新高麗苑韓國餐廳

营业中

休息中

#dinner晚市有自助晚餐，不過其實基本上同午市啲嘢係一樣嘅(前菜、燒肉、甜品)，只係種類多少少同埋可以比你自己夾多啲。唔自己燒都可以叫餐食，其實都係一樣只係佢幫你燒好(◐‿◑)前菜有炒粉絲，泡菜等等，幾好食ʕ •ᴥ•ʔ肉類有牛豬雞分類擺好，呢到嘅調味偏向甜，基本上你揀咩肉都係甜嘅，雖然好似都差唔多味，但係又幾好食ʕ •ᴥ•ʔ比午市多咗嘅係有人蔘雞湯同豬腳薑，個雞湯都幾好飲，甘甘地嘅ʕ •ᴥ•ʔ甜品有啫喱、西瓜同雪糕。呢度嘅啫喱會落花奶係上面◉‿◉好得意，比起出面嘅自助韓燒呢到嘅甜品係少左啲(´･_･`)

如果你有係堅尼地城遊走過下，唔難發現其實無乜韓國野食新高麗苑位於二樓，樓下有啲中韓宮廷feel建築，座位正常舒服嘅，野食選擇都算幾多下，生熟都多幾十款前菜、配菜，仲有糖水同湯個人覺得人蔘雞湯必試，有蔘味而又濃，無味精味既，暖胃又好味食得韓燒梗係種種肉都要試下，牛肉快熟嫩口又幾有牛味雞肉、雞翼就相對正常，味道都ok豬肉既種類都算好多，值得一讚，五花腩、豬頸肉、豬肉、豬扒、叉燒......好吸引好幾款都好好味，豬頸肉滑嫩又彈牙，五花腩香脆夠油份，叉燒味道特別口感好，推介晒依三樣必食特別係五花腩，豬肉仲好食過牛肉更加必食既就係燒豬肉生菜包生菜加入燒豬肉、特製醬汁、生蒜，包埋一齊食正到一個點好味得黎生菜又夠refreshing，生蒜同醬汁將豬肉既味道昇華，真係好滿足嘅感覺仲有其他海鮮同蔬菜燒既，首推冬菇同墨魚仔，冬菇燒左加啲燒汁又juicy又好味墨魚仔幾鮮幾香既，食極都唔厭十小碟我都覺得好正下架，整體算係幾唔錯既韓燒，補多一點就係見到啲員工好熟好似一家人咁，服務亦好親切好好價錢就唔係sell平既，不過性價比計落係抵既

溫完書😙夜晚時間決定去食下好耐冇食嘅韓燒。因為唔係好餓，今次就揀咗#五花肉定食 $88。套餐會包 一份五花肉，三款漬菜，一碗人蔘雞湯同埋甜品🍮加埋$100唔使，都真係幾抵食㗎！五花肉肥瘦均勻，鐵板燒輕輕燒幾下就食得，點埋燒汁或者懷鹽😋😋正。漬菜嘅選擇都幾多，今次我哋就揀咗泡菜、粉絲、薯仔🥔同埋魚仔。甜品都幾有誠意，除咗一般的啫喱等可以揀，仲有番薯糖水湯圓😍😍食落薑味好重，最啱呢排天氣凍食。...🏡新高麗苑韓國餐廳 (西環)西環堅尼地城卑路乍街102號2樓

新高麗苑韓國餐廳，係堅尼地城已經有一段日子，今晚和家人聚會，見任食韓燒價格依然係甘親民，就來試下。任食90分鐘韓燒 成人: 198 小童: 138衹提供茶，沒有飲品任飲，但可以自己散叫飲品餐廳客人吾少，晚上7點差吾多坐滿人。食物種類有好多，而且好新鮮，仲不斷refill, 亦保持到質量。前菜有十多款，全部可以任食肉類: 五花腩，豬扒，西冷牛肉，牛排骨，豬排骨，特級肥牛，煙肉，雞肉，雞翼，羊架，牛扒，金茹牛肉卷，牛舌，香腸，紅腸海鮮類: 蝦，魷魚，墨魚仔，青口，鯖魚，三文魚蔬菜類: 南瓜，茄子，翠玉瓜，冬菇湯: 人蔘雞湯，雜菜湯甜品/水果: 番薯糖水，湯圓，喳喳，炸曼頭，韓式雪糕，jelly，西瓜呢到食物種類真係好多，食物質量都好好，價格亦相當超值，服務態度亦比以前好好多，今晚食完90mins都冇趕住要客人離開，如果可以提供埋飲品，就更加完美啦!!~

新高麗苑韓國餐廳午市韓燒套餐有$52同$62揀。怕麻煩，怕熱嘅食客可以揀廚房幫你燒埋。我哋就揀咗自己燒，可以玩下。但係要留意嘅係，餐廳講到明午市係唔提供換鐵板嘅服務，所以要小心d唔好燒窿。我哋今日揀咗五花腩，牛肉，豬頸肉同埋雞肉四款。幾款味道都好唔錯，絕對對得住佢嘅價錢。除咗肉外，佢仲跟咗8款小食，一碗飯，一碗牛骨湯， 最後仲跟個啫喱，所以唔使驚唔夠飽。特別講講個湯，落咗好多胡椒，辣辣地，就咁飲或者當湯飯咁食都好好味，正。唯一缺點係餐廳好似冇乜冷氣，仲要對住個爐，食完之後要預咗成身汗。但總括而言都係好抵食值得一去。

我本人係唔飲茶既，要求要1柸水，侍應回應就係只能得1柸水，飲晒就只係可以，無得加水，我只能"喔", 諗諗下真心嬲，食餐飯飲柸水都唔得，唔係瓜，就同左經理投訴，佢話親自加水俾我， 佢加我都唔敢飲。。哈哈哈，總之以後所有分店都唔會再幫襯。

原本一班朋友去食lunch , 很難想像香港竟然仲有一間餐廳既態度可以惡劣到這樣， 待應不但呼呼喝喝客人，仲有極其古怪既規矩， 一張椅枱不能單獨點餐， 藉口是廚房繁忙， 但全場極多空台.......三番四次吹人落單， 唔落就趕客人走......「叫人不鐘意就過主」之前如果一早睇左其他人食評， 一定不會選擇， 如果有耐性， 可以挑戰.....但千萬不要後悔。你可以不信這個食評， 但都請看看其他人寫呢間野既意見就會明白待應態度有幾差....

平，食物味道可以，但服務差勁。以前自己經常都食，因為平。 小菜不可以加refill，kimchi和魚仔廚房永遠收起，要求要求佢先比。個經理好惡，要跟佢規則，大把空位都一定要先坐去餐廳右邊，坐到迫一迫，轉位唔可以。自己換又比佢罵，話唔做我生意。中午兩個人食唔換鐵板都合理，但兩個人食三份餐唔可以比多d小菜，話係公司policy。同時又聲稱如果一開始叫三份餐，就可以比多少少小菜。之前食晚上自助餐，啫喱放到融化都照放，可想而知放了幾耐和食物新鮮程度

燒爐板，用燶用污糟了，只能夠換一次？？!!多一次都不可以，這是什麼道理。真是聞所未聞。。。唔通系因為任食的原故？？另外，餐廳又熱又唔夠冷氣，莫非用了慳電模式!!!!

講到西環嘅平價韓燒，不能不提嘅就係依一間叫新高麗苑嘅韓燒。我同我朋友當日去食嘅係下晝午市，只係需要＄50左右就可以享受到韓燒定食套餐。記得到訪當日，我哋未點正餐有韓式六大碟嘅小食，譬如有薯仔、泡菜、芽菜等等，非常開胃，亦可以無限添食。我哋點嘅正餐包括有五花腩同埋豬肉。我同我朋友兩個一齊分享呢兩個餐。除咗有肉以外，仲有白飯同埋湯，非常實惠。五花肉的肉汁非常豐富，份量亦都好多，所以唔夠時間去韓國走返轉嘅朋友就好值得去啦！

食物賣相不錯，而且價格唔貴，可惜店員的服務態度很差，語言中帶有歧視我一個大陸朋友的意味。有個男經理款的肥佬帶位時，重賴我地坐得唔好，影響佢第二枱擺位。誤導完第二枱客人後，便惡言相向我地枱。態度甚為惡劣，以後不會再來食

又再去了新高麗食午餐，同樣叫了五花肉和牛肉。每次去的肉的質感都不同，但整體而言，每次食完都好滿足。因為埋單也不過是100頭，份量已非常豐富。六道小配菜可以自己選擇，我們選了三個小白菜，一個泡菜，兩個豆卜。雖然食物的質素不及其他出名的韓式燒肉店，但相比價格之下，新高麗的性價比相信是最高的。每次來到，不得不讚賞跟餐的飯後小甜品，啫哩一客。這啫哩沒有什麼特色，只是小時候會在家中自家製的那重啫哩，不過市面上很少會有餐廳供應。

而家香港其實已經越尼越多唔同既韓燒，燒既野仲要越尼越多種類，可以話係花多眼亂呀！今次就尼到新高麗苑，試返個抵食既午餐，埋單都只係每人$54!我地三個人尼到，所以就每人叫左一樣野尼燒，分別係牛肉，豬頸肉同堆牛舌。另外當然仲有好多碟配菜同埋湯啦！牛肉味道唔錯，但係略嫌比較碎，所以燒既時候可能會比較困難。牛舌就一貫咁正，如果份量多d就好啦！豬頸又係相當不錯，不過就要燒耐d先得，但係絕對值得去等！最後當然唔少得啫喱做甜品啦！實在係太滿足啦！

去過很多次，今次和女朋友去吃午餐，韓燒。挑了五花肉和牛肉。隨餐送了六碟小菜，種類頗多而且可以自己選擇。為免浪費，挑了3碟小白菜，1碟泡菜和兩碟豆卜。另外亦有白飯一碗和湯一碗，更有甜品啫喱。全餐兩人消費共$108，可算是非常抵食。雖然肉質不是很好，但也合理而且可以接受。配菜質素當然不是一流，但性價比也頗高，很滿意。特別是豆卜和其醬汁配搭得很好。最後吃的是啫喱，是童年回憶裏的那款啫喱。整體而言，滿意的一餐韓燒午飯。

烤肉午餐，自己燒烤或熟食均$49，另加一。突然想BB焦又唔大食的話真係幾抵。不過，今日無乜心機燒，揀熟食。印象之中熟食牛肉同豬肉都麻麻哋，今次揀雞，普普通通啦。什錦飯好大碗，大概係1.5到2碗咁大，並且有啲伴菜，抵食，而肉嘅味道其實都差不多。前菜二至三人都係六碟，本身好鍾意食韓國粉絲，但呢度嘅韓國粉絲比較多油，而且菜多過粉絲，其次鍾意食薯仔，呢度甜得幾好味，其他前菜都係凍冰冰有啲油咁。必需一提，之前試過泡菜辣湯，勁難食，我覺得似酢菜加咗辣粉。最怕呢度間中會聞到煙味，或是香燭味。