新蔡潤記魚旦粉麵 (已結業)

今日晏晝放飯，喺廣福道附近搵到呢間粉麵檔，入面雖然環境惡劣，不過算啦食個飯姐冇所謂，對於打工仔最緊要依飽個肚！坐低之後叫咗個牛腩牛丸河粉加可樂，起初真係覺得幾抵食因為雙拼同價，落單之後等10幾分鐘，見到麵檔得一個姐姐，都知道佢辛苦所以都冇點追單。到碗野落枱嘅時候，我成個人呆咗，再左望右望已經覺得唔對路，份量少到七彩，所謂牛楠得三塊仲要切到好似瘦肉咁細塊，d河粉少到好似俾人食完一大半倒返落去咁，成碗野最正常兩粒牛丸，大佬我唔係食兒童餐呀，打工最緊要食個飽肚飯姐，最嬲嘅仲要比我望到其他枱啲份量多我甘多，如果你間鋪特色係份量少我冇嘢講我最多加底，但實質唔係。我左望右望咗好耐我叫個姐姐過嚟，我相信姐姐應該知道咩事，指住個老細叫我自己搵佢，阿老細行過嚟我就直接同佢講啲份量真係咁少㗎你間鋪？夠膽死同我講其實你覺得唔夠係可以加底，我叫佢望我碗野，未食過，已經係比人食咗一半甘制，佢即刻同我講話叫姐姐整多碗俾我，我火都嚟埋，最後冇要到佢碗河粉，兩分鐘食完嗱嗱聲食完走，唔係要你免費比多碗我，但係打開門做生意唔係真係慳成咁呀，仲要當啲客白癡

份量極少，18蚊碟菜芯得3條，真係唔覺自己有食過野咁煮既時間亦都好耐，唔知點解等咁耐味道一般， 幾啖就食完！服務就沒有咩要求，但都係趕頭趕命咁款我試咗呢間兩次，結果一樣！算數

大埔人分兩派 一係食舊蔡 一係食新蔡。細細個啊媽就已經帶我食新蔡 好似到我上咗小學先知舊蔡嘅存在諗諗吓 自從中學畢業都冇再食過啦嗯 之後聽聞新蔡個老闆過咗世 味道唔同咗好多 咁多年後嘅今日真係認證咗 難食咗好多 呢回事牛腩乾過我塊面 又柴又硬 上枱嘅時候貌相已經唔討好 魚片有薄薄嘅3片 河粉嘅份量少到食完成碗 好似冇食過野落肚咁最開心係 我真係好耐冇飲過枝裝可樂了承惠41蚊。我的回憶。🚩 新蔡潤記魚旦粉麵 (大埔)大埔廣福道144號地下

經過求其入以前食開舊鋪一上枱碗嘢已經好少實在唔明 點解牛腩得兩片係一片片 唔係一舊舊 有啲太姑寒魚蛋得三粒有舊牛肚係我隔離碗麵分俾我嘅牛腩陣風咁 太薄 唔香肉味 感覺滷咗好耐好實魚蛋輕爽口偏冧 無乜口感魚皮好實 唔鬆脆我咁細食都食唔飽因乜解救我都食過好多牛腩麵啊點解會咁嘅呢？

3點多，因疫情每枱只限2人！3人行，點左2碗魚丸米，1個淨魚皮，淨牛腩。魚皮勁多炸粉，食炸粉！牛腩 又乾又柴！不值一吃！原本想到原蔡潤記，但3點已經關閉，所以就試下新蔡潤記。終於明白點解啲人不推薦呢間！

兩個人附近影完相，揾地方醫肚，見到呢間粉麵店， 夠晒就腳，睇門面屬街坊老店， 可以屹立至白， 應好有水準！點了牛腩麵、牛腩魚片河、油菜(菜芯)！牛腩又硬又鞋又乾，似煲完湯D瘦肉， 放在麵上仍然是凍的，無肉味， 麵又硬！ 魚片又淋pat pat， 無魚味又唔彈， 河粉唔爽滑！ 碟菜…… 份量少都算， 又係硬， 菜價又唔貴， 仲要揀D最差有白心嘅菜芯！唯一好嘅係支可樂夠冰凍！無相，費事影， 因見到碗牛腩麵就無晒興趣影！ 總之以後幾餓都唔再幫趁

話説食開最近，同佢嗰名少一個字嗰間，點知去到食開嗰間無開喎，就試下啦。真係麻麻地喎，我哋叫咗魚蛋河，湯底有啲清，都可以嘅😆感覺上健康嘅，河粉呢唔夠煙韌，麵嘅口感好一般，texture 唔喺食開嗰間嘅水平⋯⋯魚蛋岀事啦，唔彈牙，手打魚蛋喎，唔得🙃真係唔係嗰回事bor😕有無味，要配辣椒油🌶️先食到，另一樣唔掂就係魚片，無味嘅，成塊白色嘅，無炸邊，好唔掂喎，金黃色嘅邊無嘅⋯⋯怪怪的🤨，最後想再講埋嗰個炸魚皮，好硬，太難咬，要浸湯幾分鐘先可以咬到，我以為係好脆薄嘅，都唔係卜卜脆啊😩好後悔叫咗囉，浪費咗大半碟，真係唔好食⋯⋯如早點知魚蛋，魚片都如此伏，一定唔會叫剩蛋片囉，唔好食㗎，可一不可再，伏一次夠啦，不了！失望嘅一餐午餐，又唔係平。

牛腩🐃魚蛋🐟河🍜本身有睇👁👁網上🖥推介過 🗣一直都想試吓 🦵🏽🦶🏽但係因為呢間野🏚通常都係開到🚪黃昏🌤時段通常去到都閂左❌ 今日晏晝去☀️嗌完麵🍜之後 佢已經俾咗個辣椒油🌶我（我無叫🗣佢比）碗麵🥢嚟到之後👩🏼‍🍳 個湯都幾清嘅唔會話好油 試咗冇落🙅🏻‍♀️辣椒🌶油 個湯底🍵都幾好食👍🏼落咗個味係濃小小👻嘅 但唔大差別🤖魚蛋🥚幾彈💃🏽🕺🏼 牛腩🐮同平時出面食🤣嘅唔一樣 有少少似燒味🤣我覺得整體🔚一般🧐🧐又唔係話特別💭好食 🤔有啲遜色嘅係 牛腩🐮得兩細舊🍽唔太多普遍🤹🏻‍♂️來講都OK嘅 但又唔使🚗🚌特登入嚟試🏠經過想食麵🍲嘅話 可以過嚟試一下 💬對我來講🧒🏻我覺得冇乜特別嘅啫🤔

大埔分別有兩間好味嘅粉麵檔一間係蔡潤記令一間係新蔡潤記其實兩間都有特色個人覺得 蔡潤記嘅魚蛋河比較好味而新蔡潤記嘅牛腩河比較好味不過講到最有懷舊味道蔡潤記的確懷舊啲🤨落單後老細唔會俾單據食完老細會望一望枱面你叫左啲咩食向收銀大叫你要俾嘅金額然後你直接去收銀俾錢就可以🤣.講返牛腩河😛牛腩好淋 河粉湯底好入味佢嘅辣椒油都唔錯加埋支麥精一流！另外佢哋嘅魚蛋都好爽口魚皮有別於市面一般比較厚身 浸湯底後先食比較好😆.📍新蔡潤記魚旦粉麵 (大埔)大埔廣福道144號地下

食下午茶嘅時候嚟到大埔一間小店，C聽大埔街坊講，呢度嘅魚蛋係最出名。我叫左一碗「蛋皮米加底」，魚蛋細細粒，咬落去非常彈牙，而魚皮，唔係我哋平時食開個隻黑色一塊塊，佢係細細塊，炸得香脆，皮身質感硬，似飯焦，加埋佢哋自家製嘅辣椒油，非常推介。

新蔡潤記必食牛腩粉腸牛腩半肥瘦好味道粉腸都好味道本身都鐘意食粉腸但就好怕食到韌同臭味粉腸蔡潤記既粉腸絕對係好味反而麵質一般可選擇大碗或細碗湯底有點油但好濃郁炸魚皮同平時食開既唔同有點硬順便一提飲品有玻璃瓶汽水及維他奶麥精仲有大包裝紙包飲品滿足既早餐❤️

之前喺大埔住過，久不久都會幫襯新蔡潤記魚蛋粉，所以都會掛住想食返。你話最好味又唔係，份量亦唔係好多，我要食兩碗。但新蔡潤記魚蛋，魚皮既味道，同出面食既係有啲唔同。魚蛋細細粒，魚皮就比較硬。返嚟見到樓面姐姐，仲係佢喎，熟悉既人物，熟悉既味道。我返嚟係食回憶架。

今日母親節，一早行去舊墟街市買餸，行到舊墟有啲肚餓，就在大街入左去新蔡潤記食碗粉，叫左碗牛腩河，碗粉唔算大，但味道好，啲湯汁好濃，但唔咸，啲辣椒油好香，$30一碗，食完唔飽，但好味。

叫左牛丸魚旦面，3様野無一様吾難食。牛丸實净，要比力咬先開，入面都系咁實，冇牛味，冇油分，乾。魚旦表皮硬，入面鞋，冇魚味，有腥味。個面又粗又硬。我食吾到落去。白白比左卅蚊佢。

I have seen this place for many years but never tried it, and saw on a website that it was good so decided to try after my wife wanted some beef brisket noodles. Let me tell you.. the portions... are incredibly tiny. The taste of the soup was nice and savory, but quite overly salty. As for the portions... they gave very very very little. I asked for brisket/tendon dried noodles.. first they didn't even give me dried noodles. Next, I got two very very small pieces of tendon. Not just two.. but tw