方太糕品舖 (已搬遷) 新店位置

行開呢頭睇水晶路過見到佢排長龍到睇完水晶經過都仲係排長龍好奇心之下於是埋去睇睇原來係賣傳統舊式糕點最出名應該係芝麻卷因為好多人比曬錢企埋一邊等出爐芝麻卷30蚊一條 切開大概有八舊 其實唔平其他糕點18蚊3件有好多味都想試於是買左6件桂圓紅棗糕 紅棗味濃 桂圓味清 完全唔甜 質地係偏大菜糕 唔係酒樓煙韌軟糯嗰種桂花糕 好清好淡又係完全唔甜 麻麻地椰汁千層糕 一開始冇味 好似食橡膠 椰汁味慢慢滲出黎 好淡 啡色嗰層唔知咩味 最唔好食係呢個紅豆糕 超多豆 唔甜 唔重紅豆味綠豆糕 又係超多豆 好似食粽咁嘅味 但最後發現得芝麻卷同白糖糕最值得買芝麻卷勁香芝麻味 入面仲會食到一粒粒白芝麻 好香好軟熟白糖糕唔酸 勁鬆軟 未試過咁鬆軟嘅白糖糕 唔太甜其他唔試唔可惜

每次經過方太糕品舖，都會看到長長的人龍，這人氣名店有多款新鮮足料糕點，椰汁類、豆類、芝麻馬蹄桂花類也有。　我最鍾意的是椰汁類的馬荳糕，滿滿椰汁香濃，底面仲有很多馬荳，會食到荳香配搭下少甜而不膩。　　食過好多酒樓糕點，好食的椰汁馬荳糕真的很罕見，就算見到也是又凍又軟的那種劣質，雪藏出來想打包拎回家已經溶了，和朋友分享不到。　這裡的椰汁馬荳糕卻很特別，不用雪藏可以即日食用，而且吃下去會彈牙有口感，也有椰汁的香滑，同事每次都會叫我買一大盒椰汁馬荳糕返公司做小食，說它有獨特的魅力，會食過返尋味。　其他椰汁糕都很好吃的，我計過椰汁糕有6款：馬荳、千層、綠茶、紅豆、芋頭、白色多豆砵仔糕，每一款都好有特色。四大豆類的糕點也很足料，紅豆、綠豆、眉豆、砵仔糕，都良心勁多豆，名符其實的真材實料。　方太糕點已經不是懷舊，而是突破，我以前根本吃不到這個水平。

今日落開佐敦知道有間買糕點嘅鋪頭，專登去搵下試試看，深水埗果間就試過，但覺得佢太甜，唔係我杯茶囉！嘩！咁長龍嘅！條龍過左5個鋪位，點解排左成15分鐘都無郁過嘅🤦🏼‍♀️最後排左45分鐘，到我啦！但見到個櫥窗都已經無咩貨，唯有見咩就買咩啦！不過自己最想食嘅係芝麻類產品，其他都只係想試試。（或者見到名，見唔到貨都可以問下佢，因為仲有可能會繼續出嫁）輪到我，我都買左4件芝麻糕，紅豆糕，桂花糕同馬蹄糕，白糖糕和黃糖糕都各一件，當然要加多一條芝麻卷啦！櫥窗入面其實都係見唔到有芝麻卷嫁。但原來佢陸陸續續造緊出嚟，店員話應該再等10分鐘，心諗都已經排左咁耐啦，無理由到宜家至放棄，等啦.....買埋佢先試白糖糕同黃糖糕（食左少少至記得影相）白糖糕比較軟熟，沒有酸味，而黃糖糕口感記實少少，但兩樣都好好味喎！再試芝麻糕同芝麻卷，芝麻糕味超濃郁芝麻卷食佢個口感，兩樣都唔會太甜而另外果三款糕，我老闆最愛紅豆，口感好實左，滿滿嘅紅豆我就比較鐘意馬蹄糕，爽爽嘅馬蹄最普通就是桂花糕，只有微微嘅桂花味，比較清淡。但這店嘅所有甜品都唔會好甜，好好味全盒一晚清晒太誇張喇！

傳統中式糕點唔知大家鍾唔鍾意食？每個國家每個地方都有屬於自己傳統既食物！不過香港成為先進城市 被好多進口食物取而代之、所以想介紹一下方太糕品鋪比大家認識、讓大家去嘗試記得呢種屬於香港人的傳統味道！今次揀左六款糕點同大家介紹☺️蓮子桂花糕：淡淡清香桂花、底層有少少杞子！椰汁千層糕：層次分明、入口濃濃既椰汁味湧出來😆芝麻糕：黑芝麻非常足料、好似食緊芝麻糊咁😍 馬蹄糕：馬蹄爽口清甜、口感十足！紅豆糕：唔洗我多講大家都見到幾足料😂 紅豆粒粒分明、軟硬度適中👍🏻龍眼紅棗糕：我最鍾意呢款🤤清甜龍眼味、同紅棗配合得岩岩好整體來講 CP值太高了！！$18 3件 任你配搭、每件都有一定厚度店舖標明健康低糖、我食既時候都唔覺得甜、覺得甜味係出於食物本身既味道、唔似其他地方 一食就會覺得額外加左好多糖！而且全人手制做 呢個價錢同質素 絕對值回票價🥰🥰 大家經過真係可以去試下！！推薦你必食芝麻、紅豆、龍眼紅棗！！

今日有事出佐敦，所以順便去試吓呢間之前喺YouTube上面睇到嘅小店⋯⋯不過好失望！去到呢間鋪頭就見到有人龍，大約8-10個人排緊隊，心諗應該幾掂啦。$18/3件糕可以混搭。買咗紅豆，綠豆，馬豆各2件。2白糖+1黃糖糕，半條芝麻卷，兩件黃砵仔糕。砵仔糕偏鮮黃，同細個食到嘅啡色唔同，不過老公堅持要試味道一般，豆量尚可。極度失望馬豆糕，只有面頭同底部有幾粒豆，中間淨糕，史上最差，直頭有搵笨嘅感覺。芝麻卷算正常發揮，有芝麻香，不過太大條大厚。紅綠豆糕豆量算好多，但係食唔到豆香，不過不失。包裝盒結實可多次重用，乾淨衛生。雖然想力撐小店，不過整體失望而回，真心返唔到轉頭再幫襯。sorry!

今日要去佐敦，之後去咗方太糕品舖排隊買甜品。聽講以前要排半個鐘以上，呢幾排疫情嚴重，我淨係排咗大概10分鐘就買到啦。我大約五點幾去到，有六種糕，$18／3件，分別係紅豆糕、綠豆糕、桂花糕、椰汁千層糕、眉豆糕同埋椰汁馬豆糕，款款都各有特色。桂花糕清甜，帶出桂花嘅香味；椰汁千層糕煙煙韌韌，幾有咬口；馬豆糕幾重椰子味，非常特別；眉豆糕同綠豆糕都唔會太甜，非常足料。而我最鍾意食紅豆糕，裏面紅豆數量好多，好足料，又唔會太甜，好香。呢一間一定會再回頭，試吓其他味道。

中式糕點太甜太淡都唔好食。排隊買左紅豆糕，馬蹄糕，白糖糕，芝麻糕，黑糖糕，砵仔糕。味道太淡，話明白糖糕，味淡點得，黃糖糕太淡就無黃糖味，砵仔糕又係。要食去深水埗啦，有幾間都唔錯。

早排睇開Youtube睇到有介紹E間糕點鋪就心思思想試 甘岩老婆去開佐敦就幫我排隊買啦老婆排隊期間Whatsapp問我要邊款糕點😈我話小孩才做選擇 同我一次買唒甘多款最後老婆用左百幾蚊買唒🤗係愛丫❤️哈利甘多款之中 芝麻卷係最好 芝麻味重而且Q彈下次到我經開佐敦一定買番俾老婆食😆

之前睇到介紹我好鍾意食嘅芝麻糕...尋日放得早特登去佐敦買黎試試佢...廣告效應=排隊🤣🤣🤣 不過都快買到既🤣芝麻卷真係好好食！好香好濃！白糖糕同紅豆糕都好食！砵仔糕可以... 多豆會更好！但.........我唔知道出面買嘅馬豆糕同我媽子整嘅馬豆糕差別係咁大.... 由細到大媽子既馬豆係好多好有咬口...但尋日既馬豆糕得底同面數埋唔夠15粒既馬豆🤣呢part我媽子勝🤣🤣🤣BTW呢間好過深水埗嗰間好多！不過個人黎講我只會encore芝麻同白糖😋🤣

因為以前食開嘅糕點舖結左業，所以開始尋覓啲唔同地區出名與唔出名既傳統糕點，食過深水埗好出名個間x記，越做越差越賣越貴，食過銅鑼灣北角等等，但都真係好唔掂，而家終於叫做搵到間係岩口味又唔係離地價錢既“方太“ ，不過…實在太多人買，要排一段時間，排完又未必仲有想食既個款糕。方太糕品 我買過幾次，因為冇特別喜愛椰汁類既糕，所以只試過黃糖糕、白糖糕、砵仔糕、馬豆糕、眉豆糕、紅豆糕、綠豆、桂花糕、紅棗糕、芝麻糕同芝麻卷；甜度：除左黃糖白糖糕偏甜之外，其他既甜度係完全恰到好處；我偏愛紅豆、綠豆、眉豆糕，質感好實在，因為每啖都有超多超豐富既豆填滿每個空隙；馬豆糕質感削啲、唔多馬豆，但係都可以一試；砵仔糕如果可以再多啲紅豆就好喇桂花糕同紅棗糕味道就個人認為唔夠濃，不過做法係唔同 我平時鍾意食茶樓嘅個款紅棗糕，所以其實唔應該做比較；至於芝麻卷，冇得彈，相比起芝麻糕，芝麻卷既芝麻味更濃，質感爽滑細膩，大家仲有得買半條黎試下味人人口味都唔同，純粹個人分享，不喜勿插，謝謝另外要一讚既係執糕嘅哥哥仔實在太有耐性太好禮貌，仲要好衛生，唔似其他店舖帶住手套以為好衛生但同一對手套去收錢找錢

今早去佐敦做體檢，經過上海街，遇到這間方太甜品舖。小店是家庭式經營，很友善，而且糕點很美味，買了白糖糕丶紅荳糕丶馬蹄糕和砵仔糕（已經在路上吃了，忘了影相）。如果喜歡傳統糕點，可以試吓，不太甜，不像那些屋邨商場推廣攤位賣的（那些很死甜）。馬蹄糕的馬蹄很爽脆，差不多半件糕都是馬蹄粒，吃得出是新鮮造！😁紅荳糕很多豆，喜歡多豆的人可以試試。$18/3件，砵仔糕$7個。買滿$60 送膠盒，包唔會撞爛，膠盒可放入微波爐叮熱。

有次偶然經過買了3款糕試試，又幾好味喔！😋今日去開上海街，一次買夠六款返屋企慢慢吃，$18有3件，好抵吃，味道好啱我，唔會太甜，特別鐘意紅豆糕，大大粒豆，好滿足，白糖糕無酸味，個人覺得比深水埗X記更好味，佢仲有好少見嘅芝麻卷呀！下次再試，繼續支持本土小店。

方太糕品舖 兒時糕點 味道回憶傳媒影響力真係不容忽視，自從報章及電視介紹這間糕品店之後一直都想嘗試。今日坐言起行，買了六款糕點 + 大人細路都愛的砵仔糕。十多款招牌糕全是店家自己做，今天買六款糕點分別是紅豆糕、綠豆糕、芝麻糕、馬豆糕、蓮子桂花糕及馬蹄糕。缽仔糕糕面色澤圓潤平滑，紅豆軟熟分佈平均，豆香重糕煙韌有嚼勁。小時候叫食菲林，即是食芝麻卷。黑芝麻包着經炒香的芝麻粒，層次分明芝麻味濃。紅豆糕吃得滿口紅豆，好似比紅豆襲擊味蕾一樣。綠豆糕市面比較少有，估唔到都好好味。蓮子桂花糕充滿桂花清香，吃得舒服。椰汁馬豆糕帶香濃的椰汁和奶味，配上馬豆的豆香，香軟細滑。感覺像兒時在涼茶舖食馬豆糕的味道。馬蹄糕的馬蹄去皮切粒，入口整體爽口清香，夏天吃至啱。總括以上甜品不會太甜，甜味恰到好處。

食完晚飯梗係要食返啲甜品，剛好就經過電視節目介紹而知道佢存在嘅糕店。上一次行過嘅時候係中午，嗰條人龍係跨過三個鋪頭咁長。。今日行過嘅時候已經係夜晚九點，人龍已經冇咗，行埋去就可以買唔使等標榜低糖健康，自家製糕點。$18有3件，價錢來講算一般，不太平也不太貴。今次買咗三款口味。芝麻糕。芝麻味香濃，唔會太甜，又唔會太粉，最緊要唔會太硬。椰汁馬豆糕。唔知係咪放得耐左的，糕嘅表面已經雪到硬左少少，有豆味，但椰汁味較淡，都係唔甜，但個人認為係唔夠甜。椰汁千層糕。千層糕正常係一層層嘅，咁當然佢都係一層層，但係食嘅時候，係唔可以撕開一層層咁食。椰汁糕比較硬身，而且味道真係比較淡，又無咩味。依3糕總括來講最唔好食嘅係椰汁千層糕，可能健康嘅嘢都係冇乜味淡淡地啦

這天有事要到佐敦，辦事過後，老婆仔建議不如來這間糕品店買些中式甜糕回家吃。原來這間糕品店曾得到不少傳媒介紹，說它的中式甜糕做得挺不錯，既然這樣，那便買回家試試吧！始終是第一次幫襯，買得不多，只是隨意地買來「芝麻糕」（$18/3件）、「馬蹄糕」（$18/3件）和「椰汁馬荳糕」（$18/3件）各一件回家享用。三款甜糕中，「芝麻糕」是最好吃的，軟熟而重芝麻味，甜度亦合我意，至於另外兩款糕點，也許是因為這間糕品店崇尚低糖健康吧，味道不太夠濃，特別是我喜愛的「椰汁馬豆糕」，椰汁味不夠突出，馬荳也不多，令我有點失望。不過這中式糕品店還有不少其他款式的糕點售賣，好像「紅豆糕」、「綠豆糕」、「眉豆糕」、「桂花糕」、「白糖糕」、「黃糖糕」、「砵仔糕」等售賣，如果喜歡它的「芝麻糕」的話，也可試試它的「芝麻卷」，假如下次路過，也許我會再買它的「芝麻糕」和其他我今次沒有吃的糕點試試，撐香港，支持本地出品甜糕的。