影片
以上资料只供参考，请与餐厅确认详情
今日晏晝做完嘢嚟到龍門居嘆返個下午茶新華呢度個下午茶算係非常抵食例如好似西多咁只不過係29蚊，仲可以揀花生醬同咖央今日有少少肚餓所以嗌咗佢下午茶嘅咖哩豬扒飯雖然係下午茶但係佢份量一啲都唔輸蝕食落去個豬扒仲唔係柴皮豬扒佢係少少肥又夠淋個咖哩汁有洋蔥薯仔，係好classic嘅茶餐廳咖哩汁大家可以睇下個餐牌佢普通下午茶好似吉列豬扒平沙律薯條嗰啲只不過係30零蚊你係食炒嘢呀焗飯嗰啲就會貴返少少差唔多40蚊左右算係非常抵食
继续阅读
今日喺附近做野做到6點幾 周圍好多堂食都收晒舖行咗好耐終於見到呢間餐廳因為太肚餓喇所以就入咗去咁我叫咗個常餐呢度嘅常餐同其他餐廳都係一樣有個包不過唔同嘅就係另一樣嘢係奄列本來都冇乜期望諗住快快脆脆食晒野跟住你返屋企個餐好快就到左估唔到個奄列都幾大份而且我嗌嘅米粉都好大碗五香肉丁嘅份量都好足而且醬汁方面都好多因為好多時其他餐廳嘅常餐個面都係冇乜汁即係清湯埋單嗰陣就係$47 常餐45凍飲加兩蚊價錢都正常不過奄列真係都幾大份如果下次再嚟呢頭都會幫襯
继续阅读
途經見到menu 有t bone 鐵板餐 另一半想試下 又見佢都多人叫外賣 諗住街坊食得都應該ok 啦 點知真係嚇死 湯有曱由 個飯d 肉酸嘅 真係預左茶記唔會乾淨得去邊 但寧比人知莫比人見 飲飲下湯見到有隻曱由 真係嘔出黎。。。唔會再有下次
继续阅读
中午經過龍門居,又唔想食快餐店,就去左間叫"新華冰室" 既餐廳食飯. 本身個人都比較怕熱,仲要坐近廚房位,出奇地唔覺得熱,而且仲有feel到冷氣,啱晒我呢d大汗既人. 講返餐牌,咁啱果陣係lunch時段,好似有幾個餐,我就要左個A餐加凍檸茶,侍應問要唔要湯,當然要埋啦.個湯係合掌瓜湯,無出面普通茶餐廳咁重味精,飲落去唔錯,而且都幾足料到個主餐啦,就係豬扒雞翼飯,d汁仲好足料,並唔係求其整個汁,個汁係有料架 入面有西芹,仲有少少煙肉碎,淨係食個汁都夠撈飯 塊豬扒有少少似香茅豬扒,幾好味,雞翼呢就係炸雞中翼,都有2隻架,算唔錯. 紅茶同檸檬個比例啱啱好,又唔會太多冰,飲2啖就無,亦唔會太少冰搞到杯野唔夠凍,飲落去喉嚨好舒服.間店質素好好,而且冷氣勁,坐得又舒服,啱晒返工同同事食飯, 或者幾個朋友坐低飲杯野吹水
继续阅读
新華冰室已經開了很多年的，每次我去完旅行之後回來就一定要品嚐他的鐵板，因旅行有時食得不是想像中那麼好，所以回來一定食呢個鐵板平衡一下心理因為這個餐份量足又好食鐵板分兩類，有雜扒和西冷排這個雜扒鐵板餐是這裏水準之作，羅宋湯和忌廉湯也非常香濃味道，雞扒是採用很大塊的柔嫩的雞俾肉，有煙肉和火腿，豬扒和牛扒，薯條也非常多這個黑椒西冷扒是這裏的主角，厚厚的一件，肉汁特別鮮味，味道恰到好處，$100可以食到這個份量非常滿足
继续阅读