自由選擇四款小菜或海鮮🦞性價比幾高🥶而且選擇超級多🤪新潮發海鮮菜館 長洲北社海旁路13號地下C號舖🦪蒜蓉蒸扇貝 扇貝爽口鮮甜，有三大隻扇貝，滿滿嘅蒜蓉醬，加上好足料既粉絲，撈白飯真係世界級正🤣🦑椒鹽鮮魷超級推介！黃金外皮炸得香脆，而且一啲都唔厚，入口即溶，魷魚爽口彈牙，每一口啖啖肉，而且份量好多！🍍菠蘿生炒骨生炒骨炒得香脆，食得出鑊氣好夠🤣 生炒骨啖啖肉，唔會話好多肥肉，份量亦都好足夠，加上甜甜嘅菠蘿，冇得輸👌🏻🦐黃金蝦鍾意重口味嘅你哋，可以試吓呢個黃金蝦 一嚟到已經有好香嘅鹹蛋黃味，🦐口感香脆鹹香，每隻蝦都食到咸蛋黃🤣，攞嚟撈飯真係一流😎✨老闆勁貼心，除咗粟米魚肚羹，每枱仲會送蒜蓉炒菜一碟😱，$328食到咁多海鮮，有菜有湯，🐭同友人完全係超級飽但超滿足！呢間海鮮餐館性價比真係幾高，如果大家入長洲要揀海鮮酒家嘅話，可以去呢間一試🤣

長洲海鮮一條街🐙🦑🦐🦞🦀🐟老一輩嘅人通常話去長洲必食必做就係食海鮮放下年輕人打卡嘅心態 坐低感受下食海鮮第一間就係佢 就係因為第一間最吸引到我去同平時出去食海鮮有啲唔同嘅係分幾多款餸計呢到起餸速度好快下 完全係香港人快嘅節奏🇭🇰*❣️ 粟米羮、生菜 $0 (免費)好有心仲會附送大大碗嘅粟米羮同一碟生菜🥬🌽當你叫菜食 佢地都會好好咁提返你唔洗嗌都得變相又可以慳返一碟餸初頭對碟生菜真係無抱太大期望因為通常都唔方大碟得去邊 點知！帶來驚喜✨碟生菜大碟得黎夠兩個人食之餘 仲好有鑊氣下 好爽下 好新鮮下💦💦*3款：$248 (免加一)❣️椒鹽鮮魷🦑炸到舊舊都好香口舊舊分明 又無一粒粒炸粉嘅出現證明無呃你錢 係抵食抵食！*❣️蒜蒸蟶子🧄細細隻蟶子方便入口唔好睇佢細細隻咁 都俾足料好多隻下 成碟裝滿曬隻隻都好入味 好有香口蒜香氣再配上粉絲 簡直係理想嘅組合My飛忽～～💕*❣️香橙骨🍊西檸雞就聽得多 真心第一次見香橙骨見咁新奇下就即管嗌你試下最怕食落舊舊肥豬肉 點知食落又無肥豬肉🐖啲香橙汁太好味下 keep住送飯食唔停🍚🍚🍚最不忘真係佢個汁 想再回味一下又唔係咕嚕肉嘅汁 但又係酸酸甜甜啲朋友仔黎啲橙又真係食得

好掛住旅行嘅感覺～一於入長洲 Relax 下去個短Trip 🥰 入到黎除左食小食同魚蛋～都仲要食餐好嘅️雖然得2 個人但又好想食海鮮～ 見到呢間好多食客～所以就膽粗粗試下海鮮套餐～ 2人套餐可以自選3 款菜式都係$248 仲加送左粟米羹同油菜 真係好抵食呀🥰🥢蒜蓉蒸扇貝呢個真心推介🤗 每隻扇貝都鋪滿左粉絲～ 加埋蒜蓉同扇貝一齊食真係無得頂～ 主角扇貝2 人餐有6 個開邊～蒸得岩岩好～唔會過左火喉～🥢黃金蝦呢道菜一直係我最愛～要讚嘅係黃金蝦係隻隻都脆口嘅～當然呢道菜一定要趁熱食～因為份量太大… 我地留到後尾再食就會無左脆口效果～🙈🥢椒鹽鮮魷呢道菜又係份量十足睇外表係炸到黃金香脆咁️我專登食一半睇過～ 鮮魷算係厚而炸粉係適中嘅🤗 果然無令我失望～ 食落係脆口嫁️ 🥢粟米魚肚羮+ 油菜呢2 樣係order 套餐送嘅～ 粟米魚肚羮係一大碗～絕對唔係水稀稀咁～好有誠意～ 是日油菜就係生菜🥬～都幾健康️之前好怕海鮮套餐會將貨就價～ 為食妹可以拍心口咁同大家講～ 呢道絕對係抵食又大碟😋2 個女仔食左4 道菜加一個羮️ 大滿足～仲有好多道菜都好想試呀～下次絕對會帶埋屋企人一齊黎再食過呀🥳

其實以前黎長洲都好少食海鮮, 一來覺得熱, 二來覺得貴, 而家入冬就算坐出面位都好舒服! 同埋眼見競爭越來越大, 價位都相對落左D! 新潮發海鮮菜館係成條路都掛滿易拉架😂 上面仲寫住好吸引既價錢2款海鮮$168; 3款$248; 同出面打冷都差唔多價, 仲要全部都係新鮮海鮮一坐低店員拎左粟米羹, 多蛋絲同粟米, 飲完暖笠笠, 叫完野仲送左碟油菜, 有芥蘭同生菜兩溝, 價錢抵之餘仲送湯送菜👍🏻油鹽水瀨尿蝦一大個湯碗上, 瀨尿蝦都有成十幾隻幾抵食! 新鮮易剝殼, 清煮真係好鮮味, 蝦肉爽口, 連埋湯入面超滑粉絲, 芽菜, 菇, 酸菜等等一齊食更具層次; 個湯仲好鮮甜!椒鹽鮮魷個皮比較挻身但唔太重粉味, 魷魚肉都叫厚身同爽口, 點喼汁食好香, 有D細舊D既魷魚會脆口D黃金蝦蝦比較小型, 但細蝦整黃金炸先正, 因為多D面積有鹹蛋黃, 一上碟已經聞到好香鹹蛋黃味, 見佢掛黃係蝦上都幾重料, 成隻蝦好均勻咁點晒蛋黃; 咬落好惹味好脆口, 個殼未算炸透晒可以全隻食晒, 但都有度好就係蝦肉會較Juicy另外叫左枝Asahi大啤同白飯一碗, 二人埋單都唔使 $300, 抵! 抵讚位係啤酒都好多牌子! A

#長洲 #新潮發海鮮菜館對上一次去長洲已經係5-6年前今次難得有時間 就一於拉大隊一次放下電relax下基於男朋友同我都係海鮮愛好者一落船當然係去覓食😉我有一個個人小歪理同大家分享💡就係寶物沉歸底💡好野通常要發掘一下先有 所以我堅持要行入D覓食而搵到呢間菜館果然無令我失望 呢間菜館只要你幫襯就會送粟米羮同菜🥳🥳🥳🔸粟米羹 （幫襯就會贈送）口感好特別 係用番薯粉開嘅 唔似其他餐廳用普通嘅水煮 所以口感上層次豐富 相當有誠意 意外收獲😍🔸椒鹽九肚魚 招牌推介🌟外層香脆嘅椒鹽表皮 內面魚肉嫩滑 而且可以成條骨拆出來 我一個人都食左大半碟🤤🔸沙拉骨 我男友最愛 意外驚喜唔係用白色沙拉醬 而係用千島海鮮沙拉醬 送白飯一流😍🔸蠔餅 送飯世一 超足料好多蠔仔 而且好乾淨 一啲沙都無🔸壓軸出場係蒜蓉蒸蟶子🤩蒜蓉開邊蒸蟶子 蟶子細細隻經開邊蒸再爆油 香味出哂黎🤤🤤四個小菜都只係$328！而且有粟米羹同菜送 🤩🤩下次一定帶埋家人再encore地址：長洲北社海旁路13號地下C號舖

椒鹽鮮魷好脆口！真係可以試下叫呢個！食落去有種新鮮既感覺😂唔似係死左好耐既鮮魷😹😹好味😚炸粉唔會太厚我會覺得岩岩好，炸粉同埋鮮魷嘅比例啱啱好🤣同埋見到Menu有個like，應該都係招牌就唔會差得去邊🤣再望下附近嘅食客都有叫呢個菜🤣🤣真心可以叫呢個🤩沙嗲蟹煲入邊有兩隻超大嘅蟹！入邊有勁多肉，呢個真係估唔到😂連蟹腳都有係肥美，一搣開都可以輕易食到！另外蟹煲入邊都會有粉絲同埋少量芽菜，因為佢一路浸住啲汁，勁入味！但係會建議粉絲要盡快食，唔係佢會就會變成嚿嚿，雖然會影響外觀但係佢嘅內涵依然都喺度🤣蒜蓉蒸扇貝一共有5隻扇貝！同樣都係會有蒜蓉粉絲，即係同平時食嘅都係一樣🤣🤣鍾意食扇貝嘅朋友應該都好中意！粟米羹+蒜蓉炒生菜（送既）粟米羹嘅味道都唔錯，有一大碗可以share，算得上係真材實料🤣味道適中，唔會太鹹亦都唔會太淡。蒜蓉炒生菜都係平時食到嗰隻味道🤣菜都係新鮮嘅！都係深綠色！底下嗰啲都係一樣！😂因為有附送菜，咁就唔使再單點🤣又可以慳返一個餸嘅位😂😂😂我哋揀咗三個餸$248！有勁多地道小炒可以選擇😚再加上有附送一個粟米羹同埋菜，即係最後我哋兩個人就食咗五樣嘢😳🤣但係都食得晒😹😹😹仲要免收+1😂另外