日山 (新城市廣場一期) (已結業)

一次過送來三款前菜，侍應生建議要依次序吃。首先吃酸梅啫喱，酸酸甜甜很開胃。之後再吃肉碎芋圓，肉碎味道正常，芋圓煙韌。最後才吃鴨肝蒸蛋，鴨肝惹味，蛋滑味香。北海道海膽雜錦魚生飯398元，賣相美麗，海膽、魷魚和各款魚生均新鮮美味，當中最美味是海膽。海鱸魚西京燒308元，外層被烤得香口，內層肉嫩，沙律菜新鮮，醬汁酸甜。燒A5和牛扒伴日式介芥末酸汁438元，和牛外層香口，內層半熟肉多汁，入口即溶，很美味。

日山沙田店係佢哋喺香港嘅第一間分店。今日特地來試一試呢間過江龍嘅質素。是次係週末午膳時間，我哋唔使等位嘅情況下即刻入到去。第一眼覺得 樓面人數足夠，而衛生情況亦都非常好。午膳menu有唔少選擇，我哋嗌咗刺身飯，同埋鰻魚飯。午市套餐亦附上面豉湯、沙律 同茶杯蒸作為前菜。除左沙律份量比較少，前菜質素不過不失。至於主菜方面略嫌失望。首先刺身飯嘅種類雖多，但刺身欠缺鮮味。而鰻魚飯問題更大，飯偏冷，感覺上主菜比前菜略為遜色。最後埋單要接近400蚊，性價比相對低，喺沙田應該有更好選擇。