新華茶餐廳

营业中

休息中

長沙灣新華原來只係一家食老本嘅老店，完全不思進取，根本冇推介嘅理由！常餐係茶記嘅基本。牛肉係好食，有紋理有纖維，唔太覺用梳打粉醃過。而沙嗲汁嘅味道好平衡，但因為太平衡食唔到又突出之處。但最慘係個牛肉唔係唔熱，而係好凍！而且份量少得可憐！個麵上枱只係微暖，但竟然已經好淋，唔通煮定擺咗喺度放咗好耐？呢個沙牛麵就算合格都只會夠比51分。最驚喜係個奄列裏面嘅火腿絲，切得好靚，肉質好firm，味道好好！好可惜個奄列炒蛋過熟，佢已經落咗好多油，但炒出嚟都唔鬆軟，好實，碟底d油閃令令，仲蔓延到去個餐包，朔晒啲油！結論係，除咗啲火腿絲，其他嘢一無是處！拜拜佢條尾，沒有下次了。

見到門外大排長龍, 原來等蛋撻出爐堂食居然仲有一張枱就入去坐低慢慢東嘆喇星期六冇下午茶,叫左個特餐加一個多撻一個葡撻,兩人share店員好醒目自動波放低兩個碗仔蛋撻剛出焗熱辣辣,蛋香皮唔好一舊舊,好正朋友話葡撻唔夠熱特餐就冇特別

話說心血來潮想食個港式蛋撻，一個人走去長沙灣青山道。呢條街其實有兩間歷史悠久又超多人氣既茶餐廳。就係‘金園茶餐廳’同‘新華茶餐廳’，中午12:00沿路行過去兩間都多人等。🙈睇落新華門口少D人。所以去左新華。一坐落就心急叫左個蛋撻先，再加個常餐。超有效率，一下子黎齊晒🤣沙爹牛麵，味道普通唔算好美味，牛肉碎濕濕同偏乾。火腿奄列味道正常。無期望所以無失望，只係唔想空肚食甜野，重點都係想食個蛋撻。蛋撻明明同常餐一齊上枱，留到最後先食，重保持到熱度。蛋撻酥皮鬆脆，蛋軟滑有蛋香，甜而不膩。100分美味，滋味大滿足。果然無失望今時今日重有幾多間茶餐廳有出爐蛋撻，真材實料重要有水準，呢種味道只有舊式茶餐廳先食得到。用餐期間，見到師傅捧著出爐蛋撻出黎最少兩次。果然新鮮。

近期大熱的酥皮蛋撻之一，當然要去朝一朝聖，去到門外已經看到很多人在排隊買蛋撻！由於已預計到午餐時間會非常多人，所以特意選了下午茶時段到來，大約等了十分鐘入座。室內環境方面，這裏樓高兩層，燈光充足，裝潢算是用心，非一般老字號茶餐廳環境。不過由於實在太多客人，所以室內室外都較為擠迫，而且客人一個接一個，在其他客人的眼神注視下，並沒有太多時間可以自在享受美食。看過餐牌，點了著名的「沙嗲牛肉麵」特餐($41)，餐飲配「熱奶茶」，當然少不了「酥皮蛋撻」($7)！先到的是餐飲。熱奶茶口感濃郁順滑，茶味重，回廿鮮明，符合水準。接著是「沙嗲牛肉麵」。公仔麵麵條軟硬適中，爽口彈牙，牛肉份量雖然偏少，不過質地軟稔又夠入味，沙嗲醬鹹淡得宜，帶甜而不辣。套餐還包括了「火腿奄列」。鬆軟白麵包內塗著牛油，滿滿牛油鹹香。可惜火腿奄烈卻讓我大失所望，因為蛋煎得過火了，過於乾身，而內裡則很多油，火腿都被油浸着，十分油膩。終於品嚐期待已久的「酥皮蛋撻」。「酥皮蛋撻」外層夠酥夠鬆脆，新鮮出爐散發著滿滿牛油香，內裡的蛋則香而口感軟滑。這裡的蛋撻甜度不算高，特別適合不喜歡太甜的朋友！蛋撻真材實料，吃一個都有飽足感呢！走的時候還

初三無嘢做去新華食個情人節大餐先😂諗住會加二或三，點知係無晒啲餐散叫仲要每嘢都加成10-20%咁都坐低咗就照嗌啦，叫咗兩個沙嗲牛肉，餐蛋治同酥皮蛋撻，熱奶茶凍咖啡先嚟酥皮蛋撻，佢好多人排隊買蛋撻，所以食親都係新鮮出爐熱辣辣好食之後就沙嗲牛同餐蛋治。沙嗲牛米啲米粉好爽滑，但個牛肉唔係話特別好食，都唔差嘅餐蛋治就係普通餐蛋治，熱奶茶都唔見特別出色，除咗蛋撻食落會覺得好好食之外，其他嘢食都不過不失。。

Hello! 大家好！魚蛋姐又出動飲飲食食～ 去到長沙灣，穿過元州邨去到青山道過馬路左轉，望到OK便制店行多兩步就會見到招牌。門口左邊報販，右邊有出爐麵包。左邊報販後面有公主，入門口必定會確認過眼神。入到新華慣例：左邊收銀(應該是老闆)會問：「幾多位？」隨後指點樓上或樓下。友人早到已經樓上雅座等候，所以自己懶熟咁回應：「有位，上面！」當我用熟悉既腳步奔上樓梯時，被叫停先量體溫。這是我多年來這裡沒有的新例。驅體正在量體溫，靈魂已經在座位安坐。照舊待應哥哥勤快地問我哋食咩。驚覺不變的餐牌換了！待應哥哥回應說是上星期換了！立刻查看我們將會點的揚州炒飯和滑蛋牛肉飯是否健在。揚州炒飯仍在小餐牌，滑蛋牛肉飯要從大餐牌內才找到。才鬆一口氣。揚州炒飯粒粒分明，粒粒皆熱，粒粒皆香。找不到扣分位。滑蛋牛肉飯好味，但飯汁比例不均。咁多年都會食淨半碟飯⋯⋯食完唔夠皮，要食多件酥皮。餐牌如下。除了餐牌換了，座位皮都換過。下次再見嚕。

係臉書群組見到有巴打介紹呢間茶記，話啲沙爹牛好出色，難得放假即刻同男朋友飛的出去試下佢。一入到餐廳，哇！呢度係充滿舊式茶記既特色，應該係話佢仲保留住舊式嘅裝修同擺設。好懷舊啊～店員都係粗聲粗氣既叔叔，同澳牛差不多。但感覺好有親切感啊。咁我地就嗌咗两個沙爹牛餐，凍奶茶+茶走。面既口感我非常喜歡啊！好有咬口，偏硬！牛肉就鹹咗少少...冇話特別正，都係正常發揮。但奶茶偏甜好多好多倍😰搞到我自己加好多水落去...反而茶走好出色！茶味好濃，甜度又啱啱好，加埋個酥皮蛋撻～絕配啊！跟餐嘅炒蛋同餐包都係正常嘢，冇咩特別。

呢間茶餐廳好有年代感 相信係七八十年代嘅產物每次去到都必叫酥皮蛋撻🥧，除咗厚蛋，酥皮都係主角，入口即溶，又香又鬆化。幫襯呢間好耐，weekend間唔中都要去解癮 加翻杯熱奶茶，正🧡

偶然都想嘆個舊式茶餐廳下午茶，今日約咗老友去深水埗買電器，我便提議去長沙灣新華茶餐廳食d野先食完再慢慢行街。下午茶時間都唔使等位，坐低見到大部分食客都係叫左蛋撻加奶茶，所以我哋一坐低都order一人一個蛋撻先因為我老友未食lunch，所以佢叫多左個蕃茄雞絲飯食。蛋撻唔使多介紹，酥皮鬆化，蛋味濃，完美！蕃茄雞絲飯雖然賣相麻麻，但充滿舊式茶餐廳味道，又都幾足料，食下食下都清曬凍奶茶茶底香濃又夠滑，不過忘記order少甜，略嫌甜左少少🤏

Lunch 一個人的懷舊冰室食店內裝潢是舊式冰室地面及周圍環境清潔👍🏻如果用餐時間需要搭台 服務員會提供隔板在台上👍🏻叉燒意 火腿奄列 餐包 +熱奶茶☕️奶茶香濃 🥶火腿奄列 飽滿🥶餐包 比一般的小 👌叉燒意 屬清淡口味👌由於本人偏愛 「辣」 所以向店員要了辣椒油 - 不算太辣👌面外有面包出爐 離開時 順手買了 雞批 （但口感一般） 作下午茶

睇咗報章介紹這間老字號，見到它跟街坊相處洋溢着濃濃的人情味，亦有用心製造的美食，包括新鮮出爐自家裝麵包糕點，美味茶餐及香噴噴的奶茶咖啡，我決定去一趟撐吓場😊。星期六上午10：45，餐室已差不多坐滿食客，加上疫情下飯聚限四人一枱，好不容易找到一張只可能坐到2.5人的四人枱（枱邊有柱位，加上枱椅之間較窄）的一邊。侍應很快把透明膠板放在枱中央分隔我及對面的食客。聽講沙嗲牛肉麵好食，所以點咗個特餐而不是早餐。侍應很快送上蛋奄列及小餐包，再上熱鴛鴦，最後就係招牌沙嗲牛肉麵。兒時光顧茶餐廳（天后站永興街附近有閣樓的那間，但無奈地已光榮結業）的回憶番哂嚟。侍應和食客的互動是充滿活力及暖意，人情味不容置疑。我不多詳細介紹食物味道，總之你唔會撐錯，招牌沙嗲牛肉麵一定要食，食得出係用心打造👍🏻😉。

去咗屋企附近間茶記。點咗個洋蒽豬扒飯。加埋杯凍奶茶，都係$56。碟洋蒽豬扒飯賣相好正。加上個洋蒽汁好厚身。混入白飯好好味。個豬扒屬上等食材。咬落好有彈性。份量好足。杯凍奶茶好飲。大熱天時飲凍奶茶真係好正。

長沙灣深水埗青山道老舖一蘿蘿，舊香港風味情懷滿載，好多都係家族經營一代傳一代，好似新華咁。要懷舊就去到盡，睇吓餐牌封面個餐廳電話號碼就知，後生啲嘅都唔知係乜東東。有二樓，疫情下一入去太子女就幫你探熱之外，坐低後有人會幫你噴消毒液清潔枱面，10分細心周到。有咩食你自己慢慢睇啦，其實都係嗰啲，要快我叫個特餐就算。絕對係好食唔好睇，每樣野質素都高。奶茶係港式茶記靈魂，呢杯不負所托，細滑回甘，絲絲入扣。沙嗲牛肉麵個面煮得啱啱好，麵爽彈又夠香。牛肉亦鮮嫩有肉味，可惜偏鹹唔係太啱自己口味。多士用嘅麵包亦高質素，新鮮有麵香而且質感軟熟稠密。每次去茶記都令你諗起全世界最難食嘅係嘉頓麵包。奄列個樣好平淡，用料亦係，但係煮得夠香滑，雖然覺得油膩咗少少。食得幾開心於是試埋佢哋出名嘅蛋撻，結果中伏。個酥皮入口即溶令你覺得唔係食緊酥皮，咁樣好唔好就見仁見智。蛋漿略嫌太稀蛋味亦都唔夠濃，整體感覺係水汪汪得個甜字。如果就係咁嘅質素我以後都唔會再食。呢餐勝在夠氣氛，食物質素亦可以接受，除個好好賣嘅蛋撻之外整體來講相當唔錯。

大食妹平時好鐘意食舊式餅鋪的蛋糕同麵包，貪佢地夠古色古香嘛，而家咩麵興懷舊咖嘛，哈哈平時經開舊式餅鋪式冰室，就算唔肚餓麵會買番幾件蛋榚、麵包番屋企就第二朝早餐今日行開長沙灣，咁岩見到有間舊式冰室好有懷舊風味，即刻幫襯下，買左兩件提子蛋糕反屋企做點做<提子蛋榚$7>Size 大概細美心牛油蛋糕少少，七蚊快塊其實都算貴食落冇咩牛油香，蛋糕體偏乾，食完之後有少少口渴提子乾亦都唔係好多，主要集中係蛋糕嘅下面，唔算好抵食

1966年開業的新華茶餐廳座落於長沙灣超過50年，是香港少有還有兩層的茶餐廳。這店以酥皮蛋撻、奶茶、雞批、沙嗲牛等作招牌，大家於疫情過後可以來這裡一試💕👆🏻餐廳外還掛着舊式招牌「新華餐廳」，下午太陽曬嘅時候，鋪頭仲會拉下帆布，等店舖無咁熱👇🏻新華的蛋撻可說是九龍區酥皮蛋撻之冠，蛋味濃郁皮鬆化又多層💕其實之前想黎好耐了，呢日咁啱黎呢邊有野做，就順便過黎試下😍果然真係無令我失望，個人覺得酥皮蛋撻比起快X餅店、泰X餅家的蛋撻更鬆化。而雞批係「大路」嘅口味，雞肉、火腿、菇、洋蔥配上白汁，令人回味無窮。熱奶茶都係無得彈，香滑濃郁唔「鞋口」👍🏻