新高麗苑韓國餐廳

营业中

休息中

心思思2個人又想食放題，揀左西環尾嘅任食韓燒。晚上6:50去到，無乜人，大部分枱都係吉的。入座時侍應同我地講左食1.5小時，雖然係趕啲，但1.5小時基本都夠嘅。7點幾開始有食客陸續入座。生嘅食物就是如圖嘅32款，食落大部分肉類都係同一款醃料嘅味道😓有十數款韓式醃菜，都幾好味。有三文魚，以為係任食，點知1.5小時內只見佢出過2轉，每轉廿零塊，我2個人都食左共10塊啦，試問其他食客點夠分😥食下食下，都食左差不多1個鐘，見個鐵板都好多「鑊撈」，焦黑哂，請個侍應換鐵板，竟然當聽唔到唔睬我😤😤過左幾分鐘，請過第2個侍應幫我地換鐵板，今次呢個侍應黑面兼語氣唔好咁話換1次架咋！大佬，我燒左成個鐘先換板，之前都無換過，語氣好啲當溫馨提示得唔得呀！？同埋，既然妳餐廳有條款話每枱可以喺1.5小時內只限換1次鐵板，咁如果我真係換完1次又話要換第2次，妳先衰聲啦好唔好？食完燒野食甜品，全場最好味竟然係啫喱😂其他甜品都不過不失，西瓜都好甜😋雖然埋單連加一每人$185算平，但以食物質素同服務態度，呢啲價錢周街都係，所以呢間餐廳對我黎講，不會再有下次🤗🤗

曾幾何時興起韓燒自助餐，漢和、漢陽苑比較出名同多分店，而新高麗苑則比較少分店所以少人認識，但我就係貪佢少人識容易訂位，地點又就腳，所以而家都仲有keep住幫襯，當然質素同出面散叫燒肉無得比，但如果想大吃 (食肉獸) 大喝而對食又無乜要求，呢度一定啱您。生既食物大概有32款，肉類佔大多數，全部都醃得非常入味，而每次我都只會重點食羊架、肥牛(包生菜)、牛脷、蝦、金菇肥牛、冬菇、五花腩同多春魚，而冷盤就會揀菠菜、泡菜同芽菜，仲有間唔中先有既三文魚刺身，而甜品就會揀啫喱、雜果涼粉同西瓜，總之每人二百蚊都唔駛，就可以任食個半鐘，呢個價位真係好少地方可以做到，所以推介比無要求既您，哈哈！溫馨提示：１）要訂位，有時會好多人２）燒板可換一次，所以盡量唔好開最大火

老爸生日，指明要食韓燒，所以我們在此用晚餐。是日周五，客人並不太多，8點15分左右walk in，經理表示有位，示意我們內進。今次是我第3次來但第2次來吃。第1次來正值聖誕，人多得很，冇book冇位冇得食，當時經理並非今次這位，嗰個經理寸寸貢，不太友善，印象深刻，至今未忘;今次這位和藹可親，正常很多。第2次來是與老公來吃，也是吃晚餐。今次則與老公，爸媽及兩位小弟同行，所以此乃第2次進食。其實要在西環食韓燒，只有這間。以前呢個位置是醉瓊樓，細細個常常同爺爺飲早茶，爺爺壽宴都會在此酒樓舉行。及後結束營業，我地孫仔孫女才與爺爺移師新中華(並非現在的新中華海寶漁港位置，而該新中華也已結業)享用早茶。兩次於新高麗進食，我都覺得職員服務態度很好，經常幫我們添茶，收拾碗碟，讚。食物方面其實都頗豐富，有前菜，有很多燒烤肉類，有人參雞湯，有白飯任裝，還有糖水。成人每位只是$168，另收加一，限時個半小時，我覺得算抵食。爸媽第一次韓燒，食得很開心。壽星公吃了很多羊扒心滿意足。壽星公夫人就對前菜比較著迷，不斷說白蘿蔔好吃。多得小弟同老公主理燒烤食物，我們其餘四人才可以坐享其成。最後老爸以吃湯丸完滿結束這頓美

即係咁 我都係係佢開舖嘅時候已經開始幫襯㗎喇 估唔到差咗咁多 唔講態度住 淨係講嘢食先啦 佢以前至少都有會銀菊露 而家得返杯茶 三碟配菜 而家話咩加單就少一碟 飯呢就由日本珍珠米轉咗唔知其他咩雜嘜米另外呢做韓燒個燒烤盤好緊要㗎嘛 一坐低個燒烤盤就裂嘅 我叫佢換啦 佢同我講我哋啲嘢係咁架 吹脹! 跟住佢問我哋食咩 我話要燒烤嘅 佢就係咁強調話淨係唔會換過我嗰盤 小心啲燒呀 btw 韓式燒烤 唔換燒烤盤 係咩玩法佢仲要九唔搭八咁問我咩配菜有冇俾錢 火都嚟埋我想講做嘢食可以做到咁求其態度咁差 嘢食又唔係非常好食 老細係咪應該檢討吓啲員工 又或者諗下自己係咪真係應該繼續做呢門生意

呢間由細食到大，特級叉燒，牛仔骨同埋肥牛勁好味，醃得好香，另外佢有好蔬菜食。冬菇好好味！！另外佢熟食選擇唔多。但前菜好香麻油味。個薯仔超好食👍最後佢西瓜同啫喱都好味。仲有花奶任倒😆😆😆經理仲送左個海鮮拼盤好新鮮！仲好有心機幫我地燒。呢間韓燒無咩油煙味，仲撞到陳庭欣係隔離臺👍

提到了韓燒，多數去食晚餐，甚少會食午餐的，但是總會有例外的，今天的午餐就在韓燒中渡過，而且很少機會在午餐時間吃韓燒。午餐在新高麗苑韓國餐廳，選擇了以燒烤作午餐。餐廳環境不算華麗，座位都是排得密密麻麻，不過又坐得幾舒適的。看過餐牌，卻有午市套餐，很便宜，只需四十九個大洋起。午餐燒肉選自牛肉及雞肉，兩者都是預先醃製好的，兩者入口都是幾柔軟的，而且醃得都幾入味的，且有略甜的感覺，但是肉質就較為普通了一些。而配菜則有漬物，芽菜，青豆，豆卜，泡菜等，而其中漬物為薯仔。其實只要配菜是新鮮的話，都是有種爽脆清新的口味，這些配菜也能做到。至於個湯，則以辛辣味為主，辛辣度略高，但是又不搶喉。用餐期間，越食越熱，不是因為燒烤的熱，而是兩邊靠近窗口座位沒有冷氣，因此在一邊吃就越來越熱，是餐廳應該注意的地方。

西冷牛片最好味，肉質鮮嫩。 配洋蔥塊夾著燒。 茄子同東菇都好厚身有咬感， 不易燒乾。其他肉類感覺一般， 熟食種類不多。蕃薯糖水係bonus.一開始塊鐵板係裂的，縫隙加熱後出泡。 阿姐換上另一塊都係裂的。 不過經理話係咁無事的，有油咪起泡。。。 🤔總體感覺ok.

呢間韓燒都開左好多年，亦都幫襯過好多次，選擇好多！牛都有幾款！仲有刺身不定時會放出黎！個人鍾意佢地既鳳爪，係前菜黎，酸酸甜甜咁，又冇骨，好爽口！啲多春魚亦都好新鮮唔會腥，啲牛亦都唔會硬好有口感。甜品方面亦都有西米露、涼粉、啫喱等等，尤其係西米露係keep住暖既同埋唔會一舊舊痴住，甜度亦都岩岩好。

開店時間寫明十一點，十一點半上到去成班伙記仲食緊飯，個經理串串貢咁話十二點先開門無得食，一副『食就食，唔食就算』既口吻，態度奇差！！惡劣服務態度例子：１。個經理係舖頭範圍食煙，成間舖都聞到陣味！２。三催四請話埋趕時間先肯幫你落單，又話『你下次嚟食都要等到十二點先有！』；３。建議佢改改營業時間等客人唔駛摸門釘，佢大番你話『我點做野唔駛你教啦！』；４。問下有咩前菜揀，佢質問我話『嚟食過未？！食過就都係嗰啲架啦，我地唔會轉架；未食過就我求其執啲比你！』成班伙記連個經理都好似同你講多句野都皇恩浩蕩，乜野服務態度？仲要收我加一？連個經理都帶頭懶懶閒咁啲伙記點會做野呀！劣評！

12點15PM到達，剛剛好有位置再過10分鐘便要排隊可見受歡迎程度小編和兩個好友相約一起吃lunch午餐特價韓燒餐一共有11款可供選擇建議帶多點朋友，4個可點4款不同一起share我們點了五花腩，豬頸肉和豬扒每款送上潰物，前菜，白飯和胡椒湯不過個別前菜比較油，這個看個人喜好五花腩雖然未到入口即溶，但咬下去口感不錯豬頸肉很彈牙 豬扒則一般三個人賣單只需145便能吃飽 性格比很高！不得不讚抽油煙設計，吃完竟然沒有沾上太大油煙味

進入餐廳全程看不到每個侍應有任何笑容，食物款式不多，三文魚提供數量少，色澤暗淡不新鮮，途中要求換燒烤版，有位女侍應不太禮貌地跟我們說只可更換一次。冒汗中食韓燒，便要求他們開大點冷氣，但竟得不到任何回應（沒動作亦沒回覆）。骨碟已滿載骨頭，便要求更換，侍應的回應竟說：我們沒有骨碟更換，你可以自己出去拎食物碟自行更換。時間完結前已要求結賬，時間一到便立即把下欄車推到餐枱前要求我們離開，我明白做生意要緊，但當時坐位只佔半數客人，而我們亦沒有再進食，為何令客人這樣難堪呢？

今日於西環同位同事慶祝 於是一行十人 一齊到呢度食個韓燒。 店舖位少大家要好逼先坐得捨。 勝在食物款式多，不過又品質不錯各種韓式小食都有齊，又有不同嘅肉類，可惜d肉我就覺得重口味左d ,咸左少少，可能我平時食很淡。 而粟米就甜既，有好多水既。 最值得接受係個價錢，已算是大眾化，大約170蚊左右。

今日過堅尼地城找舊同事食飯，順便試下條港西線，其中一位住西環的舊同事選了呢間，由於下午有appointment, 我12:00就去到了，跟手叫左個好平的lunch set，沒有bbq。這是lunch set中$44元的雜錦飯，其實即是一些雞肉碎同啲菜的飯。第一下食一口飯。。。oh!!! canteen 飯一樣的，啲飯微暖，沒有任何飯味，飯粒大隻，有些稀，口感是如假包換的canteen飯。蛋是正常的蛋，但上面不知怎的有好大一匙油在蛋上面，蛋黃是生的。其他配菜都只是微暖，如果沒有用甜辣醬撈飯，成個飯就真係好難再食下去。 雞肉碎的調味仍可以，雞柳粒的口感，但都不夠熱，好少食唔曬食物的我，最後真係食唔曬。。。 As you can see, 配菜的質素及賣相都係好唔得，好似是昨日賣不掉的，今日再賣，完全不是韓國配菜!呢個是一個餐湯，我覺得尚可，有蛋絲，疑似豬脷絲，同埋白蘿蔔絲，但有好重的胡椒味，微暖的，如果比較起個set的水平，這湯已是超水準的了。最後有一個提子味jelly, 阿姐拿來時問都無問就落左淡奶，由於本人從不喜歡jelly下淡奶的，最後沒有食。整個lunch set只有一樣可取，那就

已經在這裡食了幾次lunch, 因為覺得環境乾淨, 服務OK兼快手, 食物不錯, 而價錢仲好抵!這次兩個人星期六去食lunch~ 下午一點左右仲有位, 但好快已經坐滿人了!只要夠兩個人就可以開爐, 而我地也選擇自己燒!午餐選擇也很多, 而且價錢真的好平!午餐由HK$44-HK$54不等包餐前配茶, 胡椒豬肚湯和甜品!先送來每人三小碟配菜, 兩人共六小碟! 全部不同款, 味道不過不失!午餐我地揀了汁燒牛肉和鹽燒牛脷!估不到HK$44的份量是超多的! 而這個湯(我估是胡椒豬肚湯吧)! 少少辣, 好醒胃!不得不讚牛脷真的很好味! 每邊燒到轉色便可上碟, 口感juicy無渣, 感覺好新鮮! 每次黎食都必order!至於汁燒牛肉也是很不錯! 除左份量多之外, 仲要好腍好入味! 燒至9成食就最好味!這裡最掂是落單快, 上菜快, 連韓燒中途也會忽然送上花奶啫喱! 好搞笑! 唯一問題是侍應不會自動添茶, 而且要趁好幾次先會加茶...

忽然想食韓燒，所以同朋友去左屋企附近呢間餐廳食晚餐。個晚大概6點半去到，仲未太多人，所以唔使等位。個人認為燈光暗左ＤＤ，環境都唔錯，位同位之間都好闊，坐得都幾舒服。晚餐可以揀食自助餐，食2個鐘，好似大概百幾蚊左右，二百蚊以下，除左韓燒之外仲有壽司提供。價錢合理。岀去攞野食個陣發現有好多食物提供。前菜最鍾意食薯仔。煮得好好味而且小小甜嘅味道。又唔會好甜。前菜款式都唔小，有泡菜,芽菜,大豆芽,蘿蔔等等，平時食韓燒有嘅前菜呢度都有。肉都有好多種，有羊，雞，豬。加埋佢哋Ｄ汁一齊食好好味。最後仲有甜品所以都幾抵下。