日之食放題館 (已結業)

與同事數月一次的gathering一改再改, 卒之順應民意, 約o左黎呢處, 因為本人未幫襯過, 上網睇過貴版食評, 似甚差劣, 十五十六之餘, 卻又本著大無畏精神, 決定親身一試.去到下午六點八到, 時間尚早而人客都係小貓三四隻, 同事要求waiter比我地早些入場, 七點至計數, waiter見橫掂未有太多人, 雖則好似唔多情願, 但都應承比我地就坐, 一邊叫野一邊等埋另一位同事.其實waiter有講有笑, 態度都ok吖. 至於食物方面, 我覺得呢個價錢, 同埋又係任飲任食, 係可以接受, 三文魚, 手卷, 甜蝦等都ok, 係吞拿魚比較腥同有筋, 其他火窩, 炸物等, 同事們都吃得津津有味, 捧住個肚走.另外, 座位方面, 如果有五個人坐張梳化卡位, 就真係比較逼, 突出黎果位就夾唔到火窩野囉.整體上, 如果對食要求唔太高, 鐘意食日本野加火窩, 又要任飲任食, 價錢又要實惠, 地點又要適中, 呢度係一個幾好選擇.

之前經過好多次,但今次係第一次去...食物種類都ok多...上菜快...但計時方面有d問題...任食2個鐘...好記得我地差唔多9:30都仲o係出面等緊...仲講笑話"可以食9:30果埸,平d"...點知佢10:30左右同我地講話仲有半個鐘,last call la...仲叫我地埋緊張單tim...張單寫入座係8:57...無la la比人扣左半個鐘...我地同個staff講,佢話"係ar,啱ga la...係8:57,你地記錯la..."雖然我地都飽左,但咁樣無端端少左半個鐘(四分一時間)就覺得好唔抵...

前幾日有個舊同學生日，成班人食咩都無咩所謂，咁就諗住食日本菜，點知班友仔要又平又抵食，最終去左日之食。一睇個價錢，我當堂就嚇左一跳！一百三十幾一位，心諗都唔會好食得去邊ga啦，但係成班舊同學有時好難先見到面，咁就算啦，當吹下水食餐飯。首先係環境，裝修同出面d茶記、食階無物分別。而店員服務於以日本菜作招來的餐廳來說是十分差的，又落錯單又無笑容工作態度又傲慢……唉……店鋪環生更說不上平均水平，地面有油及"痴立立"的，已令人有先入為主的感覺。食物味道很差，刺身食不出魚味，劍魚腩甚至是剛於雪櫃羅出來的，食左一啖要立刻吐出來……無魚味、又有雪、賣相又差天扶羅太油膩、燒物燒得過火。味道這樣的差更談不上抵食吧！由於要請生日果位每人消費大約$200同等價錢($13x)加多$10係北角可以食得更加好。

老闆幾好口都無用,一次不忠,百次不容.之前幾次上來食都唔錯.唔算太好亦唔算太衰,不過不失.但今次真係好失望.兩個人食完每人$139(時段)+$20(紅紙)+10(汽水)+10%(服務)=$176左右一個人,照計兩個人$400蚊點都有找.埋單話三百幾,我比五百等佢找,個女侍應找贖回來照道理應該有百幾,但係薄內只得五十二蚊,我猶豫一陣,想想有沒有找錯時,佢仲想拿走,我拿起五十蚊之後想問個女侍應,佢已經陰陰笑掉頭走左去.如果呢一百蚊可以食得飽佢同埋成公司D人,我豪比佢地無乜所謂.最多以後唔去幫襯.好既食肆能夠做得成功因為商譽,沒有信譽做鬼都唔靈.扼多一百幾十又可以食得你幾肥.睇多D評語,知道自己公司差D乜先係最重要.各位好自為之.

原本想食一壽司,又要等位,無乜耐性。試下尼間啦,$130左右自助餐價錢比起幾十蚊任食貴小小,諗住質數都會好少少。兩個人去,張檯好細放埋個火鍋無晒位剩,感覺好差。刺身還可以啦,天婦羅就普普通通,要講就係個火鍋,一張點菜紙話可以點三樣,咁就點三種火鍋料啦,上檯樣樣都係一兩塊三兩粒...哦!後尾店員話原來一張點菜紙可以點八樣既!咁點八樣啦緊係~唔係點似火鍋阿。上檯,全部放落一個碗度,成碗生牛雜咁放係你面前,攪錯阿,食垃圾咩! 未食都唔開胃啦!你可以話係地方細要咁樣做,果碗垃圾之中仲有幾片肥牛,未解凍喎,幾片變成一大塊!肥牛就變牛扒,點食阿!!拿拿聲叫人拎走佢啦,個侍應睇到都識笑喇!終於有笑容!加分!野煮得唔好食唔緊要!態度就好重要,咁既野都拎得上檯。無心做執左佢啦...兩個人成三百蚊落樓,尼間野都係值$68蚊位嫁喇...

呢間o野食物種類多，又有火煱又有刺身壽司天婦羅等，不過唔太好食，份量又少，火煱叫蘿蔔佢夠膽死o黎3小片!好孤寒!最差係服務態度，真係好似得罪左佢咁架，個個黑口黑面，我去食果時已經係消夜時間成12點幾勁多位，都要半個鐘前叫我地埋定單，我地計過起碼早左十五分鐘趕我地走，驚死蝕俾我地咁，好心佢咁大間餐廳就咪鬼咁小家啦！

今天萬聖節去左一間正中《不知所為的餐廳、日之食》，我和老婆第一次去初時覺得冇咩野，越吃越火滾D員工態度真係不知所為，個個黑口黑面，落食物好像拋垃圾落檯。食物一Ｄ都唔好食、見到D師父全部都是靚仔、出品正中? 冇下次

個次唔知食乜咁啱接到張單張，見到ok 好選擇，又唔算貴，$135加一任點任食，有過百樣食物任你點。又有火煱、飯麵、燒物、sushi...但d 野又勁細、肥牛冇牛味、sushi d 飯勁實﹗飯多料少﹗魚生不太鮮，最好係d燒物同天婦羅。但要等勁耐，等左成半個鐘先有﹗收野係快呀，但明明一開始話可以食兩個鐘，點知個半鐘都冇就催人埋單，仲叫我地order埋last order，講過唔算數。

係呢間野食飯真係一肚氣,d員工ga態度真係不知所謂,黎呢間野食左2次,第一次男朋友黎食,俾左張單佢地落order,點知等成果鐘都冇野黎....第2次同個friend去食,果d staffd態度最到無話可說,最過份係我個friend催單ga時候(等成40分鐘都冇野食)佢仲鬧返我個friend轉頭,而且又唔係平,又食到一肚氣,比你,你會唔會去呀????

講真, 呢間o野價錢同食物都唔差, 但服態真係極有問題, 唔係話要酒店服務, 事實係連大牌檔服務都冇.不過唔關普通員工事, 係o個個經理, 同埋某一,兩個捕o係收銀檯o個員工(應該高級D).去過三次, 話明食兩個鐘, 但三次都計唔足數, 未夠鐘就趕你走, 驚死蝕畀你咁. 有次入去前睇過錶, 明明係搭正欏位, 一個鐘後個經理就隊張單o黎, 話最後半個鐘要埋單先. 睇張單都話入座時間係搭正, 但個經理死都話係搭九入座, 只不過佢等埋一次過入單. 張單時間唔可以作準o既話, 佢話幾點入座都得o架啦. 就算係搭九入座, 最後半個鐘都應該搭三先埋單啦, 又畀佢屈多三個字, cut頭cut尾得番個半鐘.又有次冇order包埋魚生個餐, 但有個職員送錯碟細魚生o黎, 以為好似大久保咁有一碟仔送, 咁就食o左. 點知個經理睇到就用質問o既語氣問我o地點解有魚生, 然後拿拿臨成碟欏走, 跟住仲當住我o地面大聲鬧D員工, 個feel好似我o地呃魚生食咁...仲成日聽到個經理同D高級員工o係收銀檯鬧其他客呢樣o個樣, D態度真係好差, black list o左呢間o野.

0甘0既價錢,d差唔多係既臭既食物,刺身唔夠涷, 真係俾左都激氣, 150元,好多平過又好食過,當然衛生又好過,全場只係d酒同汽水最正常

每人$135+10%算貴...食物普通, 我忘了有一個什麼炸物, 好腥啊...食物種類好似好多, 不過就無咩特別, 差不多要$150一位就貴啦...

食品一般！服務態度不知所謂！多謝收睇～

同朋友慶祝生日, 十個人去,任食喎~個感覺都ok~食物款式都算多, 又有火鍋, 但係我地冇食到, 不過佢每張枱都放左個用電o個d平底"爐", 令到張枱少左d位. 而我地叫d野食又多, 所以唯有放d食物o係個爐上面...好在我地兩張枱"拍"埋一齊,中間偷到d位, 如果唔係都唔知點算...d壽司舊飯都算大, 上面魚生就切到好薄....不過就幾好食~反而佢就咁一片片魚生就切得唔係咁好...四方柱體咁...天婦羅炸得好食~~好開心~仲有小食,手卷,甜品,通通都唔錯~所以都幾抵食, 款式多, 又幾好食咁~唯一唔好就係d服務態度,真係令人幾火爆, 好在我地多人, 我可以選擇同朋友傾計而唔理佢!

本身覺得.有咩食哎呢d咁既放題,間野又唔靚....我地一行10人。食左好多野,好多都係好好好新鮮!!三文魚{腩真係好食d的}好似唔使錢咁好厚.好新鮮!仲有赤貝,都ok!好多都係細雞野& 熟食就一般啦......150.蚊......我覺得可以食其他野...不過佢呢間野真係唔差既.下次try埋個火煱都ok!!