新記越式牛肉粉 (已搬遷) 新店位置

Whenever I'm in need of comfort food, this is the first place I think of . I visit this place at least once a week, either a take out or eat in, just never get bored of it ! My favourite food from here is the raw/cooked beef Pho and chicken wings . The soup to their pho is really hot, the flavour is just right and they're pretty generous with the beef too. The chicken wings are really crispy and not too oily, which is always good. If you're looking for something healthier to go with the pho, the

新記 我已經大大話話黎過10次以上 次次都想寫食評但次次都懶 今次終于落筆啦！話説1個月總有幾日突然間想食生牛檬 呢間抵食又好食 所以係我首選！基本上都係收工黎食 晩晩都幾多人黎食 但好彩次次都係唔洗等位！例牌我係食生牛檬 通常order左唔洗5分鐘就有得食 而店員次次都會先奉上一蝶配料 就係芽菜同九層塔香草！！加埋落去食 整體味道提昇 九層塔真係好鬼香～生牛檬黎到 真係生既 無呃我 湯好熱 足夠浸熟牛肉同芽菜～湯底好濃好好飲唔係味精湯！牛肉都有5-6片 而且好香牛味好林好正～$36碗粉份量都唔少～食完飲埋杯野(+$6)好夠飽！$42食個晩餐 又好食 算幾抵！另外 次次黎親都見到係1男1女店員 幾有禮貌 好勤力 做野好爽手！值得一讚呢！

差不多尾聲的假期，因為幾種原因，唔可起雙飛去兩個旅行，是今年最大的一個遺憾。 在香港餘下的幾天，想處理很多的事務，不過，時間都唔係好夠用，大約要處理的事情都是太多了。 在去整車的時候，來到了長沙灣附近，你來得這裡，通常都會吃新華，或者是金園，這兩大茶餐廳賣飛佛，永遠霸佔了這邊的開飯選擇。 不過，自上次我已經發現這裡有間叫新記的越式Pho，曾聽講一個朋友說是不錯的，自胡志明市後上了癮的我行得過來，於是我放下了兩位最愛，來吃了一碗Pho。 選擇都算多，有米粉河粉金邊粉檬粉，生熟牛肉牛丸等一應俱全。 一個生牛肉牛丸湯河，三十九元正，於長沙灣，不是一個平的價錢，還可以吧。 最驚喜的，是未上河就如胡志明市的Pho le有碟配菜給你，如果三十幾蚊，又幾認真。 湯底味算濃，不過不是那些牛骨的濃味，說真這不是brass spoon，我不能要求咁高。 牛丸就好普通，沒有什麼彈性，沒有牛味，而且好細粒，可能剛剛我吃完八合里，牛丸，我有新的註解。 生牛肉就不錯，份量多，而且質地不是那些味如嚼蠟的牛肉。 河粉是普通貨色，不過掛湯還可以，整體來說，我覺得合格吧。 當然，你永遠不能和越南比較，但以香港的價格來

今次第二次光顧，比上一次退步了不少，還記得上一次（牛湯味濃郁，生肥牛有牛味，河粉爽口）今次真的失色不少，湯底淡而無味，肥牛一般，牛腩牛筋完全無味，而且牛丸仲要好淋，河粉又太厚身，我知道平民價錢，也不可以奢望太多，但作為一間專賣越南河粉嘅店家，真的要想方法找回當初的味道！

有時候去長沙灣經過呢間餐廳都見到座無虛席於是今日就專登去試一試豬頸肉撈檬整體都唔錯, 有好多配料例如蘿蔔，蔥，芽菜同埋比較驚喜嘅酸蘿蔔！😗 但係略嫌豬頸肉燒得唔夠火喉,花生碎如果多少少就會更加好☻整體都非常清新， 但係啲醋唔係好夠味，要落比較多☻😂☻😂 Rating 7/10熟牛肉檬粉牛肉切得非常薄片，湯底味道濃郁，亦都好有牛肉味。香茅同埋牙菜喺分開上，方便唔同口味嘅人Rating: 8/10雞絲扎肉米紙卷米紙卷嘅外皮煙韌 裡面有好多料，檬粉，蘿蔔絲，雞絲，扎肉，青瓜 (￣∇￣)。但係食落去略嫌青瓜嘅味有少少蓋過其他食材。Rating 7/10

黎開呢頭就入嚟試下，叫左個香茅雞扒河粉$34，加飲品加多$6，共$40未食過呢間野, 本來叫呢個餐都係因穩穩陣陣應該唔差得去邊點知嚟到有驚喜，雞扒係非一般嘅厚切，而且外脆內軟，咬口一流，又醇製得好香濃，真係抵讚河粉都有一定粉量，又滑口試食左少少朋友order個餐的豬扒，同樣好正，下次再嚟食下先

食得多中餐西餐，口痕想食下越南菜，叫媽咪介紹啲平靚正既選擇，結果佢就帶左我黎呢間係長沙灣既街坊餐廳，鋪頭細細，但人流不絕，食物仲意想唔到咁高質添！！大約七點幾左右黎到，點知滿左要等位，呀哥仔都好好態度話叫我地等等，大概十分鐘就有人走喇，同時都有五六個人等緊位，生意確係唔錯呀！呢到無論湯粉定撈檬都係三十幾蚊，價錢算幾平架~小食都係廿幾蚊，絕對令人想叫無限架哈哈我叫左鮮蔬札肉雞絲檬粉，而朋友叫左香茅豬排檬粉同生牛肉河粉，小食我地就叫左札肉雞絲紙米卷同烤豬頸肉。講左我個札肉雞絲檬粉先，一拎到黎，嘩，真係個碗大過我塊面多多聲啲粉都好多，最正係佢寫鮮蔬真係有好多蔬菜配料呀！！！除左正常有既炸蒜頭蓉同蔥果啲之外，佢有大量蘿蔔絲，菜絲，仲要有酸醃白蘿蔔添！全部都多兼且好新鮮既感覺，個酸蘿蔔令人非常開胃覺得好健康呀~札肉同雞絲既量都唔少，不過札肉係一條條唔係一片片，所以係少過平時既，但檬粉份量同樣都多，真係岩哂我呢啲大胃王。朋友叫既生牛肉河，牛肉都有6-7舊，河粉量同樣多，最窩心係佢將青檸同芽菜同羅勒葉另上一碟，等客人中意落幾矛就幾多，仲唔會比啲湯湯林哂啲配料添！！！至於香茅豬排同樣係大份量，切左5舊

在長沙灣工作進入倒數, 想盡量多試這區的平靚正美食, 很多時行經這間越式牛肉粉店, 常見有人在排隊, 今天決定一試, 一般食越南粉我會要火車頭, 但今早遲食早餐, 所以只要了生牛河, 待應落單後, 便先上芽菜, 青檸和金不換, 如果要辣椒, 要向待應要求。河粉送來, 我親湯夠熱, 第一時間將芽菜, 辣椒和金不換下湯中, 再下青檸, 先試一口湯, 湯甜但牛味不夠濃, 跟尖沙咀廣東道九樓那問有一段距離, 再試河粉, 粉不太爽, 最好的是牛肉, 第一不是"煙肉"雪牛, 牛肉滑且有肉香 - 得。 價錢$36, OK 啦。

行過見到間舖頭非常多人，咁岩又肚餓，於是就試下啦！叫左個生牛肉河粉！佢地都好細心，牙菜，青檸同埋ｄ香葉分開上俾你，適合不同口味人士！河粉到了，湯底好清好夠味，而牛肉都好有牛味，其中我最欣賞就係佢ｄ河粉，非常幼滑同埋都好夠份量，而又價錢合理，一定會再幫襯！

又到中午餓極搵食， 見到街口越式小店有人排隊，好似唔錯，就入去試下。小店地方不大但環境很清潔，價錢也可以 。點了牛肉牛腩，份量不少，湯也很清甜，實在不錯。還配上青檸，九層塔等香料，十份吸引。等待時間不太長，又是中午食飯好去處。

一碗牛腩湯河一杯冰檸檬茶，牛腩筋肉云稱，大大件有五六件，炆得香糯，河粉是切得細細幼幼滑滑，浸在一大碗燙熱的充滿牛骨香的清湯中，夾着洋葱芫茜芽菜薄河葉吃，哇啦哇啦便湯也喝完，還可在細碎的陽光下靠街的窗旁發呆半個鐘。這餐盛惠四十元，比之一個月前在中環吃的越南湯河，中環祇是多了一小份前菜烤豬腩沙律，便要多付一百塊，那真是人吃 吃人。

新開經過新記，招牌logo號設計不錯，在這舊區中覺頗吸引，所以同屋企人入去試下。叫了火車頭，春卷，越南生牛肉河，札肉檬等基本越南美食，全部都好好味，尤其欣賞個湯底，好濃牛骨味；樣樣食品也很足料，河粉十分薄滑，真的有越南PHO的風味，沒有令我失望。價錢又很合宜。原來老細就是師傅，態度謙虛親切，又很用心煮，值得一讚整體來說，新記值得一試再試。

老公經常行經長沙灣這區,他帶我到這家他覺得不錯越南河粉試試,這間舖裝修普通,拉開趟門,地方不大,約25坐位,招呼還好,眼見都是街坊,當然這區很難有其它人流,但這區正有大量新屋興建,不久將會有許多食客試過不少越南餐廳,好吃的少有,我記得曾試過一碗非常滋味的生牛肉河,但已很久找不到這種味道,為了一碗好吃的越南河粉,我曾上過幾節課,了解湯底的材料,要用牛骨,草果,碎腩還有許多香料....撚湯底當然我是點了生牛肉河,這是越南菜最基本工夫,河粉到了,湯底顏色像樣,還有一碟芽菜,金不換,半個青檸,當然我將整碟放入粉內,這是吃越南粉不可缺少的,渴了一口湯,味夠濃,還有香料的味道,不會太粗製濫造,湯夠熱才能把牛肉弄熟,不錯,牛肉也好吃,沒有牛羶味,不會是太便宜的貨式,一碗份量亦大,32元可以接受,試過小食-雞翼,米紙春卷,覺得米紙春卷太油, 越式菜春卷,記得上堂學的越式春卷是有豬肉的,老師還做很好吃,菜春卷還似中國春卷多些,這里都是交來貨式,沒有驚喜,這里食物選擇不多,下次倒想試吓檬粉做得如何?

舊的老的，就要被叮走，無得留低，這是社會進步過程中的金科玉律，還是缺乏人情味的表現?長沙灣的一間舊式金鋪，年紀比筆者還要大，我中學時代曾經貪得意幫襯過，早兩年跟舊同事經過，他也十分雀躍竟遇到如此古老的金鋪。可惜，在去年年底，它，已悄悄地消失了…小小的舖位，竟換上一間吃越南河粉的餐廳，趁是日路經，時間趕急，走進來吃碗河粉，是最方便快捷的選擇。生牛肉、牛筋，均未夠我獨個精彩，來一碗火車頭，才能滿足到我。芽菜、金不換、青檸等東西，總算有奉上，先不論是否正宗好味，表面功夫是不可缺的。未幾，一大碗火車頭送到跟前。內容有生牛肉、牛腩、牛筋、牛丸以及牛柏葉，但看湯色比較淺的，呷一口湯，味道沒預期中的濃鮮，已大打折扣。各款材料，除生牛肉較合心之外，牛腩是頗韌，牛筋膠質不重，牛丸毫無味道等等，全都沒有驚喜，甚至河粉也不爽滑，不喜歡。加六蚊有飲品，冷熱同價，但只有幾度的天氣，也不貪小便宜，要杯熱檸茶好了。反而，茶味幾濃，喝得舒服。說到底，我還是喜歡以前的金鋪。