新金榮小廚

营业中

休息中

以前新金榮壟斷左仁愛堂街，當時覺得啲滷水至到小炒都好掂，而家有咗競爭對手，反而好似差咗，不過呢度嘅小炒王同埋蠔餅，都仲係水準之作，而最正就係黃金蝦，天氣凍的話，窩蛋牛肉飯，好食，如果去開新金榮，記得點呢幾味餸

係屯門要食大排檔，一定係去何福堂成條街都係大排檔，以前都係求其揀一間，中過幾次伏學精了，識食一定係去新金榮到食。已經好耐無黎，估唔到依家成條街都係新金榮甘滯😅 佢可以開到甘多間，都唔係無原因韮菜豬紅有少少辣，好惹味蠔餅無諗過甘大碟，蠔大大隻，但味道一般。唔知係咪唔夠蛋呢？白灼鵝腸鵝腸好肥美，份量又多👍🏻啫啫通菜煲食大排檔就係要食呢啲煲，冬天食熱辣辣仲正😋豉椒炒蜆蜆比較細隻，但勝在夠大碟。更重要係唔會得殼無肉😂豉汁蒸鱔好食，又新鮮，鱔肉彈牙。不過我鍾意食厚切啲既京都骨唔夠啲食肉獸黎，我一件都食唔到😭😭 可想而知係幾甘搶手仲有個黃金鮮魷拼九肚魚呢個就好似細碟左啲，幾舊就清碟。鮮魷幾好食，不過九肚魚就唔夠肥美

喺屯門逛了一日， 去完happy hour彈完啤酒。 去咗附近嘅新金榮 吃晚餐,. 他一條街有成四五間, 人流很多， 心諗冇死了叫了碟椒鹽九肚魚 同豉油皇蝦 好送走， 另外再叫小炒王 同黃金豆， 還有碟 炒牛柳椒鹽九肚魚一上， 個個o曬嘴， 點解好似畀人偷食咗一半?，只有少少的幾條鋪在碟上， 忍唔住叫侍應問， 他將那碟取走了，再上一碟 才正常的豉油王蝦 吃起上嚟 有霉的感覺， 不是新鮮蝦， 極度麻麻小炒王也炒得不夠乾身聽聞他在這條街屹立了很久， 但感覺出品越來越差， 下次再難幫襯

🚩屯門🥘新金榮-骨子裏可能流住麻甩控既血, 所以我好喜歡食大牌檔, 充滿香港特色又有人情味, 而且冬天既時候一枱人圍埋一齊好熱鬧好暖😚住左3年宿舍, 成日都好想食新金榮, 但自己又係小毒毒, 想搵多啲人一齊食真係唔容易, 最近終於又食到😭-🥘蜜椒薯仔牛仔粒 $78味道好夠, 蜜糖令薯仔同牛仔粒更甜更juicy, 牛仔粒唔會太韌, 但牛味唔重, 薯仔略嫌唔夠焦, 無外脆內粉既感覺, 味道carry整個菜( 想念萬發既薯仔牛柳粒)-🥘麻辣手撕雞 (例牌) $forgot辣辣der, 好惹味!! 越食越上癮!! 份量好大碟幾夠食, 雞肉, 青瓜仲有海蜇, 好有口感, 送飯一流!!-🥘椒鹽鮮魷配九肚魚 $98椒鹽xx好似係每間大排檔必叫, 炸得好脆, 份量足料, 加上炸蒜同辣椒, 好香口! 鮮魷會多過九肚魚, 都出色過九肚魚. 因為魚肉雖滑, 但好細舊, 會顯得炸粉有啲多. -🥘石窩馬拉盞通菜 $68用石鍋盛菜, 保持到佢既溫度, 夠熱夠鑊氣, 而且加咗辣椒, 令通菜更惹味!! 不過有啲油 (其實街菜一定油)-整體水準中上, 但係屯門嚟講, 係唔錯嘅聚會選擇🥰-

新金榮打冷係屯門應該無人不識，間唔中都會去炒幾個小菜食下，夠鑊氣，份量都多。天氣開始凍喇，豆苗當造喇金銀蛋豆苗有肉碎，撈飯都得！呢咪真係好正，夠鑊氣，加左黑椒炒完好香。薯仔邊都有少少脆，勁中意加多個鮮魷，熱辣辣炸起，脆卜卜

全條大街都係大排檔既場面相信係港島未必會搵到，但黎屯門何福堂輕鐵站附近你就會搵到一條全部係大排檔既街。 新金榮差唔多獨佔哂半條街有多既舖位，地面/上樓都有，人氣好勁。秋天涼涼地黎打邊爐/食雞煲/小菜絕對係唔錯選擇！今次周日晚上七點黎到，就已經要排15分鐘。如果可以，建議提早入座。今次主力想同大家介紹返個椰青皇雞煲！不瞞大家說，今次已經係我encore黎既第二次。______________________________🔸 椰青皇雞煲 (半隻) $228 / (一隻) $318由於上次同今次都係3-4人食，叫半隻都好夠，可以留返個肚食其他。你可以選擇另加火鍋配料，或者再叫小菜都可以。依個雞煲唔係惹味熱氣個黎，反而係潤喉養生。材料方面十分足料！個煲上菜既時候入面已經有好多雞腳、粟米、雲耳杞子、椰子、馬蹄等等，另外半隻雞係另上。建議未落雞之前可以試下就咁飲個湯，已經好清甜。當你一路煮既時候，雖然唔多唔少都會多左雞油，但你會feel到個湯越來越出味，粟米都會勁甜。如果食到咁上下唔夠湯，放心佢唔會加水沖淡左，你可以叫店員加湯。🔸 豉椒炒蜆 $68大排檔必叫之一！送酒一流！蜆肉又多又新鮮多，好夠

屯門嘅新榮記，基本上係這區最大的大排檔，人不算太多，但都要等十分鐘 ，點了三個小菜，共360元，算是經濟，其中一個椰青煲雞 ，半隻，值得推介，這個菜的重點是要先飲頭啖湯， 材料包括椰子，海底椰，粟米紅棗杞子雪耳 馬蹄，材料十足，童叟無欺，湯頭鮮甜滋潤，秋冬季節，尤為適宜飲用， 這裏賣的就是街坊小菜，主打潮州打冷，鄰座的蠔仔粥，椒鹽九肚魚 ，看似也很好味，下次有機會一定要試，亞姐的服務需不是甚麼大酒樓級數，但都是有求必應，顧客至上，已經不錯哦。

新金榮其實都食咗好多次😇😇😇今次終於的起心肝寫下食評叫咗豉招炒大花甲🤤🤤真係幾大隻 好夠味但如果分量多啲就更好啦😂😂啫啫通菜煲😙😙😙味道係唔錯而且通菜份量都好多👍🏼👍🏼但係要食得好快手先得如果唔係好快就會比啲湯浸到通菜好淋😅😅黃金蝦🦐🦐啲蝦好大隻而且好夠味👍🏼👍🏼好有蛋黃味好香脆 可以連蝦殼食😝😋同埋第一次試嘅蠔仔粥😝😝又幾有驚喜喎成碗粥都好濃蠔味 而且好多蠔仲😋😋😋

滑蛋炒蝦仁: 蛋幾滑, 亦夠多夠厚, 但食落口又唔會太油, 蝦仁就少左D, 同埋都預左係雪蝦無蝦味。豉汁蒸魚雲: 魚雲唔太入味, 同埋骨多。波羅咕嚕肉: 酸酸甜甜, OK仲炒左個菜, 唔記得係咩了, 但好大碟, 都抵食GE。不過呢度D位坐得唔太舒服, 佢地又會將D 冷飯菜汁/水亂咁掉, 有Ｄ DIRTY

今日放假同老婆去左新金榮食飯，已經半年冇黎過呢度食野！今日分別叫左3個餸一個係鹵水拼盤一個係鹵水鵝一個係椒鹽鮮魷先講鹵水拼盤…擺得係幾靚仔，試食其中一舊豬腸先，食左一啖已經唔掂…d食物擺得耐，唔新鮮，其次係d豉油有一陣尿餲味…好明顯洗材料果個求其了事，我同老婆食左兩舊之後已經冇再食！鹵水鵝 最簡單一味餸，最好食都係擺底既花生粒！鹵水鵝又係明顯擺左幾日，翻熱再翻熱，搞到鹵水鵝除左鹵水味外完全無味！鵝肉也太（鞋），太un咬到斷氣先食到一舊仔，我同老婆都係勉強食左兩舊又係冇再食！椒鹽鮮魷 比較最期待既一碟餸，先講賣相，黎到時已經見到鮮魷金黃色偏黑，未食已經好明顯知道係炸過火位，擺入口果然冇錯，除左炸粉厚身，鮮魷陣雪味仍然存在！又係食左兩舊就放底筷子了！待應見到我地食剩咁多野，都唔會有好奇心走黎問咩事，可能已經司空見慣！我再望望其他台既客人，佢地個個都係食剩一半以上！可能有錢就是任性，每位客人都摸住杯酒底，同朋友盡訴心中情！飲完兩支藍妹，我發誓從此唔會再黎呢度食飯，d鹵水野擺太耐又唔換新鮮食材，廚師功力顯然未夠大師父級！3個餸 2支藍妹 賣單340蚊…心如刀割又經一事長一智了！apps有問題

Honestly saying, finding seat in Dai Pai Dong isn't an easy task. People just sitting there and don't know how long still have to wait. We even didn't get a ticket, lol, but seem getting the table fast, haaa. Eating in Dai Pai Dong, what you can expect is the wok-hei, it's really good taste. They always like coming here for those local Cantonese dishes. Except the environment, I like the dishes too, haaaa. I think, now the environment is getting better with air-conditionals, though it's still qu

星期日例牌喺「無飯煮婦」日，一家三口好耐無去大牌檔食飯，就腳的只有新墟新金榮，環境就不要提啦，眼不見為乾淨，勝在大件夾抵食，出街食飯梗喺叫啲自己唔識整嘅菜式啦，今次就叫咗黃金鴨舌，煎蠔餅同金菇肥牛煲黃金鴨舌鴨舌上枱後發覺份量都幾多，真喺大件夾抵食，但賣相就唔夠金黃，應該喺咸蛋黃推得唔開，因為仲見到一嚿嚿嘅咸蛋黃，鴨舌整得好入味，完全唔覺有雪味，整體嚟講都算尚可煎蠔餅勁多蠔肉，洗得乾淨無沙，煎得香脆，賣相不錯金菇肥牛煲最差的菜式，雖然肥牛及配料夠多，但個汁就整得太稀太咸，失敗之作

黃金三寶茄子鮮魷豆腐賣相唔討好，味道亦不似預期黃金（鹹蛋）味極淡，炸物炸得唔夠乾爽，豆腐茄子入口感覺只係好似食緊一pat不知名的東西。金菇肥牛煲肥牛嘅份量都算係唔少，但係食唔到牛肉味。最敗筆嘅係，呢個煲感覺好水就好似係金菇肥牛加沙爹水咁，好失敗。潮州煎蠔餅呢個煎蠔餅大概係我食過最差嘅蠔餅。上枱嘅時候已經係變到林晒，應該係煎完之後就即刻將啲蠔餅疊埋一齊，結果就焗到林晒，完全無煎嘅感覺，而蠔嘅份量亦都係屬於少。炸大腸拼雞軟骨炸大腸我冇食到，所以不予置評。但係雞軟骨真係做得好差，有一種係用萬年油炸出嚟嘅感覺，而且雞軟骨好細粒，成份雞軟骨好似碎濕濕咁，無法令人開胃。p.s我哋叫咗四碟食物，其中有三碟都親眼睇到待應送錯去隔離枱，呢方面真係唔多掂。

係屯門行完山後順便dinner隨意想食打冷野 跟住openrice 黎左呢間新金榮先叫左韭菜豬紅...本身唔食豬紅 朋友話好味的豬紅好少有 不過呢度既係好味看，又唔腥 不斷叫我試下食 不過最後掛住食其他冇食到：滷水拼盤- 不過不失 冇特別：豪餅好足料！ 好香～外脆內軟~推薦呀本身想食通菜 可惜冇哂 換左芥蘭味道ok! 普通既好味！最後都叫左個雞煲，揀咗麻辣味，都幾夠味，其實可以打埋邊路，不過我哋都太飽，所以齋叫雞煲算XD

Happy Friday並不快樂，感冒未癒已接近一星期了，煎炸、辛辣、甜膩食物通通戒絕，如此心情實在是快樂不起來。老公卻是難得的好心情，說要去新墟大排檔開飯，正是煎炸辛辣美食的集中營，病人尤為不宜。但既然是老公的Happy Friday，也不好意思掃他的雅興了。一直有留意屯門的討論區，近日食友對新墟的大排檔負評不少，這些負評確是令人有點卻步，無奈離屯門市中心最近的，就只有新墟了。來到這熱鬧的大排檔街，香氣是比以往要對辦得多，在大排檔這一界別裏，食評只能作參考之用，因為光顧大排檔的人遠比寫食評的多，如此一來食評的作用實在不大，當然也包括我這一篇在內吧！還有大排檔除了講求味道，就腳方便也是因素之一，這就解釋了為何在劣評不少的情況下，這新墟大排檔街仍是人聲鼎沸，人潮如鯽。新金榮是街上最有規模的一家，這大排檔的面積佔有率是五分之一，真不知附近的大排檔是如何生存的了。港式小炒、游水海鮮、潮州打冷、羊腩雞煲......能說得出的都有供應，也難怪會受到食客的歡迎。環境就跟一般的大排檔沒有兩樣，店面大食桌不少也就不用坐到街外了，至於環境衛生方面......你懂的，但求「眼不見為乾淨」吧！病中之人腦袋懶