方太糕品舖 (已搬遷) 新店位置

之前搭巴士經過～見到低糖！傳統糕點！覺得好吸引！上網介紹佢仲要上過電視！即時書簽左搵機會要試下先！芝麻糕口感：1.食到芝麻糊的顆粒感，覺得真材實料2.質地唔軟糯，唔似一般米糕，比較似啫喱有種Q彈的質感，可能咁樣會健康啲味道：我最怕食到甜味，呢個一啲都唔甜！可以品嚐到芝麻的味道。不過芝麻味冇聞落咁濃烈哈哈椰汁綠茶糕極力推薦鍾意食綠茶苦味的朋友味道：綠茶味好重，反而椰汁味欠奉食到綠茶苦味，同時唔會有甜味，感覺十分清新口感：介乎綠茶啫喱同砵仔糕之間的質感，比較結實Q彈紅豆糕口感：紅豆粒完整，而且很多，每粒紅豆都煮到熟透，放入口嚼就會起沙味道：沒有深水埗個間紅豆糕咁濃郁，偏向清淡總結：口味清新,價錢合理，唔洗排隊可以試下

想起<方太糕品鋪>這間店鋪其實是很有名氣的連TVB也報導過這間店鋪耶其實我已經食過很多次喔每一次也不同味道 目的想食光全部味道今次買了紅豆糕/馬豆糕/馬碲糕/千層糕我想你們應該也食過吧 不太多說味道了店家的是低糖版本 會健康一點這樣真的很好可以食多一兩件糕點我想買的已賣光了😭芝麻糕/芝麻卷是最受歡迎的口味之一

店在公司附近，很多時經過也會買些糕點吃，5元一件，很便宜呢，今天共買了十件。桂花、紅豆、綠豆、芝麻、馬蹄、紅棗，可選擇膠盒盛載這裡的糕點不太甜，而甜品是清甜那種甜。我比較愛芝麻卷和紅荳糕，味道很濃郁。 經過電視報道之後 這裏總是有一條人龍。朋友說南瓜糕最好味，可惜今天已賣完，下一次試試。

自從電視台報導過這店，一直想找機會去嚐嚐他們的出品。今晚約19：30，來到店舖時，只見餘下白糖糕、芝麻卷和砵仔糕，於是一口氣買了一條芝麻卷($26)、三件白糖糕($15/三件)和三個砵仔糕($6/個)。首先，芝麻卷盛著濃濃的芝麻香味，味道不是太甜，還夾著芝麻粒，卷身也較厚身，跟兒時在酒樓吃的芝麻卷有點不同。而白糖糕的味道很清甜，口感帶點結實。至於，砵仔糕的糕身比市面一般售賣的較厚身，約有一吋半厚。味道方面，不是太甜，反而紅豆略嫌硬了一點。不過，整體而言，這三款糕點都值得我再去購買。希望下次光顧此店時，有機會嚐到其他款式的糕點。

之前經過見到超多人排隊... 八掛望下原來係賣糕品... 再望下叫咩鋪名... 有咩可以吸引到大家咁想買... 太趕時間無得即時買來試... 呢次未夠六點... 未到收工時間... 經過得一個排隊諗住好快... 點知撞岩送貨時間都等左陣... 咁就岩啦... 夠時間比婆仔諗食邊款... 前面個個客一買就差不多買左一百蚊... 心諗唔通真係好食到咁... 原來真係唔錯喎... 一買完就食左個砵仔糕先... 唔會凍冰冰... 雖然紅豆唔算好多... 但少少甜又唔會硬實實... 確係唔錯... 價錢牌寫十五蚊有三件既款或都可以任君選擇... 婆仔既選揀由左至右係... 紅豆糕唔甜超級多紅豆... 蓮子桂花糕清得來少甜...龍眼糕食落淡淡既龍眼香味又唔甜... 等個陣見到鋪入邊個個好努力咁分工合作... 自家製的確係唔同 d~ 好味～ 下次再經又睇下有無遇到其他款式既糕品先～

見到大台介紹糕點店已被吸引過來，知道小店一家是小本經營真是很難得👍日日如是努力整糕，我呢個為食阿蒙決定今日放工去覓食，雖然只賣剩白糖糕同芝麻卷，但都好過無啦⋯鬼叫賣一賣廣告個個都要一試咩，因個人喜好芝麻卷，兒時已愛吃可惜而家揾吾返以前既味道，但今日終於比我搵到啦，芝麻卷有大有小，我買了一條大店員仲幫我切成8件，香氣四溢仲有粒粒芝麻味夠幼滑囗感柔軟甜度適中不太甜，超正！值得推介👍下次有機會再要試試其他糕點。

幫襯咗方太糕品舖咁多年，一直佩服佢堅持食材落足靚料，有時都幾擔心佢成本捱唔住。依家見佢重開番，好開心，希望佢繼續經營到喇，我哋出面好難搵到咁樣即蒸即賣、新鮮出爐的糕點。方太的糕點都香口彈牙，唔甜，比酒樓好食好多，仲要平到15蚊3件任揀，我通常都每款買D來食，過下口癮。不過放工過去好難一次過買齊十幾款，佢通常放工時段已經被圍到水泄不通，有些糕點已經被賣清了。作為糕迷，最鍾意食嘅係紅豆糕和芝麻卷。紅豆糕超多紅豆，滿滿大紅豆粒粒分明起沙，豆香四溢。芝麻卷俗稱「菲林」，爽口香濃，芝麻味爆燈，這口感係其他糕點不能比擬的。這裡的馬豆糕好獨特，我哋平日食到嘅係果種軟冧冧雪凍咗的馬豆糕，好快會融。但方太馬豆糕唔洗雪藏，有更好的口感和椰香味。千層糕則賣相最為吸引，每層的厚度相同，仲有好香椰汁味。砵仔糕和白糖糕都好好食。新年前仲見到方太賣好多一盤盤的年糕、紅豆糕、馬蹄糕，方太話好多盤都已經畀人訂左，要提早落訂先有喎。