新華茶餐廳

营业中

休息中

裝修保留住懷舊的冰室風味，午飯時間人不多，設有樓上雅座。突然想食鹹牛肉蛋治，但原來呢到的鹹牛肉同蛋係分開的，總覺得味道怪怪的。沒有融合在一起，鹹牛肉好多油，蛋又好多油，由白方包索哂，成件唔係幾好食。特餐味道亦相當普通，叉燒正常，但通粉近乎冇調味，係快熟通粉質地。比較失望的係牛油餐包...唔鬆軟，唔香，冇牛油味，乾乾地。可能我地咁剛巧沒有叫到餐廳拿手的食品？還是覺得隔離街的金園比較好食。本身想試埋馳名蛋撻，但見放左幾盤喺出面冇人問津，怕凍哂唔好食。

天氣炎熱，一早出發行山，落山都唔到11:00 am，本來同兩個隊友去金園食蛋撻，見未有新鮮出爐，就行去新華食啦，雖然兩個月前食佢嘅沙嗲牛肉麵，好MMD 同埋侍應嬸嬸服務唔好，俾咗個劣評🙄佢。網上評論話新華蛋撻好正達世一级數，就去試多次佢嘅沙嗲牛麵和蛋撻啦。🌠沙嗲牛肉早餐$42▪️沙嗲牛麵，湯底暖暖地唔夠熱，麵底冇弹性，索晒D湯，牛肉冇牛味，麵就勉強食晒，剩番晒D牛肉👎▪️餐包、火腿奄列煮得出色，餐包柔軟新鮮，奄列蛋味濃，好食👍▪️奶茶唔夠熱，浸得耐，茶味濃烈偏苦，剩咗半杯👎🌠酥皮蛋撻$9暖暖地，唔係新鮮出爐，明白的，酥皮食唔到有層次感，可能開始凍了，蛋撻有蛋味，用蛋講夠，甜度略嫌甜了少少，整體是ok的，但係唔係好正去到世一呢？當然未到，還有一段距離。總括一下，沙爹牛肉麵牛肉冇味，麵質偏淋冇弹性，湯底唔夠熱，情况同上次一樣。其實新華要參考下好似紅茶、四寶或者時代的沙嗲牛肉麵，改變下煮法。蛋撻唔係想像中咁世一，比普通好些。服務比上次進步咗，可能唔係阿嬸侍應serve我地啦，又或者老闆女坐鎮係櫃啦。

三點三，諗起新華個酥皮蛋撻，所以就同朋友走左出來了😏因為係閒日晏就，餐廳冇乜人，可以坐地下~來過幾次都係第一次坐地下😂餐廳入面冷氣同風扇都好夠凍，同出面嘅熱辣辣比，天淵之別😛坐低見到有下午茶menu，所以就叫下午茶了~🥚酥皮蛋撻 ($8)呢度個酥皮蛋撻係我心目中第一😍蛋漿軟滑，酥皮鬆化，又唔會好甜，冇得頂😋每次經過附近一定會買來食😏🐮咖哩牛腩撈公仔麵 跟凍奶茶($48 + $3)叫完冇耐就上枱，超快😳🥔薯仔、🐮牛筋都好淋，但🐮牛腩就麻麻，有D韌同唔夠入味😢公仔麵煮得幾好，有咬口，唔會煮到淋晒😙☕️凍奶茶正正常常~🍞法蘭西多士跟熱杏霜 ($32)好耐冇食過西多士，所以見到餐牌有就即刻叫😂西多士正正常常，同出面食嘅冇乜分別~不過🧈牛油都比得幾多😂熱杏霜唔會太濃，都唔會太稀~最後埋單 $99~食物上，除左蛋撻好出色之外，其他一般~服務上，侍應都好殷勤，完全唔估到😂

每次帶完女女上playgroup路經呢到都一定會買蛋撻返屋企食新鮮熱辣出爐，同埋酥皮好鬆脆香口蛋又夠香滑，佢哋亦有曲奇皮都超好食但師傅話曲奇皮唔係經常岀爐真係靠運但酥皮都好好食了！

又到阿妹買好西比我嘅時候~😂😂今次買咗歷史悠久，開業逾50年嘅新華茶餐廳，我哋買咗酥皮蛋撻、曲奇皮蛋撻同雞批。最出名係酥皮蛋撻，聽講有200層！👍👍👍酥皮蛋撻 $8（7/10）個人覺得太厚實啦，唔夠鬆，蛋味唔濃，比其他蛋撻大好多！曲奇皮蛋撻$8（6/10）無咩特別！雞批$11（8/10）一咬滿滿嘅餡跌哂出嚟，反而我比較鍾意呢個雞批！地址：長沙灣青山道334號#新華茶餐廳 #蛋撻 #雞批 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

蛋撻皮夠鬆脆，層次分明，有口感。蛋漿夠滑，又唔太甜，焗得岩岩好，好大隻，食完好滿足。$8一個常餐沙爹牛麵普通，元朗個間最好食。火腿蛋唔油，煎得非常好，餐包就凍左，整返熱就更好。菜遠牛河都ok，夠鑊氣，味道岩岩好，但比出面茶記細碟少少。全部食物清晒環境比較殘舊，好似好多年歷史咁，唔知係咪坐正門口位，比較熱蛋撻出爐快夠熱，持續都有人黎買蛋撻，幾好生意酥皮蛋撻世一😋 食完想再打包拎返屋企食😂蛋撻及奶茶值得再來食

今早行鷹巢山自然教育徑，行完去試下長沙灣的舊式茶餐廳，入左去青山道的新華，店内地下擺設簡潔，有樓上卡位好像以前旺角的中華冰室。坐抵叫咗個沙嗲牛肉麵套餐，有奶茶，餐包和奄列，算唔錯。碟沙嗲牛，麵質淋滑適中，有煎過不是浸熱水貨式，牛肉有5,6片，色澤卻偏啞，和我在元朗的永順、柴灣的澤記吃過的沙嗲牛相去甚遠，沒有牛肉味更偏醎，只能說是很一般的出品😐😐😐，隨便一間茶記都吃到。奶茶偏苦和熱度不足，奶薄茶唔香，入口條脷被茶苦味封住，很不舒服，看不出有舊式茶記的水準，相比西環的祥香、西彎河的百利，差很遠。成個餐，我最喜歡是那個餐飽和奄列，餐包仔新鮮，是自家製的貨色，奋列蛋香火煺鮮，好食！想試下他有名的蛋撻，侍應嬸嬸話咪叫住(應該係咪煩住晒)，等佢落埋其他單先，但一直都冇同我下單，原來在新華食蛋撻要伙計得閒先有得食🤣🤣🤣，作為consumer我咪行去金園食nor 🙄🙄🙄

難得來到長沙灣的一天，決定光顧這間名氣不小，以沙嗲牛肉麵和蛋撻馳名的港式茶餐廳，與它再續前緣。其實我都有好幾年沒來幫襯了，前次到來，是和太太一起，今次再訪，我就只是自己一個。雖然餐牌上有多款早餐選擇，但有招牌沙嗲牛肉麵吃的，就只有特餐一款，沙嗲牛肉麵既是這裡的名物，怎能不叫？我點的「特餐」（$43）除了沙嗲牛肉麵，還有西煎雙蛋或火腿奄列和牛油餐包，當然，還有熱飲附奉。這特餐其實和一般茶餐廳的早餐大同小異，普通得不得了，不過這裡的沙嗲牛肉麵既是大受好評的招牌出品，便別具特別的意義。這特餐的主角「沙嗲牛肉麵」無疑是比一般的茶餐廳略勝一籌的，沙嗲汁顏色深濃，味道夠而不過鹹，肉質和口感都不錯的牛肉沾上了沙嗲汁，雖只是混以普通的即食麵，仍然好吃。「煎雙蛋」與「牛油餐包」雖無甚特別，可也恰如其份，最令我失望的反而是那杯「熱奶茶」，茶味尚可，但奶味不足，喝來有些苦，又不太夠滑，可不是我杯茶。雖說蛋撻是這間茶餐廳的另一名物，但聽說就在附近的另一間茶餐廳「金園」的蛋撻，做得比這裡更好，今次沒在這裡吃蛋撻的我，下次要是再次來到長沙灣，應該吃「新華」還是「金園」的蛋撻好呢？

長沙灣係蛋撻之地梗係要食埋新華啦~酥皮個TEXTURE唔錯但我個人認為個蛋味唔夠，反而有D甜度過多~因為當日食埋另一間所以我個人認為新華就係因為甜度問題輸個馬鼻啦XD不過好好彩既係食個日唔洗排隊買~ 我已經覺得好開心了

近年來，舊式茶餐廳喺香港買少見少，有誠意，又有親切落單嘅夥計，而味道好味嘅就更加少。今次介紹俾大家嘅係一間我食咗好多年，值得令人回味，可以反兜‘s嘅舊式茶餐廳。呢間開業逾50年，位於長沙灣青山道嘅新華茶餐廳以蛋撻馳名九龍區，假日不少人專程嚟一打打買走；亦有客人專程坐車或揸車嚟到食吓嘢去感受佢哋嘅舊式土炮嘅氛圍。除咗蛋撻之外，亦會賣簡便快餐、碟頭飯、港式麵包糕餅，近年來仲有出品葡撻𠻹，港式192層香脆撻底+甜滑蛋漿，亦都好受食客歡迎，大家下次不妨去試吓。土炮茶記都可以有咁多元化，絕對值得大家去幫襯下㗎！

新華茶餐廳係一間傳統舊式的茶餐廳，坐位都是窄窄的，而且仲有閣仔雅座，必有一番風味呀！茶餐廳點餐一定要快，也不可以猶豫，還好目標一致，很快就點好餐了，一來便即刻點了新鮮出爐的蛋撻。蛋撻酥皮略厚，隱約看到酥皮的層次，色澤頗金黃，幾有酥皮香，吃落有種化開的感覺，口感也豐富。 蛋心：蛋香突出，甜得來不膩，夠滑，蛋漿濃稠度恰到好處。份量多，很大件，有滿足感。另外都點了一個特餐 。凍奶茶先上場～ 香淳濃滑的奶茶通常係熱嘅，但係今次呢杯凍奶茶卻飲到奶香而不會搶去茶味，味道平衡得剛好，放耐咗也不會比溶化的冰塊溝淡奶茶的味道，這杯奶茶絕對喜出望外。👍🏻👍🏻然後就到特餐的主食沙嗲牛肉麵，呢個絕對係最令我意想不到嘅美味的沙嗲牛肉！可能因為無期望便沒有失望，正當我以為只會同一啲普通嘅快餐店一樣用「嗱」到肉質散亂的牛肉，點知🤭沙爹絕對不是一味死鹹死辣死糊, 沙爹醬不會過量, 差不多能夠把每件牛肉包裹着, 食嘅時候，沙嗲醬濃郁而帶花生香，微辣鹹香，牛肉嫩滑的，吃得到有花生香氣，牛肉是有少許被「嗱」過的滑質地，但竟能吃得出牛肉的鮮味來, 沙爹味道也沒有把肉鮮味道掩蓋, 那肉鮮味是根本不能夠用人工方法去偽造出來，鹹與

沙爹牛可以話係香港人嘅早餐之選，個人就十分喜歡食沙嗲牛麵。傳統茶記冰室總有佢吸引之處，新華係其中一間，唔講野食，齋講裝修同侍應們果種獨特風味，有時新式餐廳少了啲人情味感覺，所以舊式茶記總會令你間唔時去幫襯下佢哋。新華嘅沙嗲牛汁夠濃牛肉新鮮，沙嗲掛住係牛肉上面，加埋杯茶走一流。雖雞我一向對雞批興趣不大，但係如果遇上佢新鮮出爐嘅時候，你或者會對雞批有所改觀。仲有佢嘅雞尾飽，蛋撻、菠蘿油，有機會都要試吓。

長沙灣真係好多好地道嘅舊式茶餐廳，呢間原來食蛋撻都好出名，下次再試下先🤩應該本身都幾出名，個日平日食都好多人等位，不過侍應態度都幾好，住得近嘅話會會成日食😎.🥄楊州炒飯 $44比想像中細碟，不過好夠鑊氣，啲飯係一粒粒，味道救返😋茶餐廳嘅炒飯始終太多油，好快滯😮‍💨.🥢特餐 $41套餐包括沙嗲牛肉麵、火腿奄列、牛油餐包同埋飲品或啫喱，第一次見茶餐廳有得揀甜品😂不過小編揀咗奶茶，好正宗，好好飲🥺味道好正常，都好普遍🤣不過價錢算係平(?).💰人均消費: ~$45.🍽味道: 3/5🏙環境: 3/5‍👨🏼‍🍳服務: 3/5💧衛生: 3/5💰價錢: 3/5

難得到訪金園，緊係要試埋同一條街嘅新華茶餐廳，睇下邊間好食啲！📍酥皮蛋撻 $8呢個酥皮望落就無金園嘅咁靚仔，但食落都ok喎。口感比較似超酥脆鬆化嘅曲奇，一咬即化，但就無金園咁有層次感。蛋漿顏色偏淺，偏實少少 無咁流質，口感軟滑，甜度就較金園嘅高。蛋香同油香同樣偏淡，勝在油膩感唔算太高。

【新華茶餐廳Sun Wah Cafe】朋友仔話想食蛋撻，佢點名話想食呢間，貪呢度既蛋撻夠蛋香皮夠脆😆🙌🏻 50年以上既港式茶餐廳，老字號真材實料無花假。.店內裝修就係舊式茶餐廳Feel，有上下兩層，樓上雅座。廚房在下層，上層食客點選食物就由店內小型升降機運上，再又Waiter 送餐。炒粉麵飯選擇眾多，見每枱食客都會叫黑椒意，咁...人叫我叫應該無走雞。.今次點選：❇️乾少黑椒豬扒意💰HKD 46黑椒味濃，成塊豬扒剪碎再上碟，意粉硬度剛好，有咬口。.❇️咖喱炒飯💰HKD 44一上碟已好聞到好香咖喱味，炒飯底夠乾身，配料有蝦粒叉燒粒，筆者覺得好正，有鍋氣👍🏻.❇️蛋撻 Egg Tart💰HKD 8新鮮出爐，熱辣辣，無得輸。蛋汁甜度剛好，不膩而夠滑，曲奇皮有香濃牛油味。酥皮蛋撻，皮身鬆脆。兩款口味都好正👍🏻..蛋撻味道各有偏好，要搵到岩口味既，腳骨力唔少得。大家心目中既心水蛋撻又會係邊間❓