日之食放題館 (已結業)

朋友話要來哩間,心諗上次去過普普通通,但今次再去真係食到臉都黑埋$138仲要加一,其實都無所謂,辛苦搵埋志在食,但哩間極品,野就真係幾多野俾你選,但.....十張單黎得三張單,其他石沉大海仲要係每十分鐘先上一碟,味就好好味,如果味蕾死晒的話D魚生直頭"鞋'到出面有d仲出埋水,炸野就乾到死同凍冰冰,我相信佢地生前唔係俾油炸,而係活生生係電櫃凍死食到火火地,就隊張單埋黎話lastcall,順手話要俾埋錢,仲問我地仲有冇野未來.....我老友就話好多野叫左都未黎,條友仔就話同我地跟,果然係香港人,效率快到......已經就隊一碟全炸物俾我地,唔好玩啦,都冇叫過,而且仲要俾成四個人份量,點食....轉頭立即叫佢收走,又唔夠一分鐘,成個幾鐘頭前第一轉落單而沒來果d,全部來晒,我真係想問....點樣可以咁神奇,突然間消失係茫茫大海中的落單紙會出返來....係咪因為出便好多人排緊隊而有所幫助.....哩間野做生意的手法..............hahahaha

事件1：等位我地星期三晚七點半去到，佢話兩位要等等我只係問左一句「大概等幾耐」個老細竟然話「我講唔到比你聽個時間嫁播，唔可以講實3分48秒之後有位架」真係慘，只係問下要等幾耐，都立刻比人串到應事件2：盛飲料任飲，不過要自己盛飲料我忘了帶自己的杯出去飲料機，心想拿個新杯用不是太過份吧點知個老細（冇錯，係同一人）竟然話「你自己返位拿杯啦」之後佢竟然講左句令人O大咀的說話「一個新杯10蚊個」事件3：叫野食任食，自己畫紙order每張紙都寫明每次可以點3款野食，但冇講2個人只可以「配給」有限量既食物我地兩個人，寫10隻炸蝦，佢來了4隻第2次，我寫6隻，來兩隻第3次，我又寫6隻，來4隻仲要比我地聽到佢係特登cut左兩隻比後面哥台食客（註：人地有成6個人）跟住我仲要親眼見住個肥仔waiter接完我地張單之後修改點左食物既份量佢仲教個waitress要咁做我忍唔住同個waitress complain佢竟然話「唔關我事架wor」跟住佢叫老細來（冇錯，又係哥個老細）佢竟然可以講「我地係咁架，兩個客就比4隻架」我地即刻話「你張野只係寫明點3款野，冇話兩個客得哥4件野食架wor」佢就發表偉論啦「我地唔知d

熟食唔好食, 生既野又切得厚, 係就係自助任叫, 但質素太差啦.....串燒冇串燒味, 魚又冇魚味....壽司同金井4蚊舊差唔多!!(冇誇張).....絕對唔值呢個價錢, 位位$163(加左一)唯一好既係多野揀, 服務態度ok

o岩o岩過左個星期六同朋友去食飯我地有七個人,安排左去一個閣位自成一閣咁,本來都吾錯(冇俾人忽略左ge感覺)不過隔離個枱人吾知點解會成日坐過黎我地個邊睇波又勁大聲,環境黎講即刻差晒食物方面,叫幾多就真係黎幾多,無漏order不過食左一個炸香蕉吾知咩卷真係難食到嘔其他刺身,壽司同手卷都不過不失啦,切得都幾厚好奇怪第一次食個o個蟹子三文魚手卷係有沙律醬之後叫兩個都變左係豉油...有d怪打邊爐全部生野,煮熟就食得,都吾會難食得去邊不過喱個價錢黎講,我會選擇其他較好ge日式放題

我地係星期日去既..大概7:30去到..但係得2hours食~咁梗係食刺身先喇~我唔係好識分新唔新鮮..不過我覺得好普通~食多2盆都真係飽左一半..跟住叫左個地獄湯底既火煱..1d都唔好食..唯一可以係d爐端燒同天婦羅~跟住等得d野黎都唔夠時間食..又驚食剩比佢+錢~~整体食左好少野咋..又試唔哂d款式~我數得到自己食左d咩囉~!!=_="不過野飲任飲~~而且d staff service都唔差喎~~

去到d 剌身都無咩味中價貨式d壽司飯勁唔新鮮個蛋sushi 又唔知想點有d蔥咁ge物體係鹹的...奇怪到極點食多2盤刺身都膩勒之後叫埋其他野咩打binlo呀串燒呀總之就無樣突出叫野食永遠都唔係個回事無情情係咁拎d我地無叫過的野食過黎食完比錢竟然要成150蚊落樓真係勁過份完全唔值呢個價錢真係....香港做的日本放題食又唔食得你多你又唔係靚貨咁鬼貴谷住度氣上黎提醒其他食客"間野唔難食但絕對唔值咁貴lor"

上星期因為男友想食放題... 所以上左來食飯...等等等... 等左勁耐都未有位...只是見佢是咁放d多人既入去...入面明明有枱... 都唔比我地入...等枱既時候... 見到近門口既枱落order...個男仔比左d單個waiter(光頭的)...佢見到個男仔無寫枱號即刻比返個男仔... 叫佢自己寫返...個男仔同佢講"sorry"...之後個光頭佬仲要大大聲咁話"唔洗sorry, 不過我是唔會同你寫既!"嘩嘩嘩!!!!!!!!!咩態度呀! 無比加一呀依家?!(因為佢枱枱客入去之前都會大大聲咁講"收費$138一位, 另加一服務費!)等左45mins... 終於有位...野食算來得快... 但質數麻麻地囉!魚生都唔是好新鮮... 之前個橙汁先生都無溝水...今次仲溝埋水添...食食下... 己經見隔離枱催左幾次野食...但等左好耐都未到...依個時候光頭佬來催佢地埋單... 話出面好多客等緊...佢地同光頭佬講話有d野好耐都未來...之後光頭佬即刻話佢地"又唔一早同我地講, 依家夠鐘先講! 嗱,今次就算~你地欠咩呀?" 先幫佢地再落單...我聽到佢地都話下次唔會再來!食完埋單... $

上星期六我哋3個人去食啦!!見咁多人等位都是旦啦!!太攰唔想再行過咗around 45 mins之後就問佢仲有幾多張枱佢話下一張三人枱到我哋但之後我哋係足足等多45mins先有得食條氣最唔順係佢竟然俾哂D枱俾多人嗰D先喎!!!分明歧視我哋3個人去食ja~遲過我哋嚟D 4個人已經差唔多入哂去我哋都仲等緊，離哂大譜ka!!我哋問佢佢仲要大大聲聲答我哋話....「人哋多你哋一個人，Buffet嚟ka ma!!緊係俾佢哋先啦!!」嘩!!呢D咩道理呀??D態度仲要差到爆喎!!!以前佢哋無咁多人幫襯嗰時都唔係咁差ge恃住生意好D就囂到死!!!我同班fds都唔會再幫襯佢囉!!!俾$$佢賺都仲要受佢氣本來好開心嘅心情都俾佢破壞哂!!真係掃興呀!!

琴晚同個朋友慶祝生日~諗住約麻幾個朋友一齊開開心心去食飯~咁我地諗住去呢間日之食食晚飯la~一坐落黎我d朋友就點野食la~我地第一round就叫多小小刺生~個個男服務員，應該可能係老闆~佢d態度好鬼差~佢話唔同以叫得太多~仲話每人只可叫每款兩件~我地4個人，即係每款只可叫8件~係唔係太過份呀~咁仲算係自助~咁都算la~我地叫其他野食囉~點知d野黎都唔黎下喎~吹左幾次單都未黎呀~等左成45分鍾d野先慢慢黎~~黎到D野又凍晒~又唔好食~D刺生又少又冇味，劍魚腩甚至係岩岩雪櫃羅出黎~食到火都黎麻~~D價錢又唔係平~仲要吹人買單呀~~最後4個人食左6百幾蚊，仲要食到一肚火呀~~

星期二晚上8點幾去.入去前已經知道百三一位,其實日本野任食都算係平嫁啦...入到去..就覺得入便好大油煙咁,好嘈,個環境好唔舒服...不過我地7個人去食,佢地就比左個9-10人位我地,所以都坐得幾鬆動。一坐低佢就講定有限時,幾點前要走...之後落單啦,問佢呢到有冇雪糕啦,佢竟然笑笑口答我:「有,街邊7仔大把!」哇!佢冇野嘛?我唔覺得好笑囉,冇雪糕咪答冇囉.唔使曲線得咁誇張下嘛?真係虧佢講得出口...叫左D魚生,質素中下.軟殼蟹勁咸,D揚物感覺似煎壤三寶.個煎餅定薄餅都麻麻地..甜品..真係..好特別..普通人..唔會咁容易中意唯一滿意係有得任飲果汁先生(應該係掛?總之鮮橙汁)

可能因為早(8點前去到)，好快就有位。平時可能等成個鐘都冇位。價錢真係唔係抵，當然啦，同附近既另一間日本自助餐\比，價錢係平一大截既。但係佢\真係\"完全自助\" === 冇人幫助咁囉！(太多人太忙勒，地方又細又唔夠位)但係，佢\d食物都幾齊，我哋5個人點20件三文魚壽司同12件鰻魚壽司都到齊，冇話漏單或少咁幾樣。(其實都唔係好肯定，不過就算係漏都應該唔多囉！)而且都nice既，但係就真係太多人and唔夠人手囉！

前日同朋友第一次去食,因為有朋友介紹話唔錯,去到,地方已經覺得mama地,魚生總共order左4次,黎得果兩次,仲要細塊都唔細塊,壽司就算ok,可接受!一提個火鍋就火都黎,不如直接去火鍋店仲好!兩個人埋單$340,總括黎講比盡只值$60-80位!把鬼!!!!!!唔會有下次!!!!!!!P.S. 有個男人應該係老闆,態度認真mama,最好態度笑曬口就係你叫埋單!!!

上次同幾個同學一齊去果間野慶祝生日啦,野食都ok ga,不過個老闆(光頭佬)真係好煩,係咁走黎撩我地果枱d女仔(係only撩女仔)。跟住我望下隔壁幾枱都係全女班,仲要枱枱個老闆都識ga,佢地入黎會自動去搵左個老闆先去搵位坐。雖然作為男性顧客來說,那裏的環境是非常好,不過呢個唔知算唔算賣點...

我同三個朋友琴晚去左食,一去到就有位,ｄ電視四圍都係,唔怕會悶,好熱鬧.ｄ食物係用紙tick既,都好多款.係半自助餐咁啦,任食任tuck咁,重有火煱都係.我地叫左個"面屎"湯底,好濃好好好好味!我差唔多飲左成鍋(真係有咁多!),之後我地主要都係叫sushi同sashimi同手卷之類,我樣樣都好鍾意,但係最鍾意就係個牛肉薄燒,我本身好少食油淋淋野但都覺得好好味!Overall我覺得絕對去得過!但係(唔知好笑要好嬲)我地叫得太多sushi,佢走過唻問我地係唔係真係會食得哂,但佢態度都好好,唔想浪費都係人之常情既!

個男服務員,應該可能係老闆timd服務態度差到暈,成日口黑面黑我地成6個大男人,叫多dd三文魚點知落單時俾個男服務員串我地食唔晒叫我地食完先好再叫,我地即時O晒咀果到幾十件,3分鐘內都食晒啦跟住第二round時遲遲都唔黎,響到hold單都唔知係咪玩針對,吹極都唔黎火起上黎叫火wor d野黎食點知火wor就鬼死咁快黎到wor但兩個湯底都唔係我地叫果個我地費事等就是旦要左佢d肉呀,飽肚野就黎得好快,仲要好多...d魚生就黎都唔黎下,仲要得果三四片...無錢,古寒咪鬼學人開鋪做生意啦...唔會再去,食完一肚火!!