日之食放題館 (已結業)

假期, 唔知去邊處搵食好, 上open rice睇下囉. 不過好奇怪, 其中一間去過既日之食, 超多劣評. 心想, 無去一排啫; 唔系差成咁掛! 去日之食都超過6次. 因為旺角系各方好友落腳中間點. 既然寫到咁差, 未約埋D friend去多次, 睇下系唔系差成咁. 因為D 劣評無放相; 都要親自求證下.7點去到, 入坐率8成幾. 朋友未齊, 叫左D小食呀, 串燒咁, 食住等. OK喎, 叫左8款; 等左唔到10分鐘, 齊晒. 等到D friend齊晒, 就狂叫左魚生, 手卷, 仲有天婦羅.....總之就入左好多張單啦. 仲以為會比人鬧; 點之, 又無喎 , 個服務員仲好有禮貌講左句多謝添. 到8點, 已經爆晒埸. 日之食即系日之食. 總人一批死心塌地既fans. 食物好快就黎齊, 魚生好新鮮, 天婦羅炸得好好食. 鹽燒雞翼好入味. 飲品總類又多.一大班人, 柴娃娃食左幾粒鐘, 食埋甜品, 食到個個飽到上心口. 百零蚊位, 的確系好選擇. 下個月有friend生日, 一定會再黎, 仲會影埋相比大家分享添. (因為今次掛住食, 唔記得影)

事原尋日小弟就係0係呢間食肆食飯...咁好正常就入紙仔叫刺身,燒物...之如此類,咁第一次差唔太食哂,咁我地就入過第2張紙喇..咁就入左大15分鐘左右都未黎,咁我就同個侍應講...成個場得一個高高大大既男人,我見佢成日打電腦既...應該係高級少少..佢就同我講,因為我張枱上仲有刺身,所以廚房就唔會出住..,佢咁講之後我心諗都0岩既..唔好浪費哂D野...咁我就食哂剩底既刺身...跟住黎第2碟..當第2碟我係食哂先入紙,咁就等等等...足3個字都未出到,咁我就叫第2個侍應幫我跟跟..如是者又個左3個字..咁我就叫番高高大大既男人講...咁我話你又話食哂先出??但係我食哂仲叫個侍應跟進,成廿幾三十分鐘都未黎,你可唔可以幫我跟跟..佢諗都唔諗就答我,"呢度唔係得你一台客,係要排住排住出".(佢指手劃腳咁態度唔多好咁,好似好忙咁成實尋日係星期一,而係食肆入面,我敢寫包單唔會超過15張枱係有客,仲要係我地算係大枱坐5個係有一張多過得我地).我就話真係成30分鐘喎,佢又講0個句"我呢度唔係得你一台客",咁我話你如果坐滿哂,咁咪要等仲耐?你好唔好生意唔關我事喎..??我講都未講哂,佢就轉個頭走..一

朋友約我食飯，他們已決定去日之食，咁我都係順便上黎睇，唔睇由自可，一睇笑呵呵，劣潮如評.......不過既然佢地決定左，好唔好食都試下啦，志在相聚，任食的魚生我是興趣不高 (生野始終 prefer 質素較佳之地方)就算唔好食都可以睇下點唔好法，呃你都係一次o者星期二晚，全場都冇爆到可能自己去得已冇乜要求 (比你睇完評語都唔會期望吧)全場四個方位都有電視，呢個的確幾好食物方面：大部份都 OK，上菜速度都快，聽朋友講劍魚唔係太新鮮 (其他刺身則沒問題)，我試左味噌雞翼就唔好食反而鹽燒雞翼條 (雞翼斬開兩邊) 就好好食 ，鹽燒蝦都 OK 而果晚有張特別紙仔有雞泡魚干，即叫黎食，又好好食服務方面：其他人講到好差，咁當晚就唔好差，一般啦 (可能我好彩)火鍋加水亦快手漏單情況：食開 cheap D (指質素) 既 buffet 都知實有漏單情況，但佢就不算嚴重最搞笑係 double 左成碟野 可能係平日人少D吧，建議唔好假日去了總括是不過不失

睇到個招牌以為好抵,點知坐落先知道搵笨,冇咩野食,坐又坐得唔舒服,d野食落左好樣有好多都冇黎,d待應掛住傾計冇人做野,服務態度差到絕頂,都唔知有冇睇劉德華廣告,食到火都黎埋呀,d壽司又細個,又整得唔夠實,都唔知咩日本餐廳,從來都未食過甘難既野,甘就食左$三百幾蚊,成肚火,下次咪洗我黎呀,你食蕉

星期日一行三人初試呢間餐廳,坐落剔左d串燒,刺身,卷物,炒雜菜...開波,逐樣評!1.) 串燒: 一串五至六舊肉,有醬汁o既都尚可; 聲稱係鹽燒o既,無鹽好淡不特止,仲要大約得1/3係無燒燶2.) 刺身, 得三文魚同甜蝦食得下, 碟八爪魚腳似俾水浸到甩晒色,見到唔開胃, 食落有怪味!3.) 卷物, 不知所謂! 唔該唔好話自己係日本野囉! d米唔係日本米不在話下, 仲要連壽司醋都無落! 不如我去叫個白飯扒入口好過啦! 無叫過蛋卷同蟹柳卷就黎左六件,叫左個芒果蝦卷,有一粒疑似炸蝦喺裡面, 但點搵都搵唔到芒果囉! 呑拿魚蓉卷,完全無味可言,結果黎左18件,我地都食左13件,剩番5件...4.)炒雜菜, 咸到升天...5.)任飲飲料, 除左汽水啤酒之外,全部都溝水溝到淡晒,建議飲水好過!本來出黎食飯,食呢d百幾蚊任食日本放題,都預左d野唔會有幾好食,總之食得開心坐得舒服唔好食到肚柯就算,點知呢度唔單止食物唔掂, d服務更加唔掂! 有D侍應行開行埋都喺背後話d客麻煩,又話人催佢地, 又Li又路, 我覺得佢地做服務性行業, 咁o既心態做野,十分唔專業,不如轉行啦!(如果你地咁都轉到o既話!)伙記咁

野食差就唔使講, 元綠都好食過佢叫左野又成世都唔黎, 主菜同前菜一齊叫, d 主菜都食晒 前菜就一碟都冇最快果d 刺身都要等成3 4個字先有得食黎又黎唔足, 3個人寫9塊刺身, 佢就黎得3塊, 寫6塊佢又係黎3塊 寫3塊佢又係黎3塊冇叫既野又係咁黎 唔知係佢搵錯單定搵我地笨食淨3件壽司, 俾個光頭佬見到, 就係咁話我地浪費晒佢d食物喂, 真係好難食叫人點食d利賓立又溝水, d果汁先生又溝水, 溝到d 味不論不類咁就叫任飲任食服務 = 0 又唔係爆場, d 碟堆到9層樓都冇人收, 仲好意思收人+1呢間野以前都唔係咁, 越做越差唯一好處就係電視機夠多, 想睇電視就去食啦

同朋友聚會吃個便飯, 未試過試下啦......- 叫 10 樣黎 6,7 樣- 燒物燶到苦- 小食鹹到震- 八爪魚腳刺生 d 味好怪, 肯定浸左勁耐水, 不但冇味咬落去仲 "即" 返d水出黎- 卷物成舊冇落醋的飯入面, d 餡少到喊點食落口呀, 同左侍應講, 冇人理我地又唔收野, 我地已經成台疊滿唒吉碟.....仲聽到幾個侍應做到係咁 講 粗 口 !!!!!!!!我地唯有再叫野食, 穩陣起見我地叫返食過果 d 覺得 ok 的........... 個 4 眼呀叔唔知係咪經理定老闆 勁 大 聲 話我地食唔唒要罰錢, 大聲到周圍 d 人都望唒過黎以為我有野咁, 我同返佢講已經同侍應講左呢 d 食物的情況, 但冇人理過我!!!!!!!!跟 住 佢 話 我 張 order 唔 比 我 叫 咁 多 野 食 (9件salmon2件tuna6件shrimp), 佢 好 串 話 " 你 話 我 d 野 食 有 問 題 呀 嘛, 最 多 只 可 以 比 幾 件 你 試, 食 完 再 落 ord

昨天我們一行四人到此, 食物一般, 要$11X再加1 巳經是一般, 最勞氣是佢d 服務態度. 我地叫左10件壽司, 要等左 1 hr 都未有, 當然我們中間不斷問有未, 但佢地回覆是要好耐架.. 終於有一個阿姐行過來同我地講, 你張單唔見左, 之後緊係立刻再叫.... 之後... 不愉快事情出現.. 佢個度有位經理, 佢一定唔係d 經過唔理個d 人. 佢見我地 d 壽司食剩 4件 飯. 佢即刻行過來, 大大聲聲恐嚇我地, 我地女子來架ma.... 咁惡..佢同我地講.. 我地呢度唔可以浪費食物.. 我地要你地罰鍰.. 不過今次算數.. 下次一定唔可以.. 勁惡架.. 佢地d 態度.. 只是 4件壽司 飯, 但我地見其他人都有食剩好多.. 一定比我地多.. 佢都冇咁大聲話我地... 一定要Black List

呢間日之食, 聽人講話食過ok 咪去食下囉, 點知一坐低一陣, 就大有問題存在啦!點解我寫左單, 等左成20分鐘先黎野食既? 點解我寫10樣先黎得2樣既?點解D汽水唔凍既? 點解來來去去都係黎刺身既? 點解食一餐都會有咁多疑問既?其實, 呢兩個鐘頭裏面, 都已經心知不妙了, 一路落柯打紙, 一路等, 都唔知等乜?寫完一次又一次, 但來來去去都係黎刺身....攪到我成晚食刺身食飽啦, 邊係任食呢?落天婦羅唔見黎, 鐵板燒唔見黎, 又話有好多野食, 但....成晚都係食刺身......唔如果係食刺身既話, 咁又使乜去呢度食喎!汽水又唔凍, D刺身蝦又梅, 天婦羅又無左影..... 咪搵個人黎問下囉.....問點解無野黎....咁佢咪去 CHECK 單囉, CHECK完又話無收過....成晚我已經不停落單架啦.....邊會無喎....分明掉晒啦......唉, 都未試過去一間咁差既食店呀.....本來開始都唔想入去, 但朋友話OK咪去囉....事後, 當然話個朋友啦.....咁差既都叫我去, 價錢又唔係平喎, 服務又差, 食物又差.....早之咁様, 去M記應該會開心好多呀.....唔使攪到

咁尋日生日就同4個朋友一共5個人去左呢間度食啦..見11X一位都覺得差唔多所以就入去啦..可惜..味道..好一般..淨係得三文魚好d...環境..我地張枱ok o既..服務好唔得..有個Waitress "Hi"我地問我地係咪要野..呆左衛生..上碟的..好似冇乜特別野..又冇見到昆蟲..抵食..超唔抵..唔會再去其實最重要係佢的野都係黎唔齊..而且黎得都幾慢..我試過Parttime做飲食業都知係要時間等有時真係但呢間真係等得耐之餘的野又唔齊..但值得一讚的就係佢個環境都唔錯~衛生見到又OK乾淨喎!!!所以都不是太差

唔係同學們是但book左呢間日式自助餐食野,我都唔會黎呢度食黎日之食前我已睇過o的食評,已經有定心理準備,希望有返少少意外驚喜誰知比想像中更差!!huffy:魚生新鮮度真係一般, 除左三文魚睇落新鮮少少之外,其他一律都唔掂Order速度真係一般,但係次次黎都少得可憐,叫左20件甜蝦,黎多3件,我唔係睇錯名數係講20節下話,20節都冇咁少,我地唔係多人食都唔叫咁多啦自己喜歡食鯖魚,叫左兩件燒鯖魚刺身,完全冇諗過咁腥態度極差,岩岩遞左落單紙,個侍應問我係咪唔想食XX,XX,XX,我覺得好奇怪,我唔想食我就唔叫LA,後來先知冇寫枱號...第一次黎食我唔知要寫,唔出奇下話,頂多叫我下次記得寫,幫我寫埋哂你幾時間呀,又駛唔駛咁串呢~落左n次單,間唔中先黎一次野食,最搞笑係有人同我地講我地就黎夠鐘,問我地有冇Last Order,我叫左咁多次Order都未黎呀...我地最後落左一次Last Order,到最後俾$$都未黎汽水/橙汁不置評,如果連呢兩樣都話差,我好懷疑我係咪味覺有問題.總括黎講,未黎過真係唔好黎,黎左一次永遠都唔好再黎,$170一餐?你俾$50食一次buffet都唔好再黎

里間日之食真係揾笨囉!!!order 食物, 半個鐘先黎一次,又成日漏單,咁好快就過左兩個鐘!!! 佢就催埋單!!!係咪痴線架!!!order 軟x 蟹手卷,哈哈,好細舊蟹,冇沙律醬亦冇其他醬汁,仲要係,舊軟x蟹係凍既,好似係隔夜咁!!!打邊爐方面!!! 佢既蕃茄薯仔豬骨湯底!!!!頂!!!佢就咁攞d 滾水溝埋幾粒蕃茄,兩粒薯仔,幾夠豆腐同埋茄膏就話係湯底喎!!! o個d 蕃茄同薯仔仲要係切到細細粒咁d 人既服務態度差到死食左少少唔食,就問你點解唔食,好簡單者,因為難食呀麻!!!!未去過千祈唔好去,去過既就以後都唔好去!!!

上星期有晚同個同事打算食宵夜, 本來去雅蘭間一壽司, 但去到見到好多人等位, 所以就打算再搵第二間啦, 點知行行o下見到呢間放題, 見佢都係百幾蚊一位就上去啦.坐低點左少少野然後就搵部手機上openrice睇睇呢間有無乜野招牌菜啦, 結果見到10對40先至知道中左招. 睇到有網友話叫十樣黎兩樣, 所我即刻加單狂剔啦, 如果唔係想飽都幾難.先講環境, 裝修一般啦, 但係唔知點解成間野都有陣 "酸縮" 味, 等左20分鍾左右先至開始有野送黎 (速度快到呢...) 一黎就係十幾件壽司, 刀工好呀, 切到好薄, 尤其係赤貝呀, 連個飯面都遮唔曬. 食落去首先覺得奇怪o既係d豉油點解酸o既? 我以為係因為d壽司飯有醋所致啦, 所以咪飲啖水就咁點d豉油試咯, 都係酸架!!! 講返d魚生, 我未試過食魚生係無魚生味, 只有豉油同wasabi味. 到熟食啦, 凍 + 硬 + 無肉汁.到唔記得第二定第三位有手捲到左, 個waitress講左句好特別o既說話: "手卷要食曬先至可以加單" 真係O曬咀!!!埋單每位$163, 貼士都無俾, 因為俾唔落手, 會唔會再去?? 一定唔會!! 請都唔去!!!!

呢晚朋友想食日本野~ 又唔想等就上左呢間食任食2個鍾好似好抵,,,,,,點知中晒招.....首先10個坐張台鬼咁細....迫到乜咁...明明坐低10點張單又落9:50.....好喇寫完紙仔去拎野飲.....d汽水, 橙汁淡得驚人......比完紙仔d waiter等左成4個字先有d魚生上....平均都上得勁慢, 又成日漏單....d waiter態度又唔得, 上菜下下大大力, 十問九唔應...野食亦十分麻麻, 不過任食就冇期望咁多.....唉......咁既食肆真係"祝佢好運"喇.....

最正的係炸蝦天婦羅、芝士火炙三文魚壽司、燒牛仔骨其餘的很一般，沒有特別本對燒雞胸軟骨同理牛油粟米有期望，因上次食過好食，但這次很失望，不好吃我覺得唔太抵，不如食板前的$3三文魚壽司好過